بنات الداخليه

الجزء 21

.

خالد: معليش حبيبي بكره لما نتزوج ح اخدك تعيشي جنبهم مدى العمر ونكون كلنا مع بعض

 غرام اتضايقت شديد وحست ب انو لو اتكلمت ف الموضوع ده اكتر ح تتضايق و ح يكشف كذبها قالت ليهو انا تعبانه شويه ارح وديني الداخليه رجعو الداخليه الساعه كانت 5 غرام وصلت لقت البنات كلهم مافي استحمت ونامت علي طول زوبه جات من بره لقت غرام نايمه وواخده راحتها في النومه علي طول طلعت التلفون وصورتها كم صوره وفيديو طيب اوريكم ليه زوبه بتعمل كده

زوبه قبل كده في واحد كان حبيبها قبل عزام وواخد صور وفيديوهات ليها وهي معاهو وبقي يساومها بيهم بقت عندها حقد علي اي وحده من صحباتها وكل ما تلقي فرصه بتصورهم وفيديوهات كمان وهم ماعارفين مش قلت ليكم من البدايه زوبه خبيثه عشان كده اعملو حسابكم في لبسكم وبالذات بنات الداخليه وماتثقو ف اي شخص💔

غرام بتفكر تعمل شنو مع خالد مع انو مبسوطه من كونو فكر فيها لزواج وعاوز يعرفها ب اهلو لكن خايفه من انو لما يجي يسال عنها ويعرف حقيقتها يسيبها قعدت مع توتا وحكت ليها انو خالد عرض عليها الزواج توتا بحقد كده بجد مبروك انتو جد لايقين علي بعض وهي جواها بتقول انو دي الاتعرفت علي خالد يدوب وعن طريقي انا عاوز يتزوجها انا وسعيد بنعرف بعض لينا سنه ولاحصل جاب لي سيره زواج ليه هي احسن مني في شنو اها غرامي رديتي ليهو ب شنو توتا انا م عارفه اقوليك شنو انا كذبتا علي خالد قلت ليهو انو اهلي ف السعوديه طيب ي غرام انتي فعلا ابوك مش ف السعوديه المشكله وين ولو علي امك قولي ليهو جات اجازه طبعا توتا ماعارفه انو غرام ابوهاوامها منفصلين وما بتعرف عنها غير انو ابوها مسافر وهم قاعدين مع حبوبتهم لانو غرام كانت كتومه ومابتحكي

غرام:  لا يا توتا ماكده بس هو قال عاوز يعمل خطوبه هسي قبل يسافر وانا قلت ليهو خليها بعد يمشي ويجي نعمل عرس مره وحده ويكون كل الاهل متلمين وانا صراحه عاوزه وقت اعرفو اكتر

توتا: طيب حبيبتي وريهو انك عاوزه تعرفيهو اكتر من غير ما تدخلو الاهل ف الصوره 

غرام حست ب انو توتا مافاهماها وف نفس الوقت غرام في قلبها كلام كتير نفسها تقولو لي توتا وغالبها تتكلم (احيانا يكون في داخلنا كثير من الكلآم يصعب البوح به ويستعصي علينا كتمانه 💔) توتا متغاظه من موضوع غرام وخالد وف نفسها بتقول ليه م اكون انا ليه هي ليه دايما هي متفوقه علي في كل شي والله ياغرام ما اخلي موضوعك ده يتم لانك م احسن مني في شئ

الصباح خالد اتصل بي غرام قاليها ناس بيتنا عايزين يشوفوك وبالذات رانيا اختي . .

يتبع.....