علي 🔵
علي:شنو تهريب المخدرات والاسلحة هاي وين
حسام:عندك بالشركة
علي:مستحيل شنو هذا الحجي
حسام:اني ما جاي اجيب الكلام من عندي هذا كله موجود بالملفات والتحقيقات
علي:اي تحقيقات اي ملفات اني ما اعرف عن كل هذا الحجي
حسام:بس المسؤول مال شاحنات شركتكم اعترف عليكم
علي:اعترف على شنو بس فهمني
حسام:استاذ علي بطل من هاي الحركات واعترف احسن لك
علي:اعترف بشنو جاي اكلك اني ما اعرف عن كل هذا الحجي
حسام:اذا ما تعرف لعد شلون لكينه كل هاي الاشياء بشاحنة نقل مال شركتكم
علي:ما اعرف
حسام:شنو يعني ما تعرف اكو احد ما يعرف شنو جاي تاخذ سيارات النقل شركته
علي:اني ادري جاي تحمل البضائع الي تصورها شركتنا شنو اكعد فتش سيارة سيارة واعرف شنو تاخذ
حسام:زين انتو عدكم اعداء ممكن تتوقع يسوون هيج
علي:ما ادري بس
حسام:بس شنو ممكن اي معلومة تفيدنا بشي
علي:جان قبل فترة عندي عداوة وياه شخص على مود شغل ما قبلت اشتغل وياه وصل الموضوع للخطف بس ما اعتقد ممكن يرجع يسوي هيج شي
حسام:تكول وصلت للخطف هذا موضوع عادي استاذ علي
علي:لان ما يكدر يسوي هيج شي
حسام:ليش ما يكدر
علي:لان اذا يريد ينقل بضاعته لازم اني موافق على العقد وياه
حسام:يجوز اكو احد ساعده
علي:شنو
حسام:اي هاي اذا جان كلامك صحيح
علي:صدكني كل الحجي الي جاي احجي صحيح اني ما الي علاقة بهيج شغل
حسام:نكمل التحقيقات ونشوف
وفجأة انطرق الباب
حسام:اتفضل
كيان:سيدي محامي الاستاذ علي برا
حسام:خليه يتفضل
علي:هذا هم عراقي
حسام:اي هذا كيان مساعدي الشخصي
علي:ممم
رامي:السلام عليكم
حسام:وعليكم السلام اتفضل الاستاذ
رامي:اني المحامي حاضر عن السيد علي
حسام:اهلا
رامي:ممكن اشوف الملف
حسام:اي افضل
اخذ الملف وصار يقرأ به
حسام:اني استأذن هسة خذوا راحتكم
خرج الضابط وبقينا انا والمحامي وبعد ربع ساعة انتهى من قرأت الملف ونظر لي
رامي:استاذ علي هاي التهمة مو سهله
علي:واني شنو علاقتي فهمني وين المسؤول عن شركة النقل
رامي:حسب ما سمعت هو هسة بالسجن هو اعترف على حضرتك يكول انت عندك خبر بالموضوع
علي:شنو هذا الحجي راح اتخبل
رامي:راح احاول احجي وياه الضابط بلكت نكدر نخرجك بكفالة مالية
علي:زين بأي شاحنه هاي البضاعة
رامي:حسب ما سمعت بضاعة السيد وليد
علي:شنو
رامي:اي
علي:احسان اني مو كلفته بهاي الصفقة وينه وهو
رامي:السيد احسان طلعوا لان ماكو اي شي عليه هو بس مساعد
علي:زين اني شنو علاقتي
رامي:انت مدير الشركة يعني لك الصلاحية بهذا الشي وغير هذا الشي مدير النقل اعترف عليك
علي:ليش اعترف عليه منو طلب منه يسوي هيج لازم افهم الموضوع
رامي:اني راح احاول اشوف الموضوع هسة الانسة سارة والاستاذ اكرم يرا يردون يشوفونك اذا سمح لهم الضابط
علي:تمام
سارة 🔴
كنت انا واكرم ننتظر خروج المحامي وبعد نص ساعة خرج من الغرفة
اكرم:ها استاذ بشر
رامي:للاسف الوضع مو زين
اكرم:ليش شنو تهمته
رامي:تهريب المخدرات والسلاح
سارة:شنو
اكرم:شنو هذا الحجي
سارة:انت جاي شتكول
رامي:للاسف الادلة كلها ضده وغير انو مدير النقل اعترف عليه
اكرم:اعترف عليه شنو؟ شنو هذا الحجي
رامي:للاسف هي هاي الحقيقة
سارة:اني اريد اشوفه
رامي:راح احاول احجي وياه الضابط بلكت يقبل
حسام:السلام عليكم
الجميع:وعليكم السلام
رامي:حضرت الضابط هذول اهل الاستاذ علي ممكن تسمح لهم يشوفونه
حسام:للاسف بهيج حالة ممنوعة الزيارات
سارة:اترجاك ما اطول بس خمس دقائق
حسام:اني اسف
اكرم:عد بس شخص واحد يدخل يشوفه
سارة:اي عفيفة اترجاك
حسام:ماشي خمس دقائق بس
سارة:اكيد مراح اطول
حسام:ادخلي
ذهبت بسرعة فتحت الباب وكانت جلسنا على المكتب وعندما دخلت نهض
علي:سارة ؟
ركضت عليه واحتضنته بقوة
سارة:علي
لم يحاوطني بيده ولكن لا يهمني هذا المهم انني بقربه وبعد لحظات ابتعدت عنه
سارة:علي شنو صار انت ليش هنا
علي:يكولون تهمة تهريب المخدرات وسلاح
سارة:سمعت وهسة راح شتسوي
جلس على الاريكة
علي:ما اعرف
جلست بجانبه
سارة:اني وياك مراح اعوفك راح احاول ساعدك
علي:تساعدني بشنو لا تحاولين تدخلين نفسج بالمشاكل اعرفج ما تكعدين راحة
سارة:شنو يعني راح اخليك هنا محبوس
علي:اكيد راح تثبت برائتي واطلع
سارة:وشوكت اني اكعد انتظر
علي:اي انتظري لا تصيرين محقق عليه
سارة:كبر فوك ما اريد اساعدك
علي:ما اريد مساعده لا تدخلين نفسج بالمشاكل هاي مو لعبه
سارة:الله كريم
علي:اكرم وين
سارة:برا
علي:ليش ما دخل
سارة:الضابط كال شخص واحد بس
وفجأة انفتح الباب ودخل الضابط
حسام:يلا الزيارة انتهت
سارة:بس خليني شوية
حسام:لو سمحتي
نهضنا من الاريكة
سارة:دير بالك على نفسك
علي:مممم
سارة:اني راح اجي ازورك مرة ثانيه
علي:ماشي بس مثل ما وصيتج لا تدخلين نفسج بالمشاكل سمعتني ببغاء
نظرت الى الضابط كان ينظر لنا ويبتسم
سارة:خلص افتهمت بس لا تكول ببغاء كدام الناس عيب
ابتسم
علي:ماشي
رميت بنفسي عليه واحتضنته ايضاً لم يحاوطني
همست له
سارة:شنو ما تريد تحضني احضن اختك عاد
علي:لا
ابتعدت عنه
سارة:خلاص بكيفك يلا هسة اني اروح
تركته وخرجت
اكرم:ها شنو صار
سارة:مصار شي يلا امشي خل نرجع
عدنا الى البيت
علي 🔵
خرجت هي حزينه لانني لم احتضنها ولكن هذا افضل بالنسبة لي
حسام:هاي حبيبتك
علي:ها ااا لا هاي اختي
حسام:اختك ؟
علي:اي
حسام:عبالي حبيبتك
علي:لا مو حبيبتي
الساعة الرابعة عصراً
صوفيا 💮
صوفيا:انت ادخلته السجن هذا خبرا رائع ولكن انا اريدك أن تقتله وليس تدخله السجن
كنان:اجل هذا عقاب بسيط وبعدها اضرب ضربتي القاضية
صوفيا:انت ذكي جداً ولذلك احبك
اقتربت منه وقبلته
فرات:تريدين الطلاق من زوجك
صوفيا:اجل ولكن ليس الان
فرات:متى
صوفيا:عندما اخذ كل شيء منه سوف اتركة ونتزوج انا وانت
فرات:ماذا؟
صوفيا:ماذا بك لا تريد أن تتزوجني
فرات:لا
صوفيا:لا ماذا تعني بلا
فرات:ماذا حصل لكي عزيزتي اني امزج معك
شعرت بالخوف
صوفيا:شعرت بانك تتكلم جد
فرات:لا بل تأكيد سوف نتزوج انا احبك حبيبتي
صوفيا:وانا ايضاً احبك
امسك بيدي وذهبنا الى الغرفة
سمر 🔶
سمر:يعني راح يبقى بالسجن
اكرم:اي
كنان:اتصل المحامي قبل شوية يكول ما وافقوا يطلع بكفالة
سارة:شنو يعني راح يبقى هناك
اكرم:للاسف اي لحد ما نثبت براءته من هاي الجريمة
سارة:يالله
سمر:ماكو اي خبر عن امي
كنان:طبها مرض وين ما تروح تروح
سمر:بس بابا من البارحة واحنه ما نعرف شي عنها اخاف صاير بيها شي
اكرم:اي بابا لازم ندور عليها نشوفها وين راحت
كنان:وين ما تروح تروح طبها مرض
اكرم:بس بابا
كنان:ماكو بس خلي تولي يلا روحوا على شغلكم
وفي اليوم التالي
سارة 🔴
استيقظت الساعة الثامنة صباحا غيرت ملابسي وذهبت معهم الى الشركة اريد أن اعرف اي معلومة تفيدني لكي اساعد علي لا استطيع البقاء هكذا يجب أن افعل شيئا
وصلت وكانوا الجميع ينظرون لي و يتهامسون مع بعضهم واعتقد بانهم يتحدثون عن موضوعي انا وعلي وعندما وصلت رأيت السيد احسان
سارة:سيد احسان
احسان:انسه سارة حمدالله على سلامتج اخيرا رجعتي
سارة:اي ممكن احجي وياك
احسان:اي اتفضلي
سارة:بخصوص قضية علي اريد اعرف معلومات منك
احسان:عن شنو تردين تعرفين
سارة:حسب ما سمعت انو الشاحنة الي جان بيها البضاعة هاي للشركة السيد وليد
احسان:اي والسيد وليد هرب خارج البلاد
سارة؛ شلون يعني هرب ماكو اي طريقة تكدر توصلنا اله وبعدين انت مو الشخص المسؤول عن هاي الصفقة شنو ما تدري بكل هاي التفاصيل
احسان:انسه سارة مو اني جنت مسافر اسبوعين من اجيت سمعت بهذا الحادث بس
سارة:بس شنو
احسان:اني شاك بالسيد فرات وراء هذا الموضوع
سارة:شلون
احسان:اعتقد متفق وياه مدير النقل على هذا الشي لان شلون يكدر يسوي هيج لازم الا شريك هنا واني جنت شاك بيه
سارة:زين ماكو اي معلومة تكدر تفيدنه حتى نطلع علي من هاي الورطة
احسان:اني راح احاول ادور ماشي اعتمد عليك
مريم:انسه سارة انسه سارة
سارة:شكو
مريم:شوفي
التفت إلى التلفاز وكانوا يعرضون قضية علي على التلفاز
سارة:الله يلعن منو سرب هاي المعلومات للصحافة
مريم:ما ادري
سارة:ما جان ناقصني الا هذول
سمر :سارة سمعتي شنو صار
سارة:اي هسة شفت التلفزيون يكولون من البارحة طالع هذا الخبر
سارة:اوف
سمر:اكيد هسة اسهم الشركة نزلت
سارة:اكيد
سمر:يالله هذا دمار
سارة:لازم نشوف حل ونطلع علي بسرعة والا راح تخسر الشركة
اكرم:شفتوا هاي المصيبة
سمر:شكو
اكرم:قبل شوية اتصل عليه المحاسب الشركة يكول اسهم شركة جاي تنزل بشكل مو طبيعي
سمر:يالله راح شنو سوي هسة
اكرم:والله ما ادري بسبب قصة علي اصحاب الشركة جاي تسحب تقودها ويايه شركاتنا
سارة:ليش
اكرم:عبالهم شركتنا متورطة صدك بتهريب المخدرات والاسلحة
اكرم:لو اعرف منو هذا الكلب الي بلغتهم جان ارتاحيت
سمر:يلا اني رايحة للمكتب
اكرم :واني طالع شوية عندي شغل مهم
ذهبوا اكرم وسمر وانا ايضا ذهبت الى مكتب علي دخلت واقفلت الباب امسكت بالكرسي الذي كان يجلس عليه احتضنت الكرسي وصرت ابكي
سارة:لو تدري شكد مشتاقتلك ارجع لي الله يخليك مكدر اعيش من غيرك
وفجأة رن هاتفي وكان الاتصال الذي انتظرة منذوا يومين
سارة:الو
المتصل :الو هلو ياحلوة شلونج
سارة:اخيرا اتصلت صارلي شكد منتظرة اتصالك
وسام:ولج شسوي غير جنت ادور الج المعلومات
سارة:بشر لكيت لا
وسام:عيب عليج تسأليني هذا السؤال اكيد لكيت
سارة:صدك
وسام:اي والله
سارة:بس ما اكدر اجي هسة
وسام:ليش
سارة:صايرة هنا مصيبه
وسام:شكو ياستار
سارة:علي بالسجن
وسام:جذب
سارة:والله
وسام:ليش شكو
سرت له كل ما حدث
وسام:عزة اني لازم اجي
سارة:لا ماكو داعي
وسام:ولج اني اريد ارجع بعد كافي الخطة جاي تمشي تمام
سارة:وماشي وراح تجيبها وياك
وسام:،منو
سارة مرتك
وسام:انجبي ولج جذبتي الحذبة وصدكتيها ههههههه
سارة:ههههههه
سارة:بس تدري البارحة كولش انقهرت على سمر من شفتها تبجي الا شوية جان حجيت كل شي
وسام:لا ولج اني هم ما اريده تبجي بس لازم اعذبها شوية على الي صار تدري لو ما اتصلتي بيه بهذاك اليوم وحجيت الحقيقة جان هسة اني صدك مزوج
سارة:بس هي ما الها علاقة
وسام:ادري هي ما الها علاقة كله بسبب امها اني اعلمها بس ارجع
سارة:يلا على العموم شوكت تجي
وسام:ان شاء الله يومين وشغلتج هم خلصت بعد شكو باقي
سارة:بس اني لازم اسافر اريد اعرف الحقيقة
وسام:تحبين ابقى لحد ما تجين
سارة:لا تعال كافي تعبتك ويايه
وسام:لا ولج شنو هذا الحجي بس انتي شلون شكيتي بالموضوع
سارة:من كعدت الوحدي شهرين وارتاحيت بدأت الأفكار توضح عندي بس ما حبيت احجي لحد ما اتأكد من الحقيقة بنفسي
وسام:حلو
سارة:اي اكو اشياء غامضة بالقصة صوفيا من وين تعرف امي على حسب ما سمعت هي مجانت موجودة بهذاك الوكت من وين عرفت اني اشبها وصديقه امي الي جانت عايشه وياهه وين راحت وليش اختفت هيج فجأة ومايا ليش اجتي للمستشفى بنفس اليوم الي طلع التحليل والممرضة الي سوت التحليل ليش اختفت ثاني يوم
وسام:وانتي شمدريج
سارة:رحت سئلت عليها كالو ترك المستشفى وطلعت واكو شغله مهمة لحد هسة محد منتبه عليها
وسام:شنو
سارة:العمر بيني وبين علي
وسام:لك اي صح
سارة:شفت اني بس كلتكك عرفت
وسام:لج اي صدك حسب ما سمعت منج كلتي امج جانت حامل بيج وعمي كنان جان بوكتها بعده ما مزوج يعني علي بعده ما جاي للدنيا يعني لو عمي كنان ازوج بعد ما سافرت امج جان هسة انتي اكبر من علي بس الحقيقة علي هسة اكبر منج بسنتين يعني انتي مستحيل تكونين اخت علي
سارة:شفت انت حجيت كل شي
وسام:زين ليش ساكته ليش ما حجيتي هذا الحجي لعلي
سارة:لا مو هسة اريد اتأكد مو غير نتيجة التحليل اني شاكة بصوفيا لان شكلها جانت مال وحدة تعرف النتيجة قبل ما تطلع
وسام:لج هاي شنو كارثة لو الله ياخذها ونخلص منها
سارة:ولا يهمك انتظر لعد اني ليش رحت اعيش وياهم حتى اكتشفها بس الشي اللي سوى علي خرب كل الخطة مالتي
وسام:قصدج لان طردها من البيت
سارة:اي
وسام:ولا يهمج هاي التافهه اكيد ترجع وين تروح بس اني ضايج على علي
سارة:واني راح اموت واشوفه مشتاقتله بس عقدني بشغلت اخته هاي
وسام:ههههههههه
سارة:تصدك البارحة حضنته ما قبل يحضني لو ما الضابط جان موجود جان بسته
وسام:عزة بعينج تردين تبوسين اخوج ههههه
سارة:انجب ههههههه
وسام:يلا اني اروح هسة اتصل بيج بعدين سارة:ماشي باي
وسام:باي
اكرم 🔷
كنت احاول الاتصال بأمي واخيرا ردت عليه و اتفقنا بان نلتقي على الشاطئ وبعد نصف ساعة وصلت
صوفيا:اكرم حبيبي
اكرم:ماما شلونج شخبارج
صوفيا:الحمدلله
اكرم:وينج انتي وين كاعدة هسة
صوفيا:عند ناس اعرفهم
اكرم:منو
صوفيا:ناس
اكرم:ناس منو غير اعرف ليش ما ترجعين
صوفيا:مستحيل ارجع بعد
اكرم:خلاص امي كافي مشاكل وارجع
صوفيا:مستحيل ارجع اني يضربني على مود ابنه التافهه بسيطة
اكرم:بس انتي حجيتي عليه كدامه
صوفيا:حتى لو ملازم يضربني على موده على العموم خل يفيده ابنه هسة
اكرم:ارجوج بلا اعناد وتعالي ويايه
صوفيا:لا مستحيل اجي اصلا اني عايشه مرتاحة هيج
اكرم:لا والله يعني مرتاحة بهيج عيشه
صوفيا:اي على اقل بعيده عنه وعن ابني السافل اذا ما اخليه يعفن بالسجن بسيطة
اكرم:شنو انتي شمدريج علي بالسجن
صوفيا:ها مو
اكرم:مو شنو ماما بس لا
صوفيا:بس شنو
اكرم :معقول انتي الي سويتيها
صوفيا:سويت شنو
اكرم:انتي دخلتي علي السجن
ارتبكت كثيراً
اكرم:ماما ردي عليه انتي السبب
صوفيا:لا بس اعرف منو الي سواها
اكرم بصدمة :شو
صوفيا:اي
اكرم:منو
صوفيا:مستحيل اكلك منو لان ما اريده يطلع من السجن خليه يموت هناك ونخلص منه
اكرم:انتي شتحجين
صوفيا:لك انت ليش ما تفكر بنفسك
اكرم:اني مجاي اصدك انتي ليش تكرهينه هيج صوفيا:لان واحد حقير وتافهه
اكرم:اني لحد هسة ندمان على الشي الي سويته بيه وبسارة احنه غيرنا نتيجة التحليل
صوفيا:انت لو ما غيرت النتيجه جان هسة سارة وعلي مزوجين وانت خسرت كل شي اني ساعدتك وغيرت النتيجة على مودك مع انو اني ما احبه بس ضربت عصفورين بحجر واحد خليه خطبتهم تخرب وانطيتك فرصة تتقرب منها بس انت مجاي تستغلها الفرصة
اكرم:ما اكدر هاي حبيبت اخوية
صوفيا:لك والله موتتني اخويه واخوية ومن وين اجة اخوك انت ابوك واحد وهو ابوه واحد ثاني
اكرم:حتى لو مجاي اكدر
صوفيا:يعني بعد ما سوينه كل هذا على مودك جاي هسة تكول ما اكدر
اكرم:انتو كل وحدة عدها شي يعني مو على مودي
صوفيا:لا ؟
اكرم:اي مايا حتى تفرق بين سارة وعلي حتى علي يرجع الها بس هي جاي تتعب نفسها على الفاضي لان علي بعد مستحيل يرجع الها وانتي اكيد عندج شي لان مستحيل تسوين شي بدون مقابل
صوفيا:لا والله اني امك
اكرم:لانج امي اعرفج زين تسوين كل شي لمصلحتك
صوفيا:مدام تعرفني هيج ليش وافقت
اكرم:لان جنت اريد سارة باي طريقة
صوفيا:وهسة
اكرم:وهسة بطلت لان شفتها شلون تحبه ما تكدر تعيش من غيرة حتى من بعد ما عرفت هو اخوها بعدها تحبه وتتعذب على مودة وهو هم يحبها مكدر افرق بينهم حتى اني افكر اروح لعلي واحجي الحقيقة
صوفيا:روح وكتها راح يطردك من بيتهم ومن الشركة لان اول مرة سامحك بس المرة الثانية مستحيل راح يسامحك ومتأكدة راح يطردك
اكرم:حتى لو مو مهم عندي المهم يعرف كل شي احسن من عذابه هذا مايكدر يحب البنت عباله اخته
صوفيا:اني حجيت الي عندي وانت بكيفك فكر بكلامي زين قبل لا تسوي شي
نهضت من مكانها و ارادت ان تذهب
اكرم:وين رايحة
صوفيا:ارجع من وين ما اجيت
اكرم:شنو يعني مراح ترجعين للبيت
صوفيا:لا خليه البيت لكم
اكرم:واني وسمر
صوفيا:خليكم يم كنان وابنه احسن مني بالنسبة لك
اكرم:يعني راح تعوفينه
صوفيا:انتو تردون هيج
اكرم:طبعا نريج انتي امي
صوفيا:لا انتو تردون كنان وابنه احسن مني خليكم يمه
تركني وذهبت وهي تبكي
لا اصدق ماذا حدث لها لماذا تغيرت هكذا يجب ان اعرف السبب ركبت في سيارتي وألحق بها لكي اعرف الى اين هي ذاهبة استأجرت تاكسي وذهبت وبعد نصف ساعة توقفت التاكسي امام منزل كبير
اكرم:هذا بيت منو
نزلت من السيارة ودخلت إلى المنزل نزلت من سيارتي وذهبت طرقت الباب وفتحت لي الخادمة
اكرم :مرحبا
الخادمة:مرحبا
اكرم:قبل دقيقة واحدة دخلت سيدة على هذا المنزل
الخادمة:اجل انها السيدة صوفيا
اكرم:بيت من هذا
الخادمة:انه منزل السيد فرات
اكرم:ماذا؟
الخادمة:اجل
ماذا تفعل امي هنا ومن اين تعرف السيد فرات دخلت إلى المنزل ابحث عنها وعندما دخلت إلى غرفة المعيشة رأيت امي بوضع فضيع مع ذالك السافل
اكرم:هاي شنو
صوفيا:اكرم
اكرم بعصبية:شنو هاي
صوفيا:اسمعني خليني اشرح لك
اكرم:شنو تشرحين شفت كل شي بعيني
صوفيا:اسمعني بس
اكرم:ما اريد اسمع شي انتي فعلا وحدة حقيرة وسافلة ما تستاهلين تكونين ام بعد ما اريد اشوفج
تركت البيت وخرجت
صوفيا 💮
عندما وصلت كنت متعبه جدا وحزينة دخلت إلى غرفة المعيشة رأيت فرات كان يجلس على الاريكة وبيده كأس شمبانيا اخذت منه وشربت قليلاً نظر لي
فرات:ماذا بك عزيزتي
وضعت رأسي على صدرة
صوفيا:انا متعبه جداً احتاج إليك
فرات:ماذا حصل حبيبتي
صوفيا:لقد تشاجرت مع ابني اكرم
فرات:لماذا
صوفيا:بسبب ذالك الغبي وابنه
فرات:حبيبتي الم اقل لكي ان لا تزعجي نفسكِ
صوفيا:لا استطيع
رفع راسي بيده ونظر لي
فرات:انا بجانبك دوماً حبيبتي
صوفيا:احبك فرات
اقتربت منه وقبلته وفجاه سمعنا صوت الباب يطرق ولكن لم نهتم له وبقينا نقبل بعضنا ذهبت الخادمة لكي تفتح الباب وبعد لحظات سمعت صوت اكرم انصدمت عندما رأيته امامي كان يصرخ علي توسلت إليه لكي يسمعني ولكنه رفض وكان يتحدث معي بطريقة فضيعة لقد كرهني ترك المنزل وخرجت ذهبت خلفه انادي عليه ولكن لم يكترث لي ركب سيارته وذهب وعدت إلى البيت وانا غارقة في دموعي
صوفيا:فرات اكرم لقد علم بالامر ماذا سوف يحدث الان
فرات:لا يعنيني هذا الامر
صوفيا:ماذا تعني بذاك ؟
فرات:اقصد حلي مشاكلك الخاصة بنفسك
صوفيا:ماذا ؟
فرات:اجل لقد انتهت اللعبة
صوفيا:انت كنت تضحك علي
فرات:ممممم
صوفيا:ايها السافل الحقير سوف اقتلك بيدي
رفعت يدي عليه واردت ضربه ولكنه امسك بي فرات:لا تحاولين أن تعيديها مرة اخرى والا قطعتها لكي
صوفيا:انا لن اسمح لك بان تدمر لي حياتي بل انا باستطاعتي أن ادمر حياتك كلها
واصبح يضحك
فرات:انتي وكيف
صوفيا:عندي شيء يخصك
رفع حاجبه وتحدث بسخرية
فرات:عندكي انتي
صوفيا:اجل شيئا مهم بالنسبة لك
فرات:ماهو ذالك الشيء المهم
صوفيا:ابنتك
نظر لي باستغراب
فرات:ماذا ؟
صوفيا:اجل
فرات:عن ماذا تتحدثين انتي اي ابنه
صوفيا:ابنتك من ملك صفوان اغلو هل تذكرتها
فرات:ماذا
صوفيا:بما انو اني حجيت لك السر شنو رايك نتكلم من غير لف ودوران
فرات:ماذا تقصدين
ابتسمت بسخرية
صوفيا:اذا انت تركي شلون عرفت شنو حجيت هسة
فرات:ها ؟
انصدم
فرات:ماشي طلعتي ذكية مدام صوفيا
صوفيا:طبعا اني صوفيا مو اي وحدة
فرات:انتي شتردين بالضبط وشنو قصة بنتي هاي احجي
صوفيا:ماشي راح احجي لك
بنفس اليوم الي سافرت بيه على تركيا اتخربطت ملك ونقلتها على المستشفى وبوكتها عرفت انو هي حامل بس هي رفضت أن تبلغك تعرف ليش
فرات:ليش
صوفيا:لان رادت تستغل حملها حتى تنتقم من كنان
فرات:شنو ؟
صوفيا:مم من بعد ما تركها كنان وانت هم تركتها ورحت زاد حقدهه عليك وعليه حبيت تبدي انتقامها بيه بعد ما ولدت بنتك وصار عمرها سنة اخذت وسافرت على تركيا حتى تكله هاي بنتك وتجبرة يزوجها لان تريد تدمره هو وعائلته على الي صار بيها ومن وصلت هناك لكته مزوج بنت عمه وعنده ولد عمره 3 سنين وهي وبنتها عمرها سنة غيرت رأيها ورجعت ومرت الايام وبنتها صارت تكبر وتسألها عن ابوها ما جانت تكول منو ابوها بس جانت تلمح الها على كنان وجانت تحجي الها على علاقتها وياه وانت ما جانت تجيب طاريك باي شي حتى تخلي البنت تعتقد بأن كنان هو ابوها واني من عرفت بهذا الشي دورت عليك حتى اكلك على شنو ناوية بس هي هددتني ما ادخل بالموضوع وطردتني من البيت اني تخبلت حبيت انتقم منها واخرب عليها خطتها رحت على كنان على اساس اكله هي شنو تردي تسوي بيه بس لكيت مرته ميته وعنده ولد وصاير غني واني عايشه بالشارع بس اني وابني وجنت بوكتها جوعانه وما عندي شي اكله رحت لعبة على كنان وخليه يزوجني ونعيش اني وابني عنده
فرات:زين وملك شنو صار بيها
صوفيا:ملك من تزوجت كنان وعشت وياه اجتي عليه وكلت هسة اكله الحقيقة انتي منو وشتردين منه بوكتها كلتها اني احبه مو مثلج انتي تردين تستغلين هاي البنت حتى تحققين اهدافج وهددتها اذا ما تروح وتعوفني راح اكول الحقيقة الكنان وهددتها انو اكتل بنتها اذا تتدخلت بحياتي مرة ثانية ومن هذاك الوكت بعد ما شفتها وبعد فترة مو طويلة سمعت بيها ماتت وبنتها كبرت بس ما عرفت هي وين صرت على طول ازور كبرها واحط عليه ورد اسود
فرات:ليش ورد اسود
صوفيا:لان هي جانت نقطة سودة بحياتي
فرات:شنو ؟
صوفيا:اي لان انتي حبيتها من كل كلبك وحتى كنان هم حبها وماكدر ينسها برغم من كل محاولات
فرات:انتي تكرهيها لان اخذتني منج
صوفيا:صح وحبيت انتقم منها اخذت كنان منها وخربت عليها خطتها
فرات:بس اني ماجنت احبج وانتي تدرين انتي بس جنتي صديقتي بس ما سويت علاقة وياج
صوفيا:بس اني جنت احبك وهي اجتي واخذتك مني واكبر غلطة بحياتي من خليتها تعيش ويايه بالبيت على انو صديقتي بس هي غدرتني وكلبه
فرات:ما غدرتج اني الي ما جنت احبج ولحد هسة احبها وما احبج
صوفيا:اذا ما تحبني لعد ليش كمت نمت ويايه هسة
فرات:اني نفذت رغبتج الي جنتي طول عمرج تتمنيها
صوفيا:لا والله
فرات:اي انتي جنتي على طول تحاولين تتقربين مني بحركاتج هاي بس اني جنت ابتعد عنج لان اعرفج زين بس شي واحد اريد اعرفة منج انت من وين عرفتي اني عراقي
صوفيا:من زمان بس حبيت اكمل بهاي اللعبة وياك
فرات:احجي هسة صحيح اني عندي بنيه من ملك ومنو هي
صوفيا:لا لا لا مو بهاي السهولة
فرات:شنو
صوفيا:يعني مستحيل اكلك هي منو هيج لازم نتفق
فرات:نتفق
صوفيا:اي
فرات:واني شمدريني كلامج هذا صحيح
صوفيا:البنيه موجودة وانت شايفها بس ما تعرفها هي منو
فرات:منو هاي
.
.
.
.
.
.
شنو رايكم بالاحداث ان شاء الله عحبتكم لا تنسون التصويت على القصة
