قصة..(وليا معـــــــــــــاه حكـــــــــــايه)
حبيبه: ياارب يا ماما..
اي يا حبييه هو انتي وحسام مبتتكلموش ولا اي..
هاا !!
لاا لاا بنتكلم..
فين دا يبنتي
دا عدي اسبوعين ع خطوبتكو ولا مرة شفتكو بتتكلمو
حتي مجاش من بعد الخطوبه..
اة يا ماما بكلمه كتيير
كتيير بس دايما يقفل معايا ويقولي ورايا شغل
ورايا شغل..
االله يكون ف عونه
برضو شغلانته دي مش سهله..
دا انا حته قعدت اتحايل عليه واقوله تعالي يوم الجمعه
مرديش وقالي مش قلتلك قبل كدا ورايا شغل
وانا قلت عليا انا برضو الاستحمال اعمل اي بس..
عين العقل يا روحي
ربنا يكملك بعقلك ايوا كدا لازم تستحمليه وهو مشغول
وهو زعلان..
اة يا ماما طبعا مش خطيبي..
وجوزك يا حبيبتي قريب إن شاء االله
يارب افرح بيكي كدا يا حبيبه واشوف عيالك انا وبابا قبل ما نموت..
بعد الشر عنكو يا ماما اوعي تقولي كدا ان شاء االله تشوفي ولاد ولادي كمان..
ربنا ما يحرمني منك يا حبيبه
****
كان حسام قاعد ف اوضته سمع حد بيخبط ع الباب..
حسام: اتفضل..
نجلاء: ازيك يا حسام عامل اي..
الحمد الله يا ماما تمام..
عارف انا كنت بكلم مين من شويا..
مين؟..
حماتك..
حماتي ؟..
اة يا حبيبي مدام امال مامت حبيبه..
اةةةة..
فضلنا نتكلم شويا كدا
الا قولي اخبارك انت وحبيبه اي..
تمام يا ماما..
بتكلمو بعض يعني ؟..
اة اة طبعا..
طب الحمد الله
ربنا يعدلها امتحاناا ع خير بقه..
هي بتمتحن ؟
اة صح بتمتحن..
اي يا حسام هو انت متعرفش اا بتمتحن..
لا يا ماما ازاي
عارف طبعا دا انا كمان قلتلها معدناش نتكلم الايام دي عشان امتحاناا..
طب يبني مش هتروحلهم تقعد معاهم شويا دا انت من بعد الخطوبه مرحتلهمش ولا مرة..
اهو دا اللي انا طلبته منها يا ماما
وهي اللي قالتلي لا
انا ورايا امتحانات
انت عايز تشغلني ولا اي
فانا برضو قلت لازم استحملها الايام دي لحد ما تخلص
كليتهم مش سهله برضو..
اة يا حبيبي عندك حق
خلاص ان شاء االله هي تخلص وترحلهم وتقعدو مع بعض زي مانتو عايزين ..
ان شاء االله يا ماما..
طب هتتغدي..
هو بابا جه ؟ ..
لا لسه..
خلاص انا هستناه عشان ناكل مع بعض....
ماشي يا حبيبي..
.....
حبيبه: هييييح اخيرااا خلصنا انا مش مصدقه نفسي..
اسماء: ياااة حمل وانزاح من علي قلبي..
طب شوفي هنصيع فين بقه يا بطتي..
لا يختي انا ناويه اصيع مع احمد...
اسمااااء انتي بتهزري صح؟..
هههههه يابت واالله عايزين نززل نشوف القاعه ونظبط شوية أمور..
وهي الامور دي محبكتش الا دلوقتي اعتبرينا لسه مخلصناش امتحانات ياستي ..
اعمللل فيكي اي بس حااضر وبعدين مش انتي كمان عندك خطيبك هتخرجي من غير ما تقوليلو يا هبله..
نعم واقوله لي ان شاء االله مدام بابا موافق هو ماله..
واالله شكلك هتودي نفسك ف داهيه..
داهيه مع مين يبنتي ؟
مع دا ؟
هو انتي كمان هتصدقي انه خطيبي يا اسماء منتي عارفه ان كلها تمثيليات..
عارفه يختي عارفه خلاص انا هكلم احمد واقوله نأجل مشوارنا لبليل..
ايوا كدا هي خطوبتخكو هتيجي ع دماغي ولا اي..
وانتي ف حاجه بتيحي ع دماغك برضو دا انتي مش ادامك الا ربنا..
احبني وانا مسيطر كدا نيااهااهااي..
طب يلا يا مسيطر ادامي ..
مسكت حبيبه تليفوا واتصلت بوالدها..
حبيبه: ايوا يا بابا..
محمد: ايوا يا حبيبتي طمنيني عملتي اي..
الحمد الله كلو تمام متخفش امتياز ان شاء االله..
يارب يا حبيبتي واشوفك كدا معيده اد الدنيا..
تسلملي يا ببتي بقولك انا هخرج بقه مع البنات..
طب وخطييك يا حبيبه..
ماله..
مش المفروض انه جاي النهارده..
جاي فين ؟..
هيكون فين يعني يا بنتي هنا ف البيت هو مقلكيش ولا اي..
لا يابابا مقليش..
ازاي دا الحج مجدي لسه مكلمني وقيلي..
طيب يا بابا ان شاء االله مش هتاخر وهاجي بدري..
طب كلميه قوليلو برضو انك خارجه عشان يبقي عنده فكرة..
ماشي يا بابا حاضر..
خدي بالك ع نفسك ومتتاخريش..
ماشي يلا سلام بقه..
اسماء: ها عمو قالك اي..
قالي ماشي بس
متاخرش عشان زفت جاي..
ايواا بقه ادبست يا معلم..
لا ادبست ولا حاجه انا اصلا هخليه يكرة اليوم اللي يفكر يجلنا فيه..
االله يخربيت جنانك اللي هيضيعك دا..
دا جناني دا اللي ممشيني لحد دلوقتي ربنا ما يحرمني منه..
امين يختي امين..
هيا بنا نذهب لنصيع..
هيا يا ريس ..
****
كانت حبيبه واصحبها قاعدين ف المطعم رن تليفون حبيبه..
حبيبه: ايوا يا بابا حاضر احنا مروحين اصلا اهه ماشي سلام..
اسماء: اي هتمشي ..
اة يا سمسم ببستعجلوني..
هتوحشيني يابت..
وانتي كمان هتوحشيني خالص مالص بس هو اسبوع وهنشوف بقه احلي عروسه
واالله متعرفي فرحتي بيكي اد اي يا سمسمتي. .
ربنا ما يحرمني منك يا بيبتي ويخليكي ليا
واة يابت متنسيش تجيبي الزفت معاكي..
حرام عليكي انتي مش عايزاني افرح ولا اي ال اجيبه معايا ال..
يابت امال هتيجي لوحدك.. ?
يعني هو بابا فين ربنا يخليهولي ومتخفيش هرقص معاه سلو برضو واقطع عليكي..
هههههه المهم متتاخريش يومها..
لا يا حبيبتي متقلقيش دا انا هستناكي ع الكوشه ويمكن ازحلق احمد واقعد انا مكانه..
حضنو بعض..
حبيبه: الف مبروك يا اغلي وحده عندي بالدنيا..
اسماء: االله يبارك فيكي يا احلي اخت بالدنيا..
حبيبه وعنيها مدمعه : اي جو الافلام اللي احنا فيه دا
يلا يابت امشي من هنا هتأخريني ع الموكوس..
سلاام وابقي طمنيني لما تروحي..
حبيبه وهي بتسلم عليهم : حاضر ان شاء االله
سلاام يا بنااات هتوحشوني كتييير..
بستهم كلهم ومشيت..
****
وصلت حبيبه للبيت
وفتحت الباب..
حبيبه: باابا ماما انا جيت..
امال: اي يا حبييه اتاخرتي لي..
متاخرتش ولا حاجه اهه
مش لسه مجاش خمس دقايق واكون لابسه ان شاء االله..
طلعت اوضتها وفضلت تدور علي حاجه تلبسها..
فضلت تدور وقالت : البس اي بس عشان الزفت دا يكرة يجيلي تاني
كملت بضحك : ياربي معنديش حاجه اطلع فيها وحشه خالص
انا حلوة اة بس مش كدا هههههههه دا انا خسارة ف الزفت دا وربنا..
لبست بنطلون اسود فوقيه فيست بطيخي وحجاب اسود وكونفرس بطيخي ..
امال: اي دا يا حبيبه..
حبيبه: اي يا ماما..
هتقابلي خطييك كدا..
اة يا ماما مالو..
مالو اي
انتي خارجه رايحه النادي !! دا خطييك يبنتي..
يا ماما ماهو حلو اهه وانا زي العسل فيه
للاسف..
هو اي اللي للاسف..
لا دا انا زر..
طب روحي غيري والبسي حاجة بنانيتي شويا..
اغير اي بس يا ماما
هو زمانه جاي
وكمان انا هفضل طول اليوم البس واغير حلو حلو هيعجبه متقلقيش..
اعمل اي بس ف دماغك دي ماشي..
****
كان حسام قاعد ع سريرة دخل مجدي..
مجدي : اي دا يا حسام انت لسه هنا.. وملبستش كمان؟
اتاخرت يبني ع الناس
دا انا قايلهم المغرب بكتيرة تبقي عندهم..
حسام : معلش يابابا اعتزرلهم انا مش هقدر اروح..
لي ييني اي حصل..
محصلش حاجه
بس حاسس اني تعبان
النهارده الشغل كان كتير اوي عليا ولو رحت هيبان عليا اني تعبان فخليها يوم تاني معلش..
طب وعمك محمد
دا انا قيله وماكد عليه..
الايام جايا كتير يا بابا
وانا استنتها الامتحانات كلها مش هيحصل حاجه لو مرحتش النهارده يعني..
خلاص يبني ع راحتك
انا هتصل بعمك محمد واعتزرله وانت متنساش تعتذر لحبيبه..
ماشي حاضر..
خرج مجدي م الاوضه وفضل حسام يضحك لانه قدر يقنع والده انه ميرحش..
****
