New Life Online: Battle Against The Darkness- Book I [Under Major Editing]

Valentine's Special Chapter [1.1]

Singhal ko sa kanya. All this time ako nalang palagi. Ako nalang lagi mali, ako na. Hindi naman ako perpekto eh. Lahat ginagawa ko sa kanya pero mga kamalian ko lang ang nakikita niya. Two years na kami, yet I didn't even feel na mahal niya ako. All this time iniisip ko trip niya lang ako, pero binalewala ko yun at mas inisip na mahal rin niya ako kagaya ng pagmamahal ko sa kaniya. Pero sobra na. Sobra na talaga akong nasasaktan. Pumatak na talaga ang luha ko na pilit kong linalabanan. Pinunasan ko ito at tumingin sa kanya. Nakayuko siya at natatabunan ng buhok ang kaniyang mukha kaya hindi ko makita ang expression niya.

"Take the car. Leave me alone." Malamig na saad ko rito kasabay ng pagbaba ko sa sasakyan. I need space. I need to cooldown my head. Ayokong makagawa ng isang desisiyon na sisira lamang sa dalawang taon na pinagsamahan namin. Tinanaw ko siya sa loob ng sasakyan sa huling pagkakataon at naglakad palayo.

How happy my valentine's day. Tsk.

---------------------------------------------------------------------------------------------------------

Ace Pov

Naglalakad siya palayo habang nakayukom ang kanyang mga kamao. Ganun na ba ako kamanhid? All this time, nahihirapan na siya sa sitwasiyon namin pero hindi siya sumusuko. All this time na ang kanyang mga ngiti ay sa likod nito ay ang mga pighati't pagdurusa na kanyang nararamdaman. Manhid nga talaga ako. Mahal ko siya. Yes, I know na mahal ko siya pero hindi ko iyon ipinapakita. Siguro natatakot akong muli. Natatakot ako na baka iwan din niya ako katulad niya. Napayukom nalang ako ng kamao ko ng maalala ulit ang pangyayaring iyon.

3 years ago

Sabado ng umaga, wala si mama dahil may trabaho siya. Office girl si mama ng isang malaking kompanya at nasa mataas siya na posisiyon kaya naman doble kayod ang ginagawa ni mama. Bumangon na ako at nagluto ng kung ano man ang pwedeng makain. Kasabay ko rin ang kapatid ko na medyo baboy, este medyo badboy ang suot niya. Don't get me wrong, babae po siya at may boyfriend na yan. Kita mo? Grade six palang lumalandi na haha.

Napatigil kami sa pagkain ng dumating si papa. Kumuha siya ng plato at kumain narin. Hindi siya nagsasalita. Pagkatapos niyang kumain ay diretso na siya sa kaniyang kwarto.

Hindi ko maiwasang malungkot. Dati rati kasi sabay kaming lumalabas ng bahay at nagba bike. Nagpipicnic. Nagbobonding kasama ang nakababatang kapatid ko and my mom. Aaminin ko na daddy's girl ako kaya aminado akong mas close ko si papa kaysa kay mama.

Gumabi na at nakauwi narin sa mama. Nasa hapag kainan kami at sobrang tahimik. Dati rati nagkukulitan sina mama at papa pero ngayon kung umasta sila parang wala silang nakikita. Nakapagtataka at hindi na sila masiyadong nag-uusap kumpara dati na halos langgamin sila dahil sa sobrang sweet ang mga sinasabi nila sa isa't-isa. Binalewala ko nalang iyon at tumungo sa kwarto ko.

Nagising ako ng mga alas tres ng umaga dahil nakaramdam ako ng tawag ng kalikasan. Bumaba narin ako dahil nauuhaw ako. Pagkababa ko ay nakita ko sa papa na nakabihis na at handang umalis. Bumalik ako sa kwarto ko at nagpalit. Susundan ko si papa. Kaya naman dali-dali akong nagbihis at gamit ang bike, sinundan ko siya. Bumaba siya sa tapat ng isang bahay. Ano kaya ang gagawin niya dito? Mula sa gate ay lumabas ang isang sexing babae. Naka bikini lang ito at walang bra. Lumapit ito kay dad at matamang hinalikan. Gumanti si dad at hinila ang babaeng iyon sa loob ng bahay upang gawin kung ano man iyon. Hindi ko namalayan na tumulo na pala ang luha ko. Ang sakit. Sobrang sakit. All this time niloloko niya kami? Kaya pala wala na siyang oras para sa amin. Kaya pala hindi na niya kami pinapansin. Kaya pala hindi na niya kami inaasikaso. Kasi may kabit siya. T*ng ina lang. Mahal na mahal ko siya pero ginago niya lang kami!

Umuwi nalang ako at nadatnan kong naka-impake si mama, pati narin ang kapatid ko. Bakas sa mukha nito ang pagkalito kung bakit nakaimpake sila. Tumingin sa akin si mama. Sa tingin niyang iyon mukhang alam na niya.