LOLA: Eto ang pera, Tagagawa ng Sapatos. Halika na, Karen.
TAGAGAWA NG SAPATOS: Pero, ginang--
KAREN: (sumabad) Handa na ako, Lola.
LOLA: Magandang araw, Tagagawa ng Sapatos.
TAGAGAWA NG SAPATOS: Pero, ginang--
KAREN: (sumabad) Magandang araw, Tagagawa ng Sapatos.
(Umalis ang Lola at si Karen.)
EKSENA II
PANAHON: ng sunod na Linggo, pagkatapos ng simba.
LUGAR: sa tahanan ng Lola.
ANG LOLA.
KAREN.
MGA KAPITBAHAY
(Nakaupo ang MGA KAPITBAHAY kasama ang LOLA sa reserbang silid dahil Linggo noon.)
UNANG KAPITBAHAY: Hindi kita nakita sa simbahan ngayong araw, Lola.
LOLA: Hindi ako makapunta, pero pinapunta ko si munting Karen.
PANGALAWANG KAPITBAHAY: (nang mahiwaga) Ay, oo; nakita namin siya! Nakita siya ng lahat!
LOLA: (nang mapagmalaki) Tumitingin nga sa kanya ang mga tao; lubha siyang maganda.
PANGATLONG KAPITBAHAY: Hindi tumingin ang mga tao sa kanyang mukha ngayong araw.
LOLA: (naalarma) Ano'ng ibig mong sabihin?
PANGATLONG KAPITBAHAY: Tanungin mo si Karen kapag umiwa na siya. Hindi kami ang para magdala ng mga kwento.
LOLA: (dumungaw sa bintana) Eto na siya!
PANG-APAT NA KAPITBAHAY: Tanungin mo lang siya sa sermon at mga himno!
LOLA: (nang mapagmalaki) Sasabihin niya sa akin ang halos lahat ng mga salita na sinabi ng pastor. Matalino siyang bata--ang Karen na iyon.
(Pasok si KAREN.)
KAREN: Andito na ako, Lola! Magandang umaga, Mga Kapitbahay.
MGA KAPITBAHAY: (nang malamig) Magandang umaga, Karen.
LOLA: Ngayon sabihin mo sa akin ang tungkol sa sermon, Karen. Ano ang teksto?
KAREN: (na may pagkalito; nabubulol) Ang teksto? Iyon ay--iyon ay--Ay, sasabihin ko sa inyo iyon maya-maya, Lola. Gusto kayong kasuapin ng ating mga Kapitbahay ngayon.
UNANG KAPITBAHAY: Ay, hindi! Mas gusto naming marinig na sabihin mo sa iyong Lola ang tungkol sa sermon at musika.
LOLA: Anong mga himno ang kinanta nila, Karen?
KAREN: (tulad kanina) Mga himno? Kinanta nila--tingnan ko--kinanta nila--
(Tumigil siya sa pagkalito.)
LOLA: Aba, Karen! May sakit ka ba?
PANGALAWANG KAPITBAHAY: Hindi, Lola, walang sakit si Karen. Nahihiya siya. Hindi niya inisip ang magandang musika ni ang sermon nitong umaga. Hindi ba totoo iyon, Karen?
KAREN: (nahihiya) O-oo--
LOLA: Ano ito?
PANGATLONG KAPITBAHAY: Sabihin mo sa iyong Lola kung ano ang iniisip mo sa simbahan, Karen.
KAREN: Iniisip ko ang tungkol sa--tungkol sa--aking mga bagong sapatos.
LOLA: Ang gandang bagay na pag-isipan sa simbahan--isang pares ng mga simpleng itim na sapatos!
ŞİMDİ OKUDUĞUN
Mga Dulang Pambata
Genel KurguSalin sa Tagalog ng unang libro ng Children's Classics in Dramatic Form ni Augusta Stevenson, na nasa public domain na ngayon. Naglalaman ito ng koleksyon ng mga klasikong kwento ni Aesop, ni Hans Christian Anderson, ng Brothers Grimm, at ng marami...
ANG MGA PULANG SAPATOS
En başından başla