وليا معاه حكاية

Part 44

قصة..(وليا معـــــــــــــاه حكـــــــــــايه)

راح علطول عند الفاظة ولقي كارت تاني مكتوب عليه ( حبيبه كانت مخبيه الهديه هنا بعد كدا قالت المكان دا مش حلو وخدا وودا

المطبخ(
طبعا حسام مش فاهم حاجه وكل شويا يبص لحبيبه
وراح علي المطبخ لقي كارت علي طربيزة المطبخ مكتوب عليه ( يا خسارة انا كمان لما جت عندي رجعت خدا وقالت انا لازم
اشوف مكان عالي يليق بحبيبي سمسم وودا فوق التلاجه روح وان شاء االله نتقابل مرة تانيه (
وفي اللحظة دي حسام قاعد يفكر ويبص لحبيبه وبيقول يا تري ايه الهدية دي جاب الكارت اللي فوق التلاجه وقرأة ( هو اكيد
مقامك عالي عند بيبه بس هي قالت تحطلك الهديه في الفريزر عشان تفرح بيها وهي باردة(
وبعد ما فتح الفريزر جاب الكارت ( ياربي تلجت معنتش قادر كل حروفي اتجمدت باالله عليك وديني تحت البطانيه هموت من البرد )
بصلها وهو بيضحك :يبنتي هبلتيني انا بجد قربت اصدق ان الكروت بتكلمني..
حبيبه: كمل مش هتخسر حاجه..
وراح الاوضه لقي علي السرير كارت كمان ( بجد بجد دي اخر مرة افتح الدولاب هتلاقي الهديه مستنياك بتمنالكو حياة سعيدة .. (
راح فتح الدولاب وحبيبه وراة لقي علبة هدايا
فتحها لقاها فاضيه بس جواها كارت ساعتها كان هيجري وراها يضرا بس قرر يقرا الكارت ( بصراحة مش عارف اقولك ايه كل
اللي هقولة انك مش هتقدر تاخد الهديه اللي انا جيبهالك قبل....
9شهووووووور .. (
حسام مسك الكارت وفضل موسبهل وبص لحبيبه
قعدت تتنطط وتضحك وقالتله وهي مبسوطة : انا حااااااااااامل ..
بعد مافاق من صدمته : دا مش مقلب من مقالبك صح..
لا واالله بجد انا حامل..
شالها وقعد يدور بيها في الاوضه كلها : انا مكنتش متصور اني هفرح للدرجادي ياربي الحمد الله
الحمد الله..
انا مبسوطة اوي يا حسام عشان انت فرحان..

ودي حاجه مفرحش عليها برضو انا
انا
انا مش قادر اتكلم خالص..
متقولش حاجه يا حبيبي انا حسا بيك لان عندي نفس الاحساس دلوقت
ياه يا حسام هيبقي عندنا بيبي واحنا الاتنين نربيه
ونعلمة ونكبرة ونديلة مصروف ونعيد معاه شريط طفولتنا تاني
والاحسن من كدا احساسي وانا بحط ايدي علي بطني ياربي
بجد سبحان االله حاجه حلوة اوووي مش متخيله ان في بني ادم جوايا وهيبقي من دمي وجسمي هات ايدك اوريك..
لا اخاف..
تخاف من ايه يا عبيط هات ايدك بس..
وقعدو علي السرير وحطو اديهم علي بطنها..
حسام: انا مش سامع حاجه يا حبيبه..
مهو مش هنسمع غير بعد التالت يبني بس الاحساس انك حاطط ايدك عليه بجد مش مصدقه..
ربنا يجعله بار بينا ياااارب..
يارب ويجبهولنا بالسلامة..
وبدأت بقه فترة حمل حبييه وكانت ممتها ومامت حسام مش بيسبوها
وحسام كمان اول ما يجي من الشغل يفضل يعملها كل اللي عايزاة
ويجبلها اي حاجه تطلبها وفي بعض الأوقات كانت بيتخنق وبيفكر يرميها من الشباك بس كان يجي علي نفسه عشان برضو اللي في
بطنها دا ابنه او بنته .
وكان يقعد يغيظ فيها ويقولها يا ام كرش وهي تتقمص وتقوله : كلها كام شهر وارجع زي القمر..
وسعات كانت تقعد زعلانه وتقوله : انا تخنت اوي يا حسام ؟..

لا يا حبيبتي دا انتي لسه زي منتي ماشاء االله
دا انا سعات بنسي انك حامل اصلا..
وطبعا كان بيكدب عليها لاا بقت مورمه وعامله زي البطيخه..
والايام كانت بتعدي عليها كالاتي يوم تعيط ويوم تضحك
يوم تتهبل ويبر
ويوم تزعل وتتقمص
ومرة عايزة تلعب بلاي استيشن ومرة تانيه عايزة تلعب كورة : طب يبنتي وبطنك دي..
انت معنتش بتحبني عشان بقيت حامل عاااا..
فيضطر يترل يجيب كورة ويلعبو ويخليها هي اللي تجيب جون ..
وفي مرة طلبت منه يروحو ياكلو في مطعم وبعد ما قعدو وطلبو الاوردر..
حبييه :قوم يا حسام نمشي..
لي يبنتي الاكل زمانه جاي ..
لا معدش ليا نفس اكل هنا في مطعم تاني نروحله احسن..
وفي المطعم التاني بعد ما طلبو الاوردر..
حبيبه: لا برضو مش حسا قوم يا حسام نمشي..
اللهم طولك يا روح لا كدا كتير عليا يا حبيبه..
معلش اخر مرة..
وفي المطعم التالت..
حبيبه: لا قو....

حسام: قبل متكمليها عليا الطلاق لو مقعدتي تكلي لمخليكي تغسلي اطباق المحل كلو
اقعدي يابت بلا دلع بنات..
عاااا بتزعقلي وانا حامل..
خلاص يا ستي حقك عليا
بس انا اضمنلك ان الاكل هنا هيعجبك..
ماشي علي ضمانتك..
وبرضو مسبهاش في تعبها اللي بجد لما كانت بتتعب جامد
او الدكتور محمود يطلب يشوفها كذا مرة في الاسبوع
غير الدكتورة اللي متابعه معاها كان حاسس بيها ودايما محسسها بكدا
لحد ماجة اليوم اللي هيعرفو نوع المولود..
الدكتورة :ها مستعدين تعرفو ؟
..ايووون..
الدكتورة: ان شاء االله ربنا هيرزقكو ببنوته..
ابتسمو وبصو لبعض وقالتله حبيبه : هند ان شاء االله هنسميها هند..
بصلها حسام بحنان وحب
وباس راسها وسعتها
حبها في قلبه زاد اضعاف اضعاف ودا اداة دافع يعمل كل حاجه بعد كدا بحب اكتر
وفي يوم كانو نايمين..
صحته حبيبه : حساام حساااام انا شكلي بولد..
قام جري وهو مش مصدق فضل يلف حوالين نفسه : طب اعمل ايه اتصل ببابا ولا بماما ولا اعمل ايه ولا اتصل بالدكتورة..

كل دا وحبيبه متبعاه وبعد شويا من لفه: لا خلاص يا حسام دا شكلها كانت بتلعب بس..
نعم يختي ؟..
االله اعمل اي
واالله دبتني جامد..
طب نامي بدل مدبكو انتو الاتنين..
وبعدها بكذا يوم..
حبيبه: حسااام حسااام..
ايواااا..
انا شكلي بولد..
بجد يا حبيبه ولا زي المرة اللي فاتت..
لا شكلها بجد المرة دي..
وبعد ما يقوم ويجري
تقوله نفس الكلمتين وفضلو علي الحال دا
ايااام وليالي..
.....
حبيبه: حساااام حسااااام..
حسام: اة عارف استني اكملهالك بولد..
لا يا حسام المرة دي شكلها بجد..

يبنتي انا سمعت الجمله دي اكتر ما سمعت مجدي عبد الغني وهو بيتكلم علي جونه في المونديال نامي يا حبيبه االله يهديكي انا بقالي اسابيع
منمتش بسببك ..
يا حسام قووووم االله يخربيتك بولد اةةة..
اي دا بجد ولا ايه..
اة يابني ادم بجد اتصل بماما بسرعه والنبي..
قام حسام يجرررري طبعا
واتصل باهله وبأهلها وجاب الشنطة من الدولاب وجري بيها علي المستشفي وهما في العربيه
مسكت حبيبه ايدة ومرة وحده قرمته
حسام: يابنت العضاضة لي كدا واالله دي ماعضت وحده بتولد دي عضة انتقام..
حبيبه: اة انتقام مش كفايا انا بتعب التعب دا كلو وتيجي انت شتك علي الجاهز اسكت بقه ومتعصبنيييييش اةةةةة..
خلاص يا ستي انا متكلمتش اصلا..
وبعد ما راحو المستشفي جهزوها للعمليات وجه الدكتور محمود ودخل معاها
واستناها حسام وبقيت العيلة برة وبعد نص ساعه سمعو صوت البيبي
قعد حسام بعدها وهو بيضحك
وبص لبباه وافتكر هند اخته وتخيلها وهي بتجري ادامة مبسوطة وفرحانه
وطلعت الممرضه وهي مسكاها قام حسام اشتالها
كانت صغيرة اوووي كدا ومش باين منها حاجه بس برضو حس انه شايف حبيبه علي صغير..
حسام: ازيك يا دودو
انتي عارفه انا مين
انا بابي يا عمر بابي
عايز اقولك اننا هنبقي اصحاب اوي اوي ومتفكرنيش بقول كدا دلوقتي بس
لا بكرة الايام هتثبتلك كلامي وانا وانتي ومامي هنبقي قريبين لبعض اووي..

وبعدين اداها لبباه وممته يشتالوها سعتها بباه بصلها بحنيه ودمعت حنينه وحمد ربنا انه عوضه ند تانيه
ومنهم لوالد حبيبه ووالدا اللي برضو كان باين علي وشهم الفرحه لأول حفيد ليهم
ووقف حسام يستني حبيبه تطلع من اوضة العمليات
واول ما طلعت قرب منها وباسها واستنو معاها لحد مافاقت..
حسام: حمد االله علي سلامتك يا روحي
حبييه: االله يسلمك..
شوفتي هند طالعه قمر شكلي طبعا..
اة يا حبيبي اكيد..
وانا اللي فاكرك هتنقريني
لا يا عمري دي حته منك
ويلا بقه قومي بسرعه عشان نلعب بيها..
وروحو بعدها بيوم بيتهم
والحمد الله كانت صحت حبيبه وهند كويسه
ومع الايام بدأو يتعودو علي كل حاجه الصريخ بتاع هند واكلها
تغير البامبرز ونومها جمبهم وكان حسام سعات يشتالها ويلف بيها الشقه ويفضل يحكلها حكايته هو وممتها ويحكلها علي عمتها
وكبرت هند
وبدأت تمشي
كل دا وهما بيصوروها وبيطلعو الغطا بتاعهم يكتبو فيه التواريخ الجديدة ويلزقو عليه الصور ويسجلو كل حدث جديد بتاريخه ووقته
..
***،****
وعدت كام سنه كانت حبيبه قعدة علي سريرها وبتكتب ف روايتها اللي قربت تنهيها
مش كل حاجه اسمها بدايات في ايات كتير حلوة وفي برضو بدايات حلوة مش لازم في اخر كل حكايه او قصه نستني البطله او
البطل يموت او حيام تبقي وحشه

ربنا كريم وعطفه ورحمته واسعه ممكن يسعدنا ويفرحنا بعد حزننا ممكن ياخد مننا فرحة
عشان يجبهلنا فرحتين
مفيهاش حاجه لما اتنين يحبو بعض ويفضلو يحبو بعض لحد ما يموتو ومفيهاش حاجه لما اتنين يكونو في الاول كارهين بعض
وفي الاخر يحبو بعض
وبرضو يفضلو مع بعض لحد ما يموتو مفيش حاجه اسمها سنة الحياة اننا نستني الوحش
لا سنة الحياة اننا دايما نستني من ربنا فرحة وهتيجي..
هتيجي اكبر واحلي م اللي كنا بنحلم بيها لاننا احسنا الظن باالله وحته لو انت او انتي عمركو مفرحتو وفاقدين الامل اصبرو واالله ربنا
هيسعدكو
لو مش النهارده او مش بكرة هيبقي بعده ربنا رحيم بينا وحاسس باللي جوانا وخلقنا عشان نفرح
ونفرح غيرنا
حبو بس حب في الحلال عيشو حياتكو بس بما يرضي االله اتبسطو والعبو وحسو بقيمة حياتكو وقيمة النفس اللي ربنا حطة في صدرنا
والحقو استمتعو قبل ما الوقت يضيع حبو بجنون وعيشو بجنون
اضحكو لحد ما تصدقو بجد انكم فرحانين اجرو في الشارع هزرو مع صحابكو كلو من عربية فول
عيشو مع الناس الفقرة
بوسو ايد حد كبير واسمعو دعوة حلوة واعمل لدنيتك واخرتك صلي وصوم وراعي ربنا لما تشوف بنت حد بيضيقها سعدها عشان
تبقي راجل بجد
لما تركب جمب بنت في المواصلات ابعد عنها شويا عشان متخفش
راعي ربنا في نفسك وفي اهلك واستني مفجأة ربنا في زوجتك المستقبليه صدقني هتعيش معاها الجنه علي الارض لانك رعيت ربنا
والطيبون للطيبات
وانتي راعي ربنا في لبسك وحياتك واقفلي قلبك لحد ما يجيلك الفارس اللي يخبط علي قلبك بأذن اهلك ويستأذن ويدخل
ويخليكي اميرته
ولو حسيت/ي انك لوحدك ومفيش حد يسعدك فرح نفسك بنفسك عيش مع نفسك ودلعك
وحسس ذاتك انك ملك او ملكة سعتها هتحب الدنيا والناس
وتستني الفرحة اللي ربنا هيدهالك وانت بتضحك ومبتسم وبعد ما تجيلك بص للسما وقول
الحمد الله..
حطت القلم جانبها وابتسمت وقالت : الحمد الله..
دخلت عليها بنوته حوالي 3 سنين واكيد انتو عارفين دي هند..

خدت القلم وطلعت تجري..
بت يا هند هاتي القلم بتاااعي
ولما اجي العب انا بحجاتك تروحي تقولي لبابي هاتي يا بت..
وفضلت تجري وراها في الشقه وبعدين بصت لعجلتها وقررت تركب عليها وركبت عليها وفضلت تضحك وتمشي بيها وهند وراها
بتشدها عشان تقوم : قومي يا مامي بقه كل شويا تفضلي تلعبي بألعابي واالله لقول لبابي..
دخل حسام عليهم : مش انا قلتلكو ميت مرة حبو بعض والعبو مع بعض..
هند : شوف يا بابي مامي ركبه علي عجلتي ومش راضيه تقوم
حبيبه : هي اللي خدت قلمي الاول با حسام
حسام : انا مش عارف انا مخلف بنت ولا اتنين اي رايكو بدل ما تتخنقو علي العجله تتخنقو علي العاب اكبر واحلي..
قامت حبيبه من علي العجله وقربت منه وهند عملت زيها بالظبط ونفس الحركات..
حبيبه : قصدك ايه فهمني اكتر
هند : اة يا بابي قصدك ايه فهمني انا كمان
حسام وهو بيرجع لورا : اي يا جدعان هو انتو الاتنين عليا ولا ايه
حبيبه : انطق بس كدا بسرعه وقول
قصدك ايه
حسام وهو بيضحك : قصدي يا ستي
حبيبه : ها
حسام : قصدي اننا هنروح ديزني لااااااااند
وليا معاه حكاية 470
طبعا متوقعين اي بنت في اللحظه دي هيحصلها ايه ودا بالظبط اللي حصل
لحبيبه
حسام : هههههههههههههههه االله يخربيتك فوقي يا بت
هاااااح لسه برضو موفجأتي بتأثر فيكي

***تمت بحمد االله***