The Unrequited Love (MayWard Fanfic)

Kabanata 19

Dumiretso ako ng cr pagkababa ko. Wala pa ring kuryente. Nagbabad ako sa bath tub ng mahigit 30 minutes bago tuluyang umahon. Maayos na ang aking pakiramdam pagkalabas ko ng banyo. Nahiga ulit ako ng kama para sana makatulog na ng mahimbig pero hindi ako dinadalaw ng antok.

Malakas na kumalabog ang bintana ng kwarto ko kaya napatingin ako doon. Hinahangin ng malakas ang aking kurtina at para itong pinapaypayan sa pagindayog nito. Kinilabutan agad ako. Bago nagtama ang aking paningin sa oras na nasa tapat ko. Alas tres na nang madaling araw! JuiceColored!

Naririnig ko pa ang pagtahol ng aso galing sa kung saan na nagpadagdag lang ng aking kaba.
Bumaluktot ako at tumalukbong sa aking kumot. Biglang umihip ang malakas na hangin na nagpataas pa lalo ng tensyon ko. Bago ako mamatay sa takot kinuha ko ang unan ko at mabilis na lumabas ng kwarto ko tsaka pumunta sa kabilang apartment. Nakapasok ako doon ng walang kahirap hirap dahil ganoon pa din ang kaniyang password.

Narinig ko ang mga yapak na nangagaling sa labas ng apartment. May nahulog na mga bagay at doon ko na pinagbabayo ang pintuan ng kwarto ni Jared.

Buksan mo na please!

Biglang bumukas ng kaniyang pinto napatingin ako sa kaniyang mukha at mukha ni Lucia Joaquin ang aking nakita.

"WWHHHAAAAAA!" Napasigaw ako ng ubod lakas!

"What the fuck?! Can you stop that!" Sabi niya bago tinakpan ang bibig ko gamit ang kaniyang kamay.

Napapikit ako at minulat ko ulit ang aking mata. Mukha na ni Jared ang aking nakita. Iritado at galit na galit.Napatigil ako at napatitig sa kaniya. Binitawan niya na ako ng makumpirma niyang kumalma na ako.

"Ano bang problema mo ha? Tulog na tulog na ang iba tapos ikaw sigaw pa ng sigaw at walang humpay ang pagkalabog mo saking pintuan!" Alam ko galit na siya. Kitang kita ko naman iyon sa kaniyang mukha.

Namuo ang luha ko saking mga mata. "S-Sorry. Natatakot lang kasi ako at hindi ako makatulog," naiiyak kong tugon.

"Pero hindi tamang kalampugin mo ang pintuan ko dahil lang sa takot na nararamdaman mo." Galit niyang pakli.

Tumulo na ang luha ko saking mga mata. "Eh, anong gusto mong gawin ko? Umiiyak at mamatay sa takot sa loob ng apartment ko? Ganoon?"

Napatitig siya sa luha ko saking mga mata bago nag-iwas ng tingin.

"Fine. Dito kana matulog kung gusto mo." sabi niya na ikinanganga ko. "Hindi naman 'yan ang gusto kong mangyari,"

"Yeah. Then, umalis ka na at matulog ka ulit sa kwarto mo. Wala akong balak makipagargumento sayo. Inaantok ako." Nanghihinang sabi niya bago nahiga sa kaniyang kama.

Malaki iyong kama niya at alam kong hindi lang kami kasya doon. Siguro kahit apat na tao kasya sa kama niya.

"S-Sure ka bang pwede akong matulog dito?" Taka kong tanong sa magkahalong nerbiyos at excitement. Nerbiyos dahil baka paalisin niya ako bigla. Excitement dahil ngayon lang ako makakatulog sa kama niyang katabi siya.

"Ayoko nang ulitin ang nasabi ko na. Kung ayaw mo matulog sa kama sa sahig ka matulog." Sabi niya bago tumalikod sakin.

Hindi ko mapigilang mapangiti. Marahan ang galaw kong nahiga sa gilid ng kaniyang kama patalikod din sa kaniya. Inamoy ko ang unan niya. Ang bango! Pumikit ako. Nang maramdaman kong gumalaw si Jared. Bigla ang pagsalakay ng tibok ng puso ko. Pumihit ako paharap sa kaniya at tumambad sakin ang maamo niyang mukha. Mukhang anghel kapag tulog. Mukha namang lion kapag gising. Tinitigan ko siya ng matagal at napatitig ako sa labi niyang mapula na medyo nakaawang.