صوفيا 💮
فرات:اعرفها منو
صوفيا:كلتلك نتفق
فرات:نتفق على شنو
صوفيا:اول شي اريد علي يموت
فرات:بسيطة هاي
صوفيا:بسيطة صارلك شكد وتكلي بسيطة
فرات:اذا جان كلامج صحيح هسة انفذها
صوفيا:واو صار عندك حماس
فرات:كملي شتردين حتى تكولين الحقيقة
صوفيا:اريد ورث كنان كله يصير الي
فرات:واني شعليه بهذا الشي
صوفيا:والله هاي شغلتك اني معليه تكدر تسويها
فرات:ماشي
صوفيا:مراح اكلك هي منو قبل ما تنفذ شرطي فرات:ماشي
سمر 🔶
رأيت اكرم يدخل إلى البيت وهو غاصب جدا
سمر:اكرم شبيك
لم يرد علي
سمر:اكرم شبيك شنو صار شفت امي
صرخ بوجهي
اكرم:لا تجيبين طاريها ما اريد اسمع باسمها بعد سمر:شنو ؟
اكرم :مثل ما سمعتي
سمر:لك تعال شنو صاير اكرم
تركني وذهب الى غرفته
سمر:هذا شبيه
سارة:شكو
سمر:اكرم ما ادري شبيه دخل للبيت وهو عصبي سألته عن امي كام يحجي عليها
سارة:ليش
اكرم:ما ادري
وفجأة نزل من السلم
اكرم:سارة اريد احجي وياج بموضوع
سارة:شكو
اكرم:واتمنى تسامحيني
سارة:اسامحك ليش شكو
اكرم:وحتى اذا ما تسامحيني هم مراح ازعل لان اني استاهل
سمر:لك شكو
نظرت الى سارة كانت تنظر إلى واكرم بنظرة غريبة
اكرم:سارة اني وامي ومايا غ......
سارة:غيرت نتيجة التحليل صح
سمر:شنو
اكرم بأرتباك:اني
سارة:جنت ادري اكو احد غير النتيجة بس ما جنت متوقعة انت
سمر:يعني انتي مو اختي
سارة:لا
كنان:شنو
التفتنا وكان السيد كنان يقف امامنا
كنان:شنو هذا الي سمعته يعني انتي مو بنتي
سارة:لا اني مو بنتك
اكرم:اي سارة مو اخت علي ولا بنتك احنه غيرنا النتيجة واتفقنا وياه الممرضة حتى تغير النتيجة
كنان:انتو من
اكرم:امي واني ومايا
كنان:مايا منو
فتح عينه بصدمة
كنان:مايا حبيبة علي القديمة
اكرم:اي هي تصير صديقة الممرضة وعلي وسارة من راحوا ياخذون تحليل بالمستشفى الممرضة عرفت شكل علي ومن رجعوا للبيت اتصلت على مايا وحجي الها الموضوع وبعدين مايا اتصلت على امي ونفذوا الخطة وغيرنا النتيجة
كنان:لك شنو انتو مجاي اصدك ليش فهمني ليش تلعبون بحياتهم
اكرم:اسف سامحوني
كنان:مستحيل اسامحك انت وامك دمرتو حياة ابني
اكرم:حقك بابا ما تسامحني بس
كنان:لا تكول بابا اني مو ابوك بعد الي سويته
اكرم:اني طالع من بيتكم بس قبل ما اروح اريد اكلك شي ترة الي دخل علي للسجن فرات
سمر:شو
كنان:شنو انت شمدريك ؟
اكرم:عرفت من شخص
كنان:منو
اكرم:ما اكدر اكلك منو وهو هم عنده شريك يساعدة
سارة:اني اعرف منو شريكة
التفت الجميع الى سارة
اكرم:منو
سارة:باجر الصبح راح تعرفون من هو ويجوز علي يطلع باجر اذا اعترف هذا الشخص
كنان:منو احجي بنتي
سارة:ما اكدر هسة باجر راح تجي الشرطة تاخذة وراح ينكشف للكل
وثم نظرت إلى اكرم
سارة:اذا تريد اسامحك تمام بس بشرط
اكرم:شنو اسوي اي شي
سارة:تروح تحجي لعلي الحقيقة
اكرم:ماشي رايح هسة
سارة:ماشي
اكرم 🔷
خرجت من البيت وذهبت الى رؤية علي وبصعوبة وافق الضابط على رؤيته انتظرت في غرفة الزيارة وبعد ربع ساعة دخل علي
علي:اكرم شكو ليش اجيت هسة
اكرم:لا تخاف ماكو شي بس اجيت حتى احجي وياك بموضوع مهم
علي:شكو خوفتني
اكرم:تعال اكعد
جلس امامي
علي:شكو شبيك
اكرم:اخي اني سويت شي مو زين بحقك للمرة ثانية
علي:شنو؟
اكرم:واجيت حتى اكلك الحقيقة واطلب منك تسامحني
علي:شكو
اكرم:اول مرة سامحتني بس هاي المرة
علي:اسويت هاي المرة؟
نزلت دمعتي
علي:احجي اكرم
اكرم:سارة مو اختك
علي بصدمة:شنو؟
اكرم:اي اني وامي ومايا غيرنا النتيجة
سردت له كل ما حصل صمت لم يقل شيئا
اكرم:علي كول شي لا تسكت
لم يرد علي كان مصدوم
اكرم:اني غلطت واعترف وهسة جاي اطلب منك تسامحني حتى لو ما تسامحني هم قابل بس لا تسكت هيج الله يوفقك
علي:اول مرة سامحتك لان ما جنت تدري بس هسة شلون تطلب مني اسامحك
نزلت راسي وصرت ابكي لا اعلم ماذا اقول كل شي يقوله عني استحق هذا
علي:انت تعرف شنو سويت بيه ها تعرف
انت دمرتني بسببك البنت الي احبها ما كدرت ازوجها كل مرة تغلط بحقي واسامحك واكول ميخالف هذا اخوك
بس هاي المرة خلاص كافي بعد وصلت حدها وياك
نهض من مكانه ونظر لي بغضب
علي:روح بعد لا تجي ما اريد اشوفك
ترك الغرفة وذهبت مع الشرطي
علي 🔵
انصدمت عندما قال لي اكرم بان سارة ليست اختي وبانه هو من غير نتيجة التحليل كنت اود ان اضربه ولكن توقفت للحظة لا استطيع أن افعل ذالك مهما عمل معي فهو مازال اخي برغم من كل شي
سارة اين انتي الان كم اتمنى ان ارها الان لقد اشتقت إليها كثيراً لا اصدق ما حصل سارة ليست شقيقتي ياللهي اتمنى ان اكسر تلك الجدران واذهب اليها لكي احضنها بقوة كم اشتقت الى حضنها والى كل شيء فيها متى اخرج من هنا
وفي اليوم التالي
ذهب الجميع الى الشركة وكانت سارة متوتو وتنتظر وصل الشرطة
سمر:سارة
سارة:ما تكولين من هذا الخاين
سارة:انتظري بس شوية
سمر:تدرين اكرم ماكو من البارحة
سارة:ليش وينه
سمر:ما ادري
سمر 🔶
كنت انتظر وصل الشرطة لكي اعرف من ذالك الخاين وفجأة دخل شخص ياللهي انه وسام اجل انه هو وسام اقترب مني
سارة:وسام بشر اجوي
وسام:اي بعد خمس دقائق ويجون
كنت انظر له بصدمة وماذا يحدث مع علاقة وسام بالموضوع وبعدين سارة و وسام ماذا يحدث هنا كان يتجاهل النظر لي
سارة:شوكت اجيت
وسام:قبل شوية اريد اروح اشوف علي
سارة:انتظر شوية يجوز علي راح يطلع اليوم
كانه يتحدث معها ولا كأنه يراني امامي
سمر:اني رايحة
ذهبت الى مكتبي جلست على المكتبي وصرت ابكي وفجأة شعرت بشخص يقف بجانبي رفعت راسي ورأيت وسام يقف امامي
سمر:انت
وسام:جنتي تبجين
سمر:لا على شنو ابجي
وسام:صح على شنو تبجين
سمر:انت شتريد ليش اجيت
وسام:شنو ما ترديني اجي
سمر:لا ما اريدك
وسام:بس اني ما اجيت على مودج اجيت على مود علي
سمر:اي وحسب ما اعتقد علي هسة بالسجن يعني مو بمكتبي
وسام:اي ادري
سمر:مدام تدري ليش اجيت على المكتب مالتي ها نسيت اكلك مبروك سمعت بيك تزوجت
وسام:الله يبارك بيج اي صح تزوجت بنت صاحب الشركة الي اشتغل بيها
سمر:اي على خير
وسام:خوش بنيه حبابة وتحبني
سمر:على خير
وسام:بفضلها صار عندي شغل واستقرار وما يهمها اذا جنت فقير او لا
سمر:شنو قصدك
وسام:قصدي تعرفينه زين يعني تحبني وتوكف بوجه اي احد على مودي حتى لو امها هددتها ما تتخلى عني
فتحت عيني بصدمة ونهضت من مكاني
سمر:انت من وين تعرف بكل هذا
وسام:مو مهم من وين عرفت
امسكني من يدي ودفعني على الحائط
وسام:انتي ليش تخليتي عني وليش تركتيني ليش ما حجيتي الحقيقة تدري لو ما اتصلت بيه سارة بهذاك الوكت جان هسة اني متزوج
سمر:شو يعني انتي ممتزوج
وسام:لا ما تزوجت
سمر:لعد ليش سويت هيج
وسام:حتى اقهرج واعذبج مثل ما عذبتيني
سمر:شنو انت سويت هيج حتى تعذبني
وسام:اي
سمر:انت شنو ليش
وسام:الي سويتي بيه مو شوية
سمر :بس اني جنت مجبورة
وسام:جان لازم تحجين مو تتخلين عني
سمر:ما كدرت احجي خفت عليك من امي
وسام:جان لازم تكولين حتى نشوف حل ثنينه مو تتخلين عني
نزلت راسي وصرت ابكي رفع راسي بيده ومسح دموعي وفجأة اقترب مني وقبلني قبله طويله و بعد لحظات ابتعد عني
وهمس لي
وسام:شكد مشتاقلج
لم ارد عليه
وسام:شنو ما مشتاقتلي
سمر:مشتاقتلك موت
رميت نفسي عليه واحتضنته بقوة حاوطني بيده
سمر:بعد لا تعوفني وتروح الله يخليك
وسام:مراح اعوفج راح ابقى يمج
سمر:جنت راح اموت وانت بعيد عندي
وسام:واني هم
سمر:مراح اتخلى عنك لو شيصير يصير
وسام:وعد
سمر:وعد راح ابقى يمك طول العمر
ابتسم وقال
وسام:هذا احله شي
سمر:احبك وسام
وسام:احبج ياروح وسام
وفجأة سمعنا صوت ضجة كبيرة في الخارج ابتعدنا عن بعض
سمر:هاي شنو
وسام:يمكن اجتي الشرطة حتى ياخذون الخاين
سمر:منو
وسام:امشي وهسة تعرفين
خرجنا من المكتب وكانت سارة تتحدث مع الضابط حسام اقتربنا منهم
سمر:ها حضرت الضابظ عرفتوا منو هو
حسام:اي
سمر:منو هو
اشار لي الى ناحية اليسار التفت رأيت الشرطي يمسك بيد السيد احسان فتحت عيني بصدمة لا اصدق ما ارى امامي
سمر:سيد احسان
سارة:اي طلع هو شريك فرات
سمر:مستحيل شلون
سارة:اني جنت شاكة بي من البداية لان هو الوحيد الي يثق بيه علي ويعرف اسرار شغلة كلها من دخل علي للسجن رحت على بيته حتى احجي وياه لان حسب ما سمعت هو طلع من القضية والشرطة ما حققوا وياه لان ماكو شي عليه رحت حتى احجي وياه ومن وصلت شفت سيارة ضخمة واكفه يم بيتهم استغربت منو هذا انتظرت لحد ما نزل من السيارة ودخل للبيت وبعدين السيارة اتحركت وتقربت مني تدرون منو شفت بداخلها السيارة
سمر:منو
سارة:فرات
سمر:يالله دخليك مجاي اصدك احسان معقول زين ليش احنه نحترمة هواي ليش يسوي هيج سارة:اني توقعت جاي يستغله حتى يشتغل وياه كلت خل ارجع للبيت وباجر اذا كالي الموضوع يعني صدك ويانه هو نو خاين واذا ما كال يعني الموضوع وراء قصة ولازم اعرف بليل جنت جاي احجي وياه وسام بموضوع وحجيت اله قصة احسان كال البارحة شفت مرته هناك عايشه بالسويد كالت صارلها شهر من جاين هنا واحسان عنده شغل مهم ما كدر يسافر وياهم بس من يخلص شغله يسافر وراهم وراح يعيشون هنا بالسويد اني زاد شكي اكثر كلت هذا متفق وياه فرات يدخلون علي للسجن هو ينهزم كشفته من كال صارلي اسبوع مسافر وهسة يلا اجيت شلون صارله اسبوع مسافر ومرته كالت لوسام صارلها شهر بالسويد وجايه بس هي و اطفالها يعني هو مجان موجود وياهم يعني صارله شهر يخطط هو وفرات حتى يدخلون علي للسجن رحت بلغت الضابط حسام بالموضوع واجتي الشرطة اليوم حتى يقبضون عليه
سمر:زين وهذاك الكلب وين
حسام:قصدج فرات
سمر:اي
حسام:هسة دزيت فريق يقبضون عليه
سمر:يعني علي راح يطلع
حسام:اكيد
سمر:الحمدلله
سارة:شوكت يطلع
حسام:بس تخلص الاجراءات القانونية ويطلع
سارة:الحمدالله
سمر:وسام علي راح يطلع
وسام:اي حياتي
سمر:واخيرا كله بفضل سارة
سارة:اخيرا حبيبي راح طلع
كيان:سيدي
التفتنا كان الضابط كيان مساعد حسام
حسام:بشر كيان قبضوا عليه
كيان:للاسف سيد هرب وصلنا وما لكينا بالبيت يمكن جان يدري احنه راح نجي عليه
حسام:الله يلعن
سارة:شنو انهزم
حسام:للاسف
سمر:شنو راح يصير هسة علي مراح يطلع
حسام:لا اكيد راح يطلع لان ماكو دليل عليه
اشار حسام الى كيان واخذوا احسان الى السجن وذهبنا معهم لانهم سوف يخرجون علي اليوم كنا ننتطر في غرفة الانتطار
سارة 🔴
اخيرا سوف يخرج لا اصدق ذلك اين انت ياحبيبي لقد اشتقت إليك كثيراً لا اتحمل اكثر كانت تلك الدقائق كأنها سنين بالنسبة لي واخيرا انفتح الباب ودخل حبي حياتي لم اكترث الموجودين امامي ركضت عليه واحتضنته بقوة وانا ابكي واتنفس عطره كان يحاوطني بيده ابتسم بين دمعي وهمست له
سارة:شكلك عرفت الحقيقة
علي:اي شلون عرفتي
سارة:لان حضنتني
حضني يقوة
علي:يالله شكد مشتاق احضنج
صرت ابكي ابتعد عني ونظر لي
علي:ليش تبجين ياعمري
سارة:اخيرا كولشي انتهى ورجعت لي علي حبيبي مو اخوية
علي:اخيرا
وسام:حم حم استحوا شوية احنه هنا
التفت إلى وسام
علي:وسام
وسام:علي
احتضنوا بعض
وسام:حمدالله على السلامة شريك
علي:الله يسلمك
ابتعد عنه
علي:شوكت اجيت
وسام:اليوم
دفعت سمر وسام احتضنت علي
سمر:وخر خل احضن اخوية
احتضنته وصارت تبكي
علي:ليش تبجين ولج
سمر:ما مصدكة اخيرا رجعت لنا بالسلامة
علي:اي ومدام رجعت ما اريد اشوفج تبجين ماشي
سمر:ماشي
علي:ما مصدك اخيرا راح اطلع
وسام:هذا كله بفضل سارة
نظر لي
علي:شنو يعني
وسام:هي جابت دليل براءة مالتك وكشفت واحسان وفرات
علي:انتي
سارة:اي
علي:اني مو كلتلج لا تدخلين نفسج بالمشاكل
سارة:لعد شلون تريدني اعرفك هنا
علي:انتي ليش ما تسمعين الكلام يجوز صارلج شي شسوي اني وكتها
سارة:لا تخاف عليه مراح يصير لي شي
علي:شلون ما اخاف عليج انتي عمري
سارة:يالله شكد اشتاقيت لكلامك هذا
علي:راح ابقى اكلج هذا الكلام على طول
وسام:يلا روميو وجولييت امشو خل نرجع للبيت
علي:لا يا بيت انتو روحوا واني اريد اخذ حبيبتي ونروح
سمر:وين تروح انت ما تعبان
علي:لا من شفتها راح التعب مني
وسام:ياعيني
سمر:شوف الكلام الرومانسي شوف
علي:امشو ولكم
خرجنا من مخفر الشرطة ذهبوا وسام وسمر وذهبنا نحن ايضا وفي الطريق
سارة:احنه وين رايحين
علي:راح نطلع برا اسطنبول
سارة:ليش
علي:اريد ابقى يمج هذا اليوم ما اريد اشوف احد غيرج
سارة:ماشي
علي:اقفلي الموبايل
اغلقت هاتفي ووضعت راسي على صدره
اكرم 🔷
كنت انتظر في البيت لا استطيع الذهاب معهم لا استطيع أن اضع عيني بعين علي بعد الذي فعلته به كنت اجلس في غرفتي وفجأة سمعت صوت سيارة ذهبت لكي انظر من النافذة كانت سمر وسام دخلوا إلى المنزل نزلت إلى الاسفل لكي اعرف الاخبار
اكرم:السلام عليكم
وسام :وعليكم السلام
اكرم:شنو اخبار علي طلع
سمر كانت لا تنظر لي
وسام:اي طلع
اكرم:صدك الحمدالله
وسام:بس انت ليش ما اجيت
سمر:شلون تريده يجي شلون يحط عينه بعين علي بعد الي سواه بعلي وبسارة
لم ارد شي لان كلامها صحيح
سمر:اكيد محد يريد يشوف هسة بعد الي سواه
اكرم:عن اذنكم
تركتهم وذهبت الى غرفتي
وسام ♻
وسام:هاي شبيج انتي ليش تحجين وياه الولد هيج
سمر:يستاهل لان كل المشاكل الي صارت بسببه وبسبب امي مراح اسامحها لا هي ولا اكرم
وسام:بس الولد عرف بغلطة واعتذر من سارة وعلي
سمر:بعديش بعد ما عذبهم كل ما اذكر ايام هم هذيج الي جانوا عايشين بيه اتمنى اروح اكتله
وسام:ميصير هذا اخوج هو غلط واعترف بخطأ بعد كافي
سمر:ما اكدر اسامحه مستحيل
صوفيا 💮
صوفيا:شلون طلع راح اتخبل انت مو كلت ماخذ كل احتياطتك
فرات:كله بسبب هذاك الغبي احسان خرب الشغله وكشفته الشرطة واعترف عليه
صوفيا:همزين انهزمنه والا جان اخذونا الشرطة
فرات:انتي ما تهميني اخذوج او لا بس مضطر اخليج لحد ما اعرف منو هي بنتي
صوفيا:وهذا الشي بيدك انت خلصني من علي وراح اكلك منو هي
فرات:هذا مو بس انتي تردين تخلصين منه حتى اني صرت اريد اخلص منه لان جاي يخرب عليه كل شغلي كل ما اشوف طريق يسده بوجهي
صوفيا:اكتله حتى ترتاح واني هم ارتاح
فرات:اني نشرت رجالي بكل مكان اول ما يشوفونه راح يكتلونه ونخلص منه
صوفيا:اي هذا الشغل بس ما يصير شي وتخرب الخطة
فرات:لا هاي المرة راح تنجح انا متأكد
صوفيا:انشوف
سارة 🔴
وصلنا الى المنزل كبير جدا على البحر
سارة:بيت منو هذا
علي:هذا بيت واحد صديقي اخذت منه المفاتيح من شهر جنت كل ما اضوج اجي هنا وافكر بيج
سارة:مممم
علي:تعالي خل ننزل
سارة:نزلنا من السيارة وفتح علي الباب وخلنا الى المنزل كان جميل جداً من الداخل
سارة:واو كولش حلو
علي:اي يلا روحي فوك على اليمين اكو ملابسي غيري ملابسج وتعالي ناكل
سارة:اغير ملابسي من وين
علي:اكو فوك ملابس نسائية
سارة:لا والله انت مو تكول بيت مال صديقك وانت جنت تجي الوحدك تكعد تفكر بيه
علي:مممم
سارة:لعد اذا ممم من وين اجني الملابس النسائيه هاي
علي:امداج انتي وتفكيرج هذا الغبي ياخبله هاي ملابس مرته
سارة:لا والله
علي:اي
سارة:وشنو يسون ملابس مرته هنا
علي:واني شعليه غير يجون هو وياهه هنا
سارة:هاا اي صدك
علي:خرب حضي
سارة:لا تضل تحجي خلص افتهمت
علي:روحي بابا روحي
ذهبت الى غرفة غيرت ملابسي ارتديت بجامه مرسوم عليها سبونج ونزلت دخلت المطبخ كان علي يحضر العشاء وقفت بجانبه
سارة:حياتي تحب اساعدك
علي:لا عمري خلصت
نظرت الى الطعام كان شكله لذيذ جداً
سارة:ممم شكل الاكل طيب
علي:راح تاكلين اديج وراء مو بس اصابيعج
سارة:من وين تعرف تطبخ
علي:بالمدرسة الداخلية جنت اسوي اكل اني وبنيه صديقتي
سارة:لا
علي:اي جانت اسمها روز اصلها ايطالية
سارة:جانت حلوة
علي:موت
سارة:لا والله
علي:اي
دفعته على الحائط وامسكت بيده
علي:هاي شبيج
سارة:تكول على وحدة حلوة كدامي
علي:لعد اجذب هي صدك حلو ومو بس حلوة صاروخ
سارة:لا والله
قرصت يده
علي:اخ هاي شبيج
سارة:احسن تستاهل حتى بعد ماتكول على وحدة حلوة كدامي
دفعني على الحائط واصبح امامي اردت الابتعاد عنه ولكنه وضع يده على خصري
سارة:وخر مني روح لهاي الصاروخ تفيدك
وصار يضحك
سارة:لا تضحك
.
.
.
.
.
اسفة على التأخير انتظروني اليوم النهاية شنو تتوقعون النهاية
