قصة..(وليا معـــــــــــــاه حكـــــــــــايه)
وبدأت حبييه ترجع لجمعتها وحسام لشغله
وكان يومهم ماشي كالآتي
حبييه تصحي حسام يوم
وهو يصحيها يوم ويحضرو الفطار مع بعض
ويترلو يركبو العربيه يوصلها للكلية ويطلع هو علي شغله
ويديها مصروفها وهي نازله من العربيه ووردايه ويبوسها من راسها وبعد ما يخلص شغل يفوت عليها يخودها
يوم يتغدو عند ممته
ويوم يتغدو عند مامتها
ويوم يطبخو مع بعض
وفي الاخر بيرمو الاكل ويطلبو دليفري
ويوم الاجازة بيطلعو يتغدو برة
وبالليل بقه حبيبه تقعد تذاكر
وساعات حسام كان بيسعدها او يوديها لناس صحابه متخرجين من نفس جامعتها يشرحولها وهو معاها
وفاتت الايام بسرعه
وجه مشروع التخرج كان واخد كل وقتها كانت متوترة
بس حسام مسبهاش ولا لحظه
وعشان كدا نجحت فيه بتقدير جيد جدا وخلصت السنه وجابت تقدير اعلي م اللي كانت بتجيبه كل سنه ..
واتصل والد حبيبه بحسام في يوم....
محمد: ايوا ياحسام..
ايوا ياعمو ازي حضرتك عامل ايه..
محمد: الحمد الله يبني تعالي بسرعه معلش..
في ايه يا عمو حبيبه كويسه الو الو الو..
وطلع جري من شغله علي شقتهم وهو سايق بأعلي سرعة
وبعد ما وصل طلع جري علي السلم وفتح الباب وهو بينهج من كتر الجري وفتح الباب وقال بقلق:
حبيبه حييبه..
كانت الدنيا كلها ضلمة وفجأة النور اتفتح happy birthday to you happy birthday to you.. حسام
happy birthday to you ..
كانت حبييه ووالدها ووالدا
ووالد حسام ووالدته
اول ماشاف كدا اضايق ووقف شويا وبعدين دخل علي الاوضة
بصتلهم حبيبه وضحكت :معلش يا جماعه تلاقيه عايز يروح الحمام
هدخل اجيبه واطلع علطول..
دخلت وراة وهو رايح جاي في الاوضه..
حبيبه: اي يا حسام كدا تسيب الناس وهما من الصبح تعبانين معايا في توضيب الشقة ..
مردش عليها..
حبيبه: حسام انا بتكلم علي فكرة ..
رد عليها بزعيق : يعني مكنش ينفع تعملي موفجأة بطريقه احسن من دي..
بصتله وابتسمت وقربت منه :خوفت عليا ؟..
لو سمحتي ابعدي..
خلاص بقه يا سمسم واالله كنت عايزة اعملك حاجه حلوة
بس معرفتش اعمل ايه..
حسام: مش كدا يا حبييه مش كدا..
وقعد علي السرير راحت قعدت جانبه..
حبيبه: انا لو اعرف انك بتخاف عليا اوي كدا كنت قلقتك عليا كل يوم..
بصلها بقرف
وبعدين بص الجهه التانيه..
عملت مقموصة وقالتله : انا تبصلي كدا طب انا زعلانه بقه
ومعنتش هكلمك تاني
هات صوباعك الصغير عشان اخصمك يلا وكمان مش راضي تديني صوباعك
طب انا مخصماك مخصماك مخصماك متحولش تكلمني تاني بقه..
حسام: مش عايز اكلمك تاني اصلا..
واهون عليك برضو يا حسومتي..
اة زي مما هنت عليكي وقلقتيني كدا..
واالله كنت عايزة افجأك..
حضنها وحط راسه علي كتفها : يا حبيبه انا عمري متخيل ابدا اني اخسرك
عشان خطري متعمليش كدا تاني
انتي متعرفيش انتي بقيتي ايه بالنسبالي
ابوس ايدك متخليني اخسر حد تاني
انا ممكن اموت فيها..
اتفجأت بيه وبصتله شويا وبعدين قعدت ديه وتطبط عليه : خلاص يا حبيبي واالله ماكان قصدي
ومش هعمل كدا تاني حاضر
بس وحياتي متزعل..
فضل ساكت شويا وهو ماسك فيها قالتله : خلاص وحياتي
ولا انت استريحت كدا بقه..
حسام: اة..
طب الناس اللي برة نقولهم ايه..
قوللهم زعلان..
لا يلا قوم ادامي..
يبنتي لسه زعلان..
مممم طب اعملك ايه طاايب
ارقصلك طب اغنيلك..
هههههه لا صوتك وحش..
تصدق انا غلطانه اني بصلحك
يلا يا واد ادامي..
وقامت وهي بتشده
ضغط علي اديها وقالها : بيبه ميرسي يا روحي علي عيد الميلاد
انا مش فاكر اخر مرة احتفلت بعيد ميلادي اصلا..
دلوقتي بقه هتحتفل بيه كتيير وهيبقي احلي يوم ليا وليك
يلا عشان اوريك هديتك ومتحلمش ديه تانيه في عيد جوازنا
هي وحدة اة انا بقولك اهه..
شوفي
نفسك تضربي عصفورين بحجر انا عارف
يا بخيلة..
اة ودا اللي عندي يلا ورايا..
وطلعو برة سلم حسام عليهم
وقعدو يحتفلو وعنيه مترلتش من علي حبيبه
فضل يبصلها بكمية حب باينه في عينه كبيرة اوي
وراحت حبييه جابت الهدايا وبدأ يفتحها وهي وقفه تصورة..
حبيبه: يلا يا حسام ابدأ بقه دايا عمو وطنط وبابا وماما..
وبدأ يفتحهم : االله حلو اوي القميص دا يا عمو ميرسي جدا..
محمد: كل سنه وانت سالم يا حسام..
وفتح التانيه : شيك اوي دبابيس البدله دي يا بابا شكرا..
وقام يبوسهم كل دا وحبيبه وقفه تبتسمله وتصورة..
وفتح التالته : واالله يا طنط كلفتي نفسك مكنش ليها لزمة
مكنة الحلاقة دي غاليه اوي..
امال: مفيش حاجة تغلي عليك يا حبيبي..
وفتح اخر هديه من ممته
كانت ازازة بيرفيوم شيك..
حسام: ربنا يخليكي ليا يا ماما
ويخليكو ليا انا مش عارف اقولكو ايه..
طبعا حبييه وقفه ومتابعه كل تعابير حسام واول ما لقته بدأ يدمع : طب يلا يا جماعه صورة جماعية كدا مع الهدايا وصورم..
بصلها وقالها : وانتي يا حجه بتباركي باهود الذاتي فين هديتي..
بصتله بخضه : وانت كمان عايز هدية مش كفايا انا في حياتك ..
لا الصراحة دي احلي هدية ليا..
حبيبه: احم احمم منور يا بابا منورة يا ماما منورين كلكو واالله ..
حسام: اة اعملي دا كلو عشان تكلي عليا هديتي..
حبيبه: لا ياعم انا مش وش ذلك
خد اهه افتحها..
حسام: هو في حد يدي لحد هدية ويقوله خد
دا ايه دا..
حبيبه: خلاص متزعلش اتفضل..
فتحها حسام وهو مبتسم او ماشافها كشرلها :شبشب يا حبيبه شبشب ؟..
حبييه: ههههه االله مش بجبلك حاجه للزمن..
حسام: لا اصيله واالله
بت مش عايز اشوف وشك في البيت هنا تاني
عمو خدها معاك وانت مروح..
محمد :حقك يبني
واالله حقك..
حبيبه: كدا يا بابا وانا اللي فكراك هتشكر في الهديه دا انا حتي جيبهولو بصباع وبوردة كمان..
قام حسام وهو ماسك الشبشب وفضل يجري وراها: انا تجبيلي شبشب بوردة يا جزمه..
حبيبه: االله مش احسن متمشي حافي القدمين وتتعور ..
حسام: انا مش هلبسه انا هستعملة استعمال اخر..
وقفت حبيبه وهي بتبتسم وسالته : امال هتعمل بيه ايه يا حبيبي..
حسام: هديكي علي دماغك بيه..
وفضلو يجرو ورا بعض وهما بيضحكو لحد ما وقفوهم اهلهم عشان يقطعو التورته وحسام يطفي الشمع وخلصت الحفلة الصغيرة
بتعتهم وحسام مبسوط اوي وسلمو عليهم ومشيو..
دخل حسام عشان ياخد شاور وملتله حبيبه البانيو ميه وخرجت..
دخل لقي البانيو كله ورد وازايز صغيرة زي رسايل البحر والورق اللي فيها قديم ومربوط عليها شرايط حمرة من برة ضحك اول ما
شفهم وجمعهم كلهم وخلص الشاور بتاعه وندة عليها عشان تناوله فوطة
خدها منها وبعد ما خلص بص علي الفوطه لقي مكتوب عليها بحبك يا حسام
طلع برة لقي حبيبه وقفه مستنياه ولابسه طقم شيك وعليه صورته وهو بيضحك
ضمها ليه : ايه دا
ايه كل دا واالله مقدر علي كدا ..
يا حبيبي دا اقل حاجه اصلا..
االله امال فين الشبشب ابو وردة..
هههههه منا لازم افضل اناقر فيك كدا امال اشوف ضحكتك اللي انا بحبها ازاي..
يا خراشي بموت فيها يا ناس واالله..
ها شوفت الرسايل ؟..
اة انقذا من الغرق وجبتها معايا اهي..
طب حطها بقه عشان تبقي تقرأها..
وراحت فتحت الستارة وكان ورا الستارة صورة بعرض الحيطة لحسام
بالقلم الرصاص والفحم
بس كانت تحفة
وضحكته فيها كانت حلوة جدا اول ما شفها بلم لحبيبه وللصورة : اوعي تقولي انتي اللي رسماها..
هزت راسها وهي بتضحك : اة انا..
بتهزري
دي تحفة دا انا ممكن احطها في متحف هو انا حلو اوي كدا..
انت احلي من كدا..
دا احلي عيد ميلاد قضيته في حياتي بس اي موضوع صوري الكتير دي..
عشان تفضل ادام عيني في كل وقت وكل لحظه
حتي وانت غايب عشان انا بطمن وانا شيفاك وانا بصا لعنيك وانا شيفا ملامحك ..بطمن
وانا شيفاك كلك علي بعضك ومش عايزاك تغيب عني حتي وانت بعيد
شالها وفضل يدور بيها : ياروحي وانا عمري ما قلبي اطمن غير وانا معاكي ربنا يخليكي ليا..
وراحو قعدو علي السرير
شد حسام الغطا اللي هيتغطو بيه بس حس فيه بحاجه غريبه بصلها كدا : هو البتاع دا فيه حاجه غريبه ولا انا بتهيقلي..
حبيبه: مش عارفه..
قلبه حسام عشان يشوفه اتفاجأ بكميه رسومات وكلام وتواريخ كتيييير
كان كله كتابه علي مفرش ابيض من اول خيط فيه لآخر خيط
حسام: حبييه انا حاسس اني هيطلعلي ارنب من الدرج كمان شويا..
ضحكت وقالتله : واالله لو كنت لقيت ارانب كنت جبت..
المهم فردو الغطا علي الوش التاني وبدأو بأوله
كانت حبيبه كاتبه كل تواريخهم اللي اتقبلو فيها مع بعض
وكل موقف حصلهم وكل كلام دار بينهم وبدأت بأول لقاء بينهم لما ضربته
اليوم والساعه والنظرات واحساسيها وبصات حسام
واللي حسته من ناحيته
حتي كتبت احاسيس حسام اللي فهمتها من نظرته ليها
ورسمت قسم شرطة وقضبان زنزانه وبنوته صغيرة
وبرة ظابط
والراجل الكبير اللي ساعدها وحكت لحسام عليه
وعلي اللي كانت حساة
كان المفرش شبه الحدوته بتاعت الاطفال وكاتبه في نص الغطا من فوق اسم القصة الصغيرة بتعتها
كن مجنونا لاجلي فانا لست من هواة العقلاء
وكانت عمله سرد القصة بطريقة هو وهي قعدو طول الليل يقرأو فيه
ويضحكو علي المقالب اللي كانو بيعملوها لبعض والاشكال اللي رسماها..
من الاخر حبيبه مسبتش لحظه ليهم مع بعض مكتبتهاش
وهما زعلانين وهما فرحانين
وعملت جزء خاص من بعد ما تعبت وتغير حيام وكل كلمة قالها حسام ليها
وكل كلمة قالتهالو وخيطت في الغطا صور ليهم مع بعض وصورها بفستان الفرح الاول
وفستان الفرح التاني
واللي استغربو منه مقارنة الصورتين ببعض لام لقو بصتهم في الصورتين شبه بعض مبتختلفش غير التكشيرة اللي كانو رسمنها علي
وشوشهم
بس لمعة العين هي هي ونظرم لبعض هي هي
وبصت الحب نفسها
وعملت جزء للاحلام وكتبت اا حلمت مرة بحسام وهو بيحكلها كل الحجات الحلوة اللي كانو بيعملوها في بعض
فرد عليها : بس دا مكنش حلم..
حبيبه وهي مستغربه : امال كان ايه..
كان حقيقه انا جتلك في المستشفي وانتي تعبانه
وقلتلك الكلام دا
كل حرف منه انا قيلهولك..
يا سلام ؟..
وحياتك عندي..
ياخراشي واالله فكرتني بحلم..
وانا مكنتش متصور انك سمعاني او ممكن تفتكري الكلام دا في يوم من الايام..
علي فكرة
انت احلي من احلي حلم حلمته 3>
وكملو قراءة لبقيت الحجات المكتوبه وحبيبه كانت سايبه فراغات كتير
عشان يبقو يضيفو عليها اللي يحبوة وفي النص حطت صورة ليهم وهما بيبصو لبعض
كان الغطا ولا حواديت الف ليلة وليله وقررو يعينوة واي جديد ليهم يبقو يطلعوة
يكتبو عليه ويعينوة تاني
وطبقته حبيبه ولفته بشريطة حمرا وحطت عليه كارت وكتبت عليه غطا حبنا ..
حسام: طب رسايل البحر دي بقه مكتوب فيها ايه..
حبيبه: افتح وشوف..
كانت كل ازازة فيها
احساس حساة حبيبه من ناحية حسام وفي الاخر كاتبه كلمة حب ليه وامضاء عاشقتك
واتفقو ان رسايل الحب دي هتبقي دايما مش في المناسبات بس وجابو صندوق كبير وكتبو عليه صاندوق رسائل البحر او رسائل البانيو
وحطو فيه كل الازايز وقررو يكتبو علي كل ازازة جديدة التاريخ والوقت وسبب كتابتها..
وجابتله خاتم مكتوب عليه
انا ملكك ولك حق التصرف بي
وعليه فص مقسوم نصين نص علي الخاتم ونص لبساه هي في سلسله وخاتم ليها زية مكتوب عليه
وانت ملكي ولي..
حسام: انام بقه يا حبيبه ولا في هدايا تانيه ؟
انا كدا ممكن اروح منك
يعني انا عمري ما كان بيحيلي هدايا وفجأة يبقي عندي كل دا..
حبيبه بضحك : هههههه خلاص آخر هديه..
وجابت من جمبها ازازة بيرفيوم شيك جدا وعليها ورداية..
حسام: ايه دي ؟..
حبيبه: دا بيرفيوم يا سيدي بس مش عادي
انا عملاة مخصوص ليك جبت البيرفيوم اللي انت بتحبه
والبيرفيوم اللي انا بحبه
وحطيت نص كدا ونص كدا
وعملت نفس الشئ ليا
وبكدا نحط منه احنا الاتنين
واحنا شمين ريحة بعض ومنغبش عن بال بعض ولا ثانية..
حسام: بت يا حبيبه..
نحم..
انا قلتلك قبل كدا اني بحبك..
اة كتير..
طب هاتي ودنك عشان عايز اقولهالك تاني ..
****
