قصة..(وليا معـــــــــــــاه حكـــــــــــايه)
روحو شقتهم وجهزت حبيبه شنطتها وشنطت حسام
وقعدت علي السرير
جه حسام جري وهو ماسك طبق فشار وقعد جمبها علي السرير
اتخضت وسألته : في ايه؟..
في فيلم هيبدأ دلوقتي اتغطي يلا عشان هنتفرج عليه ..
بصت لقته قافل نور الشقه كلها..
حبيبه: اي دااا انت قافل الأنوار كلها كدا ليه..
لزوم الفيلم بقه..
ضحكت وبصتله : طيب مدام كدا نقفل نور الاوضه كمان..
بصلها بأستغراب : اي دا مين بتقول كدا..
انا يبني..
امال فين افتح النور وحياتك افتح النور..
لا دا كان زمان وبعدين هو انا ممكن اخاف وانت جمبي برضو.. ?
هااااح يخربيت كلامك الحلو
طب يلا اقفلي النور اللي جمبك..
وقفلو الانوار ومفضلش غير نور التليفزيون وحطو الفشار وسطهم
حطت حبيبه راسها علي كتف حسام وحوطت اديها علي وسطة وهو حط ايده علي شعرها وبدأ الفيلم
كان فيلم رعب كانو مندمجين معاه اوي تبعوة وهما بيكلو الفشار..
حبيبه: االله شفت الوحش وهو بياكل احشاء الراجل..
االله يخربيتك وتقوليلي بخاف
دا انا اللي مفروض اخاف منك دا انتي بت دمويه..
هههههه عووو..
وقبل اية الفيلم بشويا
حسام : يا سلام يبني علي الحركات شوفتي الحته دي يا بيبه؟
حبيبه حبيبه...
بصلها لقاها نامت حط الفشار جانبه وعدلها عشان تنام بس فضلت ماسكة فيه ابتسم وقفل التليفزيون ونام جمبها
****
قامو الصبح مع بعض
وابتسمتله وقالت ..صباح الخير..
صباح النور والجمال وكل حاجه حلوة بقه ..
يلا عشان نلحق نفطر ونطير بقه..
ماشي يا حبيبي يلا ..
وقامو جهزو حجام وسلمو علي اهلهم وركبو وراحو المطار..
حسام كان ساكت..
حبيبه: ايه يا حسام لو عايزنا نرجع مفيش مشكله..
لا يا حبيبتي نرجع ازاي انا وعدتك وان شاء االله هنسافر ونتبسط..
وجه معاد طيارم فضلت حبيبه ماسكة فأدية وطلعو السلم وقعدو مكام ..
حوسااام..
نعم..
عامل ايه..
مش عارف كنت مفكر الموضوع اسهل من كدا..
مهو سهل اهه ولسه ان شاء االله لما نطير هيبقي احلي..
اة انتي هتقوليلي دا هيبقي احلي واحلي..
هات ايدك كدا..
وخدت اديه وحطتها علي قلبها
ها سامع ايه..
مش سامع حاجه..
طب حاسس بأيه..
حاسس بدقات قلبك اهه..
طيب خليك مركز معاها وانسي ضربات قلبك خالص عشان انا كمان عمري مركبت طيارة وعايزة حد يطمني ممكن ؟ ..
ومشيت الطيارة وحبيبه هي كمان ماسكة في ايدة جامد عشان متخفش وحسام نسي خوفة خالص وفضل يطمن فيها هي ضحكت
اول ما شافته كدا وبعد ما طلعو بالطيارة نامت علي كتفه
حسام : انا مكنتش متخيل خالص ان الموضوع هيبقي سهل كدا..
الحمد الله اشكر ربنا انت بس اللي مكنتش مدي لنفسك فرصه..
عندك حق انا لو كنت جربت وضغطت علي نفسي كنت هبقي زي دلوقتي.. حبيبه انا مش عارف اوصفلك الاحساس اللي جوايا انا
بحبك اوووي..
وانا يا حسام بقيت بحبك اكتر من نفسي ربنا ما يحرمني منك ..
ووصلو تركيا وراحو علي المكان اللي هيقعدو فيه
كان شاليه دور اول علي البحر بالظبط اول ما دخلت وشافت منظر البحر
من الاوضه قعدت تدور حوالين نفسها وهي بتضحك..
فضل حسام بصصلها شويا وقالها: مبسوطه.. ?
هي مبسوطه دي تيجي جانب اللي انا حساة دلوقتي ايه ؟
انا الاحساس اللي فيا دا ميتوصفش بس ازاي لقيت الشاليه الحلو دا..
عملت سيرش علي النت وحجزته ودفعت كمان لقيته فرصة متتعوضش..
جداااا بصراحه انت مش شايف منظر البحر ولا ايه ..
طب تعالي استريحي شويا وبعد ما نصحي نبقي نروح نقعد عليه..
انت عايزني انااام واسيب المنظر دا ? بتهزر اكيد
لا انا مش هنام انا هستغل كل دقيقة لينا هنا..
يبنتي احنا جاين من سفر ولسه الايام جايا كتير استغليها برحتك..
انت بتسمي الساعتين اللي جينا فيهم دول سفر لاااا هستغل الوقت من دلوقتي ..
وفتحت الدولاب وقعدت تدور علي مفرش ابيض
وخدت مخدتين
وقلعت الشوزة ونزلت تجري علي الرمله وهي بتضحك
اقفل الشاليه وحصلنيييي..
هههههه عبيطة وربنا عبيطة ..
فرشت المفرش ادام الشط بالظبط وحطت فوقيه المخدتين
جه حسام وفي اديه طبق شيبسي..
قلت بقه اجبلك حاجه تتسلي بيها وانتي بتستغلي البحر ..
طب تعالي اقعد بقه..
أدينا قعدنا ياستي هه..
حطت راسها علي كتفة وقعدت تبص للبحر ..
حسام هو انا كنت رخمة معاك اوي ؟..
عايزة الصراحه ولا الصراحه..
ياريت الصراحة التالته احلي..
هههههه الصراحة يعني كنتي رخمه رخامة كدا معجونه بتلامة علي شوية رزالة محطوط فوقيهم برود اايه لووز..
ياربي علي الكوكتيل الجميل تصدق انت رخم اة واالله..
يبنتي مش قلتي عايزة الصراحة اكدب عليكي يعني..
امال انت بقه كنت ااايه ياربي كنت سقعان وتلم..
ايه سقعان دي؟..
يعني بارد
المهم سبني اكمل كنت شايف نفسك اوووي معرفش يخويا علي ايه..
احترمي نفسك يابت دا انا ظابط اد الدنيا..
يا شيخ اتلهي
كنت بجح كدا وسعات كان عندي شعور جوايا بيقولي اني لو مت عمري ما ههمك..
بعد الشر عليكي يا بت انتي..
لا واالله
دلوقتي بعد الشر
بعد ماكنتي بتدعي عليا..
منتي كمان كنتي بتدعي عليا..
الصراحة كنت تستاهل..
وانتي كمان كنتي تستهلي القتل مش كفايا ايدك الطويله دي..
ايدي دي هي اللي جمعتنا ولا ايه..
يعني مكنش ممكن نتجمع بطريقه الطف شويا..
لا احنا معندناش غير كدا يا امور عجبك ولا مش عجبك..
عجبني ياباشا عجبني ..
اة فكرت
طب ودلوقتي يا حسام..
دلوقتي ايه ؟..
شعورك أية من نحيتي..
حاسس اني عايز افضل ماسك فيكي كدا مسبكيش ....
كملت وهي بتحضنه جاامد : وانا كمان
يا سلام لو نفضل في مكانا دا والبحر ادمنا كدا علطول..
خلاص هجبلك طبق مية في الاوضه بتعتنا ونفرش نفس الفرشة دي ونقعد كدا دايما..
يا رخم..
اهو انتي ..
حسام يعني ايه حب..
ازاي يعني..
اصل طول حياتي معرفش يعني ايه حب كل الناس بتقعد تقول وتتكلم عليه بس ازاي الواحد يعرف انه بيحب..
انتي حسا بأيه دلوقتي..
حسا اني مبسوطة وسعيده وطيرة من الفرحه وعايزة امشي فوق الميه دي حسا بشوية حجات جوايا متلخبطة..
طب ولو مشيت انا دلوقتي هيبقي عندك نفس الشعو دا ؟ ..
لا طبعا انا حسا بالاحساس دا عشان انت معايا..
اهو هو دا الحب بقه انك تحسي بشوية الحجات المتلخبطة دي وانتي مع اللي بيحبك
تبقي طايرة علي سحابة بيضا وحطا ايدك في اديه او سندة راسك علي كتفه وحسا بالامان معاه مش عايزة تسبيه ولا هو عايز يسيبك
..
طب وانت ايه الحب بالنسبالك..
دلوقتي ولا قبل كدا ؟ ..
دلوقتي..
الحب بالنسبالي دلوقتي ؟!
..هو انتي
كل حاجه فيكي ضحكتك خدودك لما بتحمر
مشيتك شعرك ريحتك مسكت ايدك
لما بحضنك بحس ان الزمن حواليا وقف ومش سامع حاجه غير نفسك بطمن اوي ساعتها
لما بلاقيكي خايفه بنسي اااي حاجه مخوفاني ومبيبقاش همي غيرك
عايز ابسطك وافرحك واشوفك وانتي هبله كدا..
انا هبله يا وحش..
يعني سبتي كل الكلام اللي فات دا ومسكتي في هبله
اكدب عليكي يعني
اة هبله ومجنونه كمان ومن اول ماشوفتك وانتي هبلاني اكتر..
لا يا بابا انت اصلا مجنون بس مستني حد يجي يطلع الجنون اللي جواك دا..
بصراحة اة وعايز اعمل معاكي كل حاجه هبله بتتعمل
زي دلوقتي كدا..
بصتلة بأستغراب وقالتله : دلوقتي ايه..
قام وشالها وجري بيها علي البحر
..بتعمل اي يا مجنون مبعرفش اعوووووم ...
قالها وهما جوا البحر : وانا هعلمك..
كان غيرك اشطر طول حيام بيعلموني وبرضو مبتعلمش..
لا يا ماما نحن نختلف عن الاخرون خااالص تفرق اكيد لما اي حد يعلمك ولما جوزك حبيبك هو اللي يعلمك ..
لا هتقولي سيبك نفسك والميه هتشيلك وساعتها هلاقيني شاربة نص مية البحر..
هههههه لا انا هفضل ماسكك ومش هسيبك ابدا..
وعد ؟..
وعد..
طاايب انا هجرب وانت حر بقه لو شربت مية بحر..
متخفيش طول منا معاكي..
طب بعد الكلام الحلو دا اعوم ازاي مينفعش طبعا..
لا الكلام دا بالذات اللي هيخليكي تعومي بسرعه..
وبدأ حسام يعلمها فترة كبيرة وبعد سعااات بدأت حبيبه تعوم لوحدها..
اي دا انا بعوم انا اتعلمت العوم..
شوفي بقه مش قلتلك ..
انا مبسوطة اوي..
مدام انتي مبسوطة كدا انا هعلمك كل يوم حاجه جديدة يلا بقه نروح الشاليه قبل ما تخدي برد ..
خليني شويا دا العوم دا حلو خالص..
حبييببه يلا ادامي..
بصتله وهي مقموصه : حااضر..
****
