قربت الطيارة تقلع و مراد جا جلس حدا سارة وحداه مروان شي ماحامل شي كايتسناو غير امتى يفرسو بعضياتهم ..قلعت الطيارة و سارة تكات على كتف مراد ونعست و مروان مقابلها كايتغدد غير بوحدو و ريهام كاتفمز فيه باش يبرد و ماينوضهاش ف الطيارة استغفر الله و غمض عينيه ونعس
عند نوح لي يلاه فايق كايتكسل سرح يدو وهو يلقا حداه ايلينا ناعسة دور عينو ف البيت و هو يضرب على جبهتو ..جلس كايتفكر اشنو طرا و كيفاش صرا لو حتى وصل هنا ..تفكر مني خرج من عند باه صاعر ان ويليام خبرو بلي كاين مشا زدنها شراب وتوجه لفيلا ديالو بقا تايعرعر و يسب وويليام كايتفرج فيه ويضحك ...بقاهاكاك حيط يلوحو لحيط مع شبع سكرة حتا نزلاتو عندو ايلينا : نوح براكة من الشوهة راه بابا ماكاينش
نوح؛ وصوتو تقيييل بالشراب: والله حتى ندبحو..مشا موصلها لواليد .باغي يلوي ليا يدي والله لا كانت ليه
ايلينا؛ غير تهظن حتى واحد ما ايلوي لك يدك ياك باغيني نطيحو صافي انطيحو...نوض نوض معيا تغسل ونتا حالتك عامر دمايات وزايدها شراب
نوح: دفعها : وقودي بعدي مني نتي سباب هاد للمشاكل كاملة
ايلينا: شاده معاه الخاطر: اييه انا سبب المشاكل غير وقف
وقفاتو بزز وهو كايتمايل حتى دخلاتو للفيلا و عةناتو يطلع لبيتها بلا مايغسل ناوالو تلاح فوق الناموسية ونعس
خرجت هي عند باها لي جالس و السيكار ف يد و الكاس ف يد : نعس
ايلينا: اه نعس .وخا مافهمتش علاش دخلتيه ونتا كاتكرهو
وليام:تو تو واش كاين شي واحد يكره نسيبو المستقبلي واب حفايدو وظابا اطلعي ديري لي قلت لك
ايلينا؛ لاااا راه لا مشا حتى لا عرفها نوح يصفيها ليا
ناض لها وليام وجرها من شعرها حتى سمعات الجظورة طرطقو : انا لي انصفيها لك الا مادرتيش اش قلت لك ودابا زيدي قدامي
طلعها للبيت ودفعها باش تنعس حدا نوح وتعنقو كانهم جوج العشاق و لياه هز يد نوح وحطها على كرش ايلينا وصورهم هاد الضورة لي صيفط ل ريهام ..والحمار ديال نوح مافخبارو مايتعاود
مسح على وجهو واستغفر الله بان ليه بورطابلو فوق للكومود وهزو بغا يشوف لساعة لقا ليزابيل من باه و مو و خالو و شي وحدين من سارة ولقا 2 مسجات واتساب دخل ليههم وشاف شكون مسيفطهم شاف فالاول الفيديو ديالو وبدا ت تاطلع معاه الصهدة و يديه كايترعدو عينيه حمارو وكلمة كايردظها بدون شعور: انا مابقيتش هاكا
شاف الصورة ديالو وقرا المسج وزاد تجنن لاح التلفون وشد الينا من شعرها لي مسكيتة باقا ناعسة : تكعظي يا القحبة ضحكي عليا يابنت الكلبة
اسلينا؛ ليماعارفة باش تبلات: اويلي مالك وطلق راك وعتيني
نوح: هز يدو وعطاها : ااااش بيني وبينك حتى تصيفطي تصاوري ل مرتي
الينا: وللله ما انا راه بابا ..عافك طلقني
نوح: مدوريني بيناتكم وخااااا
شدها مسكينة وكلها لها عصا فين ماوالاه يضرب وكايدوز بين عينيه كاع المشاكل لي دازت فهاد اليومين ناوقف من الضرب حتى شاف الدم هابط مع فخادها هزها بين يديه وتايحاول يفيقها ووالو هي مغيبة دور بعينيه على كونطاك ديال طوموبيلتها هزو و ركبها و داها للسبيطار لي ناعس فيه باه
دخلها وهو تايفوت شافو ه الفرمليات شدوها منو ودخلوها للغرفة باش الطبيب يشوفها ..خالو جايك لي يلاه جاي شاف نوح تايمشي و يجي و خايف تخلع يصحاب طرات شي حاجة لمحمد حتى وصل عندو و عرف لي كاين ..سولو جايك: ودابا اشنو ادير
يلاه ايجاوبو وهو يخرج الطبيب وطمنو على حالتها
.دخلة لغرفة لقاها مازاال ناعسة
الطبيب:الحمد للله قدرنا نوقفو النزيف ولكن خاصها الراحة وتبعد على الصداع ..زاءد شكون دارها فيها هاد لحالة
نوح: كاتجيها الدوخة وطاحت من الدروج. دبا واش البيبي مزيان مفيه والو
الطبيب: مزيان . واش بغيتي تشوفو
نوح: اه الا كان ممكن
الطبيب قاد ليكوغرافي و يدا تايوريه ليه قدو قد الحمصة مازال صغيور نوح تايشوف وتايتبسم بدون شعور ودمعة ف عينو ..الطبيب دار له دقات لقلب و سمعهم نوح وبدا تايضحك : ههههه دابا هادا ولدي انا
الطبيب؛ ههه مازال الحال باش نعرفوه ولد ولا بنت
نوح: عندي احساس انه ولد
ايلينا لي كانت فايقة و كاتسمع الحوار ودخلات: عافاك ادكتور امتا ممكن نجي باش نطيحو
الطببب يلاه ايجاوبها وهو يهدر نوح: ولدي مااطيحيهش
ايلينا: ياك نتا لي طلبتي هادشي
نوح: كنت طلبت و دابا ولدي مايطيحش ونعرفك درتي ليه شي حاجة ندمك .
خرج وخلاها لقا جايك مازال كايتسناه : انخلي الولد
جايك: وباك و ريهام
نوح: ريهام انمشي ظابا نتفاهم معاها على هاداك المسج ولواليد انقوله انا رابطني بيها غير الولد غير تولد الله يعاونها
جايك؛ ربجتيييها بالمزيان
نوح: يلاه يلاه نطلو على لواليد
مشاو بجوج و دخلة لغرفة عندو لقاوه جالس ووجهو حسن من الاول شاف ف نوح و دور وجهو مشا عندو باس ليه راسو: عارف راسي مادرت فيها مايصلح ولكن هادشي كتاب .انا مستعد نطلب السماحة من ريهام الى يوم الدين .وايلينا انخليها تولد وناخد لولد والله يعاونا وييعاونها
محمد؛ سمع انوح بني ادم خطاء .ونتا غلطتي ماشي تصحح غلط ب غلط ..ريهام نساها تزوجتو و ماسهلش الله تكملو .انا اولدي كبرت ماباغيش على اخر يامي نشري العداوة مع خويا ومي ..طلقها و خلينا نرتاحو يقولو ماتفاهموش وكل واخد يشوف طريقو ولا تكبر للقضية وكلشي يعرف للموضوع .اما ايلينا ماعندها دنبها الوخيد بغاتك وحاملة منك وانا مانرضاش علا ولد ولدي يكون ولد الحرام تزوج بها بينما ولدات وقيد الولد بسميتك وهاديك الساعة لابغبتي تفارقو تفارقو ..راه قلت لك حارزين عليك عائلتي حيت غدا ولا بعد و اتم جايب عندهم ولدك اول كلمة ايقولو هي ولد الخرام ولد الزنا .فكر ف كلامي مزيان
نوح: اوك انا انمشي نشوف ريهام ونرجع
يلاه تمشا و هو يهظر محمد: ريهام مشات بحالها رجعات للمغرب
نوح مادارش عند باه بقا واقف مدة وخرج ..مشا نيشان لدارو هو وريهام دخل لبيتهم وبدا تايجبد الحوايج ديااها لي خلات ويشم ف ريحتها ..تلاح فوق للناموسية وعطاها للبكا ..صافي سالينا اريهام هادي هي نهايتنا ....مانستاهلكش ...سمحي ليا بزاف ..بغيتك وعمري نساك ...بقا هاكاك حتى داتو عينو بين حوايجها
نبيل : مروان عيط على الدراري يوجدو الحوالة
مروان: كن هاني كلشي واجد
نبيل : عيطتي ل ينيس ؟ امدرا لاخرة راسها مازال قاسح ماباغاش تحضر ل سبوع ولدي ؟
مروان: رخف عليها ا نبيل نتا عارف ماداز عليها وخا توحشتها مي هي ماباغا تشوف حد كاتقولك انا براكه عليا معايا سارة و ينيس
نبيل: وقووول توحشتي سارة العود
مروان: نكدب عليك الا قلت لك لا توحشتها بزاف عرفتي عينيا بحالا كانو مسدودين و ف غمضة عين تحلو.ولكن الراجل كلمة قلت لهم طلاق ختي يوصلها نطلق سارة وفعلا نوح ماعطلهاش
نبيل ؛ دازت دابا 5 شهور وحتى واحد ماعارف علاش طلقو و هي حلفات لا هدرت ..حتى محمد عمي تايقولك ماكملش ليهم الله.
مروان: اودي على الحالة لي شفتها فيها من الاحسن يتفرقو .اللهم ينيس ولا نوح ينيس من زمان تايبغيها وهما مكتابين لبعضياتهم هاهي حتى تزوجت وطلقت عاد تزوجها
نبيل : وخا انا مافهمتش كيفاش دارو للعدة نوغمالمو خاصها حتى تكمل عدتها عاد تزوج وهي ف شهرها التاني من طلاقها تزوجت ينيس
مروان: اييوا زيدك هادي قالت لك راه كتر من 3 شهور وهو رامي عليها يمين لطلاق وعيشين بخال الخوت .اودي كانتفكر موضو عها كانمرض ..الله يدير تاويل الخير للجميع
ف اكادير ف الدار ديال ينيس ريهام متكية فووق الناموسية و جالسة كاتاكل ف حب الملوك وسارة لبي داخلة كي الرعدة : وااااانوو ضي ا زمرة شحفتيييني
ريهام: شوفي اديك العودة لا صحيتي والفقيه نفعك ماتبورديش عليا انا ماغاداش
سارة: هئ هئ يا الخانزة وتخلي خبيبتك سااااارة تمشي ل سبوع خوك بوحدها وهي صارلها 5 شهوور ماشفت البشر وبااخص وجه موووكة تشفا فيا ليوما تقوليا جاية بوحدها
ريهام: واااااااااابااااااااز ياختي ها ينيس و خالتي ايمشيو معاك وزيد عليهم حبيب القلب مراد
سارة: وااااااا تي نوووووضي انا ماباغش هادو ...شوفي غير اتنوضي ولا ناكل لمك حب للملوك كلو لي ف التلاجة
ريهام: 😭😭😭 كاتبكي وتنخصص ولله وتقربي ليه اسارة حتى نتخاصم معاك
ينيس دخل ولقا ريهام كاتبكي : مالك ريهام علاش كاتبكي
ريهام؛ هئ هئ اتاخد ليا حب الملوك ديالي
سارة: واااااااهوو وو المجوعفة ..هانتا اينيس قلت لها يلاه معانا للسبوع ولا ناكلو لك
ينيس: عنق ريهام وباس لها راسها : ماكاينش لي يقلق حبيبتي بغيتي غير حب الملوك نجيبوه لك علة انا شحاال عندي منك ومن بنوتنا البوكوصة ..هبط لكرشها باسها و ريهام وجها ولا حمر ااما سارة ف خرجات بهدوء وخلاتهم
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
