السلام عليكم💜
بتمنى تكونو بخير
اليوم زي ما وعدتكم رح نقيم رواية من كتاباتكم انتو
التوصية كانت على ون شوت مو رواية فالتقييم رح يختلف شوي
يلا نبدأ
العنوان: The Anonymous
النوع: غموض، اثارة، أمراض نفسية.
الكاتبة: MenaHyun
(ماقدرت أحط الغلاف)
هالقصة جميلة جداً الصراحة. أعتقد انها مقتبسة من رواية مصرية للكاتب أحمد مراد. ياريت الكاتبة تخبرني اذا هالشي صحيح أو لأ. اذا بنقول انها اقتبستها فهي غيرت كتير شغلات من الرواية الأصلية وهاد شي ممتاز. قريت كتير قصص بحياتي من هالنوع يعني امراض نفسية وجرائم وهيك لكن هالقصة فيها اشياء مميزة
اول ميزة هي مشاعر الشخصيات وأفكارهم كانت واضحة جداً هاد يعود لأنها استعملت اسلوب الP.O.V.
حبيت كمان سرعة التنقل بالأحداث يعني ما كانت توصف بدقة كبيرة نفس الروايات وهاد شي مناسب لقصة قصيرة.
لازم كمان نقول السلبيات رغم ان الكاتبة قالتلي ان هالقصة قديمة فبنراعي انها تطورت الحين أكثر.
في اشياء تزعج القارئ وهو يقرأ قصة او رواية. ومن ضمن هالاشياء الاخطاء الإملائية. كان في كتييييييير اخطاء إملائية ونحوية كمان.
شي ثاني وهو الشكل الخارجي لطريقة الكتابة. كان الكلام كله قطعة وحدة بس بين كل موقف وموقف في مسافة.
كمان شي اعتبرته مو روائي واللي هو تكرار الكلمات. احد الشخصيات يعاني من صعوبة بالنطق فالكاتبة كانت تكتب الكلمات اللي كان يقولها ومثلا اذا حد ضحك تكتب "هههههه" يعني مابعرف بس حسيته شي فصيل😂
التقيم: 7/10 😀🍥💗🐣
بتمنى ما يكون في زعل من قبل الكاتبة ورح أقرأ اجدد عمل لك. يسعدني اشوف قد ايش تطورتي🍥💗🐣
ولا تنسو تكتبو بالتعليقات قصصكم اذا حابين نقيمها وهيك يعني😀
وبس والله🐣💗🍥
YOU ARE READING
كتاب روائي خلال مئة يوم
Random{كتاب تعليمي} الكثير من الأفكار يومياً تأتي للكاتب. لكن الموضوع ليس بالسهولة التي تبدو عليه. كتابة رواية ناجحة يتطلب ايام طويلة من العمل، مئة يوم مثلاً؟. في هذا الكتاب سنعمل معا على مدى مئة يوم لإنتاج روايات احترافية ترقى لمستوى الروايات الورقية. ه...
