"If eyes could speak
One look would say everything
About the way you smile
The way you laugh, the way you dress
The way your beauty leaves me breathless..."
CHAPTER SIX
PAKANTA-KANTA si Mika habang nagbibihis pagkatapos magshower. Kakatapos lang ng training niya sa bagong team and she's feeling really good. Pagkatapos niyang maglaro para sa school ay maglalaro naman siya sa commercial league and she couldn't be any happier.
Volleyball never stops para sa kaniya. It was a sport she never thought she'd excel in dahil wala naman siyang kahit isang athletic bone sa katawan but she learned to love it nevertheless. She owed a lot of what she has to this sport... her education, her throng of supporters who became her friends, her coaches and teammates who became her family, and that one person who keeps her smiling nowadays.
"Sows! Ganda ng ngiti ni Ateng! Pumapag-ibig na naman 'to, shur!" nang-aasar na puna sa kaniya ng setter nilang si Kim. Umupo ito sa tapat niya at naghubad ng sapatos.
"Ako na naman ang napansin mo diyan," sagot niya habang nagsusuklay.
"Malamang. Ang laki mo eh, kasing-laki ng ngiti diyan sa mukha mo," dagdag pa nito.
"Alam mo ikaw, 'di kita ma-gets. Nu'ng puro ako ngalngal sa lovelife ko, alaskado ako sa 'yo. Ngayon naman na nakangiti na ko, alaskado pa rin. 'Yung totoo, Kimmy... hater ba kita?"
Napabungisngis naman ito sa sinabi niya. Of course nagbibiro lang siya. Isa si Kim sa pinakaclose niya sa team. Hindi nabawasan ang closeness nila kahit bestfriend ito ng babaeng ipinalit sa kaniya ng ex niya. Labas naman kasi si Kim sa lovelife niya. Saka she's known her all her collegiate life. Isa ito sa pinakamabait na taong nakilala niya. Magkasundong-magkasundo sila nito dahil pareho silang kalog. Madalas nga ay biktima pa ito ng pambubully niya pero never silang nagkatampuhan. Kadalasan ay hanggang pikunan lang sila.
"Ako pa ba, Ye? Alam mo namang masaya ako kapag masaya ka. Nakikita ko naman na happy ka ngayon eh so push mo 'yan, beshie! Saka boto ako kay Ricci for you," sabi nito na nagpangiti sa kaniya. It feels good that her friends are supportive of her and Ricci. It helps ease her discomfort about their age gap.
"I like him kasi mabait na bata," dagdag pa nito na diniinan ang salitang 'bata', dahilan para mawala ang ngiti niya.
Sinamaan niya ito ng tingin nang makita niyang yumuyugyog ang mga balikat nito sa pagtawa. Inaasar na naman siya nito. Alam kasi nito ang hang-up niya sa age.
Binato niya ito ng nadampot na paper cup. "Leche ka! 'Wag kang hihingi ng tulong sa 'kin 'pag may natype-an kang babae," sabi niya sabay bitbit ng gamit at naglakad papunta sa pinto.
"Huy, Ye! Sorry! Ito naman, napikon agad," habol ni Kim sa kaniya ngunit hindi niya pinansin iyon. Hinila niya nang todo-bukas ang pinto ng dug-out kahit alam niyang nakatapis lang ng towel si Kim dahil magshashower pa lang ito. 'Yun ang ganti niya sa pang-aasar nito. Alam naman niyang walang tao sa labas dahil regular training lang naman nila today at hindi pa game. Gusto lang niyang gulatin si Kim.
"Woah!"
Hindi niya alam kung sino sa kanilang tatlo nina Kim at Ricci ang mas nashock sa eksena. Hindi niya inaasahan na naroon ito at naghihintay sa labas ng pinto ng dug-out.
Agad na napatalikod si Ricci kasabay ng pagtakbo naman ni Kim papasok ng dug-out habang minumura siya. Siya naman ay halos mapaupo na sa kakatawa nang magsink-in ang mga pangyayari.
"Ang bully mo po," nangingiting sabi sa kaniya ni Ricci habang tinutulungan siyang makatayo. Kulang na lang kasi ay literal siyang mapagulong sa kakatawa. Ito naman ay mukhang nakarecover na rin sa nakita.
