سارة 🔴
استغربت كثيراً من كلام سمر لقد اتهمتني ظلماً سارة:اني ما اعرف شكول بس
لقد انصدمت لا استطيع التحدث معها
اكرم:شفتي طلع كلامي صح بس انتي وحده... كنان:خلص اكرم
سمر:اني ما جنت ادري هيج والله
علي:شنو جاي يصير فهموني
اكرم:من اختفت سارة كلنا انصدمنه وما عرفنا شنو سبب اختفائها او ليش خطفوها شنو السبب وحسب تفكر امي جانت تتوقع انو سارة متفقة وياه العصابة وسبب اختفائها لعبة وطبعا وسمر تأثرت بكلام امي
سارة:شنو
علي:شنو هذا الحجي السخيف
سمر:اني اسفة الله يوفقج سامحيني
انطرق الباب ودخل الدكتور انيس
انيس:السلام عليكم
كنان:وعليكم السلام دكتور اتفضل
انيس:حمدالله على سلامة استاذ علي
علي:الله يسلمك دكتور
نظر لي الدكتور
انيس:خير شنو صاير
علي:دكتور:رجليها مجروحة صارلها 3 ساعات
انيس:ماشي اني هسة راح اشوف الجرح ممكن تطلعون شوية
علي:مريم خليج يمها
سمر:لا اني ابقه يمها
علي:ماشي
خرج الجميع من الغرفة وعالج الطبيب الجرح
انيس:هذا الجرح مو بسيط لازم تبقين مرتاحة وما تتحركين من الفراش المدة اسبوع
سارة:شنو معقول
انيس:اي بنتي جرحج عميق ولازم ترتاحين بالفراش
سارة:ماشي
انيس:يلا اني راح اطلع سلامتج
سارة:الله يسلمك دكتور
خرج الطبيب اقتربت مني سمر
سمر:شفتي شنو كال الدكتور جرح مو بسيط
سارة:اي اني ما جنت متوقعة هيج
سمر:لازم ترتاحين ما تتحركين
سارة:اوف من وين اجتي هاي المصيبة
علي 🔵
كنا ننتظر خارج الغرفة وبعد نصف ساعة خرج الدكتور انيس
علي:خير دكتور شلون حالتها
انيس:الجرح مو بسيط لازم ترتاح بالفراش لان الحركة جاي تزيد الجرح
اكرم:معقول
انيس :اي واني طلبت منها اسبوع ما تتحرك تبقى بالفراش
علي:ماشي
انيس :استأذن اني
كنان:اتفضل
علي:بابا
كنان:نعم ابني
علي:حسبما سمعت سارة عايشة الوحدها بالبيت وما عدها احد يهتم بيها فأني اقترح تجي للبيت مالتنه فترة اسبوع لحد ما تتحسن شنو رأيك
كنان:والله ما اعرف شكول بكيفك
اكرم:اي بابا خليها تجي يمنه واني اهتم بيها اقصد ااريج وسمر يمها همه يهتمون بيها
علي:ماشي بس خل احجي وياهه
كنان:تمام اني هسة راح ارجع للمكتب علي انت روح للبيت ارتاح
علي:ماشي
كنان:اكرم خليك وياه اخوك
علي:شنو ويايه اني طفل اعرف اهتم بنفسي
اكرم:اي صح لدرجة خطفوك
علي:لا تضل تلزك بيها ولك
ضحكوا ابي واكرم
علي:هاها ها يلا امشي
دخلنا إلى الغرفة
اكرم:هاا شنو صرتي المعوقه
سارة:والله شكلي هيج
ضحكنا جميعا
علي:سارة
سارة :نعم استاذ
علي:انتي اليوم راح تجين ويانه للبيت
سارة باستغراب :اجي وياكم شسوي؟
علي:راح تبقين يمنه لحد ما تتحسن رجلج
سارة:لا شنو هذا الحجي ما اكدر
علي:شنو ما تكدرين لعد شلون تبقين الوحدج
انتي مو تكولين عايشه الوحدج
سارة:اي بس
علي:شنو بس لازم تجين لازم احد يهتم بيج وانتي الوحدج ما تكدرين وهاي سمر يمج والخدامة اريج
اكرم:واني هم موجود احجي الج قصص واغني لج صوتي يخبل
سمر:اوو صوته فضيع يعني ما اكلج شلون صاير يعني استغفر الله ربي العظيم فضيع فضيع بكل معنى الكلمة
اكرم:انجبي ولج لا تكسرين موهبتي
سمر:ولك روح هي وين الموهبة الي لعندك
نظرت لي
سمر:علي عليك الله من يغني منو تحط سماعات حتى ما تسمع صوته
علي:لا ولج تجرحين موهبته
لا استطيع كتم ضحكتي اكثر فأضحكت وضحكوا الجميع وغضب اكرم
اكرم:كبر حتى كبر صوجي انذ اغني لكم
صوفيا 💮
صوفيا بعصبية :ماذا؟ الم تقول لي بانك سوف تقتله وتخلصني منه
فرات:لقد خرجت الامور عن سيطرتي
صوفيا:تبا وهل علم احد باننا مع بعض
فرات:لا لا تقلقي
صوفيا:حسناً وداعاً
اقفلت الخط
صوفيا:الله ياخذك شوكت اخلص منك مثل القطة بسبع ارواح كل ما احاول اخلص منك تطلع منها
وفجأة سمعت اصوات سيارات
صوفيا:اكيد هذا هو رجع للبيت الله لا ردك ان شاء الله
خرجت من غرفتي وانا ابتسم ابتسامة كاذبة لكي ابين لجميع مدى سعادتي بعودة علي الى المنزل
سارة 🔴
خرجنا من الشركة وذهبنا الى منزل الاستاذ علي وكان بيت كبير جداً مثل القصور الملكية التي اراها في التلفاز
سارة في نفسها:عزة شنو هذا بيت لو قصر عزة بعينكم يعني اني راح اعيش هنا لمدة اسبوع اخاف اضيع بالبيت
استيقظت من افكاري الغبية على صوت الاستاذ علي
علي:يلا
سارة:استاذ جاي اشوفها مو حلوة انت داخل للبيت و شايل السكرتيرة مالتك
علي:بصراحة ماعندي حل ثاني لان السكرتيرة مالتي معوقه وما تكدر تمشي
سارة:هااا
فتحت فمي وحملني هو يضحك واخرجني من السيارة دخلنا الى المنزل كنت اشعر بالخجل انا ادخل الى منزلهم اول مرة وانا بين ذراعي الاستاذ علي كانوا جميع الخدم ينظرون لنا وفجأة نزلت سيدة كبيرة في السن ولكن من شدت شياكتها واناقتها كان تبين أنها صغيرة بكثير من عمرها نظرت لنا
صوفيا:هاي شنو
اكرم:هاي سارة ماما سكرتيرة علي
صوفيا:هاا شبيها ليش هيج منظركم
علي:شنو امي ماكو حمدالله على السلام
لو ما فرحانه برجعتي
ابتسمت
صوفيا:لا حبيبي شنو هذا الحجي طبعا فرحانة بس تفاجأت من منظرك وانت
علي:هااا هاي سارة السكرتيرة مالتي وهي جانت مخطوفة ويايه وانجرحت رجلها
وما تكدر تميش فأقررت اجيبها للبيت ترتاح عدنا
صوفيا:اي حبيبي براحتك البيت بيتك
علي:طبعا البيت بيتي
ابتسمت بخبث
علي:اريج.... اريج
اريج :نعم استاذ..
ابتسمت بفرح
اريج:استاذ علي الحمدالله على سلامتك والله فرحت
علي:شكرا اريج ممكن تحضرين غرفة للانسة سارة
سمر:لا خليها تنام يمي بالغرفة
سمر:علي اخذها للغرفة مالتي
سارة:والله جاي اتعبكم ويايه
اكرم:تعبج راحة عيني
حملني الاستاذ علي الى غرفة سمر كانت غرفة جميلة جداً لون الحائط وردي وضعني على السرير
سارة:شكرا استاذ اني اليوم كلشي تعبتك ويايه
علي:يلا عادي اطلعه منج بعدين بالشغل
ابتسمت
سمر:وينها وين الشغل خلي البنت ترتاح من شغلك شوية
علي:يلا اني راح ارتاح
سمر:ماشي
وقبل أن يخرج نادت عليه سمر
سمر:علي
التفت له
علي:نعم
سمر:خل اريج تسوي فد اكله زينة لسارة
فتح عينه بصدمة
علي:لعد واني صارلي يومين بدون اكل
وضعت يدها على خدها الأيسر
سمر:سودة عليه حبيبي بدون اكل الله لا يوفقهم هسة راح اخليه تسويلك اكل مال اسبوعين
علي:يمة
ضحكت سمر وخرج علي من الغرفة
سمر:تعالي كومي غسلي وغيري ملابسج
سارة:شلون وكل ملابسي بالبيت
سمر:هسة اخذي من ملابسي واني راح اطلب من احد يجيب ملابسج
سارة:ماشي
دخلت إلى الحمام وسمر احضرت لي من ملابسها ارتديت بجامه مرسوم عليها ميكي ماوس وعندما خرجت كان الطعام على المائدة
سمر:يلا تعالي خليتهم يسولج اكل
سارة:ليش تعبتو نفسكم ما اشتهي
اكرم:ما يصير لازم تاكلين
التفنا وكان اكرم يقف عند الباب
اكرم:على مود العلاج مالتج
سمر:اي صح اكلك علي وين اكل لو لا
اكرم:اريج اخذت الاكل مالته للغرفة
سمر:راح اروح اشوفة هسة اجي
تركنا سمر وخرجت وبقيت انا والاستاذ اكرم
اكرم:تدرين كولش قلقت عليج من اختفيتي
سارة :شكرا انت هواي جاي ال.....
سمر:علييييييي
فزعنا من صرخت سمر
اكرم:شكو
سارة:ما ادري اردت النهوض ولكن اوقفني اكرم
اكرم:لا خليج لا تطلعين
سارة:بس لازم اروح
اكرم:كتلج ابقي
خرج اكرم يركض وانا بقيت في مكاني لا استطيع النهوض كنت اريد ان اعلم ماذا حدث للاستاذ علي
سمر 🔶
وصلت الى غرفة علي طرقت الباب ولكنه لم يفتح
سمر:علي..... علي وينك بعدك تغسل.... يلا اطلع حتى تتغداء يلا علي.... وينك علي
استغربت لم يرد عليه وضعت أذني على الباب لكي اسمع شيئا ولكن لم اسمع شيء فتحت الباب ودخلت عندما انفتح الباب وجدت مدد على الارض و فاقد الوعي صرخت وركضت عليه
سمر:عليييييي
وصرت اضربه على وجنتيه لكي يستيقظ
سمر:علي شنو صايرلك ردي عليه
سمر:وينكم تعالوا ساعدوني اكرم ماما تعالوا
أتى اكرم يركض
اكرم:شكو علي شبيك
سمر :تعال ساعدني
اكرم:شكو شبيه
سمر :امشي خليه على الجرباية
حمله اكرم ووضعه على السرير
اكرم:اني راح اتصل بالدكتور
سمر:روحي جيب ماي بسرعة
أتت اريج وبيدها ماء
اريج:هذا ماي
رميت عليه قطرات من المياه وفجأة فتح عينه ونظر إلينا بتعب
سمر:ياعمري شبيك شنو صارلك
علي:ما ادري فجأه دخت و كعت
سمر:هاي لان ما ماكل شي
اكرم:اريج جيبي الاكل بسرعة
اريج :اي حاضر
سمر:شنو صارلك
امسك بيدي بتعب
علي:لا تخافين ما بيه شي
سمر:كل ساعة مشكلة وراء الثانية
علي:احسن حتى اعرف شكد انتو تحبوني
اريج:هذا الاكل انسه سمر
اخذت منها الطعام وصرت اطعمه بيدي
اكرم:ياعيني على الدلال ياريت اني المخطوف
سمر بعصبيه :اسكت ولك
علي:ابو دودة
صوفيا:،خير شكو شبيك ابني
اكرم:مابيه شي بس حس بدوخه لان ما ماكل شي صارله يومين
صوفيا:مايصير ابني لازم تدير بالك على نفسك علي:ان شاء الله
صوفيا 💮
صوفيا في نفسها :مثل القطة كولش ما يصير بيك
صوفيا:يلا اني راح اطلع شوية
سمر:وين رايحة ماما
صوفيا:من شوكت تسأليني وين رايح
سمر:لا بس هيج
صوفيا:يلا اني طالعه ديرو بالكم على اخوكم
تركهم وخرجت من الغرفة وعندما خرجت وجدت الفتاة التي جاءت معهم كانت واقفه على الحائط وتحاول السير
صوفيا:انتي شتسوين
سارة:اجيت اشوف الاستاذ علي وين غرفته
صوفيا:غرفته اخر غرفة بهذا الممر
سارة:شلون صار
صوفيا:بخير
سارة:صدك
صوفيا:اي طبعا مابي شي بس صارت عنده دوخة وهسة كاعد يضحك ولا عبالك صاير بي شي
سارة:تمام
نظرت لها لا يزال لدي شك بأنني رأيتها من قبل ولكن اين لا اعلم او انها تشبه احد ولكن من اود أن اعرف من تكون تلك الفتاة انها غامضة بالنسبة لي
سارة:اكو شي
صوفيا:لا لا
سارة:ممكن اروح اشوفه
صوفيا:اي طبعا اتفضلي
ابتعدت عن الطريقة لكي تذهب كانت تمشي وهي تتمسك بالحائط
سارة 🔴
لا استطيع الانتظار يجب أن اعرف ماذا حصل له نهضت من السرير بصعوبة وامسكت بالحائط وانا اسير عندما رأيت تلك السيدة امامي وسألتها عن مكان غرفة السيد علي واشارت لي مكان الغرفة وكانت تتلكم معي وتحدق بي بنظرت غريبة تركتها وذهبت عندما وصلت سمعت صوت ضحكاتهم علمت بانه بخير الان
علي:ولج كافي ما اريد بعد
سمر:هاي اخر شي انت مو تحب هاي الاكله
علي:اي اني احب..... سارة
سمر:تحب سارة ؟
اكرم:هااا
ضربها على يدها واشار بيده لي والتفت سمر لي
علي:انتي شتسوين هنا
سمر:عزة بعينج شلون اجيتي الدكتور مو كال لازم ما تتحركين
سارة:مو اجيت اشوف الاستاذ شلون صار
اكرم:مابي شي مثل الحصان خلص الاكل كله
علي:كبر حطيت عينك
سمر:اي بالعافية
اكرم:روحي للغرفة لازم ترتاحين
سارة:ماشي سلامتك استاذ
ابتسم
علي:الله يسلمج
اكرم:تعالي اني اوصلج
سارة:لا ماكو داعي
اكرم:لا شلون يلا انطيني يدج
امسك بيدي وذهبنا
علي 🔵
عندما خرج اكرم وسارة من الغرفة قالت سمر
سمر:هاي خوش فرصة اجتي الاكرم
علي:اي فرصة ؟
سمر :سارة
علي:سارة شبيها
سمر:شنو ما انتبهت
علي:على شنو؟
سمر :اخوك معجب بسارة
علي:هااا صدك
سمر:اي ومن اجتي للبيت اكبر سعادة عد اكرم هسة
علي:هااا
سمر:اي شنو ما حسيت عليه
علي:بصراحة لا
سمر:اني من اول يوم عرفته حاط عينه عليها والا برأيك ليش اصر عليها تشتغل عدنه
علي:صدك
سمر:يلا راح اعوفك ترتاح شوية
علي:ماشي
سمر:فد شوية ارجعلك
علي:ممممم
الساعة التاسعة مساء
كانوا الجميع يجلسون على المائدة الطعام وكانت سارة في غرفة سمر
كنان:شلون صارت سارة
سمر:بخير
كنان:انطيتوها اكل
اكرم:اي طبعا قبل شوية اخذت الها الاكل
كنان:اي خوش لازم تتحسن هاي البنت تورطت ويانه
وثم نظر إلى علي
كنان:وانت ابني شلون صرت
علي:لا الحمدالله بابا
كنان:والله مامصدك هسة انت كاعد ويانه
وضع يده على يد ابيه وابتسم
كنان:الله يخليك الي ولا يحرمني منك
وصوفيا كانت تنظر لهم بخبث
وسام:السلام عليكم
التفت الجميع
والجميع :وعليكم السلام
نهض علي واحتضن وسام
وسام:الحمدالله على سلامتك
علي:الله يسلمك
وسام:مصدكت من كالوا رجعت اجيت طاير
علي:من وين عرفت
نظر وسام الى سمر التفت علي إليها وغمزت له ابتسم علي وقال
علي:اي احجيلي شلونك
وسام:الحمدالله انت شلونك شلون طلعت منهم علي:والله بصعوبة يلا طلعنا
وسام:اهااا تذكرت سارة شلونها سمعت هي هم جانت وياك
علي:اي والله البنت تورطت ويانه
وسام:زين ليش خطفوها
علي:والله ما ادري
وسام:وين هسة هي اريد اسلم عليها
علي:فوك بالغرفة مال سمر
سمر:اتفصل وسام اني اخذك الها
وسام:ماشي
ذهبوا وسام وسمر الى سارة
سارة 🔴
كنت متمدد وانظر الى السقف الغرفة واستغرب وجودي في هذا البيت الغريب وفجأة انطرق الباب ودخلت وسمر
سمر:عندي ضيف يرد يجي يشوفج
سارة:ضيف منو
وسام:اني
سارة:وسام هلو شلونك
وسام:بخير الحمدالله انتي شلونج شنو هذا سمعت مخطوفة وعايشة لحظات اكشن
سارة:اي والله عشت ايام سودة
وسام:يلا الحمدالله عدت على خير
سارة:اي الحمدلله
وسام:شلون صرتي هسة
سارة:الحمدالله
وسام:يلا اني راح اروح اشوف علي
سارة:اتفضل
خرج وسام من الغرفة
سمر :شبيج صافنه
سارة:جاي اشوف وجودي غريب عدكم
سمر:ليش ما مرتاحة عدنا
سارة:لا مو هيج بس اشوفها عيب استحي
سمر:لا ليش تستحين اصلا اني كولش فرحانه بوجودج هنا
سارة:والله ما ادري
علي 🔵
خرجنا انا وسام الى الحديقة المنزل
وسام:اي حجيلي انت ليش ما بلغت عليه الشرطة ليش عفته
علي:لان اريد اعرف منو شريكة
وسام :شريكة؟
علي:اي اني اشك عنده واحد من عدنا جاي ينقل الاخبار
وسام:منو هذا
علي:والله ما ادري
وسام:زين انت شاك بواحد
علي:لا
وسام:لازم تعرف منو هذا
علي:هسة اتركك من هذا الموضوع واحجيلي لكيت شغل
وسام:لا والله او ما دورت اساسا لان انت جنت مخطوف وهاي الاشياء
علي:شنو رأيك تجي تشتغل ويايه
وسام :شنو اشتغل
علي:اني اشوف لك شغل وانت عندك شهادة يعني راح تفيدني
وسام:ما ادري اشوف
علي:فكر بالموضوع ورد عليه
وفي اليوم التالي
استيقظ الجميع وذهبوا الى العمل وكانت سارة تجلس في الغرفتها سمعت صوت الباب يطرق
سارة:اتفضل
انفتح الباب ودخلت صوفيا
صوفيا:صباح الخير
سارة:صباح النور مدام
صوفيا:ممكن احجي وياج بالموضوع
سارة:اي نعم اتفضلي
جلست صوفيا بجانبها و وضعت قدمها الايسر على قدمها الايمن
صوفيا:اسمعيني زين ادري بكلامي هذا راح يزعجج بس ني ام وخايفة على مستقبل ابني
سارة:ما فهمت شنو قصدج
صوفيا:قصدي اكرم اريدج تبتعدين عن اكرم
سارة:نعم استاذ اكرم شبيه
صوفيا:لا تسوين نفسج ما تعرفين شنو احجي
سارة:مدام اني مجاي اعرف شنو قصدج ممكن توضحي الموضوع
صوفيا:هاا انتي حابه تعيشين هذا الدور اوكي امشي وياج وافهمج الموضوع اسمعيني زين ابني اكرم معجب بيج
رفعت حاجبي باستغراب
سارة:هااا؟
صوفيا:واريدج تبتعدين عنه تمام لان بصراحة هذا ابني الوحيد وطايش واي بنت حلوة يشوفها ينعجب بيها ويبقه يومين يلعب عليها يطلع وياهه وبعدين يعوفها بس انتي شكلة الموضوع جدي واني بصراحة خايفة على مستقبل ابني وما اريده يرتبط بالوحدة اسفه على الكلمة سكرتيرة وفقيرة وانتي وهو مختلفين تماماً وهو مستواه المادي و الاجتماعي مو مثلج بهيج يرتبط افضل
شعرت بحزن من كلامها وكنت امسك بنفسي بصعوبة لكي لا ابكي
سارة:اسمعيني مدام اني ماعندي اي علاقة بيني وبين ابنج وكل هذا الكلام الي تحجين عنه هاي اول مرة اسمع بيه والاستاذ اكرم مجرد مدير ماكو شي بينه وهاي اول مرة ادري بهذا الموضوع على العموم اني ما اريد تصير مشكله بسببي لهذا راح ارجع البيتي اليوم
صوفيا:اني ما حجيت هيج حتى ترحين اني بس ردت اكول
سارة:لا مدام مو على مود كلامج بس اني
ما اكدر ابقه هنا لازم ارجع
صوفيا:بكيفك يلا هسة اني رايحة عن اذنج
عندما خرجت من الغرفة جلست ابكي على حضي نهضت من مكاني دخلت إلى الحمام استحممت غيرت ملابسي وجلست انتظر قدومهم لكي اودعهم واذهب لا استطيع الذهاب هكذا اصبحت الساعة الخامسة مساء كنت اجلس انتظر وفجأة سمعت صوت سيارات ذهبت انظر من النافذة ورأيت علي واكرم ينزلون من سياراتهم ترجلت الى الاسفل
اكرم 🔷
عندما دخلت إلى المنزل رأيت سارة تنزل من السلم استغربت كيف تنزل وهي مريضة
اكرم:سارة شتسوي هنا وانتي بعدج مريضة
كانت تصرفاته غريبة حتى لا تنظر لي
سارة:لا مابيه شي صرت زينة واكدر امشي على رجلي واريد ارجع للبيت
علي:شنو ؟
التفت ورايت علي يقف خلفي
علي:شنو ترجعين للبيت
اكرم:اي مايصير ترجعين انتي بعدج مريضة
سارة :لا صرت زينة اكدر امشي على رجلي
اكرم:شنو صرتي زينة انتي البارحة ما جنتي تكدرين تمشين وبعدين الدكتور طلب منج ترتاحين
سارة:اي اكدر ارتاح بالبيت
علي:صاير شي
سارة بأرتباك:لا
علي:لعد ليش تردين ترحين فجأة
سارة:مو فجأه اني جنت مقرر من البارحة اروح اكرم:شتسوين ترحين هناك منو يهتم بيج
سارة:اني اكدر اهتم بنفسي لا تقلق
سمر :شكو
اكرم:تعالي شوفي سارة تريد تروح
سمر :تروح وين تروح
اكرم :للبيت مالتها
سمر:يالبيت شتسوين رايحة
سارة:لازم ارجع للبيت ماكدر ابقه تعبتكم هواي
سمر:يمعودة تعب شنو هذا الحجي
سارة:اساسا اني صرت زينة واكدر امشي على رجلي وبعدين بيتي اكدر اخذ راحتي اكثر
سمر:لا هاي شنو
سارة:اعذريني حبيبتي بس ما اكدر
سمر:اخاف العصابة يرجعون عليج
سارة:لا همه ما يعرفون وين بيتي
سمر:حتى لو اني هيج مو مرتاحة
سارة:لا تخافين مراح يصير شي
سمر:ماشي بكيفج
اكرم :امشي اني اوصلج
سارة:لا شكرا ماكو داعي اني اروح
اكرم:لا شلون انتي ترحين ما يصير
سارة:اخذ تاكسي
اكرم:تاكسي شنو واحنه موجودين
سارة:اني هيج ارتاح اكثر
سمر:زين خلي علي يوصلج
سارة:لا لا اخاف يصير شي اني اريد ارجع الوحدي
علي:انتظري اني راح اطلب واحد من الشباب يوصلج للبيت
سمر :اي هيج احسن على الاقل نتأكد وصلت للبيت بخير
خرج علي للحديقة وبعد خمس دقائق رجع
علي:يلا امشي حسام راح يوصلج
سارة :ماشي
احتضنت سمر
سمر :مع السلامه حبيبتي ديري بالج على نفسج
سارة:ان شاء الله حبيبتي
سمر:واتصلي بيه
سارة :ماعندي تلفون من اشتري اخابرج
سمر:اوكي
سارة:مع السلامه استاذ اكرم وشكرا على كل شي
اكرم:العفو شنو سوينه احنا
سارة:مع السلامه استاذ
علي:مع السلامه
ذهبت سارة ودخلنا الى البيت ونزلت امي من السلم
صوفيا:هاا رجعتوا
اكرم:اي ماما
صوفيا:شبيكم
سمر:سارة راحت
صوفيا:وين راحت
سمر:للبيت مالتها
صوفيا:ليش راحت
اكرم:شمدريني تكول ما مرتاحة هنا ولازم ترجع
صوفيا:اي صدك يجوز ترتاح بالبيت مالتها اكثر
علي:اني راح اروح ارتاح شوية
اكرم:واني هم
سمر 🔶
ذهب اكرم وعلي الى غرفتهم وانا ذهبت الى غرفتي اتصلت بوسام
سمر :الو
وسام :الو هلو حياتي شلونج
سمر:مو زينة
وسام :ليش عمري شبيج
سمر:سارة راحت للبيت مالتها
وسام :ليش
سمر :ما ادري تكول هناك احسن
وسام:وهي بعدها مريضة
سمر:اي بس شسوي توسلت بيها بس هي اصرت تروح
وسام :يجوز ماترتاح هنا
سمر :هي هم تكول شي
وسام:يلا هسة عوفي هذا الموضوع انتي شتسوي هسة
سمر :شسوي كاعدة
وسام:باجر اريد اشوفج اريد احجي وياج بالموضوع
سمر :شنو
وسام :من تجين
سمر :ليش مهم
وسام :اي مهم
سمر :اوكي باجر الصبح اجي اشوفك
وسام :ماشي حياتي انتظرج احبج
سمر:واني هم اموت عليك
وفجأة دخلت امي وصفعتني كف
صوفيا:منو هذا
شعرت بالخوف اقفلت الخط بسرعة
صوفيا:ردي من هذا الي تموتين عليه
سمر :ماما هذا
صوفيا:وسام مو
انصدمت امي تعلم بالموضوعي انا و وسام من اين علي معقول
صوفيا:ردي هذا وسام
سمر:اي
صوفيا:من شوكت وانت على علاقة وياه
سمر:من زمان
صوفيا بصراخ:من زمان وبنتي تحب واحد تافه وصايع وفقير ماعنده حتى فلوس ياكل ويشتغل شغل زين
سمر:الفقر مو عيب ماما
صوفيا:لا عيب الفقر عيب
سمر :اني احبه وهو هم يحبني
صوفيا:هو ما يحبج يحب فلوسج يضحك عليج وانتي غبية تصدكين بسرعة
سمر:لا ماما اني احبه وهو يحبني وعلي يدرين
صوفيا:علي يدري وساكت طبعا يسكت هو صديقة واكيد راح يشاركة
امسكتني من يدي
صوفيا:اسمعي لج اذا سمعت بيج شايفته لو مخابرته راح اسوي شي بحياتج ما تتوقعين اسوي امسحه من وجه الارض مسح افتهمتي
لم ارد بقيت ابكي
صوفيا بصراخ :جاي اكلج افتهمتي
سمر:ها
صوفيا:نشوف سمر
خرجت من الغرفة وانا نمت على السرير وصرت ابكي
علي 🔵
خرجت من الحمام غيرت ملابسي وتمددت على السرير لكي انام وضعت راسي على الوسادة واغمضت عيني وفجأة تخيلت وجه سارة امامي فتحت عيني بسرعة
علي:هاي شنو
رجعت اغمضت عيني ورأيت وجهها مرة ثانية
وبقيت اتقلب يميناً وشمالاً كنت كل ما اغمض عيني اراها امامي
علي:هاي شنو جاي يصيرلي اليوم
بقيت مستيقظا نصف ساعة وبعدها اغمضت عيني ونمت
سارة 🔴
دخلت إلى البيت غيرت ملابسي وتمددت على السرير ونظرت الى السقف وتذكرت كلام مدام صوفيا
سارة:معقول استاذ اكرم يحبني بس ما جان واضح عليه اوف من وين اجتي هاي المصيبة بس احسن طلعت من ذالك البيت لان ما جنت مرتاحة بيه
اغمضت عيني واردت ان انام وفجأة تخيلت وجه الاستاذ علي
سارة:هاي شنو ليش تخيلت وجهة
نهضت بسرعة دخلت إلى الحمام لكي اغسل وجهي
علي:سارة
التفت ورأيته امامي
سارة:استاذ انت هنا شلون دخلت وليش اجيت علي:اجيت حتى اشوفج ليش رحتي وعفتيني
سارة:،هااا؟
وفجأة امسك بيدي وسحبني إليه وحاوطني بذراعيه اصبحت اتنفس سريعاً
علي:شبيح خايفة
سارة:لا ما خايفة بس
علي:بس شنو
سارة:بسس
لم استطع الكلام انحناء لكي يقبلني عندما اقترب من شفتاي اغمضت عيني بسرعة وفتحت عيني لم اجده امامي وعلمت بانني كنت اتخيل
سارة:عزة بعيني هاي شنو اني جاي اتخيل الاستاذ علي لا هذا الوضع صار خطير نظرت الى المراة وكان وجهي احمر
سارة:هو خيال وهيج صار وجهي لعد لو صدك شلون
اغتسلت وجهي وذهبت بسرعة الى الفراش ادرت وجهي الى ناحية اليمين وفجأة رأيته نائم بجانبي هو ينظر لي ويبتسم
علي:تصبحين على خير
نهضت مفزوعة لم اجدة
سارة:لا هذا الوضع صار خطير كولش
التفت الى اليسار اغمضت عيني ونمت
في اليوم التالي
سمر 🔶
لم طول الليل كنت ابكي وفجأة سمعت صوت اكرم ينادي علي
اكرم :سمر يلا امشي راح نتأخر
سمر:اي هسة جاية
مسحت دموعي وخرجت وقبل ان اخرج نادتني امي
صوفيا:سمر
اقتربت مني
صوفيا :انتي مذكرة كلامي زين اذا سمعت بيج شفتي لو ححيتي وياه والله ادمره صدكيني وانتي تعرفيني زين شنو ممكن اسوي بيج وبي افتهمتي كلامي
سمر :ماشي
صوفيا:انشوف
كنان:يلا سمر وينج بابا
صوفيا:روحي هسة واتمنى ما تنسين كلامي
خرجت من البيت وذهبت الى الشركة مع ابي واخي اكرم
سارة 🔴
استيقظت من النوم الساعة التاسعة صباحاً وفتحت عيني وفجأة رأيته بجانبي على السرير كان ينظر لي ويبتسم
علي:صباح الخير حبيبتي
سارة هاا حبيبتك
علي:ممم حبيبتي
نهضت بسرعة
سارة:حبيبتك شن..... هاا
اختفاء من جديد
سارة:يالله شنو قصتي من البارحة واني اتخيله زين ليش
وفجأة انطرق الباب وذهبت لكي افتحه وعندما فتحت الباب رأيته امامي
سارة:اهوووو هم انت مرة ثانية
رفع حاجبه
علي:هااا؟
اغمضت عيني وقلت
سارة:روح مني روح
علي:هو منو الي يروح
فتحت عيني ومازال امامي
سارة بعصبية :اني مو كلتلك روح
علي بعصبية:انتي مخبلة
فتحت عيني على وسعها
سارة:هذا انت صدك
علي:شنو؟ شبيج انتي
وضعت يدي على كتفة لكي اتأكد بانه فعلا هنا ابعد يدي عنه
علي:وخري يدج شبيج تخبلتي انتي اليوم
سارة:لا استاذ ردت اتأكد بس طلعت صدك
علي:شنو يعني
سارة:مو مهم انسى الموضوع تافه
علي:اكيد تافه مدام موضوعج هاج
اعطاني علبه
سارة:هاي شنو
علي:هدية.... شنو يعني مجاي تشوفين تلفون
سارة:جبت لي تلفون ليش
تكلم بسخرية
علي:حتى اخابرج بليل احجي وياج لان اشتاقلج ....شنو هاي الاسئلة التافهه تلفونج مو انكسر وسمر تريد تخابرج وطلبت مني اخذلج تلفون
سارة:زين والفلوس
علي:اخذهن من الراتب مالتج
سارة:تمام وعندي شي ثاني
سارة:اتفضل
علي:شفتي هذا الشاب
نظرت من الباب ورأيت الشاب يقف بجانب المنزل
سارة:شبيه
علي:اني حطيته الج اخاف يصير شي هو موجود
سارة :يعني حارس
علي:اي راح يبقى هنا اخاف تحتاجين شي هو موجود
سارة:بس ليش ما اريد
علي:يعني انتي ما خايفة منهم يرجعون يخطفونج مرة ثانية عندج عادي
سارة:يمة لا
علي:لعد سدي حلكج واسكتي يلا اني رايح هسة
سارة:مع السلامه
.
.
.
.
.
شنو رأيكم بالاحداث ان شاءالله عجبتكم وليش ماكو تفاعل تفاعلوا رجاء
