That Nerd has a Secret (PUBLISHED UNDER PSICOM)

Chapter 44: Alysia

"Kanina ka pa hinahanap nila inay. Bakit ka ba nandito?" tanong ng babaeng dilaw ang buhok.

"Wala lang, gusto ko lang libutin ang lugar na paglilipatan natin. Nga pala may bago na tayong kaibigan!" ngiti-ngiting sabi nya na ikinagtaka naman ng kanyang mga kapatid.

Bumaling sya sa lalaking ngayon ay nakatingin sa kanilang tatlo. Bigla syang tumayo at napakamot sa batok na parang nahihiya.

"Ano nga ulit pangalan mo?" she smiled at him that makes his ears turn red.

"U-uh... Kiyan. Kiyan Hayashi."

"Masaya akong makilala kita Kiyan! Ako nga pala si Alysia. Ito naman ang mga kapatid ko, si Alison at Azura." pagpapakilala nya sa dalawa.

Tulala naman si Alison na nakatingin sa lalaking nagpakilalang Kiyan kaya sinundot na sya ng ate nya.

Nginitian nya si Kiyan at ramdam nya ang pamumula ng kanyang mukha. Azura on the other hand ay nagtago sa likod ng ate nya dahil nahihiya pa.

"Eto nga pala ang bunso namin, si Azura. Hehe medyo mahiyain kasi 'to. Bumati ka kay kuya dali." aya ni Aly sa kanyang kapatid.

Unti-unti namang sumilip ang bata sa likod ni Alison. Nahihiya pa talaga ito at yakap-yakap ang kanyang teddy bear, "Konnichiwa" mahinang sabi nito at agad ulit nagtago.

Alysia giggled that makes the boy's heart thump. Naninibago sya sa nararamdaman nya. Binuhat nya si Azura mula kay Alison at tinapat kay Kiyan. Pilit tinatago nito ang mukha nya kaya natawa nalang sila.

"Masasanay rin yan sa'yo. Pasensya ka na kung bigla kitang nilapitan. Kakalipat lang kasi namin dito at wala kaming kakilala kahit isa." sabi ni Alysia.

"A-ayos lang. Ako nga dapat ang humingi ng tawad kasi nasangkot pa kayo sa gulo ko. Sigurado akong babalikan ka ng tabatchoy na 'yun." nakayuko nyang saad.

"Sus wala namang binatbat ang mga 'yun eh. Isang suntok ko lang sila. Diba Azura? Haha."

Nakangiti namang tumango ang kapatid nya, "Hai. Nee-chan will smash them all!" the little girl exclaimed in a cute voice.

"At isa pa, nandyan ka naman." she smiled once again at him. Mas lalong namula ang mukha ni Kiyan at di alam kung ano ang isasagot.

"N-n-nagkakamali ka. Hindi k-kita kayang ipagtanggol dahil wala akong kapangyarihan." he stammered.

Napatigil sila at natahimik, "Kaya ka ba nila ginaganon?"

Mahinang tumango ang batang lalaki. Inaasahan na nyang parehas narin ang magiging reaksyon nila ng mga iba pang bata na nakakaalam na wala syang taglay na kapangyarihan. Aawayin, iinsultuhin, pagtatawanan. Sanay narin naman sya sa ganitong buhay eh. Ganito na sya lumaki kaya mababa ang tingin nya sa kanyang sarili. Hanggang sinisisi nya parin ang kanyang sarili kung bakit hindi sya nagkaroon ng kapangyarihan. Lalabas na sana 'yun at the age of 3, pero walong taon na sya ngayon at ni senyales ay walang lumabas.