بنات الداخليه

الجزء 45

وزوبا من اتزوجت بقت اخبارها مقطوعه عنهم وتوتا ماعندها وش اصلا تعاين لي غرام ..

غرام حست بنفسها تقيله على خالها ومرتو واصلآ هم وضعهم على قدرهم وعلى اطفال كتيرين والبيت ضيق 

في يوم من الايام قامت في التلت الاخير من الليل واتوضت وصلت ركعتين وبكت كتيييير واستغفرت ودعت ربنا انو بس يديها راجل يسترها ويكون ود حلال ويخاف ربنا فيها،،، مرت الايام واحمد متواصل معاها وكل يوم بطمئن عليها ورغم العرفو عنها لكن جواهو ليها معزه وريده لسه ،،، كلم اخواتو عنها وامو اخواتو وامو ناس بسيطين ومساكين قاليهم انو عايز يتزوج قالو ماعندهم مشكله كلم غرام ،، غرام قعدت تبكي من الفرحه وقالت ليهو بجد انت ود حلال انا قبل فتره قمت بالليل صليت ودعيت ربنا كتير وبس قلت عايزه ود حلال يخاف ربنا فيني لانو حسيت بانو وضعي الانا فيهو ده مافي شي ح يكون مناسب لي غير راجل وانا ماعايزه منك اي شي يا احمد وربنا قال تزوجو فقراء يغنيكم الله بس بي الفي انا معاك احمد اتبسط بكلامها وتم زواجهم وكان بسيط وما مكلف وعاشت مع ناس امو واخواتو في البيت وحبوها شديد ومرت الايام وغرام حامل وولدت جابت تؤام ولد وبنت وكانت مبسوطه شديد وحست بانو ربنا عوضها عن الحرمان العاشتو والمآسي العاشتها . .

.

.

أتمنى انو الناس تكون فهمت المعنى المقصود من الروايه ودي أبسط طريقه ممكن نقدمها ليكم لمعالجة القضايا الذي دي و يمكن م يكون كل الكلام دا بحصل في الواقع بس مؤكد انو بتحصل الآثار اللي زي دي والناس دائما تختار الصحبة المناسبه لانو هي ليها أثر كبير في حياتنا ولي بنات الداخليات م كل البنات والله بس لازم تخلو بالكم على نفسكم والرواية م بتناقش البحصل في الداخليات و بس القضايا دي بتحصل مع أي زول و بالنسبه للأهل ليهم دور كبير وتأثير تربيتهم في مجتمعا دا بالنسبه للمواضيع الزي دي《 💡 وأصحاب العقول الراقيه اكيد ح يفهمو المعنى المراد من و يفهمو لب الموضوع و يعتبرو الموضوع ك عظه بالنسبه لي حياتهم 😊 》 وبنشركم لحسن المتابعه ❤💜❤ .

.

(ربنا يحفظنا جميعآ ويسعدنا ويبعد عننا فتن الدنيا)

....... النهاية .......