الـدخيل

بارت ٧

'م عندي احد اكلمه م عندي احد اشكي له م عندي احد يفهمني و يسمعني' يمسح دموعه واقف من السرير، و يروح للبلكونه، يفتحها و يطلع شايف الارتفاع، الف فكره و فكره براسه

وده ينهي حياته بس ما عنده الجرأه انه يسويها، ماعندي الجرأه انه ينهي العذاب النفسي اللي اهوا فيه، يستغفر و عينه على اضواء المدينه و السيارات و اصواتها، زحمة الشوارع رغم انها عدت الساعه ١٢ بليل، الاضواء العاليه اللي تنور المدينه، اصوات الضحك يسمعها من تحت و الاصوات صراخ الجهال

-

"تبيني اوديك الجامعه؟" يسأله علي و يرفع راسه له

"لا ما يحتاج" يهز براسه، و ياخذ عصير البرتقال اللي طلبه من الفندق

"اجل بشنو بتروح؟" يسأله، و طلال تضايق من اسئلته

"بتاكسي اتصلت عليه و اهو بالطريق" يقوله و يرفع علي حاجبه له

"اقول! امش اوديك يلا" ياخذ مفتاحه "ودق كنسل التاكسي"

"خلاص مره ثانيه! الحين اروح مع التاكسي رجال شايب كويتي فشله ارجعه" يقول له معتذر و يطلع من الشقه

"خله على راحته مو كل شي تسويه بالغصب له" يقول له خالد من وراه

"اهوا يحس بأنه ثقل علي! و بعدين لازم نلقى لنا شقه انا و وياه" يقول له قاعد على الطاوله و يقرب منه خالد

"كلم فهد يعطيه وحده من الشقق يكون قريب منك و ترتاح اكثر ليس مصعب الامور؟"

"يكرهون بعض!"

"لو يكرهون بعض فهد ما خلى مشعل بالشقه بروحه و جا له! علي مخك جوتي؟ فكر فهد اول مره يهتم بأحد غير مشعل!" يقول له بجديه

"ليش تبيهم يحبون بعض! غصب الموضوع؟" يسأله و اهوا منغث من كلام خالد لكن ما ينكر انه عاجبه خالد و اهوا مهتم و جديّ

"مو انت تبي فهد يطلع من اللي فيه؟ خل يلقى احد يحبه و يهتم فيه بدال المجرمين اللي مقابل وجيهم اربعه وعشرين ساعه" يقول له و يقعد عالطاوله مع علي

"زين.. يعني الحين نكلم فهد؟" يسأله

"اي دق عليه"

-

"العب معاك انا؟" يصرخ عليه و يضحك و عينه على عين فهد

"ليش تحقق و تضيع وقتك؟.. روح دور لك على شغله تساعدك بالقضيه لاني ماراح انطق بكلمه" يقول له بابتسامه بارده و يهز فهد راسه واقف من مكانه و يلتفت للدريشه وراه

يأشر عليه و فهموا قصده، يطلع من الغرفه و متنرفز منه، تعامل معه بكل اسلوب ولا نفع معاه انه يتكلم، مو راضي يعررف بالمجرمين اللي معاه، واللي اتضح لفهد ان الزعيم مالهم كان بعلاقه جنسيه مع الضحيه