بنات الداخليه

الجزء 01

نجي للشخصيات وحده وحده 

غرام :وحيده امها وابوها بنت جميله بكل معني الكلمه ملقبه ب كيم نسبه لجمال جسمها ملامحها حلوه عيونها وسيعه لونها قمحي نضيف شفايفها ممتلئه مكسره الجكس امها وابوها منفصلين والدها في السعوديه متزوج مره تانيه وهي وامها عايشين مع حبوبتهم

توتا: شكلها مقبول وحلبيه عصعوصه وتموت وتسمن  ،، بتحب الاولاد وكل يوم في علاقه جديده اقرب واحده لي غرام وبقرو في تخصص واحد

بطه: سمينه ملامحها حلوه شخصيه لذيذه ومثقفه جدآ محبوبه من الكل

زينب : خبيثه و وسخه ولونها اخضر وجنها كريمات.

يلا نخش غرفتهم في الداخليه
غرام بايته معاهم في الداخليه راقدين هي و توتا في سرير واحد خاته تلفونا تحت المخده وعاملاهو هزاز زززززززن تجي رساله صحت غرام ونامت راجعا م اشتغلت بالموضوع توتا وزوبه نايمين عكس بطه الصحت بدري عندها بحث بدت تشتغل فيهو وتكتب بكل نشاط وخاته كبايه الشاي وكراسون وعامله كعكات ولابسه بجامه قصيره وتشيرت البجامه شرايط وهي جسمها مليان ولونها فاتح

نمشي بيت ناس غرام 

يا نجوي يابتي انتي بتك دي ليها يومين ماجات البيت انتي يا الغبيانه ما سالتي منها دي حبوبه غرام بتتكلم مع بتها وهي بتفرك في الملاح علي نار الكانون وقاعده في المظله وبتها نجوي جوه في الاوضه تشيل في جسمها بالحلاوه وتحضر في نفسها شكلها طالعه لكن ماشه وين ؟ يا امي عليك الله سيبي غرام دي تعيش حياتا مع صحباتا انا عارفاها معاهم في الداخليه بعدين غرام دي مافي شي مطفشها من البيت ده غيرك نابحاها الليل والنهار كرهتيها ..يكرهك ربك يا سجمانه ده بدل ما تقومي تجيبي بتك المامعروف بلدا وين فاكاها مع بنات المغتربين ديل قايله روحا زيهم ديل مافي زول بسالهم وانا اصلو ما ارتحت ليهم من لبسهن وكلامهن الله يستر عليك يا غرام منهن نجوي في نفسها بتقول الله يستر عليهن هن من غرام ..احم احم اها ي امي الملاح انتهي ..انتهي وانتهيت معاهو الفحم سلا روحي واخوك دقيت ليهو لي يومين قلت ليهو يا ولدي نحنا غازنا قاطع وحالنا بالبلاء تعال اديني قروش ولي اسي لاجاني ولا سال مني ..يا امي ولدك ده اقنعي منو مرتو الشافيه دي ضايرتو زمان منك لكن انتي ما دايره تقتنعي ..عاد اسوي شنو يا بتي مافي زول بقنع من جناهو
نزلت دمعتين من حاجة فوزية . . 

يتبع....