كتاب روائي خلال مئة يوم

اليوم المئة: النصيحة الأخيرة!.

مممم...مرحبا...😔

اه متوترة بشكل😢

اليوم اعتبروه الحفل الختامي وانتم كلكم مدعوون للحفلة الكشخة.

انا لابسة بدلة بيضة وببيونة بنفسجية. وانتو لابسين فساتين بنفسجية😍💜

بس... لازال في كلمة "ختامي" تفسد الموضوع💔

ممكن نتأمل هالصورة شوي؟ هاي صورة اليوم

على مدى مئة يوم، كنت انا هيك. ويمكن من قبل كمان😢

دايماً يقال لي ان تعاملي مع الناس مبالغ فيه واهتمامي الزايد فيهم يخليهم يفهموني غلط او يبين كأني امهم

اساس هالكتاب كانت هالفكرة. حبيت امارس شخصيتي والشي اللي احبه كشخص مهتم بزيادة وكأنه أم.

في البداية كنت بارجة وهبلة😂ما كنت اعرفكم كويس. لكن مع مرور الوقت صرت اعرفكم بالتفصيل وحظيت بفرصة التكلم مع بعضكم والتقرب منكم اكتر.

يمكن بالنسبالكم كنت مجرد كاتبة تقدم نصائح. لكن انتوا قدمتولي كل شي كنت اتمناه!.

بخبركم سر، لحديت نص الكتاب تقريباً كنت امر بوقت صعب كتييييير. خسرت بهالوقت كل الاشخاص اللي احبهم وانصدمت فيهم ونقدر نقول تم رفضي او التخلي عني.

يمكن لأن شخصية المدرس دايماً صعبة الفهم؟.

المهم. بهالوقت كنت فعلاً سعيدة بوجودي معكم وان في ناس اقدر اهتم فيهم واساعدهم دون ما يتذمروا😢💕

هاد اكتر شي احبه بالحياة. رغم ان طرقي سيئة أحيانا وممكن تنفهم بطريقة خاطئة لكن هالمرة توفقت الحمد لله وما واجهت اي مشاكل.

مبسوطة اني ما سحبت عالكتاب وما خذلتكم ولا يوم وكنت احدث يومياً وبأسوء الظروف حتى😂😂 عادة اسحب عالاشياء بعد فترة او اعملها دون نفس.

اعتقد هالكتاب كمان وضح اسلوبي الكتابي اكتر واثبت من خلاله اني فاهمة انا شو اعمل ومش قاعدة اتسلى