سارة 🔴
خرج الاستاذ علي وذهبت الى مكتب سمر
سارة:مرحبا
سمر:مراحب اهلا سوسو تعالي
جلست على المكتب
سمر:لعد علي وين
سارة:طلع
سمر:وين راح
سارة:راح يشوف وسام
سمر:اي حجي شلون جانت السهرة مال البارحة
سارة:يالله تخبل كولش حلوة
سمر:احجيلي شنو صاير
سارة :مصار شي بس جانت حلوة الحفلة
مرت ساعتان وانا اتحدث مع سمر وفجأة اتصل وسام بي سمر
سمر:الو هلو حبيبي
وسام :اكلج علي وين
سمر:علي راح عليك من ساعتين
وسام:هاي اني صارلي ساعتين انتظرة وماكو
سمر:شنو يعني ماكو
وسام :اتصلت عليه وموبايله مغلق
سمر: اخاف بالطريق
وسام:ماشي انتظر ساعة واشوف
اقفلت الخط
سارة :شكو
سمر:وسام يكول اتصل على علي وتلفونه مغلق وصارله ساعتين من راح
قلقت كثيراً من كلام سمر
سارة في نفسها :اخاف هذول رجعوا عليه ياربي شسوي اذا صدك وهو كال ما احجي لحد
سمر:شبيج وين صافنه
سارة:هااا ماكو شي
سمر:شبيج هسة يطلع بالطريق ويجوز سيارته خربانه لو شنو
كانت سمر تتحدث معي وانا لم اكن اصغي لكلامها كنت افكر بعلي ماذا حدث مع مرة ساعتان اخرى ولم يتصل وسام
سارة:اكلج مرت ساعتين وسام ما اتصل اجة الاستاذ علي لا
سمر:هاي شبيج راح تموتين من الخوف شنو صاير عليه اكيد هسة وصل وجاي يحجون ونسى يتصل علينا
اكرم:يلا بنات جبت اكل تردون تاكلون
سمر:اي والله اني راح اموت من الجوع
اكرم:لعد تعالي وانتي سارة تعالي جبت بيتزا بالجبن ممممم كولش طيبة
ابتسمت
سارة:بالف عافية بس ما اشتهي اكل شي
اكرم:لا ما يصير هيج يعني اني جبت على عددنا حرام تخجليني
سارة:والله ما اشتهي
اكرم:راح ازعل
سارة:اوكي انطيني
كنت اتناولها غصبا كانوا يتكلمون مع بعض وانا كان كل تفكيري بعلي ماذا يحدث معا الان لماذا لم يتصل ما هذا القلب الذي لديه
وفجأة دخل وسام وكان مرعوب
وسام:السلام عليكم
الجميع :وعليكم السلام
وسام:علي وين ما رجع
سمر:شنو يعني علي وين هو ما وصلك لحد هسة
وسام:لا
سمر:صارله اربع ساعات من طلع يعني وين راح
اكرم :شكو فهموني
سمر:علي طلع من اربع ساعات كال رايح اشوف وسام ولحد هسة ماكو
اكرم:شنو يعني ماكو اتصلوا عليه
وسام:تلفونه مغلق من اربع ساعات
اكرم:شنو هل حجي هذا وين راح لعد
بدأ القلق والخوف يمتلك الجميع
واصبحت سمر تبكي
سمر:شنو يعني اخي وين راح شنو صاير له
احتضنها اكرم
اكرم:اهدي حبيبتي اكيد ما صايرله شي
سمر:صارله اربع ساعات وين راح
الشركة 💠
مريم:هل سمعتم ما حدث
نور:ماذا
مريم:يقولون ان السيد علي اختفاء
نور:ماذا تقصدين
مريم:خرج من اربع ساعات لم يعد الى الان
نور:ماذا؟
مريم :اجل وهاتفه معلق
علم جميع من في الشركة في الامر واصبحت هنا تساؤلات عديدة في الامر اصبحت الساعة 5:00 ولا يوجد أي اخبار عنه وبعد لحظات دخل السيد كنان الى مكتب علي لانه الجميع كانوا يجلسون في مكتبه
كنان:شكو شنو هذا الي سمعته
ركضت سمر عليه واختضنته وهي تبكي
سمر:بابا علي ماكو لحد هسة
كنان:شنو يعني
اكرم:ماكو من الظهر طلع ولحد هسة
ابتعدت عنه ونظرت الى وجه
سمر:بابا جيب علي اريد اخي
كنان:اهدي ياعمري اكيد ما صارله شي
سارة في نفسها :اني ملازم اسكت صار الوضع يخوف لازم احجي
سارة:لو سمحتوا عندي شي اريد احجي يجوز هذا راح يساعدنا شوية
اكرم:شنو احجي
سارة :البارحة بالليل من جنت بالحفله اني والاستاذ علي من رجعنا بالطريق جانت اكو سيارة تمشي ورانا وبصعوبه يلا ضيعناهم
كنان:شنو هذا الحجي منو هذول
سارة:ما ادري ما عرفنه منو
وسام:عمي الموضوع صار يخوف لازم نبلغ الشرطة
كنان:اي لازم
اكرم:اني راح اروح ابلغ
وسام:انتظرني جاي وياك
ذهبوا وسام واكرم الى مركز الشرطة
وسام ♻
وصلنا الى المركز و شرحنا لهم ما حدث
الشرطي :اعتذر لا نستطيع أن نفعل شيئاً يجب أن تمر على وقت اختفائه 24 ساعة حينها فقط نستطيع أن نتحرك
اكرم:ماذا تقول انت اخي مختفي من 6 ساعات وتريدني ان، انتظر
الشرطة:انا اسف ولكن هذه الاوامر هنا
خرجنا من المكتب
اكرم:راح شنسوي هسة
وسام:لازم ننتظر مثل ما كال الشرطي
اكرم:امشي خل نروح للبيت كلها هناك
وسام:يلا امشي
احسان 🔻
علمت بماذا حدث لسيد علي وذهبت الى منزله لكي اخبر الجميع بما حدث مع السيد علي والسيد فرات وخلت الى منزلهم وكانوا الجميع خائفين وعلامات القلق على وجوه الجميع
احسان :السلام عليكم
الجميع :وعليكم السلام
كنان :اهلا سيد احسان تفضل
احسان :شكرا لك سيدي اريد احجي وياك بموضوع على انفراد
سمر :خير اكو اخبار عن علي
احسان:والله الي عندي يحوز تكدرون تستفادوا منه
كنان:اتفضل نحجي بالمكتب
ذهبت معا الى المكتب وجلست على الكرسي
احسان:سيد كنان طبعا انت راح تتفاجأ بهذا الموضوع بس اني ما كدرت احجي من قبل لان السيد علي رفض
كنان:شنو هو خوفتني
احسان:اسمعي استاذ قبل فترة طلب مني الاستاذ علي ان........
وسرد له كل ما حدث
كنان:شنو هذا الحجي
كنان:هذا كل شي
كنان:يعني صاير هذا كله واني ما ادري
احسان :الاستاذ علي منعني احجيلك
كنان:وانت شلون تسمع كلامه غير تجي تحجي
احسان:اسف استاذ بس ما جنت ادري راح توصل الامور لهنا
كنان:وهاي وصلت وابني يمكن راح بيها
خرج السيد كنان من المكتب غاضب
كنان 🔻
كنان:اكرم
اكرم:نعم بابا
كنان:،انت وقعت على عقد وياه السيد فرات
اكرم:اي بابا بس ماجنت ادري بالموضوع
صوفيا :فرات منو وعقد شنو فهموني
كنان:انت تدري احتمال اخوك انخطف لو صار بي شي من وراك
اكرم:شنو
كنان:اي فرات الي وقعت وياه على العقد طلع واحد يشتغل بالمافيا
اكرم بصدمة:شو
وفجأة اغمى على سمر وسقطت على الارض
كنان:بنتي
ركضت عليها صوفيا
صوفيا:بنتي سمر ردي عليه ماما
كنان:سمر شنو صارلج
وسام:اني راح اتصل بالدكتور انيس
صوفيا:اتصل بيه بسرعة
وسام ♻
اتصلت بالدكتور وجاء وفحص سمر
كنان:هاا دكتور شبيها بنتي
انيس:لا تخاف عليها سيد كنان مابيها شي بس اغمى عليها بسبب الضغوط النفسية الي جاري تصير حاولوا تبعدون عنها المشاكل
كنان:شكرا دكتور
انيس:العفو هذا واجب يلا استأذن اني
كنان:اتفضل وسام ابني
اشار لي عمي بأن اذهب مع الطبيب الى الباب
وصلت للباب
وسام:دكتور انت متأكد ما بيها شي
انيس:اي طبعا متأكد
وسام:شكرا
انيس:العفو
ذهب الى البيت وعدت الى المنزل كنت اريد رؤية سمر ولكن لا استطيع لانه عائلتها متواجدين حولها
وفجأة دخلوا رجال الشرطة الى المنزل
الشرطي :كيف حالك سيد كنان
كنان:بخير حضرت الشرطي طمني لا توجد اخبار عن ابني
الشرطي:كلا نحن نبحث في الامر
عندما كان عمي واكرم يتحدثون الى رجال الشرطة ذهبت الى غرفة سمر من غير ان يراني احد دخلت كانت نائمة جلست بجانبها على السرير وامسك بيدها وصرت انظر لها وهي نائمة لا اريدها ان تستيقظ وفجأة فتحت عينيها بتعب
سمر:وسام
وسام :اهدي حبيبتي لا تتعبين نفسج
سمر:انت شلون دخلت هنا
وسام:محد شافني
وفجأة صارت تبكي
وسام:بس حبيبتي لا تبجين والله جاي تعذبيني
سمر:علي وين هسة جاي شيسوي عايش لو ميت تعبان لو مابيه شي جوعان لو شبعان عطشان لو لا كل هاي الاسئله جاي تدور براسي علي هسة بين يد مجرمين والله الوحده يعلم شنو جاي شيسون بي
احتضنتها
وسام:اهدي ياعمري ان شاءالله ما بيه شي وراح يرجع وتشوفينه بخير
سمر:يارب
سارة 🔴
اصبحت الساعة الواحدة ليلا ومازالت مستيقظة لا استطيع النوم قبل أن اعلم اي شيء عن علي ولكن بمن اتصل اريد ان اعلم اي شيء عنه ماذا يحدث لي لماذا انا خائفة عليه هكذا ماهذا الشعور الذي بداخلي
بقيت طول الليل مستيقظة لم انام ولا لحضة الى ان جاء الصباح دخلت إلى الحمام استحممت وغيرت ملابس وخرجت ذهبت الى الشركة اريد أن اعرف اي خبر سوف اجن من القلق دخلت الى الشركة
وكانوا الجميع يتهامسون ويتحدثون مع بعض اريد ان اعرف شيئا ذهبت الى مكتبي وجلست انتظر قدوم اي شخص لكي أسئله وفجأة دخل اكرم نهضت بسرعة
سارة:صباح الخير استاذ اكرم
اكرم:اهلا سارة صباح النور
كان شكله متعب جداً يبدوا بان الاخبار لا تبشر بالخير
علي:سارة اني راح اكعد شوية بمكتب علي ممكن تجيبن فنجان قهوة
سارة:حاضر
جلبت له القهوة وادخلتها الى المكتب كان جلست على المكتب ويضع يده على راسه وضعت القهوة على المكتب
سارة:اتفضل استاذ
رفع راسه وقال
اكرم:شكرا
ترددت كثيرا في ان اسئله
سارة:استاذ اكرم ماكو اي اخبار عن الاستاذ علي
اكرم:لا والله لحد هسة ماكو شي وما نعرف وين هسة هو عايش لو... اوووف
وضع يداه على وجهه
يا ليتني لم اسألك لقد قلقت كثيرا
سارة:زين بلغت الشرطة
اكرم:اي البارحة رحنا بلغنا ومن اليوم جاي يدورون عليه
صمت قليلا ثم نظر الي
اكرم:،قبل ما يطلع ما كال شي ما شفتي شي غريب
سارة:اي طلب مني البارحة اروح على مكان التصوير وكال شوفي جاي يصورون اعلان واني رحت ولكيتهم جاي يصورون اعلان لشركة ملابس ومن كلتله طلع بسرعة وبعدين رجع وشكله عصبي دخل للمكتب و بعد نص ساعة طلع راح على وسام
اكرم :انتي متأكدة من هذا الحجي
سارة :اي استاذ
اكرم :لعد صدك هو ماكو غيره
سارة:منو
اكرم:تذكرين هذاك الشخص الي جاي وجان علي ما موجود ودخلت اني للمكتب مال علي
سارة:اي اذكرته بس شبيه هذا
اكرم:يمكن هو الي الا علاقة باختفاء علي
سارة:شلون
اكرم:لان البارحة عرفنه هذا يشتغل بتجارة المخدرات والأسلحة
سارة بصدمة:شو
اكرم:اي واني وقعت العقد وياه بدون ما ادري شنو يشتغل
سارة:ياربي
اكرم:وعلي من عرف راد يفسخ العقد وياه بس هو رفض ويمكن هو السبب
سارة:عزة شنو هاي المصيبة
اكرم:كارثة هاي
سارة:وراح شتسوين هسة
اكرم:والله ما ادري الكل محتار
سارة:مجاي اصدك يعني الاستاذ علي هسة بين ادين مجرمين
اكرم:منو مجرمين عاديين هذول مافيا عصابات خطيرة
سارة:زين الشرطة ما يرحون يقبضون عليه ويطلعون السيد علي
اكرم:شلون وماكو اي دليل عليه بدون دليل ما نكدر نسوي اي شي
سارة:اوف
خرجت من المكتب
كنان 🔻
ذهبت الى شركة السيد فرات يجب أن اعلم ماذا حصل لابني لا استطيع أن اقف من غير أن افعل شيئاً وصلت الى شركة دخلت إلى مكتبه وانا اشتعر نيران الغضب دفعت الباب بكل قوتي
كنان:اين ابني
فرات:سيد كنان اهلا بك كيف حالك تفضل
كنان:لم اتأتي لكي اجلس اريد ابني ماذا فعلت له
فرات:ابنك من
كنان:ابني علي ماذا فعلت له تكلم
فرات:اجلس ودعنا نتحدث
كنان:قلت لك لا اريد أن اجلس اريد ابني
فرات:ان لم تجلس لن نصل الى اتفاق
كنان:اتفاق على ماذا
جلست على الكرسي
فرات:هكذا جيدا
كنان:حسنا قل ماذا تريد مني أن افعل لكي تترك ابني
فرات:اول شيء اريده منك ان لا تتدخل الشرطة في موضوعنا
كنان:حسناً
فرات:جيد والشي الثاني بسيط جداً كل ما اريده هو تصوير اعلان شركتنا هذا كل شيء
كنان:انت لماذا مصر على هذا الاعلان انت خطفت ابني من اجل هذا الشيء البسيط
فرات:انظر ها انت قلت بنفسك شيء بسيط ولكن ابنك لا يريد ان يفعل هذا الشيء البسيط
كنان:ابني لا يريد لان انتو تجار المخدرات وسلاح يعني مافيا وعلي لا يريد التعامل مع مجرمين
ابتسم بسخرية وقال
فرات:هذا الكلام خطر على ابنك ان تريد أن لا يصيبه اي مكروه فأتكلم معي جيد
كنان:حسناً انا اعتذر منك سيد فرات وسوف افعل لك كل ما تريده ولكن لا تأذي ابني ارجوك
ابتسم وقال:حسناً هكذا جيدا ولكن انا لن اترك ابنك الا بعد تصوير الاعلان
كنان:حسناً متى تريد أن نبدأ في التصوير الاعلان
فرات:غدا
كنان:ولكن انا لن افعل لك شيئا من بدون أن اعلم ان كان ابني بخير او لا
فرات:معك حق حسناً انتظرني اليوم وانا سوف اجعل تراى ابنك
كنان:متى
فرات:انا سوف اتأتي لك ولكن مثل ما اتفقنا من غير شرطة
كنان:موافق لن يتدخل أحد
فرات:جيد اذهب الان
اكرم 🔷
كنت اود الخروج من الشركة وعندما وصلت الى الباب رأيت ابي وكان وجهه موتعب
اكرم :بابا ليش اجيت جان بقيت بالبيت ترتاح
كنان:جنت بالشركة مال فرات
اكرم :شنو
كنان:اي رحت حتى اشوف اخوك وين
اكرم :بابا شلون تروح الوحدك
كنان:جان لازم اعرف شي عن اخوك ما اكدر ابقى هيج
اكرم :اي وشنو كلك علي وين
كنان:علي موجود عنده
اكرم:شنو الحيوان بابا لازم نبلغ الشرطة
كنان:لا ما يريد الشرطة تدخل والا راح يكتل علي
اكرم :لعد هذا شيريد
كنان:يريد يصور الإعلان
اكرم:يالله شنو هل اعلان الي متخبل عليه هيج
كنان:ما ادري بس خليه يصور الاعلان ونخلص اهم شي عندي سلامة علي
سارة 🔴
ذهبت الى الحمام الشركة وعندما عدت رأيت سيد كنان يتحدث مع الاستاذ اكرم وبالصدفة سمعت حديثهم وعرفت أن السيد فرات هو الذي خطف الاستاذ علي وانه سوف يأتي اليوم وسوف يحضر معه دليل على ان الاستاذ علي عنده وصرت انتظر قدومه لكي اعرف ان كان بخير وكيف يكون وضعه الان اصبحت الساعة الثامنة مساء ولم يأتي وفجأة سمعت صوت
فرات:مساء الخير
نظرت له وكان هو نفس ذلك الشخص الذي رأيته في ذلك اليوم
فرات:هل السيد كنان هنا
سارة:اجل انه هنا وينتظر قدومك تفضل
كان يحمل بيده علبه صغيره ادخلته الى المكتب وذهبت انظر لهم من النافذة
كنان:تفضل اجلس
فرات:شكرا لك
جلس في الكرسي
كنان:ماذا تريد ان تشرب
فرات:شكرا لك لا اريد شيئا
كنان:حسناً قلت بأنك سوف تعطيني دليل على ان ابني لا يزال على قيد الحياة
فرات:اجل وها أنا اليوم جئت الى هنا لكي اعطيك الدليل تفضل
اعطاه علبه
كنان:ما هذة
كنان:افتحه وانظر ماذا يوجد بها
اخذ السيد كنان العلبه وفتحها وفجأة انصدم وسقط على الكرسي اصبح يبكي ويقول له
كنان:ماذا فعلت بابني ايها الوغد
فرات:لم افعل له شيء انت اردت دليل على ان ابنك لا يزال على قيد الحياة وها انا اعطيتك الدليل واذا كنت لا تصدق ان ذلك الشي لابنك حسناً سوف اتأتي لك غدا سوف اعطيك شيئا اخر
كنان:حسناً يكفي ذلك لا تعذب ابني كثيراً
فرات:جيد
لم اكن ارى ماذا يوجد في تلك العلبه رفعت راسي اكثر لكي ارى وفجأة انصدمت لما رأيت ياالهي ماهذا
وضعت يدي على فمي وصرت ابكي
سارة:هذا اصبعه لعلي كطعوا اصبعه
وفجأة رن هاتف السيد فرات
فرات:الو..... ماذا
ابتسم بخبث
فرات:الان..... حسناً..... افعل كما تريد.... اجل ان انتهيت اتصل بي.... وداعاً
اقفل الخط
فرات:حسناً انا ذاهب اراك غدا في موعد التصوير
اكرم 🔷
خرجت من مكتبي ورأيت السيد فرات يخرج
اردت الذهاب اليه لكي اقتله ولكن تذكرت أن اخي في يده ويجب علي ان اهدى ذهبت الى مكتب ابي لكي اعرف ماذا جرى بينهم وعندما دخلت كان ابي يجلس على المكتب ويبكي
اكرم:بابا شنو صار
نظرت ورأيت علبه
اكرم:هاي شنو
لم يرد فتحتها ورأيت اصبع انصدمت عندما رأيت الخاتم على الاصبع انه لاخي علي
اكرم:هذا شنو
كنان:هو هذا الدليل
اكرم:الكلب السافل والله الا اكتله
كنان:اهدى يمعود ما نريد يصير شي لاخوك
اكرم:شيصير يعني اكثر من هذا شوف شنو مسوين بي الله يعلم بحالته هسة شلون صايرة
وفجأة اختنق ابي ولا يستطيع ان ياخذ نفس
اكرم:بابا ....بابا..... شبيك بابا
فتحت زرار قميصه
اكرم:بابا ردي عليه وينكم تعالوا ساعدوني.... سارة..... سارة وينج.... نور.... لك وينكم
دخلت مريم تركض
مريم:خير استاذ شكو
نظرت الى ابي
مريم :سيد كنان شبيه
اكرم:تعالي ساعديني بسرعة
وضعنا على الكرسي لكي يرتاح وجلبت لي ماء وضعته على وجهه لكي يستيقظ فتح عينه
اكرم:بابا شلون صرت
كنان:بخير اريد اروح للبيت
اكرم:ماشي هسة راح اخذك
وفجأة دخل احسان مرعوب
احسان:استاذ كنان
اكرم:شبيك سيد احسان
احسان:شوفو شنو لكيت بالحمام
اكرم:شنو هاي
احسان:موبايل مكسور
اكرم:موبايل مال منو هذا
احسان:،هذا مال الانسه سارة
كنان:ليش مكسور لعد وسارة وين
احسان:ماكو
اكرم بعصبية:شنو يعني ماكو
احسان :استاذ دورت عليه ما لكيتها
اكرم:شنو وين راحت
كنان:ًشنو جاي يصير هنا فهموني
اكرم:روحوا شوفوها وين بسرعة
واصبحوا الجميع يبحثون عن سارة لا يوجد لها اي اثر في الشركة
احسان:استاذ ماكو بحثا بكل الشركة ماكو الها اثر
كنان:شنو يعني وين راحت البنت لك شنو جاي يصير هنا
اكرم:بابا برأيك فرات الا علاقة باختفاء سارة يجوز خطفها هاي هم
كنان:وليش يخطف سارة شنو الها علاقة
اكرم:لعد شنو تفسر سبب اختفاء سارة
كنان:اخاف راحت لمكان خل ننتظر شوية
اكرم:لعد التلفون مالتها ليش مكسور
كنان:والله ما ادري راح اتخبل هاي البنت شعليها ليش حتى يخطفها بس اريد افتهم
اصبحت الساعة الخامسة مساء ولم نعرف اي خبر عن سارة رجعنا الى البيت
سمر:هاا اكو اخبار جديدة
اكرم:لا
سمر :شكو شبيكم
اكرم :سارة
كنان :اكرم
اشار لي ان لا اتكلم
صوفيا:شكو احجو
سمر:شكو شبيها سارة
كنان:سارة هم مختفية من الظهر
سمر :شنو؟
اكرم:اي السيد احسان لكه تلفونها بالحمام مكسور
سمر:يالله وين راحت
اكرم:ما ادري راح اتخبل
سمر:وسارة شنو علاقتها ليش اختفت شنو جاي يصير بينه فهموني ليش جاي يختفون واحد وراء الثاني علي وين عايش لو ميت واذا عايش وين وليش ماكو اي خبر عنه وسارة الثانية وين راحت راح اتخبل ياربي
وسام:شكو
كنان:اهلا ابني تعال ادخل
وسام:شكو شبيكم اكو اخبار جديدة عن علي
اكرم:لا بس سارة
وسام:سارة شبيها
اكرم:هي هم اختفت من الظهر جنت بالشركة وماكو لحد هسة
وسام:وين راحت
كنان:محد يعرف
اكرم:وحتى تلفونها مكسور
وسام:هاي شنو
صوفيا:سارة هاي مو سكرتيرة علي
اكرم :اي
صوفيا:شنو علاقتها ليش اختفت وبعدين شمدريكم بيها اختفت يجوز اختفائها هذا لعبة
كنان:شنو يعني
صوفيا:يعني يجوز لا اختفت ولا شي يجوز هي متفقة وياه العصابة
اكرم:شنو ؟
صوفيا:اي وكسر تلفونها هاي لعبه حتى محد يشك بيها هي سكرتيرة علي يعني الوحيدة الي تعرف كل اخبار شغله فكرو بالموضوع
اصبح يتملك الجميع
اكرم:شبيكم انتو سارة مستحيل تطلع هيج
صوفيا:وانت شمدريك بيها زينة يجوز ضحكت عليك بوجهها الطيب اني هاي البنت من البداية ماجنت مرتاحة الها جنت احس وارها مصيبة منو منكم يعرف اصلها منو عائلتها امها وابوها وين وعائلتها منو وشلون اشتغلت بالشركة
وسام:ما ادري بس جاي اشوف كلام مدام صوفيا منطقي شوية
اكرم:يمعودين شبيكم انتو
سمر:لعد برأيك ليش اختفت شنو علاقتها بس لان سكرتيرة علي ما ادري بس كلام امي منطقي شوية
سارة... سارة.... سارة.... سارة
سارة 🔴
سمعت صوت احد ينادي بأسمي نهضت مفزوعه فتحت عيني وكان يجلس امامي
سارة بصدمة:استاذ هاي انت
علي:انتي شتسوي هنا شلون اجيتي
كنت لا استطيع التحدث كنت اشعر بألم فظيع في راسي
سارة:اخ راسي
علي:راسج
سارة:اااه راسي
فتحت عيني وركزت في المكان كانت غرفة مهجورة و مظلمة ولايوجد فيها فقط ضوء واحد
سارة:شنو هذا المكان وين اني وشلون اجيت هنا ؟
علي:نعم؟ تسأليني اني؟
نظرت إليه
سارة:انت منو؟
رفع حاجبه
علي:ها؟ شنو فقدتي ذاكرتج
نظرت له جيد
سارة:هااا اذكرت انت هتلر
علي:شو؟
سارة بتردد:ااقصد اااخ راسي
علي:هتلر ؟هاا اخاف بسبب راسها نطبكن فيوزاتها
ضحك وثم نظر لها بجدية
علي:انتي شلون اجيتي هنا
سارة:ما اتذكر اخر شي اذكرة جنت بالحمام ابجي وبعدين
نظرت الى يده بصدمة وامسك بيده
سارة:هاي شنو هنا خمس اصابع
وامسكت بيده الثانية
سارة:وهنا هم خمس اصابع يعني ماكو نقص
علي:شنو خمس اصابع وشنو نقص شبيج انتي مخبلة راسج اثر بيج
سارة:اذا يدك ما بيها شي لعد اصبع منو هذا
علي:انتي جاي شنو تحجين فهميني
سارة:انت متأكد ما كطعوا اصبعك
علي:شنو؟ اكلج انتي شاربه شي وجاية عليه
شنو كطعوا اصبعك
سارة:لك مو السيد فرات جاب اصبع وكال هذا اصبعك والدليل بيه خاتم مالتك
علي:هاا هسة يلا عرفت ليش اليوم اخذوا مني الخاتم يعني انتو عرفتوا اني مخطوف
سارة:كلها عرفت
علي:بس انتي شلون اجيتي
سارة:اني جنت بالحمام مال الشركة جاي اغسل وجهي وفجأة حسيت بواحد ضربني برا ومن بعدها كلشي ما حسيت بنفسي ومن كعدت شفتك يمي هذا كل شي
