بنات الداخليه

الجزء 23

زوبه شكلها كانت ناويه علي عزام بي نيه ماكويسه .. نجوى عندها بت بتعرفها من الشغل زمان اسمها زاهيه كانت شغاله معاهم في شغلهم الوسخ ده ومرضت جاها ايدز وحاجه زينب عرفتها وعملت معاها مشكله وطردتها من الشغل من غير ما تفهمها انها عرفت مرضها وبقت تشتغل براها تنشر المرض علي الناس وبقي عندها حقد تجاه اي شخص نضيف نجوى قطعت علاقتها بيها من مده بس رجعت اتصلت بيها وقالت ليها حلمت بيك وقلت اشوفك الحاصل عليك شنو والعشره مابتهون الا على ولاد الحرام ..

زاهيه قالت لي نجوي : والله مشتاقه ليك يحليل ايامك 

نجوى: والله انا كمان مشتاقه ليك 

زاهيه: وين انتي الفتره دي ..

نجوى: والله ظروف بس تقولي شنو لكن بجيك في الايام الجايه دي اديني عنوانك ..زاهيه ادت نجوى العنوان نجوى حفظتو بعد يومين جات قالت لي طارق انا عاوزاك في خدمه 

طارق: انا عيوني ليك ..

نجوى: تسلم عيونك بس انا عندي خطه كده عاوزه انفذها وعاوزاك تساعدني فيها ولو انت بتحبني صحي ح تقيف معاي ..

طارق: خطه شنو احكي و وانا افديك بي دمي ..

نجوى: انا عندي واحده كده صحبتي من زمان كانت والمهم انا عندي معاها سيديهات تخصني انا عاوزاك تجيبهم لي ..

طارق: بس اجيبهم ليك كيف وانا مابعرفها ..

نجوى: اسمع الزوله دي شمال اصلا يعني انا بعرفك عليها وهي طبعا زوله واطيه ومابملا عينها غير التراب واي واحد تشوفو بتقعد تعمل ف حركات عشان توصل ليهو وبعديها تقوليك تعال ليها ف البيت وخاصه انوساكنه براها المهم يا طروقي انا عاوزاك تتقرب ليها وتقوي علاقتك بيها ايام بس عشان تقدر تتمكن من انك تخش بيتها وتجيب لي السيديهات 

طارق الكلام م وقع ليهو وشافو كيف كيف لكن قال مامشكله عشان نجوى اعمل اي شي

نجوى عّرفت طارق ب زاهيه زي ماكانت مخططه وهو بقي يتكلم معاها وشويه شويه بقي يمشي ليها في البيت واول مايلقي فرصه يفتح دولابها يفتش عسى يلقي سيديهات نجوى القالتهم ليهو وبقي زهجان من حكايه زاهيه دي ولقي نفسو يومو كلو معاها وهو عاوز متين يخلص من الموضوع ده ويرجع لحبيبه القلب نجوى

 زاهيه طبعا بتتعامل معاه زي اي شخص قابلتو قبلو بكل حقد وانانيه وكان عندها مفهوم انو (اي شخص اتجاوب معاها ووصل نفسو لحدي سريرها وفراشها وقدر يمارس معاها الجنس وهو بكامل وعيو وإرادتو وما عاين لي انو الحاجه دي حرام ما حرام البحصل ليهو ويستاهل انها تنقل ليهو المرض )طارق كلم نجوى انو زهج من زاهيه نجوى كانت بتقول ليهو انو لو ماجاب ليها السيديهات ح تقطع علاقتها معاه وطبعا هي عارفه انو مافي سيديهات ولاشي

 يتبع....