صوفيا:بس تدري هاي السكرتيرة كولش حلوة
علي:اي واني شعليه بيها
صوفيا:شنو شعليك الجمال يفيدك
علي:بشنو يفيدني
صوفيا:يعني الجمال يفيدك بالشغل
علي:بشنو يفيدني
صوفيا:بالعملاء من يشوفون وجه السكرتيرة حلوة راح يعجبهم الشغل وياك
علي:ليش العملاء يجون على شغلي لو على شكل السكرتيرة
صوفيا:لا طبعا على شغلك بس لازم يشوف عندك سكرتيرة حلوة على العموم اني اجيت اليوم حتى اعتذر منك
علي:على شنو تعتذرين
صوفيا:على كلامي وياك البارحة
علي:ماكو داعي تعتذرين اساسا مصار شي
صوفيا:لا اني ادري بيك بعدك زعلان اساساً اني قبل سنتين ما وكفت وياك وكفت وياه اكرم و....
قبل ان تكمل قاطعتها
علي:امي لو سمحتي لا تفتحين هذاك الموضوع
صوفيا:بس ابني
علي:امي رجاء لا تفتحين الموضوع اني نسيت القصة ما زعلان منج اصلا انتي امي وميصير ازعل منج
صوفيا:لعد هسة ماكو زعل بينه
علي:اكيد لا انتي امي وميصير ازعل منج
صوفيا 💮
صوفيا في نفسها :ضحكتني بكلمة امك اصلا اني ادري بيك انت لا تحبني ولا تريدني وبحياتك ما اعتبرتني مثل امك اساسا انت ما تهمني ولا محبتك الي تهمني كل الي يهمني احصل على الشي الي اريده ولازم ابين لناس وابوك اني احبك واعتبرك مثل ابني حتى اخذ كلشي اريده
صوفيا :يلا صار لازم اروح
نهضة من مكاني
علي:ماشي
خرجت من المكتب وذهبت الى البيت
علي 🔵
عندما خرجت والدتي طلبت من سارة ان تتصل بالسيد احسان وتطلب منه أن يأتي إلى مكتبي فورا وبعد لحظات انطرق الباب ودخل السيد احسان
احسان:نعم استاذ طلبتني
علي:اي طلبتك اتفضل اكعد
جلس امامي
علي:اسمع اريدك تدز احد من الموظفين بس يكون ثقة لشركة السيد فرات حتى يشوف شنو اخبارهم وبشنو يشتغلون بالظبط
احسان:ليش استاذ
علي:بصراحة ابوية مو اثق بيهم يكول احس شركتهم وقانونية
احسان:هااا ماشي اني راح ادز عليهم لؤي هو شاب ثقة ويكدر يعرف اخبارهم
علي:ماشي اعتمد عليك
احسان:ولا يهمك استاذ
سمر 🔶
سمر خرجت من الشركة وذهبت الى رؤية وسام في احد الكوفي شوب وعندما وصلت كان يجلس ينتظرني وعندما رأني وقف اقتربت منه وقبلته على وجنته
سمر:مرحبا حياتي
وسام:مرحبا
سمر:اتأخر عليك
وسام:لا قبل شوية اجتي يلا شنو تاكلين
سمر:اي والله جوعانة
وسام:ماشي انتظري راح اجيب اكل وارجع
سمر:اوكي
ذهب وسام لكي يحضر لي الطعام وفجأه رأيت شاب كان يجلس امامي وينظر لي بنظرة غريبة وكنت اتجنب النظر له وكنت اشعر بالقلق من ان يرأى وسام لن يعدي الموضوع على خير
وفجأه نهض الشاب من مكانه وتقدم نحوي و رمى لي ورقة وفي نفس الوقت كانه وسام قد عاد وقد راى وهو يرمي لي الرقم تقدم نحوه هو ينظر له بغضب
وسام:انت ماذا كنت تفعل ؟
الشاب:لم افعل شي
امسك به من يده
سمر:اترك وسام
وسام بصراخ:ابتعدي انتي
وامسك بالشاب
وسام :ماذا اعطيت لها
الشاب:لما اعطيها شي
وسام:لما تعطيها شي إليس كذلك ؟
نظر لي بغضب وقال بعصبية
وسام:افتحي يدج
فتحت يدي وراى الورقة وامسك بالشاب واصبح يضرب به وانا اصرخ واتوسل به ان يترك
وسام:وسام عوفه الله يخليك..... وسام
ترك الشاب وسحبني من يدي وذهبنا ركبنا بالسيارتي
وسام:انتي شلون تاخذين الرقم منه
سمر:شنو هذا الحجي اني ما اخذت الرقم
وسام:لعد شلون وصل الرقم على يدج
كنت اتحدث معه وانا ابكي
سمر:اني اخذت الرقم من شفتك اجيت خفت اخاف تشوف الرقم وتصير مشكلة وكلت بعدين اشمر الرقم والله
وسام:جذابة
سمر:على شنو اجذب عليك انت ما واثق بيه
وسام:لا اني اثق بيج بس بعد الي شفته
سمر:شنو يعني شنو شفت
وسام:وكفي السيارة خل انزل
سمر:وين تنزل
وسام:جاي اكلج وكفي السيارة
سمر:شنو يعني انت ما مصدكني
وسام:وكفي السيارة خل انزل
سمر:ماشي بكيفك روح انزل روح
خرج من السيارة وقفل الباب بقوة تركه وذهبت الى البيت اتصلت بأكرم وطلبت منه ان ياخذ مكاني اليوم لانني لا استطيع العودة الى العمل وصلت الى المنزل صعدت الى غرفتي رميت بنفسي على السرير وانا ابكي وفجأة سمعت صوت الباب يطرق صرخت بصوت عالي
سمر بصراخ:عوفووووني
سارة 🔴
سارة:اخيرا كملت من مراجت الملفات راح اخذهن لهذاك المتعجرف
اخذت الملفات وطرق الباب ودخلت
سارة:استاذ خلصت الملفات
علي:كملتي
سارة :اي استاذ وتكدر تراجع الملفات بنفسك وتشوف
علي:شنو؟ انتي مخبلة ترديني اراجعهن كلهن وراج
سارة:لعد بس اني
علي:اي طبعا انتي سكرتيرة وهذا شغلج
سارة:اوكي تريد شي مني استاذ
علي:اي انزلي لطابق الثالث جاي يسون هناك اعلان لشركة ملابس اريدج ترحين وتشوفين شنو الشي النقص عدهم تكتبينه بورقة وتنطينيا
ابتسمت وقلت سارة:بس هاي
ابتسم بخبث وقال:اي بس هاي
تركه المكتب وخرجت
علي 🔵
خرجت من المكتب وهي سعيدة انتظري وسوف تزول سعادتكم وفجأة انطرق الباب
علي:اتفضل
احسان:استاذ
علي:اتفضل احسان
احسان:دزيت لؤي للشركة السيد فرات
علي:وشوكت ينطيك الاخبار مالتهم
احسان:بعد يوم لو يومين
علي:ان شاء الله خير
عندما كنت اتكلم مع السيد احسان دخلت سارة وهي مفزوعة وجهها احمر وانا علمت ما سبب هذا تكلم معها بعصبية
علي:شكو شبيج دخلتي هيج غير تدكين الباب سارة:اسفة استاذ ما انتبهت من الشي الي شفته
علي:وشنو شفتي جني
سارة :اضرب من الجني استاذ شفت
صمتت وجهها اصبح احمر من الخجل
علي:شكو شنو شفتي
سارة:ما اكدر احجي
نهض احسان من مكانه
احسان:استاذن اني استاذ
علي:ماشي اذا صار شي بلغني
احسان:حاضر
خرج وقفل الباب ومازالت سارة ترتجف
علي:اي انسه سارة شنو شفتي
سارة:ماكدر اكول عيب
علي:وشنو العيب بي
سارة:ماكدر احجي استحي
علي:منو هاي انتي تستحين ما صدك
سارة:وليش بله ما استحي مو بنيه
علي:مدام انتي بنيه المفروض ما تستحين من تصوير اعلان لملابس داخلية للنساء
سارة:عزة بعينك تكول الكلمة عادي
علي:عزة بعينج انتي احترمي نفسج ولا تنسين انتي جاي تحجين وياه مديرج
سارة:اسف
علي:يلا روحي كملي شغلج
سارة:لا استاذ ما اكدر
علي:شنو ما تكدرين
سارة:استاذ انطيني اي شغل غير هذا
علي:لا والله شنو رأيج تشتغلين بمكاني واني اشتغل بمكانج
فتحت عينها على وسعها
سارة:لا استاذ عيب
علي:اكلج انتي بنيه لو ولد
سارة:بنيه طبعا
علي:مدام بنيه ليش تستحين يعني المفروض هذا الشي عندج عادي
سارة:عادي من تكون البنت الوحدها مو ياخذون صور الها وهي لابسه ملابس مال
ما كدر اكول
علي:والله اني ما يهمني كل هذا كلامج التافه ترحين وتسوين الشي الي كلتلج عليه بكيفج لو غصب عنج
خرجت من المكتب
سارة 🔴
لم يكن لدي حل اخر يجب أن اذهب الى هناك وصلت الى هناك وكانت جميع الفتيات يرتدون الملابس الداخلية والشباب يأخذون لهم صور وينظرون إلى اجسادهم شعرت بالقرف من هذا المنظر
سارة:الله يحطك بموقف اصعب من هذا
تقدم نحوي شاب وقال
الشاب:ماذا تفعلين هنا هيا اذهبي وارتدي الملابس لكي اخذ لكي صورة
سارة:ماذا ؟انا لست عارضة ازياء
الشاب:اذن من تكونين؟
سارة:انا سكرتيرة الاستاذ علي وأتيت لكي ارى كيف يسير عملكم وهل تحتاجون لشيئ
الشاب:للاسف توقعت انكي عارضة الازياء لانه جسمك مثل العارضات
نظرت له بغضب
سارة:كلا
الشاب:حسنا لا تغضبي
مرت ساعتان وانا مازلت هناك انظر ث لهم وفجأة سمعت مدير التصوير يقول
المدير :حسنا انتهى التصوير اليوم
سارة:واخيرا
انتهى الوقت العمل وعدت إلى البيت
صوفيا 💮
عندما خرجت من الشركة ذهبت الى النادي الرياضي
ميس:مرحبا سيدة صوفيا
صوفيا:مرحبا ميس كيف حالك
ميس:بخير وانتي
صوفيا:انني بخير
عندما كنت اتحدث مع ميس رأيت فتاة تدخل من باب قاعة الرياضة كانت تشبه.... دقق في ملامحها جيد ياالهي ليست تشبهها بل هي نفسها رفعت راسها ورأتني تفاجئت برؤيتي وتقدمت نحوي
مايا:مدام صوفيا
صوفيا:والله زمان مايا
مايا:شلونج
صوفيا:مثل مجاي تشوفيني انتي شلونج
بتسمت بحزن
مايا:عايشة
صوفيا:تمام يلا عن اذنج
اردت الذهاب ولكنها امسك بيدي
مايا:انتطري شوية
صوفيا:نعم
مايا بتردد:ع... علي شلونه
صوفيا:ليش تسألين عنه
مايا:هيج بس اريد اعرف اخباره
صوفيا:علي بخير وعايش حياته كولش زين
مايا:صدك
صوفيا:اي صدك
مايا:سمعت صار رجل أعمال
صوفيا:اي صح
مايا:وسمعت صار يكره البنات
صوفيا:وبسبب مو صار يكره البنات
مايا:انتي قصدج بسببي
صوفيا:هاي انتي حجيتي الوحدج
مايا:مو بس اني السبب وانتي تدرين كول الزين بس انتو طلعتوا من الموضوع وخليتوها براسي
ابتسمت بسخرية
صوفيا:لا تسوين نفسج بريئة اني اعرفج زين
مايا:اني ما جاي اكول اني بريئة اني غلطت واعترف بس مو الخطأ خطئي بس
صوفيا:انتي غبية جانت عندج فرصة وضيعتيها بغباء
مايا:ساعديني
صوفيا:بشنو اساعدج
مايا:ساعديني اشوف علي واحجي وياه
صوفيا:شنو
مايا:اي ساعديني اترجاج
صوفيا:بابا انتي مخبلة بشنو اساعدج اساساً علي اذا شافج يكتلج
مايا:ميخالف بس المهم اشوفه واحجي وياه
صوفيا:علي ما يريد يشوفج ولا حتى يسمع بسمج
مايا:الله يخليج مستعدة اسوي اي شي تطلبينه بس ساعديني اشوف علي
صوفيا:انسي مستحيل تردين تلعبين عليه
مايا:لا والله راح احاول اخليه يسامحني
اصبحت اضحك عليها
صوفيا:يسامحج على شنو على خيانتج
مايا:هسة انتي بس خليني احجي وياه
صوفيا:ما ادري اشوف
اعطتني رقمها
مايا:هاج هذا رقمي اذا كدرتي تساعديني اتصلي عليه راح انتظر اتصالج بفارغ الصبر
صوفيا:ماشي يلا اني رايح هسة
مايا:ماشي
علي 🔵
عدنا اني واكرم الى المنزل الساعة الخامسة مساء
اكرم:لعد وين الكل
علي:ما ادري
اكرم :اريج... اريج
جاءت اريج
اريج:نعم استاذ اكرم
اكرم:وين الكل
اريج:المدام اتصلت وكالت راح تروح لنادي الرياضة وانسة سمر رجعت الظهر وجانت كولش عصبية دخلت لغرفتها
ولحد هسة ما نزلت
اكرم:ليش شبيها
اريج:والله ما ادري
علي بعصبية :انتي غبيه غير تحجين
ذهبنا انا واكرم الى غرفتها طرقنا الباب
علي:سمر.... سمر حبيبتي شبيج افتحي الباب
اكرم:ولج سمر افتحي الباب شكو
سمر 🔶
كنت نائمه وفجأة سمعت اصوات علي واكرم نهضت فتحت لهم الباب
علي:شكو حبيبتي شبيج
احتضنته علي وصرت ابكي
علي:حبيبتي ليش تبجين منو وياج كولي واني اكسر راسه
ابتعدت عنه ومسحت دموعي
سمر:لا ماكو شي
اكرم:ماكو شي وجاي تبجين
سمر:ماكوشي بس ضايجة
علي:من شنو ضايجة انتي الصبح جنتي مابيج شي
وفجأة رن هاتف اكرم وخرج يتحدث في للاسفل وبقيت انا واخي علي
علي:احجي شنو صاير
سمر:اخي كتلك مصاير شي اني بس ضايجة
علي:بسبب وسام
نظرت له بصدمة علي من وين يعرف علاقتي بوسام ومن شوكت
علي:شبيج انصدمتي اني ادري بعلاقتكم من زمان
انصدمت اكثر
علي:بس جنت منتظر انتي لو هو تحجون بس محد منكم كال شي
سمر:وسام جان دائما يريد يحجيلك بس اني جنت امنعه
علي:ليش
سمر:لان جنت خايفة اخاف ما تقبل علاقتنا وتخسر صديقك بسبب
ابتسم وقال
علي:لا طبعا اني شعليه هاي حياتكم وانتو ليش ادخل بيها
سمر:يعني ما ضايج مني
علي:لا يلا احجيلي شنو صار بينكم
وسرت له ماحدث اليوم وبعد ما انتهيت صار يضحك علي
سمر:ليش تضحك
علي:هي على هاي والله فكرت صايرة مصيبة بينكم
سمر:شفت موضوع تافه وهو زعل عليه
علي:ولا يهمج اني اليوم راح اروح عليه واكسرلج راسه
سمر:اي احسن كسر راسه حيل بيه
اصبحنا نضحك مع بعض ودخل اكرم
اكرم:هاا الموضوع انحل
علي:اي طلع موضوع تافه
اكرم :شنو هو
علي:وانت شعليك
اكرم:كبر لفك ولف موضوعك على العموم اني اروح اشوف وجوه حلوة احسن من وجوهكم
علي:وين رايح
اكرم:موعد
علي:موعد شغل
سمر:لك يا شغل موعد غرامي
علي:غرامي كبر
تركنا وذهب الى غرفته نظر لي علي
علي:يلا كومي خل ننزل ناكل ومن اخلص عشاء اروح على وسام واحجي وياه
سمر :لا لا تروح تحجي وياه اريده هو يجي ويعتذر من بنفسه
علي:بكيفج يلا امشي هسة
نزلنا إلى الاسفل وجلس الجميع على الطاوله
اكرم:يلا اني رايح
كنان:وين
اكرم :اسهر بره بابا
كنان:ماشي مو تتأخر
اكرم :ان شاء الله
خرج من المنزل ودخلت امي من الباب
صوفيا:مساء الخير
الجميع :مساء النور
كنان:وين جنتي
صوفيا:جنت بنادي الرياضية
كنان:يلا تعالي اكلي
صوفيا:بالعافية عليكم اني ما اشتهي هسة
سمر:لا تخافين ماما هذة اكل صحي يعني مراح يزيد وزنج
صوفيا:انجبي ولج
ضحك الجميع
كنان:علي
علي:نعم بابا
كنان:باجر اريدك تجي ويايه بشغل قبل
ما تروح للشركة
علي:ماشي
سارة 🔴
تناولت طعامي وجلست اشاهد التلفاز واكل المكسرات وفجأة سمعت صوت هاتفي يرن ذهبت لكي ارد
سارة:الو
علي:الو
انصدمت عندما سمعت صوته اقفلت الخط في وجهه بسرعة
سارة :عزة بعيني اسويت قفلت التلفون بوجه المدير وبعدين هذا هتلر من وين اخذ رقمي
وبعد لحظات رن الهاتف مرة ثانية ترددت كثيراً بعدها رفعت الهاتف
سارة :الو
علي:ليش سديتي التلفون بوجهي
سارة:اسفة استاذ انقطع الخط
علي:اسمعي باجر اتأخر يلا اجي للشركة
سارة: ليش
علي:وانتي شعليج
سارة في نفسها:هتلر
علي:اريدج ترحين للشركة من وكت وترتبين الاوراق مال شركة السيد حسن موجودات على مكتبي لان من اجي عندي اجتماع اذا اشوف اي خطأ انتي المسؤوله عنه
سارة :حاضر استاذ
وفجأة اقفل الخط في وجهي فتحت فمي وقلت بغضب
سارة:المغرور
في اليوم التالي استيقظت باكرا الساعة 7:00 صباحا نهضة من فراشي دخلت إلى الحمام استحممت وغيرت ملابسي وخرجت من المنزل دون أن اتناول فطوري يجب أن اذهب بسرعة لكي اجهز له الاوراق التي طلبها وصلت الى الشركة دخلت إلى مكتبه وصرت ابحث عن الاوراق واخيرا وجدتها وجلست على مكتبه ارتب الاوراق وفجأة انفتح الباب ودخلت مريم
مريم:انتي شتسوي
نهضة من مكاني بسرعة
سارة:اني السكرتيرة مال الاستاذ علي
مريم:اي ادري بيح بس شلون كاعده على مكتب الاستاذ علي
سارة:جنت ارتب الاوراق الي طلبها مني الاستاذ علي
مريم:ترتبين الاوراق بالمكتبج مو تكعدين على مكتبه هذا الشي غير مسمح بي هنا
قبل أن اتكلم قاطعتني
مريم:الاستاذ علي لو عرف راح يطردج
اكرم:لا مراح يطردها
التفتنا ورأيت الاستاذ اكرم يقف امامي
مريم:استاذ اكرم
اكرم:محد يكدر يطرد سارة غيري ومدام اني اريدها تبقه يعني راح تبقه هي سكرتيرة علي مؤقتا بعدين راح تشتغل وياه واني ما اسمح لحد يحجي وياهه بهاي الطريقة
مريم:اسفة استاذ
اكرم:اتمنى هذا الشي ما يتكرر والا راح احاسبج
مريم:اوكي استاذ
اكرم :يلا روحي على مكتبح
مريم:اني اسفة عن اذنك استاذ
خرجت مريم من المكتب ونظرت الى الاستاذ اكرم
سارة:اني اسفة لان كعدت على المكتب بس ما جنت ادري انو
اكرم:لا عادي يمعودة لا تهتمين لكلامها
سارة:اني اشكرا مرة ثانية انت بكل مرة تساعدني
اكرم:العفو ما سويت شي
سارة:يلا اني رايحة على مكتبي
اكرم:اتفضلي
خرجت جلست في مكتبي اكمل عملي وفجأة انطرق الباب رفعت راسي ورايت شخص
فرات:مرحبا
سارة:مرحبا سيدي
فرات:هل السيد علي في مكتبه
سارة:كلا ليس في مكتبه الان
فرات:كيف ذلك انا عندي موعد معه الان
وفجأة انفتح باب المكتب وخرج الاستاذ اكرم
اكرم:سيد فرات مرحبا كيف حالك
تصافح معه
فرات:اهلا سيد اكرم كيف حالك
اكرم:بخير تفضل بالدخول لكي نتحدث
دخل معه وطلب مني ان اجلب لهم فنجان قهوة احضرت لهم القهوة وضعتها وخرجت
اكرم 🔷
اكرم:تفضل سيد فرات تناول قهوتك
تناول القهوة وثم ابتسم وقال
فرات:انها لذيذة
ابتسمت له
فرات:أتيت لكي ارى السيد علي ولكنه تأخر
اكرم:اجل لقد ذهب مع ابي وقال بأنه لن يتأخر
فرات:ولكني لدي عمل مهم ويجب أن اذهب كنت اريد التوقيع على العقد لكي نبدأ في العمل
اكرم:ولكن ابي وعلي ليس هنا الان
فرات:اذا وقع انت على العقد مكانهم
اكرم:ولكن
فرات:ولكن ماذا؟ انت ليس لديك صلاحية بالتوقيع
اكرم:بطبع لدي ولكن
فرات:اذن؟
اكرم:حسنا اعطيني العقد سوف اوقع لك
اخذت منه و وقعت على العقد
فرات:مبروك العمل مع بعض
اكرم:مبروك
فرات:حسنا استاذن الان اراك لاحقاً
اكرم:وداعاً
اكرم:اتمنى ما تصرفت خطأ
كنان 🔻
انتهى عملنا انا وعلي وعدنا الى الشركة ونحن في الطريق
كنان:الحمدلله كلشي ماشي تمام
علي:اي صح
كنان:شنو سويت بشركة السيد فرات
علي:احسان دز لؤي يشوف شنو الاخبار
كنان:وشوكت يرد خبر
علي:يكول لو ليوم لو باجر
كنان:تمام
علي:على العموم اني اليوم عندي موعد وياه السيد فرات راح احاول تأجيل توقع العقد بس على ما اشوف شنو قصتهم
كنان:اي عفية ما اريد مشاكل اذا جانت شركة مو زينة الغي العقد وبس
علي:بس انت حجيت وياه اكرم اخاف يصرف الوحده
كنان:البارحة حاولت احجي وياه بس اجتي امك وأجلت الموضوع
علي:اني من ارجع احجي وياه
كنان:تمام
علي 🔵
وصلنا الى الشركة ذهب ابي الى مكتبه وانا ايضاً وعندما دخلت رأيت سارة
علي:كملتي الاوراق لو بعدح
سارة:اي استاذ كملتهن
علي:ماشي جيب الاوراق وتعالي للمكتب
اخذت الاوراق ودخلت وضعتهم على المكتب
علي:اكو احد سئل عليه
سارة:لا استاذ بس اجة شخص استقبله الاستاذ اكرم
علي:منو
سارة:ما اعرف والله
علي:روحي وخلي اكرم يجي
سارة:حاضر استاذ
خرجت سارة من المكتب وبعد ربع ساعة دخل اكرم
اكرم:شوكت رجعتو
علي:قبل شوية اكلك منو اجة وانت حجيت وياه
اكرم:السيد فرات
علي بصدمة:شنو شوكت اجة
اكرم:صارله ساعة
علي:وراح
اكرم: اي راح
علي:ما وقعت العقد صح
اكرم:لا وقعت عليه ليش
علي:لك اسويت
اكرم:شكو شبيك
علي :ياربي هاي شلون مصيبة
اكرم:لك شكو خوفتني
علي:اني ما جنت اريد اوقع العقد وياهم اليوم
اكرم :ليش
علي:ابويه شاك بيهم يكول يمكن شغلهم مو قانوني
اكرم:واني شمدريني غير تحجون
علي:اوف شسوي هسة اسمع ابوية مراح يعرف انت وقعت على العقد اذا سئل لا تحجي شي
اكرم:ماشي وانت راح شتسوي
علي:خل انتظر احسان واشوف هو راح يجيب اخبار عنهم
اكرم:ماشي
علي:يلا اني راح اطلع لان عندي اجتماع هسة
صوفيا 💮
كنت اجلس على الاريكة اشاهد التلفاز واشرب القهوة وفجأة جاءت اريج
اريج:مدام تلفونج جان يدك فوك
صوفيا:ماشي كملي شغلج انتي
نظرت الى الرقم كان رقم مايا
صوفيا:يالله هاي شتريد
وضعت الهاتف جانبي وجلست اكمل الفلم وثم عاد الهاتف يرن من جديد نظرت له كانت مايا اجبت
صوفيا:نعم
مايا:مرحبا مدام صوفيا اني مايا
صوفيا:اي عرفتج
مايا:اسفة على الاتصال بس حبيت اعرف شنو سويتي بموضوع
صوفيا:اي موضوع
مايا:موضوعي اني وعلي
صوفيا:هاا اي بعد انتظري شوية
مايا:يعني اكو امل تساعديني
صوفيا:ما ادري اشوف
مايا:ارجوج مدام صوفيا اني اعتمد عليج وانتي واعدتيني
صوفيا:اني ما انطيتج وعد اني كلت اشوف اذا اكدر اساعدج
مايا:ارجوج ساعديني
وصارت تبكي و تتوسل
مايا:الله يخليج ساعديني اني احبه لعلي وندمانة والله العظيم ندمانه خليني بس احجي وياه حتى لو مرة وحدة ارجوج
صوفيا:ماشي راح اساعدج بس مو هسة
مايا:لعد شوكت
صوفيا:صبري شوية من يصير عندي فرصة اخابج
مايا:ماشي اني راح انتظر
صوفيا:اوكي يلا باي
مايا:باي
اقفلت الخط
صوفيا:اوف من وين اجتي هاي المصيبة
سمر 🔶
ذهبت الى مكتب علي
سمر:سارة علي موجود
سارة:لا راح عنده اجتماع
سمر :هاا طيب
ارد ان اخرج وفجأة دخل وسام واصطدمت به وكدت اسقط ولكنه امسك بي من خصري صرت انظر الى عينه وفجأة انتبهت على نفسي وابتعدت عنه بسرعة
سمر:انت ما تنتبه وانت تمشي
وسام:وانا شعليه انتي ما تعرفين تمشين
سمر:شنو شايفني عوجة
ابتسم
وسام:لا
سمر:على شنو تضحك
وسام:تعالي اريد احجي وياج
سمر:واني ما اريد احجي وياك
وسام:لا راح تجين
امسكني من يدي
سمر:هد يدي
وسام:بس احجي وياج شوية
سمر:كلت ما اجي روح احسلك
وسام:امشي سمر
سمر:كلت لا يعني لا
وسام:سمر
سارة:انتظروا شوية
التفتنا لها
كانت تضحك
سارة:هي مراح تجي وياك وانت راح تبقه تكول تعالي وتعال عندي حل لكم
وسام:شنو
سارة:اني راح اطلع وانت حجي وياهه هنا
ولا تخاف محد راح يقاطعكم
وسام:عفيه عليج 👍
سمر:شنو عفية وانتي تعالي الج
سارة:خذوا راحتكم
خرجت وهي تضحك دفعني إلى المكتب وقفل الباب
سمر:ليش قفلت الباب
وسام:اريد احجي وياج
سمر:ما اريد اسمع شي منك
وسام :اني اسف
سمر:اسف بكل بساطة
وسام:اعترف اني غلطان ومجان لازم اتصرف وياج هيج بس كل هذا لان اني احبج واغار عليج
سمر:اي واضح تحبني
وسام:اي والله احبج
كنت اشعر بسعادة عندما اسمع ينطق بكلمة احبك واتمنى ان اركض عليه و احضنه بس كنت امسك بنفسي يجب ان يدفع الثمن قليلاً
وسام:سامحيني حبابة
سمر:ابدا
وسام:ولج متعذب من البارحة حتى ماكدرت انام
ابتسمت
سمر:احسن
وسام:اهون عليج اتعذب
سمر:والله محد جبرك
وسام:اسمعي تسامحيني لو اصرخ بالشركة كلها واكلهم اني احب سمر
انصدمت هذا مجنون ويفعلها اراد ان يصرخ ولكن وضعت يدي في فمه لكي امنعه
سمر:خلص سامحتك اسكت
وسام:صدك
سمر:اي
وسام:لعد تعالي انطيني بوسه
سحبني إليه وقبلني
سارة 🔴
كنت انظر لهم كانوا يتكلمون وفجأة سحبها إليه وقبلها انصدمت وضعت يدي على عيني وادرت وجهي
سارة:عزة بعينكم هاي شنو بوس اني بحياتي ما شايفه هيج شي بس بالأفلام ومن تطلع استحي
علي:هو شنو الي تستحين منه
بعدت يدي من عيني وكان الاستاذ علي يقف امامي انصدمت ماذا افعل
سارة بتردد:ااا استاذ علي
علي:شبيج تحجين وياه نفسج وبعدين ليش واكفه هنا
سارة:استاذ اني
علي:انتي شنو؟
سارة:ماكدر ادخل جوه
علي:ليش
سارة:ولا انت تكدر
علي:ليش
سارة:لاننن
علي:لان شنو احجي
سارة:لان الانسة سمر
علي:سمر؟ شبيها صار عليها شي احجي
سارة:لا تخاف هي هسة كولش زينة حالتها
علي:شنو يعني
سارة:يعني لا تخاف عليها
علي:انتي مخبلة
سارة:شنو مخبلة شايفني جاي اكطع بشعري
علي:بس انتي.... هاي شنو وخري
دفعني بعيدا عن النافذة ونظر لهم وثم ابتعد وصار يضحك
سارة:شفت كلت حالة اختك هسة كولش زينة
علي:اي واضح
واصبح يضحك كنت انظر له كانت ابتسامة جميلة جداً وكان شكله مختلف ليس ذلك المتعجرف انتبهت على نفسي عندما تحدث معي
علي:شكلهم تصالحوا
سارة:هاا اي صح
اخرج الهاتف من يده واتصل
علي:الو ...ولك كافي تره اني واكف بره
اقفل الخط وصار يضحك وبعد لحظات انفتح الباب وخرجوا وسام وسمر من الغرفة
وسام:علي هاي انت
علي:اي اني
نظر له بغضب
علي:امشي للغرفة اريد احجي وياك
دخل وسام وقبل أن يدخل علي غمز الى اخته ودخل وهو يبتسم
سمر:شلون موقف علي شافنه
سارة:اي حاولت امنعه بس
صارت تضحك
سمر:شكد عيب
سارة:يلا عادي المهم انحلت المشكلة
سمر:اي بس شلعت كلبه يستاهل
سارة:بس شكله يحبج
سمر:واني هم اموت عليه
سارة:الله يخليكم لبعض
سمر:تسلمي حبي وانتي هم الله يخليلج حبيبج
سارة:اني ماعندي حبيب
سمر:ليش معقول كل هاي الجمال وماعندج حبيب
سارة:شسوي اذا الشباب عميان
وصرنا نضحك
سمر:يلا ان شاء الله تلكين واحد مثل وسام
سارة:ان شاء الله
سمر:اني حبيتج شنو رأيج نصير صديقات
سارة:اكيد يشرفني
سمر:اني راح اروح اشوف شنو صار بينهم
سارة:اوكي
سمر 🔶
دخلت إلى مكتب علي وكان يجلس مع وسام وهم يضحكون مع بعض
سمر:على شنو جنتو تضحكون ضحكوني وياكم
علي:جنت احجيله على سارة
سمر:على تحجي عليه هاي صارت صديقتي
علي:لا والله من شوكت
سمر:من اليوم
وسام:دقيقة لا تكون سارة هي نفس البنت الي حجيت لي عليها
علي:اي هي نفسها
وسام:وشلون اشتغلت عندك
علي:حضي
وسام:بس لا شكلها خوش بنيه
علي:اي طبعا تكول عليها خوش بنيه لان ساعدتكم
وسام:لا مو بس هيج
علي:على العموم اذا جانت خوش بنيه لو لا اني شعليه اني المهم شغلي يمشي زين وبس
في اليوم التالي كان علي يعمل في مكتبه وفجأة انطرق الباب ودخل الاستاذ احسان
احسان:استاذ علي
علي:اتفضل استاذ احسان
جلس على الكرسي واصبح يتكلم بقلق
احسان:استاذ علي عرفت كل اخبار السيد فرات
علي:شنو عرفت اسمعك
احسان:استاذ هذول شغلهم غير قانوني يشتغلون بالتجارة الاسلحة والمخدرات
علي بصدمة:شنو
احسان:اي استاذ هذول مافيا الاسلحة والمخدرات ولازم ما توقع العقد وياهم
علي:انت شنو تحجي
احسان:اي استاذ كلامي اكيد و مضبوطة
علي:ياربي هاي شلون مشكلة
احسان:شبيك استاذ لا تقلق مدام ماكو اي شغل بينهم احنا بأمان
علي:لك يا امان
احسان:شكو استاذ وقعت العقد وياهم
علي:مو اني اكرم البارحة وقع على العقد
احسان بصدمة :شنو
علي:اي
احسان:هاي شلون مشكلة راح شتسوي
علي:ما ادري
احسان:المشكلة مانكدر نفسخ العقد وياهم
علي:لا راح احاول اشوف شي وافسخ العقد مستحيل نشتغل وياه هيج شركة
احسان:بس استاذ هذا الشي خطر عليك هذول مافيا وما تعرف شنو ممكن يسون اذا احد حاول يخرب شغلهم
علي:لازم اطلع شركتنا من هيج ناس اسمع سيد احسان ما اريد احد يدري لا ابوية ولا اكرم اني راح احاول احل هاي المشكلة
احسان:ماشي استاذ يلا اني استاذن هسة
خرج احسان وذهب علي الى شركة السيد فرات لكي يفسح العقد معه
.
.
.
.
.
.
شنو رأيكم بالاحداث ان شاءالله عجبتكم وشنو تتوقعون راح شيصير باجر
فرات راح شيسوي من يعرف علي يريد يفسخ العقد
ومايا شتريد من علي
وصوفيا ليش تساعدها شنو قصتها
وكنان راح شيسوي من يعرف اكرم وقع على العقد
انتظروني باحر بالاحداث جديدة
