IAMTB (Book 2) : Missing the BADBOY [COMPLETED]

Message 1

Hinila ko ang maleta ko at isang malaking bag at hinanap ang sinasabi na pinsan ni Mika. Maraming nakaabang at may mga sulat pa, hindi ko naman kilala ang pinsan niya kaya paano ko malalaman kung nasaan siya? Hindi ako makatawag. Mahal ang international call.

Naging maayos naman ang lahat pag alis ko. Sabi ko kay mama at papa nakakuha ako ng free ticket at bakasyon lang. Pero si Jake alam na hindi bakasyon ang ipupunta ko dito.

Naalala ko pa kung paano kami nagusap bago ako umalis.

"Last week pa pala binigay nila Mika iyan, hindi mo lang naman sinabi sakin?" pinaglaruan ko ang daliri ko habang nakayuko. Nakita kong sinuklay niya ang buhok niya gamit ang daliri niya at huminga ng malalim. Nagpipigil na baka masigawan ako. "Si Zico ba?" napalunok ako sa tanomg nito.

Hindi ako makasagot kasi totoo.

"Tangina naman Aika. Sa loob ng dalawang taon, wala ka na bang nakita kundi siya lang?" ramdam ko ang pait sa boses nito.

"S-Sorry Jake, last na talaga ito. Promise." napaigtad ako nang sipain niya ang upuan sa gilid.

"Bullshit! Pang ilan beses mo ng sinabi iyan. Sa tuwing maglalasing ka, sa tuwing maaalala mo siya. Alam kong mahirap ang dalawang taon nayon. Pero tangina torture din sakin to! Sa tuwing tinatawag mo siya ako nasa tabi mo diba?" pinigilan ko ang hindi maiyak.

Tama siya. Si Jake lang ang nandiyan tuwing hinahanap ko si Louie. Palagi siyang nakaalalay kahit alam niyang hindi naman ako mahuhulog sa kanya. Hindi ko siya masisisi kung bakit siya nagkakaganito ngayon, kasalanan ko. Kasi pinaasa ko siya sa wala.

"Sorry Jake." hindi ko na napigilan at tumulo na ang luha kanina ko pa pinipigilan.

Ayos lang na sumbatan niya ako. Pakiramdam ko naman, kahit anong sabihin niya walang magbabago sa desisyon at pagmamahal ko kay Louie. Minsan nakakatawa, pakiramdam ko ang martyr kong tao kasi sinasaktan ko ang sarili ko. Pero wala akong karapatang isipin iyon dahil may sinasaktan din akong tao.

"Pag naging maayos lahat ano? Paano ako?" lumunok ako at pinikit magsalita.