قصة..(وليا معـــــــــــــاه حكـــــــــــايه)
بس شوفي بغباءة ،برضو هو اللي ضيعها
بيضيع اي حاجه منه
زي ما ضيعك وضيع منار
بزمتك انا المفروض اسكت واسيب الحجات دي تروح من ايدي ولا انتهز الفرصه ?
انسان طول عمرة غبي ، دايما بيرفس النعمه اللي في ايده طول عمري بكرهه اكيد هتساليني لي
هقولك معرفش.
انتي تعرفي انتي بتكرهي اكله معينه لي
طب بتحبي مكان معين لي
اهو دا بالظبط اللي بحسه نحية حسام عايز اخد منه اي حاجه تبسطه
وقدرت اخد منه منار
بس دي كانت سهله يدوب كلمتها مرة وهي جتلي التانيه بسيطه
بس انتي أصعب انا كنت عارف
اني لو قلتلك تعالي معايا هنا
هترفضي وحده زيك جوزها مأهملها كدا لازم توافق علي اي حاجه
مش عارف انتي لأ لي؟
نشفتي دماغك وتنحتي في العربيه فأنا اضطريت اجيبك بطرقتي..
ردت عليه بصوت واطي : البرشامه اللي اخدا منك.. ?
عليكي نور.. اصلا بتاع الصيدليه صحبي وبيظبطني
برضو في حاجه تانيه بس دي مديهالك عشان يبقي مزاجك عالي
استخسرا في نفسي ، شوفي انتي غاليه عندي ازاي ؟..
حبيبه باستغراب : الشوكولاته.. ?
هههههه اللي بيعجبني فيكي نصاحتك ايوة الشوكولاته
بس انا مكدبتش عليكي لما قلتلك
ان صاحبي جيبهالي من برة
بس بتعمل دماغ عالي أكتر من الحشيش معجونه بخمرة وحجات من دي انتي عارفه دماغ الاجانب بقه..
ردت عليه وهي بتحاول تقوم : انا عايزة امشي
مشيني بدل ما اعملك فضايح..
هههههه ازاي يا حبيبه ؟
مينفعش انتي ضيفتي النهارده
خلينا بس نكمل حكايتنا
بكرة الصبح ولا هتفتكري حاجه
اول مرة عليكي الدماغ دي
فأنا هنتهزها فرصه واحكي اللي في قلبي بس استني ادخل اجيب حاجه نتسلي بيها واحنا بنتكلم ..
اول ما دخل مسكت التليفون
وحاولت تتصل بحسام بس طلع موبيله مقفول
رجعت الموبايل مكانه
جه مصطفي وماسك في ادية صينيه فيها مكسرات وفشار..
بصي انا قلت اظبط القعده واجيب حجات نتسلي بيها
كنا بنقول اي يستي
اة حسام وغباءة دايما كان عامل نفسه الريس في كل حاجه
المدرسة
والشارع حتي علي اخته مش عايز حد يكلمها غيرة هو المسؤل عنها في كل حاجه لو حد حاول يتعامل معاها يزعقله ويمكن يضربه ليه
ان شاء االله
اللي خلقها مخلقش غيرها كان لازم يتقرص من ودانه عشان يتعلم بس برضو فضل غبي ومتعلمش..
فضل مصطفي يصب من الازازة اللي ادامه ويشرب لحد ما سكر..
سألته حبييه: يعني اي كان لازم يتقرص ودانه..
هههههه يا شيخه متخديش علي كلام واحد سكران
المهم ان الشئ اللي كان بيحبه ضاع منه ودا هو مربط الفرس
اقولك علي حاجه مكنش حسام الوحيد اللي بيحب هند كلنا كنا بنحبها المدرسه كلها والصراحه العيال حقهم
كانت قمر حتي وهي صغيرة شعر اي وعيون اي وشخصية اي حاجه مشرفه يعني..
ووطي صوته وقال بزعل : حتي انا كنت بحبها بس لو انت بتحب حاجه
وعدوك بيحبها اكتر
وممكن هو يموت بعدها اقتل حبك دا خالص..
حبيبه: مش فاهمه..
قام مصطفي من مكانه وهو متعصب : انتي عايزة تفهمي كل حاجه ليه
مش كل حاجه بتتفهم
الحياة نفسها مش بتتفهم
كرهنا حبنا افعالنا حتي غلطنا عيشي حياتك كدا من غير فهم لو حولتي تفهمي غيرك هتتعبي وبرضو لو حولتي تفهمي نفسك هتتعبي..
وقعد تاني مكانه وكمل :
بصي انا هحاول اسهلهالك بس متقطعنيش
انا عمري ما كسبت معركه ادام حسام حتي لما كسرته وبقه ادام الناس كلها وحش ، محستش اني كسبان
بلاقيه بيطلع اقوي من الاول
فبحب اكسرة مرة واتنين وتلاته
بس عيبه انه بيقوم تاني هو اللي بيعمل في نفسه كدا زي ما قام بعد منار واتجوزك بس المرة دي تختلف
انا شايف نظرته ليكي نفس نظرته لهند وضربتين علي الراس توجع بس يا تري هيفتكر المرة دي ولا هيفقد الذاكرة خالص هههههه
سبينا منه دلوقتي قوليلي انتي ايه رماكي علي عيل زي دا
انا نفسي اعرف بيعجبكم فيه اي..
حبيبه: انا عايزة امشي مشيني بقه انا مليش ذنب في كل اللي بتعملوة دا..
ازاي يبنتي بقولك بيحبك وانتي بتحبيه..
محصلش انا عمري ما حبيته
ولا هو حبني ، انا اتغصبت عليه واضطريت اتجوزة..
نفرض اللي بتقولية دا صح
برضو نظرت عنيكم لبعض باين فيها حب مش زي ما كان بيبص لمنار خالص..
وقام مشي لحد عندها
وفضل يبص عليها : زي نظرتي ليكي كدا هو انتي حلوة كدا ازاي..
متقربش مني انا بحذرك..
وفضلت تصوت علي اد ما صوا طلع كتم مصطفي بوقها باديه وعنيه مترلتش من عليها : انتي عارفه المرة دي هتبقي احلي ليا ليه؟
عشان هدوق اللي حسام داقه..
شالت ادية من علي بوقها بكل قوا وفضلت تصرخ
وتصرخ : واالله العظيم حسام عارف كل دا وكان عارف اني بجيلك
وهو اللي قيلي العب عليك
يعني لو فكرت تأذيني عشان تنتقم منه ويبان ان هو اضحك عليه ، فاعرف ان انت اللي مضحوك عليك م الاول..
ايه اللي انتي بتقوليه دا يعني حسام عارف انك بتقبليني؟..
ردت بكل ثقه : اةةة..
بصلها مصطفي شويا وبعدين كمل : هههههههه طب منا عارف..
عارف ايه..
عارف ان حسام علي علم اننا بنتقابل وشفته قبل كدا وهو بيوصلك ومترلك بعيد عن المطعم ال ايه مش هشوفكو انا كدا
اوحش حاجه فيكم
انكو بتفكرو اللي ادمكم اغبيه زيكو..
يعني ايه..
هو ايه اللي يعني ايه بقولك انا عارف ان حسام هو اللي متفق معاكي
وجاريتك عشان اجيبك هنا واثبتله انه متخلف..
طب اسمع بقه عشان تعرف انكم اغبي من بعض
الارض اللي انت لسه ماضي عليها انت والست منار..
مالها..
يعوض عليك ربنا..
قام المرة دي وهو متعصب بجد ومش مصدق كلمها : قصدك اي..
قصدي انك دفعت فلوسك في خرابه الارض دي لا هتودي ولا هتجيب..
ازاي دا كل السوق بيتكلم عليها ومعايا ناس شركة فيها من اكبر المقاولين في البلد..
حسام متفق معاهم والفلوس اللي هما دفعوها خدوها بعدها بنص ساعه..
لا لا لا انتي اكيد بتقولي كدا عشان تغظيني بكلامك صح?
اة اكيد صح دا انا حاطط فيها فلوس السنين اللي فاتت كلها
دا انا مستلف من طوب الارض وكاتب شيكات لكل الناس..
يلا كدا انت وهو متعدلين..
متعدلين ?
هههههه انتي بتهرجي
دا انا هدفعه تمن اللي عمله دا حياته كلها وهحرقه عليكي..
واتعصب اكتر : انا كان لازم احرقه علي هند مليوون مرة
ولو عرفت ارميها ادامه كل يوم
هرميها..
اول ما حبيبه سمعت الكلام دا برئت وحست ان التنميل اللي في جسمها بيروح وبدا لساا يبقي احسن ف الكلام وحولت تقوم..
انت قصدك اي ?
هو انت اللي حدفت هند من علي السطح.. ?
ايوة انا
زي ما هعمل معاكي كدا بالظبط..
االله يخربيتك دا انت مريض
انت رميت طفله ادك من علي السطح وموا?
وكمان دبستها في حسام ولسه عايز تنتقم منه?
انت جبروت حرام عليك يا اخي ..
ولو طولت احرقه كمان وكمان مش هتردد..
لي السواد اللي في قلبك دا..
عشان حرمني منها..
حرمك ازاي ؟
دا انت لسه قايل انت الي حدفتها..
اة انا
بس برضو بسببه
بعد ما اتشكلت انا وهو وروحنا
طلعو كالعاده يلعبو فوق السطح
طلعت انا لهند بعد ما كلو مشي زعقتلي وقالتلي انت مش حلو وطول منت بتعمل كدا في حسام
محدش من فصلنا هيكلمك
طلعتها علي الصور غصبا عنها
ومكنش قصدي اعمل فيها حاجه
بخوفها مش اكتر
طلع المحروس لقاها وقفه علي السور وانا ماسك اديها
قال بعلو صوته هندددد
قلتله لو جيت هنا هرميها
برضو مسمعش كلامي..
وبعدين.. ?
سبت اديها
جري عليها وهي خافت ومعرفتش تقف مسك اديها وفضل يشد فيها
سعتها وهو بيشدها قلتله في ودنه
انت السبب لو كنت سمعت الكلام ومخوفتهاش مكنتش وقعت.
وسبته ونزلت
وهو لسه ماسكها
قلت اكيد هيعرف يشدها ماهو عملي هولاكو المدرسه يوريني عضلاته بقه
بعدها سمعت صوت والشارع كلو اتجمع لقناها هند ، انا قلت بقه هيقول ان انا اللي عملت كدا
فجريت عشان استخبي ، لقيته نازل وعنيه مفتوحه ولا حاسس باي حاجه وبيقول انا السبب لو مكنتش خوفتها مكنتش وقعت..
انت حيوان..
هههههه هو سعات ربنا بيسهلهلنا لوحده بس عارفه نسيانه دا جه عليا بخسارة بعد ما دخل شرطة حس انه بقه حاجه قلت لازم اعلم
عليه تاني..
انت بجد مش طبيعي..
تحبي اوريكي نفسي وانا مش طبيعي..
قامت من علي الكنبه مسكها ورماها عليها تاني
فضلت تزق فيه وتحاول تجري
قعدت تصرخ عشان حد يسمعها
وفجأة سمعو صوت علي الباب
والباب اتكسر
وكانت الموفجأة حسام واقف على الباب فرحت حبيبه ان ربنا نجاها وبعدها ضحكتها راحت من علي وشها
ظهر ورا حسام والده ووالد حبيبه
Flash back
لورا من بعد ما حبيبه نزلت من البيت..
حسام نزل وراها ركب العربيه وفضل مرقبها وهو متأكد اا هتروح لمصطفي شاف العربيه اللي كانت بضيقها استني يشوفها هتعمل
اي
وبعدين شاف مصطفي لما وقفلها وحبيبه ركبت معاه..
حسام: وعملالي شريفه بروح امك?
لا وعمله طاهرة ادام اهلي واهلك
انا بقه هوريهم وسختك..
وطلع التليفون : ايوا يا بابا
انا عايزك بس تجهز عشان محتاجك في حاجه مهمه
لما نروح المشوار هتعرف
بقولك يا بابا معلش اتصل بوالد حبيبه وقوله اننا هنفوت عليه
انا خلاص قريب من البيت عشر دقايق وابقي عندكم..
قفل التليفون وكان متأكد ان سيناريو منار هيتعاد تاني
بس قرر المرة دي ميسكتش
ولو كان عداها في منار فمش هيعديها المرادي وصل للبيت ولقي بباه واقف مستنيه..
مجدي: في ايه يا حسام قلقتنا..
مفيش يا بابا اتفضل بس..
وليا معاه حكاية 370
وراحو جابو والد حبيبه ووصلو لشقه مصطفي وقالهم حسام : بصو يا جماعه مهما كان اللي هتشفوة انا عايزكم تسبوني انا اللي
اتصرف عشان دي حياتي انا
واللي بيحصل دا بيمسني اكتر من اي حد..
مجدي: يبني قلقتنا هو فيه اي..
فيه اللي هتشفوة دا..
وكسر حسام باب الشقه ودخل لقي مصطفي بيتهجم علي حبيبه
وهي بتحاول تصده بس طبعا هو ملحظش كدا اول ما حبيبه شافته فرحت ان حد جاي ينجدها
بس استغربت لما لقت والدها ووالده
مصطفي طبعا اتفاجأ ومعرفش يعمل اي وقف مكانه حولت حبيبه تقوم وهي مدروخه وجريت علي بباها فضلت تعيط..
الحمد الله انكو جيتو يا بابا انا مش مصدقه نفسي..
قاطعها حسام : طبعا انتو شفتو بعنيكو الست هانم اللي عمله نفسها محترمة..
حبيبه اتصدمت من كلامه : ايه اللي انت بتقوله دا..
مجدي: استني يا حسام اما نفهم في ايه..
نفهم اي با بابا هو حضرتك مشفتش احنا دخلين عليهم وهما ازاي..
فضلت حبيبه تعيط وتبص لبباها : بابا واالله محصل واالله انا ماعملت حاجه اوعي تصدقه..
كل دا ووالدها بيبص ف الارض ومزهول ولا كأنه سمعها
فرد مجدي: اي اللي حصل يا حبيبه وايه جابك هنا..
واالله يا عمو انا مليا ذنب ولا عملت حاجه وحشه والزفت دا كان بيتهجم عليا
وهو اللي جبني هنا وحسام هو اللي عرفني عليه..
انا اعرفك عليه ?
ليه ان شاء االله..
نعم ?
مش انت اللي خلتني اعمل عليه تمثليه عشان تنتقم منه..
انتي بتخرفي وبتقولي ايه..
حسام دي مفهاش هزار ولا انتقام متستهبلش واالله العظيم يا عمو
هو اللي خلاني اكلمه واعرفه..
ناقص كمان تقولي ان انا اللي قلتلك تيجي هنا..
لا انت مقلتليش اجي هنا بس..
بس اي
انتي مش مكسوفه من نفسك
انا لولا اني ماسك نفسي كنت قتلتك وقتلته وهطلع منها ف خمس دقايق اخرها قضيت شرف والسلام..
مجدي: حسااااام
مينفعش اللي بتقوله دا
وهاتلي الكلب اللي واقف هناك دا..
حسام : لا يابابا الكلب دا
عليا المرة دي..
ومشي حسام لحد عنده واول ما وقف ادامه جز علي سنانه وضربه بوكس وقعه علي الارض ونزل جمبه وقاله : لو مفكر اا هتبقي
سهله زي المرة اللي فاتت يبقي بتحلم..
مصطفي وهو بيضحك : اتنيل علي خبتك وانا ضربك علي افاك لتاني مرة وفي شقتي..
ضحك حسام ووطي صوته : لهو انت متعرفش ان انا اللي عامل كل الفيلم دا عشان اخلص منكم انتو الاتنين..
كانت حبيبه وقفه جمب بباها بتحاول تكلمه : بابا عشان خطري بصلي
واالله العظيم يابابا انا ماعملت حاجه
انت شيفني انا عملا ازاي وعارف بنتك كويس باالله عليك ما تصدق كلامه
هو عايز يعمل كدا عشان يبن اني وحشه ويطلع هو ادامكو كويس..
كان وقتها حسام بيشد مصطفي ورايح بيه ادمهم
مسكت حبيبه أيد بباها فشد ايده منها وضرا بالقلم ووقعها علي الارض فضلت ماسكه وشها والدموع في عنيها مسكه مجدي وقعد
يهدي فيه..
محمد ميتفعش كدا امسك نفسك شويا..
جه حسام ووقف ادام والد حبيبه..
عمي معلش انا مقدر موقفك
بس دلوقتي حبيبه مراتي والمفروض
انا اللي اتصرف معاها
وانا مش هعمل أي فضايح او شوشرة انا هخدها معايا البيت وسعتها نتكلم ونشوف ايه اللي حصل..
قامت حبييه من علي الارض وحولت تكلم بباها : عشان خطري يا بابا افهمني
انا..
اتعصب محمد وزقها تاني : انتي تخرصي خالص انا عارف ان دلعي ليكي هو اللي عمل كدا
فضحتيني علي اخر عمري
بنتي تفضحني ؟
يارب كنت خدني قبل اليوم دا..
حبيبه وهي منهارة : بعد الشر عنك يابابا واالله العظيم انا طول عمري رفعه راسك وعمري ما نزلتها
هو .. هو اللي عمل كدا عشان عايزك تكرهني انا قلتله من زمان يطلقني ضحك عليا وقالي لو ضحكتي عليه
وخلتيه يحبك عشان ننتقم منه هبقي انا في حالي وانتي في حالك..
ضرا محمد تاني : انتي لسه ليكي عين تكذبي
انا مش عارف انتي مين
انتي مش بنتي
انتي مش حبيبه
انا بنتي ماتت وهروح احضر عزاها..
مسكه حسام وهو بيهديه : معلش يا عمي هدي نفسك
اتفضل حضرتك مع بابا
وكل حاجه هتتحل ..
ونزل محمد مع مجدي جريت حبيبه عشان تترل وراه
لاكن حسام وقفها..
انتي رايحه فين..
سبني يا زباله انت..
لا اهدي كدا عشان بابا لو زعل ممكن يتعب ولا حاجه وتشيلي الذنب وتبقي السبب.
انتي مش هتروحي في حته
انتي هتخرجي من هنا علي شقتك وهناك بقه لينا كلام تاني..
لو اخر يوم في عمري مش هروح معاك في حته ولا هيتقفل عليا باب
وانت معايا في مكان واحد..
ضحك ومسك وشها : دا خلاص بقه امر واقع يا حلوة
برضاكي او غصبا عنك..
وبعدين بص لمصطفي : انا مش عارف هو انتو زوقكو زباله للدرجادي?
يعني خلاص رجالة البلد خلصت
مش بتلاقو غير دا..
فضحك مصطفي ضحكة استفزازيه : ياعم بيلاقو عندي اللي مش عندك..
فضلو يضربو في بعض بصتلهم حبيبه وقالت : انتو حيوانات اكتر ناس مقززة شوفتها
في حياتي
بس انا مالي بكل دا
مالي بمين حب مين
ومين خان مين
ومين عايز ينتقم من مين حسبي االله ونعم الوكيل فيكم
ربنا ينتقم منكم زي ما دمرتو حياتي ياااارب يااارب انت المنتقم جبلي حقي..
حس حسام سعتها ان قلبه وجعه من الدعوة حس اا طالعه من قلبها طلع الكلبشات من جيبه وحطها في ايد مصطفي..
مصطفي: انت بتعمل اي يا حيلتها..
ضربه حسام في بطنه تاني : بعمل اللي انت شايف ياروح امك هقبض عليك..
بتهمة اي ان شاء االله..
لا من ناحية التهم ففيه كتير واولهم الشيكات ووصلات الامانه اللي انت مضيت عليها للناس..
وصلات اي
انا كل اللي ماضي عليه الوصلات اللي سالف بيها فلوس الارض
ولسه معادهم مجاش..
ههههه اة انت متعرفش اصل الناس دول تبعي والمعاد بتاع الوصلات اتغير وهما راحو اشتكوك
اة دا غير الشيكات المضروبه اللي كنت مديها للسمسرة من كذا اسبوع..
مضروبه ازاي؟
الشيكات اللي عاطيها للناس كلها مظبوطه..
ايه دا هو انت هتغلط الحكومه كمان ? وكمان الاعتداء علي ظابط اسناء اداء وظفته
بالصلي علي النبي كدا انت جيت في ملعبي وانا اللي هروقك
وكفايا بس اوصي عليك
انت عارف حبايبي كتير وهيظبطوك شوف اهه ، ماشي كل حاجه ميري ورسمي لا حطتلك حتة حشيش فجيبك ولا دبستك في قضيت
هيروين
ولا بعتلك حد يروقك
لو اني اقدر بس ابويا مربنيش اني اكون ظابط وسخ وعشان منساش حبيبة القلب منار هتلاقيها مستنياك هناك عايزكو بقه تتجوزو
وتجبولنا قطاقيط صغيرين في ابو زعبل..
وطلع تليفونه وعمل مكالمه وبعد ما خلص نزلهم ووقفو ادام عربيته
فضلت حبيبه ساكته كأن عمرها متكلمت قبل كدا زي ما تكون غايبه عن الوعي وبعدها جه محمد صاحب حسام بالبوكس وخد
مصطفي..
حسام: موصيكش يا محمد عايزك تحطه في عينك..
يا سلام عنيا يا باشا..
وركبو البوكس ومشيو بص حسام لحبيبه وهي وقفه وقالها : اركبي..
كانت حبيبه وقتها بصه للسما : انتي مسمعتنيش بقولك اركبي..
ومسكها من اديها عشان يدخلها بعدت عنه وفضلت بصاله شويا..
....
