Killer Website

I. Welcome to Nissassa - Part 0

author's note: as you read on, you will encounter two characters: cirin and zerfes. though the characters & story-line in killer website might say/indicate the otherwise, cirin and zerfes are NOT blood-relatives / blood-related.

- edited ver 1-

February 20, 2020

(2/20/2020)

Napansin niyo ba? Ang astig ng date ngayon ano? Dalawang numero lang ang bumibida sa kalendaryo...zero at two.

Maraming nagsasabi na swerte raw ang araw na yan. Para naman sa iba, malas raw. Pero kung ako ang tatanungin pakialam ko ba? Numero lang 'yan. Para namang may magagawa ang dalawang numero para baguhin ang kapalaran ng lahat.

'Yon ang inakala ko noon.

Nang pumasok ang taong 2020, marami ng nagbago sa mundo. Malayo na siya sa dati niyang anyo noon.

Andiyan na ang mga high-tech buildings na bagyo-proof, lindol-roof, apoy-proof, utot proof, alikabok proo-- ay basta! Aabutin tayo ng siyam-siyam kapag iniisa-isa ko pa ang mga defense mechanisms na naimbento ng tao.

Ito na lang ang isipin niyo, ang mga buildings sa panahong ito ay tila diamond dahil sa sobrang tibay. Hindi lang buildings, halos lahat na ng bagay na inimbento ng tao ay halos wala ng katapusan ang paggana.

Nariyan ang mga lumilipad na kotse, multiple roadways, underground and above ground cities, holograms, super-thin gadgets, vaccines to all diseases, at marami pang iba.

Ewan ko nga kung bakit sabay-sabay na lang nagsulputan ang mga bagong innovations na 'yan. Pakiramdam ko tuloy may sumulpot siguro na reincarnation ni Einstein o kaya may advance civilization of aliens na naligaw sa mundo natin at kanilang binigyan ng ideya ang mga scientist para imbentuhin ang mga out-of-earth innovations na matatagpuan sa kasalukuyan.

Obvious naman na marami ng pagbabago ang naganap sa aming teknolohiya. Kung sa kalikasan naman, unfortunately, halos wala ka ng makikitang preserve natural resources.

Puro synthetic na lang. Kung meron man, mabibilang mo sila sa daliri ng iyong kamay.

Pangarap ko nga ito sana, pangarap ko sanang makakita man lang ng isang natural environment na tadtad ng bulaklak at puno at kung susuwertihin, may mga gumagalang hayop rin. Mas mahahasa ang talento ko sa archery kapag nasa natural biome.

Nagsimula akong matuto mag-archery noong apat na taon pa lang ako. Sabi ni Papa, may talent daw ako, kaya ayon ipinagpatuloy ko hanggang sa hindi ko na napansin na isa na pala ako sa pinakamagagaling pagdating sa sports na 'to.

I just won the archery competition held last week. Trophies, certificates, and medals I gathered from all the previous archery competitions are all stored in my room. Kung sana totoong gold ang gold medal, matagal na akong yumaman.

Kung ako naman ang tatanungin kung may mga pagbabago na naganap sa aming mga tao, fortunately halos wala naman. I mean kung iniisip niyo 'yung immortality concept, wala pa namang nakakaimbento ng isang bagay na makapagbibigay sa'yo ng walang hanggang buhay.

Biologically, normal pa rin naman ang mga tao: naipanganganak, nagkakasakit, at namamatay pa rin kaming lahat. Ang mga pangyayari pagkatapos ng kamatayan ay isa pa ring sikreto na mga patay lang ang makakaalam.

Kung may nagbago man siguro eh marahil 'yon ay nasa social aspect ng bawat isa. Dahil sa epekto ng teknolohiya, mas naging anti-social ang karamihan.

Kasalanan kasi ng makapanyarihang si internet. Siya ang pasimuno ng mga pagbabagong nagaganap sa lahat ng bagay dito sa mundo.

Mas lalong naging sikat ang online dating. Meron na rin itong upgraded version, ang online marriage.