Lyrical Paradox | ✔

❝Ayoko Sa'yo❞

Bakit kaya may mga taong

Sadyang hindi ka maintindihan?

Lalo na 'yong mga hindi makuha

Sa isang tingin man lang.

T*ng*na kapag tahimik ka,

May sasabihin na sila.

Kapag umangal ka nama'y

Mas lumalala pa.

Ano ba'ng nais niyo

Na sa akin ay marinig?

Ang sumang-ayon sa inyo

Sa akin ay ipinipilit.

Hindi lahat ng bawat sambitin,

Ay may pinanggagalingan.

Hindi lahat ng bawat hugot ko'y

Kailangan may katuwiran.

Oo, nais ko na tayo'y

Maging magkaibigan.

Ngunit kung sobra ka na'y

'Di na bale, huwag na lang.

Mas gugustuhin ko ang mag-isa

Kaysa makipag-lokohan

Sa tulad mong 'di tunay at

Tingin sa'kin ay katuwaan lang.

Ang malaman ang lahat

Tungkol sa'kin ay 'di kailangan.

Ang magpanggap na kaibigan ko'y

'Di mo na dapat pagkaabalahan.

Kung may balak kang abusuhin

Ang kabutihan ko sa'yo,

Huwag mo nang ituloy pa't

Intindihin ang buhay mo.

Dahil ayoko sa manloloko

At nagbabait-baitan.

Ayoko sa plastik kaharap

At sa pagtalikod ko'y sisiraan.

Ayoko sa huli

Na ako pa ang masama.

Tumigil ka na,

Dahil ayoko sa'yo.

[ Harsh ba? May kinainisan lang ako kaya ko 'to naisulat noon. ]