قصة..(وليا معـــــــــــــاه حكـــــــــــايه)
ممكن تبقي زيهم ف يوم ف الايام
او ف حياتك التانيه لما تموتي بقه وعليكي خير..
بعد الشر عني وعن جمالي
وبعدين انت اللي هتحكم عليا انا حلوة ولا لا !
دا ناس من احللي واجمل الشباب ف الكليه بيحفو ورايا بس الحمد الله
معروفه يبني انا ملكه لواحد بس واكيد مش انت..
طب اسكتي بقه بدل ما اشوطك..
جاتك شوطه..
انا قايم مش كفايا بعد كدا هتبقي قعده ف ارابيزي يارب انا عملت اي بس عشان تجازيني بدي..
ارابيزك ?
ياي عليك وع كلامك..
يا بابا يا بابا..
جة والده : ايوا يا حسام..
اي احنا مش هنروح ولا اي
الوقت اتاخر وانا لازم انام عشان اعرف اقوم بكرة..
ماشي يلا
وكمان عشان حبيبه تلحق تنام
ولو اني عارف اا مش هتقدر تنام من فرحتها..
حبيبه عملت نفسها بتضحك وهي بتجز علي سننها: اة ياعمو اكييد..
قامت عشان توصلهم
فوقفو ع الباب وقالت بابتسامة وهي بتضغط ع اسناا : تصبح ع خير يا عريسي اللهي ما تلحق تقوم بكرة قول امين..
رد حسام عليها بنفس الطريقه : وانتي من اهله يا عروستي ان شاء االله حيطت الاوضه بتعتك هتترل ع دماغك تخليها زي العجين..
****
قعدت في اوضتها وهي مش مصدقه هي بجد اتجوزت حسام
واللي هي فيه دا كله حقيقه
وبجد فرحها بكرة .
بكرة هتبقي ادام الناس كلها مرات اللي ميتسماش دا
اللي مش عايزة حته تسمع اسمه هي لحد دلوقتي مفكرة اا بتحلم وهتدخل عليها ممتها في اي وقت وتصحيها
م الكابوس دا
وتصحي وهي بتضحك لاا خلصت من كل دا بس الظاهر ان كل اللي بقت فيه حقيقه ومعدش ينفع رب منه
ولازم تتقبل كدا
سندت ضهرها ع السرير وكملت تفكير
كان حسام هو كمان قاعد ع سريرة بيفتكر كلامها وبيقنع نفسه بكل اللي حصل بس ازاي
ازاي شاب زيه يقبل بكل دا وببنت زي دي
ازاي يمر عليه ظروف زي دي
ويقف ادمها زي العيل الصغير وميقدرش يتكلم او يقول رأيه
وازاي بباه يعمل فيه كل دا
هو عارف كويس ان كل دا تكفير لذنبه بس مع دي ؟
اشمعنه !
كلهم واحد مش بيجري في دمهم غير الخيانه حاول يحب قبل كدا
بس حظه كان وحش وخانه كالعاده فضلو مركزين في السقف شويا وقالو ف نفس الوقت..
يارب متلحق/ي تقوم/ي بكرة..
وغمضو عنيهم وكل واحد بيستحلف للتاني..
.....
لولولولولولولييييييييي
صحيت حبيبه مبتسمه ع الاصوات دي شالت اللي كانت متغطيه بيه
ومشيت لحد ما فتحت الباب
كان برة ناس كتير اوي من قرايبها قبلوها وسلمو عليها وبسوها..
الف الف مبروك يا عروسه..
االله يبارك ف حضرتك..
قبلت والدا : صباح الخير يا احلي واجمل عروسه..
صباح الخير يا ماما..
انا كنت بقلهم يوطو صوم ع اد ما يقدرو عشان تعرفي تنامي
انا عايزاكي النهارده متجهديش نفسك خالص هو احنا عندنا كام عروسه..
لا يا ماما متقلقيش انا نمت كويس الحمد الله ..
بصتلها امال وبدأت تدمع..
اي يا ماما هو احنا هنبدا نعيط بقه..
لا يا حبيبتي دا من فرحتي بيكي
ومش قدرة اتصور انك خلاص هتمشي وتسبينا
البيت هيبقي وحش اوي من غيرك..
ومين قلك اني همشي
انا قعده ومش راحه ف حته..
نعم..
هههههه شوفي بقه عايزاني امشي اهه متخفيش يا ستي هروح شقتي
بس عمري ما هقدر اقعد هناك وابعد عنكم
كل يوم هتلاقوني ف وشكو لحد مقرفكو..
اقرفينا انتي ملكيش دعوة..
وحضنو بعض...
امال: يلا روحي اوضتك بقه وانا هبعتلك الفطار واقعدي حضري نفسك لحد ما الكوافير يجي..
ماشي يا ماما..
****
كان حسام نايم
فجأه وحده اصحابه اترمو عليه فقام مفزوع..
يابن ال....
ها ها اشتم بقه اشتم يوم فرحك..
اي ياض منك لي اللي جبكو هنا..
جين نظبطك ياباشاااا..
تظبطوني ازاي يا زباله..
لا متفهمناش صح
احنا جين نظبطك ف اخر يوم ليك ف العزوبية
او اخر نص يوم يعني يا كبير ..
ودا ازاي بقه
وحد قالكو اني عايز اتظبط اصلا..
مش كفايا مخلتناش نحتفل بيك الايام اللي فاتت
لا انت تسبلنا نفسك خااالص النهارده احنا هنظبطك
هنطلع نصيع ونجبلك الحلاق يروقك
شعر دقن فوطه سخنه كدا يعني..
محمد انا مليش دماغ لدا كله..
امال ليك دماغ لايه يا خلبوص..
يلا يا عيال يا رمم من هنا..
لا ع فكرة انت متقدرش تطردنا احنا جين بامر الكبير..
كبير مين..
سيادة اللوا..
دخل والده فقامو كلهم..
مجدي :اي يا حسام هتسيب صحابك وقفين كدا
يلا قوم اجهز واخرج معاهم..
بس يابابا..
بس اي
النهارده مفيش بس عايزكو تتبسطو مع بعض ع اد ما تقدرو
هو انت هتتجوز كل يوم يبني
يلا يا شباب قوموة..
امر جنابك..
فقامو كلهم وشالوة..
سيب ياض سيب يالا منك ليه
ان ما ورتكو..
****
الكوافير : ها بقه يا عروسه عايزة حاجه معينه ولا نشتغل علطول..
لا اللي انتي شيفاه كويس عليا اعمليه اي حاجه تكون رقيقه وخلاص..
متقلقيش
انتي ما شاء االله اي حاجه عليكي هتبقي كويسه..
ميرسي..
لولولولولولولييييييييي..
حبيبه: انا عارفه صوت الزغروطه دي اسماااء مفيش غيرها..
اسماء: هههههه عارفاكي بتعرفيني من ع بعد 7 متر..
بستها اسماء وقعدت ع الكرسي وسألتها : ها هتبداو دلوقتي..
لا لسه هعمل شوية ماسكات وهنبدا متاخر عشان مقعدش كدا متزنبه..
طب يلا حطي اي ماسك وتعالي نقعد ع السرير كدا نتفرج ع اي حاجه ..
ماشي .. خلصت حبيبه وراحت تقعد جنب اسماء..
ها انا جيت..
نورتي البيت تعالي تعالي..
ف اي..
فتحت اسماء البوم صور..
اسماء: فكرة الصورة دي..
االله يا موءة هما لسه معاكي..
طبعا يبنتي وعملتهم البوم مخصوص نسختين
نسخه معاكي ونسخه معايا..
يخربيتك موفجأتك..
اتفرجي ف حجات احلي فكرة دي واحنا صغيرين..
هههههه اة يوم ما وقعتي من ع الرصيف واتعورتي ف وشك..
اة وفكرة المرجيحه دي يا حبيبه
لما رجلك اتكسرت عليها..
اة وفضلنا نمشي انا وانتي والعيال
مش عارفين نعمل اي وانا اعيط وخفنا نقول لبابا..
وفضلتي غايبه اسبوع وجينالك البيت
انا وصحبنا بتوع الفصل..
ولما فوكيت الجبس كانت اول وحده اروحلها انتي..
وخرجنا انا وانتي ف الشارع نجري
كنت حسا ان انا اللي فكيت الجبس مش انتي..
فكرة العجله دي..
اة اول عجله اركبها اللي انتي كنتي جيبهالي ف عيد ميلادي ..
اول ما اتعلمت ركوا حلفت مانا طالعه من الشارع غير وانا معلماكي ركوا زي منا اتعلمت..
طول عمرك راسك نشفه يا بيبه..
لا طول عمري بحبك اكتر من نفسي..
وانا واالله يا قلبي..
ياااه دي اول صورة لما دخلنا الكليه هههههه شيفانا كنا عملين ازاي
ياربي متشردين..
فكرة يا حبيبه لما رحت انا وانتي نعمل قودورات وانتي تقوليلي واالله لو وحده فينا اتقبلت ماهي سيبه التانيه
ان شاالله ندخل معهد سباكه..
اة كنت نفسي طول حياتي اشتغل سباكه شوفي ف الاخر ابقي فنون
لو كنت سباكه كانت البليه لعبت معايا وبقيت بشمهندسه اد الدنيا..
ف عروسه تفصل صحبتها كدا يوم فرحها حرام عليكي يا شيخه ..
بضحك معاكي يا سمسمتي اناه
اوبا بقه فكرة انتي دي..
احم احم..
اول صورة اخدالك انتي واحمد لما وقفتكو غصب وصورالكو غصب..
طول عمرك مفتريه..
انا
دا انا طيب..
اوي
انتي هتقوليلي برضو..
مش عارفه اقولك اي ابوسك ولا احضنك ولا اقول ربنا يخليكي ليا شوفي احنا ربنا ما رزقناش باخوات بنات بس عوضننا ببعض..
واحسن واحلي تعويض انتي احلي حاجه ربنا عوضني بيها..
خلاص بقه انا هعيط..
لا متعيطيش عشان البتاع اللي انتي حطاه ع وشك دا ميبوظش
متقومي تغسليه يا بيبو انا حسا اني قعده مع جعفر ابن البواب..
جعفر ف عينك دا انا حته احلي من ابراهيم اخوة..
فضلو يضحكو وبعدين حضنو بعض جاااامد..
عدت الساعات ولبست حبيبه فستاا
وبدأت تعمل الميك اب
واسماء قاعده جنبها
كانت فرحانه مش مصدقه اا لابسه الفستان الابيض هي الايام عدت بسرعه اوي كدا وكبرت ؟
يعني هي كبرت دلوقتي ولا لسه زي ماهي حبيبه الصغيرة اللي كانت لسه يدوب امبارح بتلعب وتجري
****
