سمر 🔶
اصبحت الساعة الخامسة مساء واتصلت بعلي لكي يأتي ياخذني
سمر:الو
علي:الو
سمر:علي انت وين
علي:اني بالمكتب
سمر:اريدك تجي تاخذني
علي:من وين
سمر:من بيت سارة
علي:ماشي بس اخلص شغل واجي
سمر:اوكي يلا مع السلامة
علي :مع السلامة
اقفلت الخط
سارة:ها
سمر:كال راح يجي
سارة:خوش
سمر:فرحي راح تشوفين حبيب الكلب
ابتسمت بخجل
سمر:يا عيني البنت خجلت
سارة:اسكتي ولج
سمر:بس تعالي احجي لي علي ما كلج احبج
سارة:لا بس بوسه
سمر:ها
سارة:شنو ها شبيج
سمر:ولا شي بس اكو يلا اشو علي اتأخر
سارة:هسة شوية ويجي
وبعد لحظات سمعنا صوت سيارة
سمر :يلا اجة علي اني رايحة
سارة :امشي حبي اشوفك باجر
خرجت من البيت وكان علي يجلس في سيارته وعندما خرجت ترجل من سيارته
علي:مساء الخير
سارة:مساء النور
سمر:ليش اتأخرت
علي:منو كتلج عندي شغل
سمر:اوكي يلا باي اسو
سارة:باي حبي
كانت سارة تنظر إليه وتبتسم وهو نظراته لها عادية ركبنا بالسيارة وذهبنا في الطريق
سمر:اي حجي لي شنو صاير وياك
علي:شنو صاير
كان ينظر الى الطريق
سمر:سمعت صايره تطورات جديدة بحياتك
علي:ممم عرفت
سمر:شنو عرفت
علي:اكيد سارة حجت شنو صار
سمر:اي هي حجت بس اني اريد اسمع منك
علي:شنو تسمعين
سمر:الحقيقة
علي:اي حقيقة ما فهمت
سمر:علي سارة خوش بنية وحبابه وتحبك هواي لا تحاول تجرحه
علي:اجرحها؟ ليش؟
سمر:اي علي لان اني اعرفك زين هي تحبك وانت
علي:اني شنو
سمر:تحبها
صمت لم يقل شيئاً
سمر:شوف علي اذا جنت ما متأكد من مشاعرك لا تكمل بهذا الطريق وحرام عليك تكسر كلبها
لم يقل شيئاً واكمل الطريق
وفي اليوم التالي
سارة 🔴
وصلت الى الشركة ولم يكن احد موجود جلست اعمل في مكتبي بعد نصف ساعة دخل الاستاذ علي نهضت بسرعة وابتسمت
سارة:صباح الخير استاذ
علي:صباح النور
لم ينظر لي دخل إلى مكتبه
سارة:شبيه هذا اليوم
انتظرت عشر دقائق وبعدها دخلت الى مكتبه طرقت الباب ودخلت كان يجلس على مكتبه ويضع يده على راسه وعندما دخلت رفع راسه
سارة:استاذ هاي الملف مال السيد وليد كملت مراجعة
علي:تمام حطي على مكتب
سارة:استاذ تريد اجيب لك شي تشربه
علي:اي قهوة
سارة:حاضر
ذهبت احضرت له القهوة وضعتها على المكتب
سارة:استاذ
علي:نعم
سارة:انت بخير
علي:اي ليش
سارة:ما ادري بس احس كأنك مهموم
علي:ها لا ماكو شي
سارة:طيب اني راح اروح اكمل شغل
ابتسم ابتسامة خفيفة خرجت اكمل شغل
صوفيا 💮
صوفيا في نفسها :بما انو شغلت فرات راح تطول شوية خل استغل هاي الفترة واسوي مشاكل بين كنان وعلي
اخذت هاتفي واتصلت بي مايا
مايا :الو
صوفيا :الو هلو مايا
مايا :عفوا من معي
صوفيا:شنو ما عرفتي صوته اني صوفيا
مايا:اسفة بس جنت نايمة وما انتبهت على الرقم شلونج مدام صوفيا
صوفيا:بخير وانتي شلونح
مايا:الحمدالله وجنت منتظرة اتصالج بفارغ الصبر
صوفيا:وهاي اني اتصلت
مايا:يعني اكو امل تساعديني
صوفيا:اكيد
مايا :صدك
صوفيا:اي واتصلت اليوم حتى اساعدج
مايا:شوكت اشوفه لعلي
صوفيا:اسمعيني بعد يومين اكو حفلة عيد زواجي وعلي مثل كل مرة راح يحضر الحفلة راح يطلع من البيت انتي انتظري برا البيت من تشوفينه طلع روحي وراء واحجي وياه الوحدكم
مايا :اني ما مصدكة اخيرا راح اشرفه اشكرج كولش هواي
صوفيا:ولو هذا ابني العزيز ولازم اساعده
افقلت الهاتف
صوفيا:هسة راح تعلك واني اتفرج على المشاكل الي راح تصير
واصبحت اضحك بصوت عالي
في اليوم التالي
كانت معاملة علي لسارة عادية وكان يتهرب من التحدث معها وهذا الشيء ازعج سارة لم تعد تتحمل اكثر دخلت إلى مكتبه وكان يعمل مثل العادة ونظرت إليه وقالت
سارة:استاذ ممكن تحجي
علي:اي اتفضلي
سارة:صاير شي
علي:مثل شنو
سارة:اني سويت شي غلط
علي:لا ليش
سارة:لعد ليش تتعامل ويايه بكل برود اني غلطت بشي
صمت لم يرد عليها
سارة:فهمني حتى اعرف
تنهد وثم قال:امشي نطلع ما نحجي هنا
سارة:اوكي يلا امشي
خرجنا من الشركة وذهبنا في مطعم على الشاطئ
علي:تشربين شي
سارة:لا شكرا يلا اني اسمعك احجي
كان متردد في الكلام وانا كنت خائفة من الذي سوف يقوله
علي:اني ما اعرف من وين ابدي اتمنى الشي الي راح اكوله لا يزعل لج
سارة:كول اسمعك
علي:انتي تعرفين انب مريت بظروف صعبة وبصعوبة يلا كدرت اتجاوز ظروفي وانتي حاولتي تساعديني بس اني ما اكدر اجرحج لان انتي غالية عليه
نظر إلى عيني
علي:سارة اني مو جاهز حتى ابدي علاقة جديدة يعني بعدني متردد وما اكدر اوعدج بشي يجوز ما اكدر انطيجيا واني ما اكدر اجرحج
كنت احاول أن امسك بنفسي لكي لا ابكي امامه ابتسمت رغم الدموع التي كانت في عيني
سارة:مو كال اني اريد ابدي علاقة وياك اصلا..
كنت احاول ان اجد كلام اقوله
سارة:اصلا اني ما اريد ابدي علاقة هسة وحضرتك بالنسبة لي مدير وبس وبخصوص الي صار بينه هذاك اليوم انسى كأنه ما صار شي لا تحط ببالك هذاك الموضوع لان هو مو مهم بالنسبة لي ولك هم
نظرت الى الساعة التي بيدي نهضت
سارة:يلا اني تأخرت ولازم اروح
علي:وين رايحة انتظري اوصلج
سارة:لا ماكو داعي اني اريد اروح للمول اشتري غراضي يلا بشوفك بعدين
خرجت من المطعم بسرعة وعندما خرجت نزلت دموعي
سارة:غبية ليش تبجين ياغبية صدكتي هو ممكن يحبج ليش شنو انتي حتى يحبج انتي ولا شي انتي طول عمرج وحيدة وراح تبقين وحيدة
عدت الى المنزل رميت نفسي على السرير واصرت ابكي الى أن غفوت
علي 🔵
انني اعلم بانه كلامي لقد جرحهها لكن لا استطيع أن اكذب عليها فأنا لست مستعداً للبدء في علاقة جديدة ما زالت مترددا ولا اريد أن اعيشها في امل
عدت للمنزل رأيت سمر كانت تجلس لوحدها في الحديقة
علي:مساء الخير
سمر:مساء النور
جلست بجانبها
سمر :شبيك شكلك ضايج
علي:اوف
سمر :شكو
علي:اليوم حجيت وياه سارة
سمر:ها حجيت وياهه وشكالت
علي:ما كالت شي يعني اشياء عادية مثل هاي ما مهتمه يعني وهيج شي
سمر:زين وانت ليش ضايج
علي:ما ادري
سمر:علي انت شتريد بالضبط
علي:اني ما اعرف نفسي شريد بس هيج احسن حتى ما ابقه متوتر
سمر :زين وهي وين هسة
علي:ما ادري تكول عدها شغل وتريد تروح للمول تشتري بس ما اتوقع راح
سمر :لعد وين راحت
علي:يجوز للبيت لان جان شكلها تعبان
سمر:شفت كله بسببك
علي:اني على مود هذا الشي ردت انهي الموضوع بسرعة حتى لا يصير شي يكسر كلبها اكثر
سمر:اني باجر اشوفها واحجي وياهه اكلك
علي:،كولي
سمر:باجر عيد زواج امي وابوية
علي:اي واني شنو
سمر:مراح تجي
علي:طبعا لا
سمر:انت مثل كل سنة هم مراح تجي للحفلة
علي:اي
سمر:اغلط مرة وتعال احتفل ويانة
علي:لا ما اجي
سمر:ماشي بكيفك
علي:يلا امشي خل ندخل جوة
في اليوم التالي
سارة 🔴
وصلت متأخرة الى الشركة وعندما دخلت رأيت الاستاذ اكرم
اكرم:صباح الخير سارة
سارة:اهلا استاذ اكرم صباح النور
اكرم:شلونج شنو هاي الشياكة
ابتسمت
سارة :شكرا استاذ هذا من ذوقك
اكرم:انتي دائما حلوة بس اليوم طالعة احله
سارة:تسلم يلا هسة عندي شغل
اكرم :ماشي روحي اشوفح بعدين
ذهبت الى مكتبي ورن الهاتف المكتب الاستاذ علي رفعت الهاتف
سارة:الو
علي:ممكن تجين شوية
سارة:حاضر
اقفلت الخط وذهبت طرقت الباب
علي:اتفضل
دخلت إلى المكتب
سارة:نعم استاذ
علي:اخذ هاي
سارة:هاي شنو
علي:بطاقة دعودة اليوم عيد زواج امي وابوية وسمر دزت لج الدعوة
سارة:اسفة بس ما اكدر اجي
علي:ليش
سارة:عندي ظروف ماكدر اطلع اليوم
علي:بس.....
اكرم:هلو عندي لكم خبر يخبل
علي:شنو
اكرم:احمد راح يرجع للشغل بعد يومين يعني سارة راح تستغلين ويايه
انصدمت سوف اترك علي وليكن لا يهمني فهو لا يريدني انا ايضا لا اريده هذا افضل بالنسبة لي
علي:صدك
اكرم:اي والله قبل شوية خابرني وكال راح يرجع بعد يومين
علي:اي تمام على خير عليك
نظرت الى وجهه كان شكله غاضب من اكرم هكذا جيد سوف استغل الفرصة واخذ بثاري منه ابتسمت ابتسامة عريضة
سارة:صدك يعني راح اشتغل وياه حضرتك
نظرت الى علي كان مصدم
اكرم:اي
سارة:حلو هذا خوش خبر
اكرم:اي صدك
كان علي ينظر لي بغضب
اكرم:اليوم تجين للحفلة
سارة:لا استاذ تعبانه اليوم
اكرم:حرامات راح تكون حلوة اذا اجيتي
سارة:انت هيج برأيك
اكرم:اي والله
سارة:خلص لعد اليوم جاية
علي:ها
اكرم:شكو شبيك
علي:لا لا ماكو شي
ابتسمت بخبث
اكرم:اوكي لعد راح انتظرج
سارة:اكيد راح اجي
اكرم:تمام يلا اني راح ارجع للبيت
سارة:اتفضل استاذ
خرج الاستاذ اكرم المكتب
علي:اشو راح تجين مو على اساس تعبانة
سارة :اي بس غيرت رأيي ولازم اغير جو شوية
علي:اي غيري
سارة:استاذ تريد شي مني
علي:لا روحي
تركت المكتب وخرجت وبعد لحظات سمعت صوت شيء انكسر في مكتب الاستاذ علي
سارة:اي خليك تستاهل
علي 🔵
عندما خرجت شعرت بالغضب منها
علي:اي فرحانة راح تعوف الشغل ويايه عاجبها تشتغل وياه اكرم اي روحي
رميت المزهرية على الارض وانكسر لا استطيع ابقه هنا اخذت مفاتيحي وخرجت ركبت بالسيارة وذهبت الى المنزل
اصبحت الساعة الخامسة مساء والجميع الضيوف وصلوا الى المنزل وكانت المنزل مزين بالورود والاضواء الجميلة وكانت حفلة في الحديقة المنزل وجهز علي نفسه لكي يخرج من البيت مثل كل ليلة
صوفيا 💮
جهزت نفسي وارتديت فستاني ونزلت من السلم ويدي بيد كنان بدأت الحفلة وبدأوا الضيوف في الوصول الى المنزل وحنا نرحب بهم عندما عن واقف مع كنان رن هاتفي وكانت مايا ذهبت بعيداً لكي لا يسمعني احد وانا اتحدث معها
صوفيا:الو
مايا:الو مدام صوفيا اني وصلت وهسة واكفه يم المنزل
صوفيا:روحي اكفي يم الباب الخلفي علي يطلع من هذاك الباب
مايا:شوكت يطلع
صوفيا :ما ادري هسة شوية ويطلع انتظري انتي
مايا:اوكي رايحة اني
اقفلت الخط وعدت إلى الحفلة وقفت بجانب كنان
كنان:وين جنتي
صوفيا:رحت ارتب مكياجي
كنان:الضيوف جاي يسألون عنج
صوفيا:مرحبا مدام رانيا كيف حالك
رانيا:بخير مدام صوفيا وانتي
صوفيا:كما ترين
رانيا:سنه سعيدة لكي
صوفيا:شكرا
اكرم 🔷
جهزت نفسي ونزلت في الحديقة انتظر قدوم سارة وفجأة انفتح الباب ونفتح الباب ودخلت سارة كانت في منتهى الجمال كانت ترتدي فستان بنفسجي وكانت تبدوا رائعة وكان جميع الشباب ينظرون لها لانها كانت مميزة جداً لم ابعد عيني عنها ولا للحظة لقد سحرتني بجمالها ذهبت إليها لانه كانت متوترة من عيون الجميع
سارة 🔴
عندما دخلت اصبح الجميع ينظرون الي توترت كثيراً وفجأة اقترب مني الاستاذ اكرم
اكرم:واو هاي شنو تخبلين طالعه
ابتسمت بخجل
سارة:شكرا
اكرم:فعلا طالعة تخبلين
وفجأة سمعت شخص يصفر لي التفت له اكرم ونظر إليه بغضب ابتعد ذلك الشخص عني
اكرم:تعالي ويايه هذول الشباب كلهم تافهين
ذهبت مع وجلسنا على احدى القاعد نظر لي الاستاذ اكرم وقال تشربين شي
سارة:،عصير
اكرم:انتظري هسة اجيب العصير واجي
سارة :اوكي
ذهب الاستاذ اكرم لكي يحضرب المشروبات وانا بقيت انظر الى الضيوف كانوا اناس كثيرون من الطبقة الراقية وكانوا يرتدون ملابس جميلة وكان كل شخص ومع حبيبته او زوجته وفجأة خرج الاستاذ علي الى الحديقة واتت عيني بعينه واصبحنا ننظر الى بعضنا البعض
اكرم:اني اجيت
سارة:استاذ
اكرم:والله شلعتي كلبي بكلمة استاذ مالتج هاي هسة احنه بالحفلة شكو تكولين استاذ
لم اهتم لكلامك رفعت راسي لكي انظر الى الاستاذ علي ولكني لم اجده يبدوا بانه ذهب من هنا
اكرم:شبيج وين صافنه
سارة:لا ماكو شي
سمر:هلو سارة
سارة:هلو شلونج
سمر:بخير وانتي
سارة :تمام
سمر:شنو هذا الجمال تخبلين طالعة
سارة:تسلمي حبي بس مو احله منج
اكرم:علي وين
جلست بجانبي
سمر:وين يعني اكيد طلع مثل كل مرة
اكرم:اوف منه ليش ما يحب يجي للحفلة
علي:وهاي اني اجيت
التفت الجميع
اكرم وسمر بصدمة :عليييي
جلس امامي
علي:،اي علي شبيكم
سمر:اكرم
اكرم :ها
سمر:اكرصني حتى اصدك هذا الموجود علي
اكرم:انتي تعالي اكرصيني
علي:هاي شبيكم ولكم
سمر:اني ما جاي اصدك شعجب اجيت هاي معجزة علي
علي:حبيت اغير شوية وبعدين انتي مو ترديني اجي وهاي اني اجيت
اكرم:ولك هاي لازم تنكتب بالتاريخ الاستاذ علي واخيرا تكرم علينا واجة للحفلة
صوفيا 💮
انصدمت عندما رأيت علي يجلس على احدى المقاعد مع اكرم وسمر ولم يخرج مثل كل مرة
صوفيا:يالله هذا ليش اجة ومايا جاي تنتظره برا ياربي شكد بلوه هذا
كنان:صوفيا شنو علي
صوفيا:اي حبيبي شفته ما صدكت
كنان:امشي خل نروح نحجي وياه
ذهبنا الى مكانهم
كنان:مرحبا ياشباب
الجميع :اهلا
سارة:الف مبروك استاذ كنان
كنان:اشكرج بنتي
سارة:مبروك مدام
صوفيا:شكرا
صوفيا في نفسها :هي الغبية شكو جاية لا وكاعدة يم اكرم هاي شنو ما اهتمت لكلامي بسيطة خل اخلص من علي واتفرغ الج
شغلوا الموسيقى وبدا الجميع بالرقص
كنان:نروح نركص
صوفيا:يلا حياتي
علي 🔵
سمر:علي تركص وياه
علي:ها اي يلا
نهضت ارقص مع سمر
سمر:شبيك
علي:ما بيه شي
سمر:ليش شكلك ضايج
علي:منو شنو
وفجأة رأيت سارة واكرم انهضوا و تقدموا للرقص غضب كثيراً تبا لكي يا غبية
علي في نفسه:واني شعليه بيها اذا ركصت او لا شتسوي خل تسوي اني شنو علاقتي بيها
سمر:اكرم تبدل اريد اكرص وياك شوية
اكرم:مو وكتج هسة
سمر:ولك اني اختك ليش تفشلني
اكرم:اوف يلا خلصيني
نظرت لي
سمر:علي روح اكص وياه سارة اني اريد اركص وياه اكرم
علي:ماشي
رقصت سمر مع اكرم وانا اقتربت من سارة وضعت يدي على خصرها وسحبتها لي وكانت متوترة وضعت يدها على كتفي
سارة 🔴
ارتبكت عندما قالت سمر بانها تريد الرقص مع اكرم وانا سوف ارقص مع الاستاذ علي كنت اريد الذهاب لا اريد ان اتقرب منه اخاف ان اضعف امامه اقترب مني وامسك بخصري توترت كثيراً وضعت يدي على كتفه وصرنا نرقص وكنت كل دقيقة اضغط على قدمه من شدت توتري
علي:من جنت تركصين وياه اكرم انتبهت عليج ما دسدتي على رجله ليش بس اني تدوسين عليه
كان يبتسم بمكر
سارة:هاا لاننن
علي:لان شنو اكلج ليش
سارة:ليش؟
علي:لان تتوترين من اتقرب منج
سارة بأرتباك:ها ليش حتى اتوتر
علي:شمدريني اسألي نفسج ليش
سارة:لا اني ما متوترة وبعدين هاي جاي اكص وياك ما دست على رجلك بعد وفجأة بالغلط ضغطت على قدمه
علي:اخ شفتي دستي على رجلي معناها انتي هسة متوترة
سارة:لا
علي:ممممم
سارة:وبعدين انت شعليك اذا ركصت وياه او دست عليه او لا شنو علاقتك
علي بغضب:وانا شعليه
سارة:ليش صرت عصبي
علي:لا اني مو عصبي
سارة:مو عصبي شوف شكلك شلون صار
علي:اني ما.....
سارة:هاي شنو
كنا نرقص ونتشاجر معا ولم ننتبه باننا لقد ابتعدنا عن مكان الحفلة
علي:يمكن ثنينه متوترين
وصرنا نضحك
سارة:يلا اني راح ارجع اشوف الاستاذ اكرم
اردت الذهاب ولكن اوقفني صوته
علي:ماشاءالله علاقتج صايره زينة وياه اكرم
التفت له واقتربت منه
سارة:وانت ليش منزعج من علاقتي وياه
علي:ومنو كال اني منزعج اساساً ما مهتم
سارة:اي لعد اذا ما مهتم شعليك بيه شسوي اسوي
علي:واني شنو علاقتي بيج شتسوي سوي وياه اساسا انتي ما تهميني بشي
سارة:لعد اذا ما اهمك ليش تضوج من احجي ويا اكرم
علي:اني اضوج لا والله وعلى شنو اضوج بله
سارة:اسئل نفسك
علي:انتي ما تهميني ليش اضوج عليج وبعدين انتي مجرد سكرتيرة بس لا تفكرين بشي ثاني
سارة:صح اني مجرد سكرتيرة واسفة اذا تعديت حدودي ان اذنك
تركته وخرجت من المنزل
علي 🔵
علي:يالله اني شنو سويت
ذهبت ورائها عندما خرجت ابحث عنها سمعت صوت ليس غريب عني
مايا:علي
التفت ورأيتها تقف امامي والدموع تملأ عينيها عندما رأيتها رجع بي الزمن الى الوراء الى ذكرياتي معها وكأنه كان ليلا البارحة
اما سارة كانت تقف امامهم وتنظر لهم وكانت مستغربة من تكون تلك الفتاة ولماذا علي تجمد هكذا عندما رؤيتها اقتربت مايا منه
مايا:شلونك علي
ما زال علي مصدوم
مايا:علي اني
علي:ليش اجيتي شتردين
مايا:اجيت حتى اشوفك
علي:تشوفيني ليش
مايا:علي اني
رفع يده امامها
علي:اشش لا تكملين ولا تحجين اي شي ورحي من يمي احس الج
مايا:بس اسمعني علي مرة وحدة بس
علي بعصبية:جاي اكلج روحي
مايا:صرخ اضرب اي شي سوي بيه بس اسمعني
علي:انتي شتردين مني من وين اجيتي
مايا:بس اسمعني ولو مرة واحدة
علي:شنو راح يتغير اذا سمعتج
مايا:بس اريدك تسامحني ونبدي من جديد اني تغيرت والله تغير
علي:نبدي من جديد
وصار يضحك
علي:اي جديد وياج انتي والله ضحكتيني
وعاد يضحك من جديد
علي:وترديني اسامحج انتي ما خليتي شي اسامحج عليه واي جديد هذا الي ابدي وياج ليش حتى اسامحج انتي اساسا ما موجودة بحياتي ولا تعنيني اي شي اني لا احبج ولا اكرهج انتي ولا شي بحياتي
مايا:لا جذب انت بعدك تحبني بس ما تكدر تعترف لانك مجروح مني بس انطيني فرصة
علي:انتي من كل عقلج تحجين اني بعدين احبج؟
مايا:اي علي بعدك تحبني وجاي تحجي هيج لانك مكسور من الي سويته بيك وبسببي صرت تكره البنات
علي:صح بسببج كرهت البنات بس اجتي وحدة وغيرتني وصارت هي كل حياتي
سارة انصدمت عندما سمعت كلام علي
مايا:انت مستحيل تكدر تحب وحدة ثانية غير
علي:لا اكدر وحبيت وحدة غيرج تردين اثبت لج
اقترب علي من سارة وسحبها إليه وقبل شفتاها بشغف انصدمت مايا من الذي رأيه ونزلت دموعها وفي نفس الوقت كان اكرم يقف بعيداً وينظر الى علي وسارة وهم يتبادلون القبل وبعد لحظات ابتعد علي عن سارة وامسك بيدها وركبوا بالسيارته وذهبوا وكانت مايا تقف في مكانها متجمدة
سارة 🔴
لما اصدق ما حصل كيف فعل ذلك هل هو يستغلني مرة ثانية نظرت إليه كان صامته يقود السيارة مسرعا غصبت كثيراً منه
سارة:وكف السيارة
التفت إلي
علي:نعم
سارة:جاي اكلك وكف السيارة
اوقف السيارة وخرجنا منها
سارة:ممكن تفهمني شنو هذا الي سويته قبل شوية
علي:سارة اني
قاطعته
سارة:،انت جاي تستغلني مرة ثانية لا يا استاذ هاي المرة مراح اسمح لك تلعب بمشاعري على كيفك
علي:العب بمشاعرج؟
سارة:اي حتى تنسى حبيبتك القديمة تستغلني
اقترب مني بغضب
علي:ولج انتي شتحجين
سارة:جاي احجي الحقيقة انت جاي تلعب عليه بس يا استاذ هاي المره ما اسمح لك اني انسانه وعندي مشاعر
علي:وانتي برأيج جاي العب بمشاعرج
سارة:اي
علي:انتي مخبلة شلون تفكرين هيج
سارة:لان هي هاي الحقيقة وانت بنفسك كلت ما تحبني
اقترب مني وامسك بيدي بقوة وصرخ في وجهي
علي بصراج:احبج
لم استوعب الكلمة بعد بقيت متجمدة من مكاني وافتح عيني بصدمة
علي:سمعتيني اني احبج وما سويت هيج على مودها لا اساسا هي ما تهمني انتي بس الي تهميني
صرخ مرة ثانيه ولكن بأعلى
علي:احبج
لم اعي لما افعله وفجأة رفعت قدمي لكي اصل الى شفتاه وضعتي شفتاي على شفتاه واكمل هو الباقي واصبحنا نتبادل القبل وبعدها قطعت قبلتي وقلت له وانا اتنفس
سارة:واني هم احبك
عاد يقبلني ولكن هذة المرة بشغف كبير وبعد لحظات وتوقفنا وانتبهنا باننا في الشارع ركبنا بالسيارة وذهبنا الى البيت كنت طول الطريق انظر من النافذة السيارة وابتسم
علي:شبيج ما تباعين عليه
التفت إليه ضحكت بصوت عالي
سارة:ليش تضحك
علي:اضحك عليك ببغاء وجهك صاير احمر
سارة: ببغاء ؟
ضحك
علي:اي ببغاء شنو ما تدرين اني اسميج ببغاء
سارة:ها وليش بله
علي:من هيج تحجين شكد ولا تنطيني مجال احجي
سارة:اني؟
علي:اي انت قبل شوية شلعتي كلبي حتى ما انطيتيني مجال اكلج احبج لحد ما صرخت يلا سكتي ببغاء
سارة:تشبهني بل ببغاء
علي:بس الببغاء مالتي يخبل
غمز لي بعينه شعرت بالخجل ونزلت راسي وبعد لحظات وصلنا الى البيت نزلت من السيارة
سارة:يلا تصبح على خير
علي:وانتي بخير
علي 🔵
وصلت سارة الى منزلها وذهبت الى منزلي وقد كانت الحفلة لقد انتهت وذهب الجميع الى منزلهم
