Ang Kwintas, Ang Snickers at Si Patrick (Boxyboy) (Completed)

Chapter 16

 

Sabay kaming pumunta ni mommy at Lei sa simbahan ng Sto. Niño de Tondo. Habang naglalakad ay napansin ko ang mga tambay na umiinom. Parang last na sa mga buhay nila kung uminom ang mga hunghang na mga kababata ko.

"Tagay ka muna, Jay!! Ito naman oh.,. Paskumpasko kaya walang tanggihan ah!!!" sabi ng sa mga tambay sa labas.

"Pano naman akong di tatangi sa inyo eh Pasko naman.. Tsaka isa pa, bihira ko na kayong hindi nakakainuman!!" sagot ko.

Kinuha ko ang maliit na baso sa kanila. Nang tipong iinumin, agad na inagaw ni Lei ang baso ay biglang sumimangot.

"Sige, You just dare me to be angry at you, or else, you'll never see me anymore! Paskong-Pasko, and we're about to attend the mass, not having mingling with them!! " Sagot ni Lei habang nakasimangot na nakaharap sa akin.

Ang cute ni Lei. Para siyang nanay na sumusuway ng anak. Biglang lumaki ang mga mapupungay na mata ng kinakapatid ko. Gusto ko sana siyang halikan sa labi kaso andaming tao sa labas, kaya tinapik ko, gamit ang kanang kamay ang balikat nito.

"Ano ba kayong dalawa diyan, Halika na!! Baka nagsisimula na yung misa, ayaw ko pa namang magpahuli sa misa tulad nito!" Sigaw ni mommy habang nakapamewang sa amin sa malayo.

Sinoli ko ang baso sa kanila at nangakong babawi sa kanila sa bagong taon. Ipinakilala ko sa kanila si Lei at biglang may kumuha ng number ng CP sa kanya. Agad kong tinitigang masama si Lei at hinatak paalis sa mga tambay sa amin. Para kaming mag-jowa kung iisipin. Ngumiti si Lei sabay smack sa left cheek ko ng panakaw.

Magkaholding hands kaming pumunta kay mommy, buti na lang and she's not aware of that. Tumawag ng sasakyan si mommy sabay sakay naming tatlo. Pagdating sa simbahan, sumalubong sa amin ang dami at sangkatutak na mga taong gustong makinig ng misa. pumuwesto kami sa gilid malapit sa tabi ng Plaza Rodriguez at dun nakinig. Panakaw na tinitignan ako ni Lei sabay kuha sa kanang kamay ko. Ngumiti siya sa akin sabay sabing: "MERRY CHRISTMAS, KUYA!! I LOVE YOU!!"

Magkaholding hands kami habang nakikinig ng misa. Napansin kong si mommy ay tutok na tutok sa nagsesermong pari habang kaming dalawa ay malayang nagagawa ang gusto. Maganda ang porma ni Lei. Halos nakataas lahat ng buhok niya gamit ang bench wax na binili niya. Para talagang may kulay ang buhok niya kapag naiilawan pero all natural iyon. Suot pa rin niya ang kulay itim na batman t-shirt na hapit na hapit sa medyo payat nitong katawan. Namumula ang ilong niya. Ang tangos ng ilong niya ang nagbibigay ng paalala sa akin ng comparison ng mukha ni Cheney na hindi ko talaga maalis na isipin. Namumula din yung tenga niya. Siguro dahil sa lamig ng panahon. At higit sa lahat, ang isa sa mga nagustuhan ko kay Lei, ay ang kulay hazel brown niyang mga mata at mapupungay kung titignan mo siya.

Noong kalagitnaan ng pagbibigay ng peace be with you ay hindi ko napansin na nawala si Lei sa tabi ko. Hinanap ko siya at nakita kong nakaluhod pala siya sa amin habang kami ay nakatayo. Mukhang mataimtim siyang magdasal. Dumating ang pagdadasal niya sa puntong bigla siyang lumuha at umiyak. Agad kong hinimas siya sa likod para ipadama sa kanya na nandiyan lang ako sa tabi niya.

"Cheney!! Cheney!! Kaya mo yan!! Wag mo akong iiwan!!" biglang sabi ni Lei habang nagdadasal.

Nagtaka ako at kung bakit niya sinabi iyon. Maganda pa naman ang kundisyon ng katawan ni Cheney at we are standing still in our relationship. Bakit kaya niya sinabi ang mga ganung pananalita? Nang mahimasmasan ay agad kong itinanong sa kanya kung bakit niya sinabi ang mga ganung pananalita.

"Baby bro, anong sabi mo? Why did you uttered Cheney to your prayers? Does she has something that I need to know? Please, tell me!!" sabi ko sa kanya.