وليا معاه حكاية

Part 19

قصة..(وليا معـــــــــــــاه حكـــــــــــايه)

بص بقه يا برنز انا عايزك تظبط عريسنا ورينا احلي حلقه

دا باشا البشوات..
من عنيا يا بيه..
وبص السجارة دي مني ليك
بس انت اعمل معاه الواجب..
من عنيا واالله يا محمد باشا
دا انت تؤمر..
االله يخربيتك يا محمد زفت انت مديله يعمل دماغ فوق راسي خليه فايق يخويا للاقيه حلقلي شعري زيرو..
ياعم متقلقش دا يعملك احلي شغل لو هو اي..

كانو كلهم قاعدين ف شقة محمد صاحب حسام من الطفوله
كان معاه في المدرسه والكليه
واقرب الناس ليه
ومشغالين اغاني بصوت عالي ..
محمد: بص انا سمعت كلامك اهه ومخرجناش
انما عايزك تاخد دي بقه من اخوك..
ياعم هو انا ناقص اتوة انا تايه خلقه..
ياعم شد بس وادعيلي..
هات ياعم ان شاالله محد حوش..
مساء الفل يا زميلي..
مساءو عنب يا كبير ..
****
اي القمر..
بجد يا اسماء..
قسما باالله لا شفت ولا هشوف احلي ولا اجمل منك
اي دا
دا انا لو مكان حسام كنت انتحرت..
لازم تفكريني بالسيرة دي يعني..
لا بجد انتي قمررر قمرر قمرر
االله اكبر انا مش عايزاكي تترلي كدا انتي ممكن تخدي عين يبنتي ولا حاجه..
بس بقه بتحرج يابت..
****
خلص حسام توضيب نفسه لبس بدله سوده بتلمع
وفي جيبه ورده بيضا صغيرة وجرافته رفيعه فيها خطوط طويله بيضه كان شعرة جميل حاطط عليه حاجه مخلياة يلمع والبدله مجسمة
بص لنفسه ف المرايا وخد نفس عميق..
دخل محمد عليه وقال: اي ياعم الجمال والشياكه دي وربنا احلي عريس..
تسلم يا محمد..
يلا اجهز العربيات كلها متظبطه تحت هنعدي ع بيتكو نجيب سيادة اللوا ووالدتك
ونروح بقه ع بيت العروسه..
خلاص ماشي..
وبعدين سكت شويا وندالو : محمد..
نعم يا كبير..
شكرا..
شكرا ع اي يبني دا احنا اكتر من اخوات انت ناسي اننا متربين مع بعض
دا انا حاسس ان دا فرحي مش فرحك ربنا يتملك ع خير..
عقبال ما افرحلك..
تسلم يلا بقه عشان منتاخرش..
نزلو وركبو العربيه
كانت عربيات كتير وفخمه اوي ركب هو العربيه اللي معموله ليه ولحبيبه

وكان وراة صحابة وبعدين
وقف محمد الزفه ونزل..
حسام: اي دا انت رايح فين يبني..
استني بس..
استني اي ياض انت..
نزل محمد من العربيه وغاب شويا وبعدين جه وهو ماسك بوكيه ورد ابيض وفيه كذا وردة حمرا كان رقيق وشيك اوي..
اتفضل..
اي دا..
انت شايف اي..
شايف بوكيه ورد بس لمين..
اكيد يعني مش ليك
البوكيه دا لمراتك..
ومين قلك اني عايز اجبلها بوكيه..
ياعم هو في عروسه بتحضر فرحها من غير بوكيه..
بس يامحمد..
من غير بس يبني
دي الاصول..
مشيو في طريقهم وجابو والد ووالدت حسام وراحو لحبيبه..
****

لولولولولولولييييييييي سمعت حبيبه الاصوات فعرفت ان حسام جة
علت الاصوات وابتسمو كلهم..
امال: الف مبروك يا روحي..
االله يبارك فيكي يا ماما..
نزل حسام من العربيه وهو ماسك بوكية الورد ومستني حبيبه..
يلا يا حبيبتي عريسك تحت..
ماشي يا بابا ..
نزلت ووراها الاطفال الصغيرة ماسكين ديل الفستان واسماء وراها لابسه فستان سهرة
بصت لقت حسام شايل البوكيه كان شكله حلو اوي
مش الورد بس وحسام كمان
حسا انه شخص تاني ماعادا تكشيرته هي هي اللي عارفاها دايما
جت عنيهم ف عنين بعض فضل حسام مركز مع الملاك دا
الفستان كان ليه ديل طويل اوي وشيلينه البنات الصغيرة زي الكارتون
ملكة او اميرة مستنيه اميرها او شخصية هربانه من حدوته جميله
بص لكل حاجه فيه الورود البيضة الصغيرة اللي في اخر الفستان وفي الديل والشريط الابيض العريض اللي علي وسطها ومعقود من
ورا اللون الفضي علي دراعها وعلي اللي باقي من الفستان والطرحه الطويلة البيضه في اولها تاج ابيض وحجاا الرقيق مبين رقبتها
البيضة وخصلات شعرها البندقي اللي ظاهرة من الطرحه والحلق اللي في وداا الطويل بيلمع مع كل حاجه بتلمع فيها زي ما تكون
قاعده علي السحاب
كان الفستان عليها غير اللي كان شافه خالص كان احلي
وهي كمان كانت احلي
نزلت لحد ما وصلت عنده فضلو باصين لبعض من فوق لتحت
وقالها حسام وهو بينولها الورد : خدي ..هو اي اللي خدي..
خدي البوكيه..

مترميه ف وشي احسن
بص احترم نفسك
انا النهارده العروسه يعني حاجه كدا حاجه كدا
الف واحد اشكيله هتتعلق فاحترم نفسك وسبني احس اني ملكه بالفستان دا..
ملكه اي
وانتي عامله شبه اللي وقع ف كيس قطن كدا
اي دا
كل دا فستان هتركبي ف العربيه ازاي..
اة هنبتدي شغل الغيرة بقه
عشان انا زي القمر وانت عامل زي القلم الفلوماستر الاسود كدا
وبعدين انت اي فهمك ف الفساتين يا جاااهل..
اي فهمني ف الفساتين ?
ع فكرة كان المرة اللي فاتت احلي ومكنش طويل كدا..
اة ماهو اصل الديل دا بيتركب فيه وبعدين ال...
سكتت شويا كدا وبصتله: انت اي عرفك انه كان قصير؟..
نعم؟؟..
اي عرفك انه مكنش طويل..
اة دا
دا انا شفته في الشنطه بتعته المرة اللي فاتت
واحنا بنجيبه
وبعدين انتي بتتكلمي كتير لي
هتتصحبي عليا مثلا اتنيلي وادخلي..
جاتك نيله يلا ..

دخلت العربيه ومسكت الورود حست بالحنان هو بجد جايب الورد دا عشاا فضلت مركزة شويا
فدخل حسام راسه من الباب : حضرتك مستريحه كدا..
اة بتسال ليه..
لا واالله اصلهم بيقولو اني ليا مكان هنا اتزفتي لمي فستانك دا عايزة اقعد..
لا خليك
سبني كدا احس اني اخده الكرسي لوحدي والنبي خليهم يلففوني شويا ..
بت لمي فستانك بدل مقطعهولك..
يارخم خلاص شلته اهه ..
ركب حسام ومشيو والعربيات وراهم قعدت كل شويا تبص عليهم مش مصدقه ان كل دا ليها..
حسام: اي متتهدي..
عايز اي..
انتي هتفضلي زي الكلب اللي راكب ف العربيه رايح جاي كدا..
كلب ف عينك يا حيوان
وبعدين انت مش شايف كمية العربيات اللي ورانا..
مالها يعني..
كل دي عشاني..
وربنا انا لو كنت متجوز وحده عندها أربع سنين كانت هتبقي عاقله عن كدا ..

متأي يا امور!
متجوز انت صدقت نفسك ولا اي
دا حيله منظر ادام الناس..
يعني شيفاني لازق فيكي اوي
امال لو مكنتش اخدك خلاصت حق..
خلاصه حق ف عينك..
طب اسكتي خالص لحد ما نخلص م التمثيليه البايخه دي بقه..
وصلت الزفه القاعه نزل حسام وحولت حبيبه تترل بس معرفتش من الفستان بصلها شويا ومدلها ايده وهو بيبص الجهه التانيه عشان
يسعدها فضلت بصاله شويا وبعدها مسكت ايده وخرجت بداو يضربو صواريخ ويعملو العاب ناريه بص لعنيها واللمعان اللي فيها
ولون الصواريخ اللي معكوسه جواها
وبعدين ضم دراعه ومدهولها..
حبيبه باستغراب: نعم..
نعم االله عليكي يختي هاتي ايدك..
لي..
يارب صبرني
اقولك ممكن تدخلي الفرح لوحدك وتقعدي لوحدك ف الكوشه وترقصي ويصي
ولوحدك برضو اصل انا مليش لزمه..
االله انت عرفت منين..
واالله كلمه تانيه وهديكي ف وشك..
عايز اي يعني..
هاتي ايدك وامسكي فيا عشان نمشي ادام الناس زي البني ادمين العادين..

مممم..
انتي لسه هتأممي..
وشد اديها جامد
االله براحه ايدي وجعتني..
هو انتي بتحسي يلا ادامي..
مشيو مع بعض وهما ماسكين في ايد بعض زي اي عروسه وعريس ووقفو ف الزفه..
حبيبه: انا رجلي وجعاني والكعب مديقني متقولهم يخلصو..
انتي عارفه لو كانو هيخلصو بدري انا هخليهم يتاخرو..
يا بارد..
خلصو زفه
وطلعو السلالم اللي تودي للقاعه وادمهم اتنين م اللي بيعزفو ع الكامانجات
وبنات م اللي بيرقصو بالي صغيرين (بلارينات. (
دخلو القاعه استقبلهم اتنين ماسكين سيوف مطلعه نار كانت القاعه واسعه سقفها وردي غامق
والطربيزات بيضه عاليه
وكراسيها عاليه
وعليها زهريات جواها ورد ابيض واحمر
والكراسي عليها شرايط وردي
اما الكوشه بقه كانت عامله زي التاج لوا ابيض كانت تجنن
بصت حبيبه وهي مش مصدقه المنظر القاعه تحفة
عمرها ما كانت تتخيلها كدا
اول ما دخلت سبوقها الشابين اللي بسيوف وجه شابين تانين فردو ادمهم سجاده طويله حمرا
ووقفت كل الناس تسقف لحبيبه وحسام ومشيت حبيبه ع البساط الاحمر زي الملكات والاميرات
وديل فستاا وراها وطرحتها

وصلم للكوشه وقعدو فيها
واسماء مسبتهاش لحظه
بصت شافت طربيزة فيها كل اصحاا فرحت اوي وقعدت تشورلهم..
حسام : بتعملي اي االله يخربيتك..
اي ببيبي لصحابي..
بتبيبي ازاي..
كدا يعني بقولهم باي..
انتي فاكرة نفسك قعده ف المدرج بتعكو الناس بتبص علينا يا زفته..
ماشي خلاص جاتك نيله
حته دي مش عارفه اعملها..
حبيبه قاعده زي اللي بتحلم نسيت حسام ومشاكلهم وحياا كلها
حست اا قاعده لوحدها ف الكوشه مخدهاش غير صوت الدي جاي وهو بيقول..
برنس وبرنسس حفلتنا الليله يشرفونا برقصه سلو عشان نفتتح حفلتنا
بصت لحسام باستغراب وبصلها هو اكتر فضلو قاعدين لحد ما كرر الدي جاي كلامه..
برنسس وبرنس حفلتنا الليله يشرفونا بافتتاح حفلتنا برقصه سلو
الناس كلها فضلت تبصلهم ووالد حسام بصله اوي
فاضطرو يقومو مد حسام ايده لحبيبه فبصتله
قومي الناس بتبص علينا..
فقامت معاه ووصلو لنص القاعه
واشتغلت اغنيه شيرين انا كلي ملكك فضل حسام يبص شويا عليها

لحد ما شدها وحط ايده ع وسطها
برئت مكنتش مصدقه انه خلاص جوزها
جزت علي سناا وعملت نفسها بتضحك ..
وقالت : شيل ايدك بدل مقطعهالك..
تجاهلها ومسك اديها وبدا يتمايل مع الموسيقي..
انت بتعمل اي..
بلعب بلاي استيشن..
نعم..
انتي شيفه اي يا بني ادمه
بتنيل ارقص معاكي
ع اخر الزمن
عشان الناس اللي بيبصو علينا..
اة خدها حجه بقه..
حجت اي يا بت انتي
انتي هتصدقي نفسك ولا اي
واالله انا ما متصور انه جه اليوم اللي ارقص مع وحده زيك..
احترم نفسك
اي وحده زي دي..
والنبي بصي ع نفسك وانتي عامله زي لوح الخشب
دا انا لو كنت برقص مع مولت سريري كانت رقصت احسن منك..
ع فكرة انا رقاصه وممكن اخلي القاعه تتفرج عليا
بس هو الفستان..

انا من اول يوم وانا عارف انك رقاصه ماهو دا شكلك..
انت حيوان اصلا
انا قصدي اني ممكن ارقص سلو احسن منك ميت مرة..
اة باين..
طيب انا هوريك..
مسكت ايدة جامد وحطت اديها التانيه علي كتفه كانت اول مرة تحس بفرق الطول مع اا طويله
لاكن اول مرة تشوف نفسها كدا
ولاول مرة تحط اديها ع كتف ولد
حست ان قلبها بيدق
بس برضو قررت ترقص وبدأت تتمايل وتلف مع الاغنيه والناس كلها بصلهم بفرح وبحنان
وسعتها حسام كانت مشاعرة مضطربه
كل ما حبيبه تبعد وترجع ويحط ايده علي وسطها يحس ان أيده فيها احساس غريب زي ما تكون بتتكهرب بسيط
بدأ هو كمان يرقص معاها وكانت الاغنيه شبههم هما الاتنين
حط ايده ع ضهرها خلاها تميل لورا وهو ماسك اديها
ضغطت ع ايده جامد ومسكت كتفه باديها التانيه جامد
خافت تقع كل دا وعنيهم مترلتش عن بعض افتكرو وقفتهم ع السلم يوم ما جابو الفستان خلصت الاغنيه والناس سقفتلهم وقعدو
مكام تاني
فضلت الفقرات تبدا وتخلص والقاعه كلها كملت واشتغلت الاغاني المخصصه للافراح
فضلت حبيبه تسقف للاغاني اول ما بدات..
االله بحبها اووي..
هي اي دي..
المهرجان دا..
مهرجان.. ?

اة مبتسمعش مهرجانات ولا اي..
لا الصراحه ميشرفنيش..
انت اصلا كئيب
هتسمع حاجه زي دي ازاي
انا هقوم اهيص مع صحابي..
نعم يختي..
هقوم بقه مش انا العروسه..
ابقي حولي بس تترلي من هنا وانتي حرة..
اي دااااا
بتغير عليا ومش عايزني ارقص يا حوسام..
اغير ع مين يا برص جعان انتي
كل الموضوع ان اصحابي كلهم هنا ورأسائي يعني لازم تقدعي زيك زي الكرسي ..
االله
يعني هفضحك
خلاص من عيني هقوم اتحزم وارقص..
انا قلتلك لو قمتي هيبقي ليلتك سودة..
اسود من كدا ؟
مظنش..
شورت لاسماء وصحباا علشان يقومو يخدوها وفهمت اسماء
جت تخدها بصتلهم حبيبه وهي بتضحك وبصت لحسام وهي بتغيظه
مسكت ايد اسماء وقالتله وهي نزله : بص ابقي قوم انت كمان اصل هيبقي شكلك وحش وانت قاعد لوحدك كدا..

نزلت من ع الكوشه واول ما صحاب حسام شافو كدا
راحو شدوة هو كمان..
فضلت حبيبه يص وترقص مع صحبتها وهي فرحانه زي ما تكون متجمعه معاهم ف بيت حد فيهم
كل شويا حسام بيبص عليها وهي تبصله وتغيظه
هو كمان لما شاف كدا بدأ يرقص
مع صحابه وشالوة طيروة ف الهوا وكان اجواء الفرح زي اي فرح واحلي راحو عشان يفتتحو البوفيه وبدات الناس تاكل وجابو
لحسام وحبيبه طبقين
حبيبه: االله
واالله كنت جعانه..
يا ربي انتي هتعملي اي..
هاكل..
هتكلي اي االله يخربيتك
طب مش خايفه ع مكياجك..
محنا خلاص هنروح اهه..
يابنت الحلال الناس كلها بتتفرج علينا يعني مينفعش الهبر اللي انتي هتوهبريه دا..
واقعد جعانه يعني..
اقعدي متزفته..
ونده حسام ع الولد اللي واقف جمبهم وقالو ياخد الطبقين
طب
طب استني اخد قطمه..

بصتله حبيبه بغيظ وربعت اديها وهي زعلانه
بصلها وهي مش وخده بالها حس انه شايف طفله صغيرة مقموصه
عشان خدت منها مصاصتها
وجت اخر فقرة ورقصو كلهم مع بعض وحبييه فرحانه
وحسام لسه زي ماهو ضارب الوش الخشب
لحد ما خلص الفرح ونزلو العربيه
وحبيبه كانت خلاص
خلصت من كتر التعب قعدت ف العربيه وزقت حسام..
حاسب شويا مش عارفه اخد راحتي..
علي فكرة العربيه دي تبعي
يعني ممكن احدفك برة..
عملت نفسها مش سمعاه وقلعت شوزا..
انتي بتعملي اي..
بقلع الشوزة
الكعب وجعلي رجلي..
عقبال لما تتقطع..
بعد الشر عني ان شاالله انت..
بصلهم محمد وسأله :
اي يا عريس عايزين تروحو تسهرو ف حته..
لا يا محمد انا تعبان وعايز انام روحنا..
بصتله حبيبه بقلق وقالت بسرعه : لا لا ودينا اي حته نسهر فيها..
نسهر اي انتي مكفكيش اللي عملتيه في الفرح؟ متهدتيش..

لا لسه عايزة اتفسح
طب اقولك لففنا بالعربيه كدا وبعدين نروح نقعد ع البحر ومنترلش م العربيه وناكل اي حاجه..
هو انتي معندكيش حاجه تفكري فيها غير الاكل..
بصتله بزعل : مش كفايا مكلتش ف القاعه..
رد محمد : خلاص احنا نروح نقعد ع البحر شويا بالعربيه ..
فضلو قاعدين ع البحر وحبيبه بتقاوم النوم بالعافيه بس مش عايزة تروح معاه..
حسام: يلا بينا يا محمد..
فردت حبببه : لي لي؟..
هو اي اللي ليه احنا هنبات هنا..
طب هات موبايلك اكلم ماما
اشوفها راحت الشقه ولا لا..
هما قالو ام هيسبقونا ع هناك..
طيب خلاص يلا بينا ..
مشيو بالعربيه لحد ما وصلو الشقه كانت في الدور التالت فوق بيت حسام
نزلت حبيبه من العربيه وطلع بباه وممته وبباها وممتها يستقبلوهم..
.....
طلعت حبيبه شقتها هي وحسام وممتها وممته كانت شقه كبيرة
ريسبشن ف اوله طربيزة السفرة
وبار ع الجنب الشمال وف الوش اوضه متقفله كلها ازاز وظاهر اللي جواها انتريه
في اول اوضه الانتريه موجود تمثال صغير ع اليمين وجمبه مدخل يودي لاوض النوم ..

دخلو كلهم وقعدو ف اوضه الانتريه وبعدين سلمو عليهم عشان يمشو عيطت حبيبه وهي بتسلم ع مامتها وبعد ما مشيو
دخلت اوضتها وحسام قعد يقلب في تلفزيون الانتريه شويا
اوضتهم كانت كبيرة وواسعه وليها حمام خاص بيها..
دخلت قعدت علي سريرها وهي خايفه بعد شويا قررت تقوم تغير هدومها لبست ازدال الصلا بتعها وصلت وفضلت قعده بيه خبط
حسام ودخل اول ما دخل خافت
جاب بجامه م الدولاب ودخل الحمام وغير بدلته خرج وراح علي السرير اللي هي قعده عليه بصتله باستغراب..
انت بتعمل اي..
انتي شايفه اي هتنيل انام..
تنام هنا..
امال انام فين ان شاء االله..
اتصرف عندك اوضتين تانين
ولا نام ف الصاله..
ولي متتنيليش انتي وتروحي تنامي ف اوضه تانيه..
انا البنت يعني المفروض انا اللي افضل..
بصي بقه انا مستحمل رزلتك وتلمتك وقلت ادبك انما تتأمري في شقتي يبقي تحترمي نفسك
ومحدش هينام ع السرير دا غيري..
يعني اي ..
يعني قومي يلا شوفيلك مكان تاني..
مش قايمه..
فقام حسام وقرب منها

سالته بخوف وهي بتبعد : انت بتعمل اي..
جاب ريموت التليفزيون من جمبها
حطت ايدها ع قلبها وخدت نفس..
كمل كلامة وقال: انتي حرة بس وريني هتعرفي تنامي ازاي..
فتح التليفزيون بصوت عاالي وقعد يقلب..
حبييه: على فكرة انا اصلا مبعرفش انام الا كدا وبالذات لما يبقي ف نور ياااة كنت تعبانه اوي ..
وشدت البطانيه الصيفي عشان تنام
هتنامي جمب راجل متعرفيهوش كدا عاادي..
اة يعني وفيها اي
وكمان انت مش بقيت جوزي ولا اي يا عريسي..
وبدل ما انا بقيت جوزك
لبسه ازدال الصلا وانتي نايمه لي..
دا
دا انا بردانه شويا بس ..
ومش خايفه اعمل حاجه كدا
ولا كدا..
قصدك اي يعني..
انتي لسه قايله
مش انا بقيت جوزك خلاص..
قامت ورمت اللي كانت متغطيه بيه وبصتلة

لا شيل اللي ف دماغك دا خاالص
وانت عارف اننا متجوزين تمثيليه..
يبقي تقومي تشوفيلك مكان تنامي فيه غير سريري..
قلتلك مش هقوم..
يبقي متزعليش م اللي هعمله بقه..
قامت ووقفت ع السرير
ع فكرة انا معايا الحزام الاصفر يعني اقدر احمي نفسي كويس..
هههههههه ضحكتيني واالله..
وفتح الدرج اللي جمبه وطلع مسدسه وقعد ينضف فيه ومسكه وبصلها
قولتيلي بقه معاكي اي حزام..
لا دا انا بقول اني هاخد مخده وبطانيه وهطلع برة..
ونزلت جري من علي السرير وهي بتاخد مخدا وبتبصله ورزعت الباب وراها.
طلعت الانتريه وفتحت التليفزيون عشان متخفش وتعرف تنام ونامت ونام حسام
والصبح..
****