وليا معاه حكاية

Part 37

قصة..(وليا معـــــــــــــاه حكـــــــــــايه)

كانت راسه وصله لنص جسمها فجأه حوط ايده عليها وحضاا بعدته عنها..

حبييه: صدقناك اول مرة وانت بتعملها وخلاص
كمان عايزني اصالحك كدا عادي يعني بالشويتين دول هقولك خلاص ويلا نرجع بتنا ؟
دا وانا عارفه اني داخله اعمل العمليه وممكن اموت مرضتش اسامحك يبقي هسامح دلوقتي..
امال قولتي لبابا اني مليش زنب في موت هند ليه..
عشانه هو
عشان ميحسش في يوم انه ظلمك ويبقي زيك ظالم
ويفضل طول عمرة قاعد بذنبه زي منت قاعد دلوقتي
عارف زمان كنت بقول انا مبعرفش ازعل من حد كان اي حد يصالحني اصالحه بالابتسامة اللي هو بيبتسمها حتي
واقول ازاي اي حد يروحله شخص مزعله ويصالحه ميصالحوش
او ميقبلش اعتذارة
لا ابدا انا عمري ما هكون كدا بس سبحان االله انت خلتني كدا
خلتني مطقش ابص في وشك وقلبي ينقفل من حياتي كلها بسببك
منكرش برضو انك علمتني كتير علمتني تكشيرتك وكرهي للدنيا وللناس
ولنفسي اللي سمحت في يوم تبقي معاك انا هفضل اتفرج عليك كل يوم وانت كدا قاعد بذنبك
وكنت بتمني من ربنا مطلعش من العمليه عشان يبقي الذنب ذنبين وتعيش وتموت وانت كدا لو سمحت اتفضل بقه بدل منده لحد من
برة..
قام حسام والدموع نزله من عنيه وبصلها وخرج
قعدت هي علي السرير وبدأت تعيط بس مسحت دموعها بسرعه تلقائي ومرضتش تعيط
كان فيها حاجه متغيرة مش بس الاكتئاب اللي وصلتله لا نظرا وكميه الحزن اللي في عنيها وملامح وشها اللي كلها بئس مش عارفه
تحسوها مش حبيبه الطفله اللي كانت موجوده دايما لا تحسوها كبرت
وحبيبه البنت الكبيرة العاقله اللي كانت بتحارب معاها عشان متطلعش ظهرت وموتت الطفله اللي كانت عايشه بيها..
وبعدها طلعت من المستشفي وروحت علي بيت بباها ومردتش تروح عند حسام وهما سابوها عشان ميضغطوش عليها وحالتها في
البيت كانت زي حالتها في المستشفي او اكتر
دايما نايمة او قفله عليها اوضتها

ومش بتتكلم
حتي مبقتش تخاف من الضلمة بالعكس بقت بتحب تقعد فيها حولو معاها بكل الطرق اا تتكلم او يطلعوها من اللي هي فيه وفشلت
كل محاولام جابولها كتب كتير تقرأ فيها بس اكتفت اا تسبهم جانبها
وحسام برضو كان زيها قاعد في شقتهم وقافل كل الانوار ومبيروحش شغله
ولا بيتكلم مع حد
كان كل شويا يروح عند بيت حبيبه ويبص علي اوضتها ويمشي
حس ان الشقه بتعتهم وحشة اوي من غير حبيبه
من غير كلامها وهزارها وجريها فيها
كل حاجه كانت نقصاها
هي...
****
قرر يروح يشوفها..
محمد : ازيك يا حسام اتفضل
حسام: الحمد الله يا عمو بخير حبيبه عامله ايه..
واالله منا عارف يبني نفسيتها كل يوم بتبقي اسوء من اليوم اللي قبله واتصلت بالدكتور محمود
قالي ان دا طبيعي بعد العمليه بس الموضوع زاد اوي دي مبقتش توافق تخرج تاكل معانا بتاكل في اوضتها...
حسام: طب ممكن اشوفها ياعمو بعد اذنك
محمد : ماشي يبني انا هقولها...
حسام : لا ياعمو انا هدخلها علطول...
طلعلها حسام وخبط علي الباب
حبييه : اتفضل يابابا..

حسام وهو بيضحك : ميرسي..
قامت من علي سريرها مخضوضه :اي دا انت ايه اللي جابك هنا..
حسام: جاي اطمن عليكي...
قولتلك قبل كدا مش عايزة حد يطمن عليا
اتفضل يلا من هنا بقه ...
حبييه كفايا بقه عشان خطري وخاطر الناس اللي حواليكي
انتي مش عارفه انتي بتعملي فيهم ايه...
وانت مكنتش شايف بتعمل فيهم ايه قبل كدا لي ولا جاي تفوق وتعمل مصلح اجتماعي عليا...
مقدرش طبعا اعمل عليكي مصلح اجتماعي بس نفسي تعرفي اني مكنتش فاهم الفترة اللي فاتت ولما بدأت افهم بفضلك طبعا حسيت
ان مفيش حد مستاهل كل دا حتي
لو كنت انا
هههه وانت مفكر اللي فيا دا منك دا انت طيب اوي
يبني انت من اول يوم مش فارق معايا ببصله كل الموضوع اني صعبان عليا نفسي مش اكتر ولو جاي تشفق عليا وتعمل شوية
الصعبانيه دول فاحب اقولك سعيكم مشكور واتفضل بقه
واالله يبنتي ابدا انا طبعا مقدرش انكر اني لما لقيتك تعبانه وهتضيعي مني فوقت بس واالله ما حكاية شفقه ولا كدا
وخلاص فوقت وبقيت كويس ؟ اتفضل بقه اطلع من حياتي وطلقني
اطلقك ازاي يا حبيبه هو انا اتجوزتك اصلا
يبنت الناس نفسي بس تكلمي حبيبه اللي انا متعود عليها
شوريها وقوللها اني نفسي ابدأ معاها من جديد وانا متأكد اا هتوافق
حبييه اللي انت عايزها دي خلاص ماتت وهي بتتحايل عليك وبتقولك ابعد عنها وبتترجاك تسبها وانت زي كل الولاد متختلفش
عنهم مش بتفكر غير انك تكسرها
منا كنت قاعده طول حياتي مليش دعوة بيكو دخلت حياتي ليه يا اخي اطلع برة بقه وسبني في حالي.

مش هقولك انا مش غلطان ومش هدافع عن نفسي لاني بجد غلطت بس حولي تغفريلي دا ربنا غفور رحيم
دا ربنا سبحانه وتعالي انما انا مجرد بني ادمه وقلتهالك قبل كدا مش هسمحك واتفضل بقه
ولا انت البعيد معندكش دم وعايز كل يوم تتهزق وتطرد روح اعمل برودك دا علي حد تاني يلا برة..
وزقته برة الاوضه وقفلت الباب روح البيت وهو زعلان ومش عارف يعمل ايه معاها
****
صحيت حبيبه علي نور البلكونه وحد بيفتحها..
حبيبه: اسماء انتي جيتي امته..
اسماء: جيت دلوقتي يلا قومي يا ابله..
اقوم فين بس..
انتي نسيتي حضرتك
ان في كليه بدأت بقالها فترة وانتي مبتجيش ولا ايه
يلا يابت قومي البسي بدل مضربك..
معلش يا اسماء روحي انتي انا كدا كدا مش هفهم حاجه..
واحنا من امته بنفهم يلا يابت قومي عشان نغير جو بدل القعده دي..
يا اسماااء بقه..
بلا اسماء بلا بتاع اي دلع البنات دا قومي ادامي..
وراحو الكليه وكل البنات سلمت علي حبيبه..
اسماء: اي هتفضلي ساكته كدا كتير..
هقول اي يعني يا اسماء..

قولي لا اله الا االله..
سيدنا محمد رسول االله..
انتي يابت هتفضلي مبوزة كدا كتير حرام عليكي وشك كرمش من كتر التكشيرة..
عادي بقه..
هو ايه اللي عادي بت انتي هتتظبطي ولا اظبطك بطلي الهبل اللي انتي فيه دا واضحكي زي زمان..
حاضر..
لا عايزة اشوف الضحكه..
مش قادرة اضحك يا اسماء واالله..
هو انا بقولك انتحري دا انا بقولك اضحكي سهله يعني ارفعي خدك دا وبعدين خدك دا وبيني سنانك..
هاها يا خفه..
اة من ناحية خفة فأنا اكيد خف الريشه احمم..
هههههه اة طبعا دا انتي اكتر حد سمباتيك فينا..
ايوااا بقه هي الشمس طلعت ولا ايه
يا ولاد البت حبييه ضحكت اخيرااا
يا شيخه دا انا فكرتك نسيتي بيضحكو ازاي..
لا يختي لسه فاكرة متقلقيش..
طب يلا ادامي نجيب اكل..
لا مليش نفس..

لااااا مصدقش
حبيبه ملهاش نفس تاكل ساندوتشات من الكليه يخربيتك لا انا كدا بدأت اشك فيكي يابت شاندوتش كرب كدا وعليه جبنه رومي
وشوية زاتون وطماطم ونقوله يكتر الشطه مممممم...
ههههه االله يخربيتك جوعتيني يلا..
هههههههه يلا يبرنس..
وبدأت حبييه تروح الكليه وتنشغل في دراستها ورافضه تقابل حسام خااالص وفي يوم وهي نازله من المدرج ووقفه مع صحبتها عشان
تروح
لقت بوستر كبيييير نازل من الدور السادس للارضي علي اديها اليمين وبعدها لقت بوستر تاني بيترل علي اديها الشمال بصت
وركزت شويا..
ايه دا الصورة دي شبه حد اعرفه
وكملت بصدمه : دي انااااااااااااا...
كان البوستر اللي علي اليمين عليه صورا متركبه علي جسم ملاك كارتون ابيض ليه جناحات
وجمبها شيطان لابس احمر وليه قرون والابتسامة علي وش الملاك باينه اوي وعملا ضي ابيض حواليه
والشيطان علي وشه تكشيرة وحواليه ضي احمر
الصورة اللي علي الشمال كان الملاك قاعد علي الارض زعلان والضي الابيض اللي حواليه قل عن الصورة الاولي والشيطان بيضحك
والضي الاحمر اللي حواليه زايد
استغربت لان صورة الشيطان مش واضحه هي مين.. عشان القرون واللون الاحمر اللي علي الوش بس ركزت شوبا
وقالت : حسااااااااام ؟!!!
بصت من بعيد لقت عربيه فول وطعميه اللي بتعمل اكل في الشارع جايا عليها كل الناس طبعا مستغربه
ايه دا وهي كمان مش عارفه ازاي عربية فول تدخل الكليه كدا عادي
فضلت تقرب منها وبعدين شافت مين راكبها فتحت بوقها وهي مش مصدقه
كان حسام لابس بدلت الشغل وهو اللي سايق العربيه

وماسك في ايده غزل بنات زي البياع والزمارة بتعته وغزل البنات طالع منه بلالين كتييييييير
نزل منها ووقف ادمها وقال وهو بيضحك
تحبي اعملك ساندوتش يا ابله..
حبيبه وهي فاتحه بوقها : ها ؟..
زمرلها بزمارة غزل البنات وكمل : يبقي اكيد عايزة غزل بنات..
ها؟..
هو ايه اللي ها
انتي اتخرصتي ولا ايه
انتي يابت..
فاقت حبيبه من الصدمه اللي فيها وبعدين كشرت
عايز ايه ها?
انت ايه اللي جابك هنا..
جاي اطلب ايدك..
علي اساس اننا مش متجوزين اصلا..
وفيها ايه لما اطلب ايدك تاني..
لا يا استاذ انا لو كنت قبلت اول مرة يبقي مش هكررها تاااني انسي..
يعني اخد غزل البنات وامشي؟..
ها؟..
هههههههه يبقي مش عايزاني امشي..

وشاور للصورة اللي علي اليمين..
شوفتي دي كانت ملاك زيك كدا عرفت شيطان كان كل حياته نكد وارف
وهو اللي عامل في نفسه كدا قعدت تحببه في الحياة وفي الدنيا بضحكتها البريئه دي بس هو برضو مقتنعش ومفهمش مهو اهبل بقه
المهم تعبها معاه ودلها وبغباءة حرم نفسه وحرمها من ضحكتها وكان شرة زاد وهي الهاله اللي كانت حواليها بسبب ضحكتها قلت
بس هو لما لقاها هتضيع منه فاق كان فاكر ان ربنا هيحرمة منها بس الحمد الله ربنا رجعاله تاني
وقاله دي اخر فرصة ليك استغلها صح والشيطان دا جاي النهارده عشان يقولك انه نفسه يشوف ضحكتك تاني ويستغل الفرصه
دي..
وكان في بنوته حلوة قالتلي جمله عجبتني اوي ان مش كل حاجه بالبدايات في ايات كتيرة حلوة بس لو اهتمينا بيها زي اهتمامنا
بالنهايات..
وبعدين زمر بزميرة غزل البنات وخلاها تبص وراها لقت بوستر كبير برضو كان عليها صورت حسام وهو لابس بدلته وشايل حبيبه
وهي لبسه فستان الفرح وحواليهم ضي ابيض في احمر وقرأت الكلام المكتوب علي البوستر..
مش كل حاجه بالبدايات في ايات كتير حلوة زي اخر شوية ميه اخر حته في الشوكولاته اخر نظرة بتبص عليها لحد هيوحشك
اخر كلمة اخر حضن اخر مسكة ايد
لو اهتمينا بالنهايات زي البدايات كده هتلاقي فيها حجات حلوة كتير زي حكايتنا دي ممكن بقه تحني عليا وتصلحيني وتقبلي....
.
ولقت بعد تقبلي شوية نقط كتيييير.
لفت لقت حسام واقف فوق عربية الفول وبيطير غزل البنات مع البلالين ماعادا بلونه وكيس واحد غزل بنات
ونط من فوق العربيه وفتح كيس غزل البنات وطلع منه خاتم وقعد علي ركبته وقالها..
وتقبلي تتجوزيني لتاااني مرة وتبقي مراتي وحبيبتي وملاكي ودنيتي وروحي وبنتي واختي والنفس اللي بتنفسه وانا ابقي بباكي وممتك
وجوزك واخوكي وصحبك ممكن تخلي معايا النهايه حلوة زي بدايات كتييير حلوة
ممكن؟ !!!
حبيبه وقفه مصدومة طبعا مش عارفه تقول ايه ولا تعمل ايه حتي الناس اللي بيبصو عليهم مش مصدقين ضحك حسام وقالها
هااا رجلي بدأت توجعني من القعده دي يا ست حبيبه..