بنات الداخليه

الجزء 07

زوبه لبست وقعدت منتظره يجيها تلفون وكل مره تعاين في الساعه عدا كتير وهي منتظره بتتصل ب عزام وتلفونو مشغول وهي لسه بتتصل وبرضو مشغول وزهجت واتوترت بعد شويه رجع ليها 

عزام: اها يا سغيله انتي انا بتكلم مع ابوي وانتي تكتنتكي كل مره شغلتيها لينا مافيكي صبر لحدي م اخلص

زوبا : لا مافيني صبر وكملتا الصبر معاك واخري جا يعني شنو بتتكلم مع ابوك وانا قاعده مترزعه هنا لي ساعه

عزام:  طيب اطلعي بره انا قربتا 

زوبه طلعت بره وقفت مسافه كدا جا عزام ركبت معاهو سلمت كده وبدت نقه عزام كان بكره يقابلها عشان نقتها الكتيره اها بدينا المسلسل يسل روحك يارب

زوبا:  ياعزام انا لي كم يوم بقوليك عاوزه اقابلك وانت بتتماطل الله يرحم ايام بتجري وراي زي الكلب 

عظام: اها ليه الغلط يابت اتكلمي بي ادب اول شي انا كلمتك كنت مشغول وابوي كان مسافر والشغل ضاغط علي راسي كلو ..علي فكره اشتقت ليكي ماتجي نزوق ساعتين حنان كده 

زوبا: اسمعني وبطل قله ادب انا عاوزاك في موضوع كده مخوفني 

عزام: موضوع شنو اصلو من وراك مابجي خير ي وش الفقر اها قولي ..

زوبا: انا حامل ي عزام 😢

عزام حكا فرامل وقرب يطير بالعربيه من الخلعه ..شنو انتي بتقولي في شنو ياحيوانه الله يلعنك ويلعن اليوم اللماني بيك قولي انك بتهظري حيوانه

زوبا:  انا يا حقير هو انا حامل من زول غيرك مثلا والا متفاجئ كده ماعارف نفسك 

عزام: اسمعي يابت الناس انا مابعرف انتي لازم تتخلصي من المصيبه الفي بطنك دي باسرع زمن وانا مافاضي لي جرجره وامور كتير عندي ميه شغله في راسي الله يقدرني عليها ..

عزام: انت ليه محسسني انو المصيبه دي حقتي براي انت مش مشترك معاي فيها انا مابعرف المهم ياعزام نحنا لازم نتزوج وفي اقرب وقت ..

عزام : ههههه نا شنو نتزوج لالا ي استاذه شيلي الفكره من راسك افتكر انتي عارفه كويس ظروفي الفيها دي ما ظروف زواج وانا صاح وعدتك بالزواح لكن م اسي قدامي كم سنه وانا لمن عرفتك وحبيتك اي حاجه عملتيها معاي كانت بي رضاك ماجبرتك ..

زوبا: انت هسي بتزل فيني عشان حبيتك ووثقت فيك ااي صاح كان بي رضاي لكن انت المهدتا لي الطريق وبكلامك والحب الكان في عيونك واسلوبك الحلو معاي انا سلمتا ليك نفسي وانت وعدتني انو ح نتزوج 

وزوبه بتقول في الكلام ده وبتبكي لمن مخنوقه ماقادره تتطلع الكلام من خشمها ..

عزام: طيب اهدي يازوبه وماتبكي البكاء ما حيرجع شي ونتكلم كلام بالعقل انا فعلا بحبك وكل كلمه قلتها كنت صادق فيها وعشان بحبك شديد قربت ليك اكتر من اللازم ونحنا الاتنين لو في غلط في النقطه دي غلطانين . . 

يتبع...