الـدخيل

بارت ٧

"العن اشكالهم اكره هالوظيفه" يدخل مكتبه و يسكره من وراه، و يسمع تليفونه يرن

يشوف علي و يتنهد راد عليه "هلا علي"

"فهد.. امم! بس جب!" يهمس للي جنبه و يرد على فهد "فهد كنت ابي اكلمم بخصوص طلال.. امم في شفه فاضيه؟ يعني اذا تسمح طلال ماراح يقعد طول وقته بالفندق طبعاً!" يقول له و يبتسم فهد ماتوقع ان طلال قال له

"قال لك طلال؟" يسأله قاعد على الكرسي

"قال لي شنو؟"

"ولا شي.. مادري على بو محمد حارس العماره يشوف لطلال شقه بنفس الدور اللي احنا فيه او قريب منه اذا مافي" يقول له مرتب الاوراق على مكتبه

"تمام الحين اشوفه"

-

"انت طلال؟" يسأله طالب و طلال يرفع راسه من تليفونه و يبتسم

"اي نعم .. امرني؟" يسأله

"ما يأمر عليك عدو.. في مانع اني اقعد جنبك؟" يسأله و ضحك طلال بخفه و ابتسم الطالب لضحكته

"طبعاً مافي مانع استريح" يأشر له عالمكان و يسكر تليفونه

"سعودي صح؟" يسأله

"اي.. وش دراك؟"

"لهجتك واضحه" يرفع حاجبه له و يبتسم له طلال

"اوه.." يهز راسه و يطالع لجدام

"اسف ماعرفت بنفسي انا مشاري" يمد ايده و يسام عليه طلال بابتسامه

"عاشت الاسامي" يبتسم منزل ايده

"علشت ايامك.. ها خذيت لك فره بالكويت ولا توه؟" يسأله بابتسامه

"لا توه الكسل مليون!" يضحك طلال و يبتسم له مشاري

"اي الكسل اذا حاشك مشكله! بس انصحك عالويك اند تروح لك كذا مكان تستانس فيه تغير جو الدراسه ترى ما وراها الا النكد" يقول له و يبتسم طلال

'لا والله الدنيا بدون دراسه اهيا النكد! هذا ابوي ما درس و ابلشنا بالبيت اللي مو مكفي اخواني خواتي مع امي و حتى اغراض المدرسه احياناً ما تجيب لهم' يقول لنفسه

"و انت الصادق! بس تمام مثل ما قلت اشوف الاماكن عندي خويي كويتي قال لي عن كذا مكان قبل لا اجي هنا" يقول له عكس اللي بداخله

"لا يفوتونك!.. يلا سلام عشر دقايق عالمحاظره.. تأمر على شي؟" يوقف من مكانه

"ما يامر عليك عدو.." يبتسم له

"عندك شغل ورا محاظرتك؟" يسأله و يهز راسه

"لا ما عندي شغل" يرفع جتفه

"عطني رقمك زين علشان اكلمك" يقول له مطلع تليفونه، و يطلع طلال تليفونه منقله رقمه