بنات الداخليه

الجزء 30

  سيديهات ونجوى كذبت علي ... قفل من عادل وبقي يحاسب في نفسو قال ده كلو حق غرام ظهر فيني انا ربنا جازاني عشان العملتو في غرام شال تلفونو يتصل بيها .... غرام كانت في السوق معاها توتا بتجهز للخطوبه بكره شافت رقم طارق كده اتصل بيها عاينت ليهو وكنسلت المكالمه طارق بقي يبكي ورسل ليها رساله قال ليها انا عارف انك زعلانه مني شديد عشان انشغلت عنك وبقيت مابرد ليك واحتمال تكوني كرهتيني عديل لكن ياغرام انا بس عاوزك تعفي لي لانو الموت مامعروف غرام مشغوله وبتجهز في حاجاتها وفرحانه وخايفه في نفس الوقت وما انتبهت انها تقرا الرساله اصلا بهناك خالد مبسوط واهلو فرحانين ليهو شديد وهو كمان مامصدق كلمو اهلهم القريبين وجهزو هدايا العروس وكانو منتظرين متين بكره يجي نجوى كمان هي وحاجه زينب جهزو حاجات الخطوبه وطبعا ح يعملوها في بيت زينب لانو حلو وراقي وكلمو شويه ناس من البعرفوهم علي اساس انهم اهل غرام في الداخليه البنات جهزو نفسهم لخطوبه غرام البكره وغرام فهمتهم انهم حيعملو الخطوبه في بيت ناس حبوبتها ام ابوها عشان ابوها قال كده زوبه وبطه صدقوها لانهم اصلا مابعرفو عن اهلا شي اما توتا دورت الكلام في راسها لانها هي السرقت دفت اليوميات بتاع غرام وقرتو كلو وكان مكتوب فيهو معاناه غرام وانها دايما بتحس بنفسها مقطوعه من شجره ومابتعرف ابوها ولا بتعرف اهل ابوها وانو امها مره خاينه قالت كيف هي بتقول حبوبتها ام ابوها وبهناك بتقول ماعندها اهل قامت سالتها قالت ليها انتي ياغرام حبوبتك ام ابوك عايشه يعني غرام قالت ليها ااي حبيبه عايشه قالت ليها ليه مابتمشي ليها ولاحصل جبتي سيرتها والله ما جات مناسبه بس لكن قاعده امشي ليها في الاجازات طوالي وبكره ح تشوفوها وتسلمو عليها .... توتا قلبها موجوع وممغوصه من خطوبه غرام دي وماعاوزاها تتم

عم محمود طبعآ العمل العملتو ليهو زوبه بدا يمشي فيهو لانو بقي طول اليوم يتكلم معاها ويحكي ليها اي شي عنو صغيره وكبيره وهي كمان تحكي ليهو ماخلت حاجه عن نفسها واهلها وبقي متعلق بيها وكل مايلقي فرصه يطلع يلاقيها كان مكلمها انو عرس ولدو قريب ويوم الجمعه يوم العرس اتصل بيها وعزمها لكن اعتزرت قالت ليهو انو خطوبه صحبتها الليله... زوبه كانت موجوعه جدا من عرس عزام وبقت تبكي بحرقه علي الحصل ليها وكيف هو غدر بيها وعشمها بالزواج واتزوج غيرها بس فكره الانتقام جواها لسه معشعشه .... توتا وغرام ماشين الكوافير بطه قالت ليهم ح نحصلكم انا وزوبه بعدين زوبه قالت م ماشه . .

 يتبع ....