بنات الداخليه

الجزء 34

  
وشايف الدفتر ماكفايه قال ولو قلت لي خالد كده مستحيل يصدقني خاصه انو بحب غرام حب اعمي وما اظن يصدق فيها حاجه زي دي ،،، توتا زعلت من كلام سعيد لانو حسسها انها كذابه دخلت جووه وهو قعد مسافه في العربيه محتار قال كدي اخش اشوف الحاصل شنو وان شاء الله لو فيها خير ربنا يتم ليهم امورهم ولو كذابه وناويه علي شر ربنا يبعدها منك ياخالد لانك انسان نضيف ومابتستاهل غير الخير خش جوه لقى الناس عقدو والزغاريد والفرح خالد فقد سعيد قاليهو مشيت وين 

سعيد: ح اكلمك بعدين ،،، وبارك ليهو وحضنو عليهو شديد وبقي يقول في سرو يارب يارب ده صاحبي العزيز علي العمرو ما شفتا منو شين ولا شاف مني يارب انا استودعتك ليهو لو غرام ما مناسبه ليهو وراها شر وكذب تبعدها عن طريقو 

غرام بهناك بتبكي والناس فاكرنها دموع الفرح وهي جواها بتبكي وبتقول ياربي ابوي الحقيقي وين بكون هسي وهل هو قاعد يتزكرني زي م انا كل يوم بفكر فيهو ياربي مابقول غرام كبرت وح تتزوج وانا لازم ارجع عشان اكون معاها ياربي ليه بس انا كل البنات ابهاتهم جمبهم وبشوفوهم كل يوم ليه انا مالاقيه ابوي وبتبكي وسرحانه توتا جات عليها حضنتها وباركت ليها وفي نفسها بتقول قريب ح اكشفك واكشف كضبك ومش لو عقدتي لو دخلتي عديل ما ح اخلي سرك الداساهو ده ياتافه انتي وامك هسي انتو شكلكم ده شكل عرس سبحان الله توتا حاضنه غرام وبتبارك ليها ومبتسمه ليها لكن جواها ليها حقد وحسد عكس سعيد الكان خايف علي صاحبو جدآ انتهي اليوم والناس كانو مبسوطين شديد بالاخص اهل خالد مبسوطين بي غرام مره ولدهم الجميله واهلها الكريمين الطيبين بعد الناس مشو خالد وغرام مشو يتعشو في مطعم مع بعض خالد في قمه السعاده والفرح كان فرحان بي غرام شديد لانو بحبها شديد وماصدق انو بقت حلالو وقاليها انو ح يسافر ويجي راجع سريع عشان يتمو الزواج كلها شهرين بالكتير امشي اظبط اموري هناك واجيك ياقمري 

عزام ولينا زواجهم تم باحسن صوره وكانو مبسوطين شديد انتهت الحفله حقتهم وكانو حاجزين شهر العسل على ماليزيا سافرو على طول بعد الحفله ،،، محمود رجع البيت لقي مكالمات من زوبه رجع ليها قالت ليهو انت مابترد علي ليه انا كنت محتاجه ليك انا كنت مصدعه وتعبانه وانت الوحيد البتخفف علي انا لما اسمع صوتك برتاح 

محمود قاليها انو كان في الصاله وعرس عزام وجوطه وما سامع التلفون معليش ياخ والله لو عارفك كان جيتك عديل وسبتا العرس انتي ماعارفه انتي غاليه عندي كيف ،،، اتكلم معاها واتواعدو بكره يتلاقو 

غرام جات الغرفه وهي زعلانه من زوبه.

 يتبع......