انت عمرى

انت اللى روحى بتعشقه

روفيده: ايه مسمعتش هنروح نطلب من رجاله غيركم طلباتنا
روفيده خلصت الجمله وجه صوت من وراها
الصوت: وانا تحت امرك انتى والبنات
روفيده اتصدمت ولسه هتتكلم
سيف بعصبيه: قصدك ايه يا ياسين
ياسين: يمكن هى مش بتحبنى بس انا بحبها وعنيا ليها فى اى حاجه تطلبها
سيف: انت ايه اللى جابك هنا امشى بدل ما افقد اعصابى
ياسين ضحك باستهزاء وقال بسخريه: هتعمل ايه يعنى لما تفقد اعصابك
سيف ضربه بالبونيه فى وشه وقال: هعمل كده
ياسين ردله الضربه واشتبك الاتنين
روفيده: خلاص يا سيف اهدى
قام الشباب حاولو يفضو الاشتباك
مازن اخد ياسين ومشى بيه وادهم مسك سيف وبعده عن ياسين لغاية ما مشى
سيف نفض ايد ادهم عنه
ومشى وهو متعصب
℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅℅
عند ياسين مازن وقفو
مازن بعصبيه: انت ازاى تعمل كدا
ياسين بأسف: انا اسف يا مازن بس انا عارف انها كانت بتهزر وانا حبيت اهزر
مازن بانفعال: وهو اللى بيهزر يقول لجوز واحده انا بحبها وكلام فارغ من ده
ياسين: انا ادايقت لما اتعصب عليا وحبيت ادايقه
مازن: ربنا يهديك يا ابن خالتى هتعرف تروح المستشفى عشان وشك المتشلفط ده ولا اجى اوصلك
ياسين: لا خليك انا هروح لوحدى
ومشى وسابه راح ركب عربيته وراح اقرب مستشفى الا وهى اللى شغاله فيها ندى
دخل ودخلت ندى عشان تضمدله الجروح اللى فى وشه
كان باين عليها الحزن وهى حزينه من ساعة ما كلمها سيف وقالها انه الذاكره رجعتله
اول لما دخلت وبدإت تضمد جروحه ياسين لاحظ الحزن اللى فى عيونها ومن غير ما يحس سرح فى عيونها
ندى خلصت ولاحظت ان ياسين بيبصلها ومبلم افتكرته واحد شمال اتأففت وخرجت
ياسين فاق وقعد يكلم نفسه: ليه سرحت فى عيونها ايه اللى شدنى فيها كدا ممكن حزنها او ممكن جمال عيونها رغم كل الحزن اللى ساكنها
قام مشى من المستشفى وعيون ندى مش راضيه تغيب عن باله
ππππππππππππππππππππππππππππππππππππππππππππππππππ
عند سيف اول لما مشى روفيده راحت وراه
لقته وقف فى المكان الهادى اللى هى بتحبه وباين عليه العصبيه
روفيده: احم احم
سيف: امشى دلوقتى يا روفيده لانى متعصب
روفيده: وايه اللى معصب حبيبى
سيف بصلها بصه معناها يعنى انتى مش عارفه
روفيده: حبى مش مهم مين بيحبنى المهم انا بحب مين
سيف: خايف واحد غيرى يخطف قلبك
روفيده: اولا انا مراتك يا اذكى اخواتك
ثانيا بأه
راحت لفت قصاده ومسكت ايده الاتنين وبصت فى عيونه
روفيده: اسمع كلامى وصدقه انت اللى روحى بتعشقه
كان حلم نفسى احققه انى ابقى ليك
قربنى منك ضمنى اد ما احبك حبنى من غيرك انت يهمنى انا روحى فيك
كفايه عليك كدا بأه
سيف حضنها: ربنا يخليكى ليا يا اجمل واحلى بنوته شافتها عنيا
روفيده: اوعى ياض هتجيبلى مصيبه
سيف بعد عنها وقال باستنكار: ياض الله يخربيتك فصلتينى
روفيده: اجبلك الشحن تشحن
سيف: ايه يا بت الخفه دى
روفيده: عيب عليك يسطى
سيف: يسطى يلا يا روفيده على المأذون
روفيده: ليه هنتجوز
سيف: لا هنطل.....
روفيده حطت صباعها على بؤه: شششششش ماتكملش
ومره واحده اتعصبت والدموع اتجمعت فى عيونها: اياك تقول كدا تانى
سيف ابتسم وباس ايدها اللى على بؤه
سيف: بحبك بأه
روفيده ابتسمت: وانا بموت فيك بأه
سيف: امتى نتجوز بأه ابت بدل ما احنا مقضينها ورا مصنع الكراسى
روفيده: ما انت اللى صايع يا فوزى ومش راضى تشترى العشه اللى فوق سطح ام فاروق عشان نتجوز فيها
سيف: يا بت العشه غاليه دى عايزه تبيعها ب ٣ جنيه ونص اقولها اتنين جنيه كفايه تقولى لا
روفيده: خلاص هروح اتجوز الواد عضمه
سيف: بتاع عربيه كبدة الكلاب
روفيده: ما هو اتقدم يا فوزى وابويا موافق
سيف: اغزه ابت اداره
روفيده: يااااى انا اسمى اداره
سيف: امال انا يعنى اسمى فوزى
روفيده ضحكت وحضنته جامد
روفيده: وحشتنى اووووى
سيف قلد طريقتها: ابعدى يا بت هتجبيلى مصيبه
روفيده ضحكت وبعدت عنه ومشيت
روفيده: انا غلطانه انت عامل زى القطط
سيف: باكل وبرجع
روفيده: اخر مره سمعتها كانت القطط بتاكل وتنكر
سيف: نحن نختلف عن الاخرون ازميلى
روفيده: سيف حبيبى انا روفيده مش واحد من صحابك
روفيده بصت على سيف بعد ما مش رد لقته هيمان وهو بيبصلها
روفيده: مالك انت نمت ولا ايه
سيف: هييييح اصلك قولتى سيف وحبيبى فى نفس الجمله
روفيده: ابقى اشرب بريل كتييير
سيف: ليه عشان اعمل غسيل معده
روفيده: لا عشان مفيش راجل يقول هييييح
سيف وفهم قصدها سيف بعصبيه: روفيده بعد كدا خلى بالك من كلامك وشوفى انتى بتقولى ايه
ومشى وهو متعصب روفيده حست فعلا انها غلطت
مشيت وراه وعماله تنادى عليه وهو مش بيرد
راح مكان الشله ما متجمعه
ادهم لاحظ انه لسه مكشر وانه رجع من غير روفيده: مالك
سيف: فكك هو فين الواد خالد من ساعة ما جيت ما شفتهوش
شادى: مانعرفش عنه حاجه اختفى من ساعة ما انت اختفيت وكمان حصل بينا موقف رخم
سيف: خير
ادهم ومهند بصو لشادى بصه معناها اياك تقول
مهند: هما اتغيرو بعد ما انت اختفيت الا خالد وهم حاولو يكلموه وهو اتخانق معاهم من ساعتها وهو مختفى
مازن: بصراحه عمرى ما ارتحتله
سيف: بس مهما كان فى بينا عيش وملح
ادهم: حاولنا نتصل بيه بس رقمه مقفول وعنوانه اتغير
سيف: سمعت البنات بتقول عايزين نطلق ايه اللى لم الشامى على الغربى
ادهم: اسكت ياخويا الواد ده دخل القفص وشدنا كلنا وراه
كان بيتكلم وهو بيشاور على مازن
مازن: يسلاااام بأه قفص دلوقتى فينك يا رولا تسمعى الكلام ده
ولسه هينادى على رولا ادهم كتم
ادهم: حبيبى اميزو
سيف ضحك: شكلك مسيطر يا ادهم
مهند: قولناله كدا امبارح
سيف: وانت يا مهند مين اللى جرجرتك على القفص
مهند: واحده قويه ومفتريه ومعندهاش ريحة الدم اسمها مريم
مازن: اتلم ياض لاحظ انى قاعد
مهند: مين حضرتك
مازن: انا اخو البنات دى كلهااا
شادى بمكر: واخو رنا كمان ها
مازن بهيام: رنا هييييييح
لما مازن قال كدا سيف افتكر كلام روفيده وكشر تانى
________________________________________________________________________________
روفيده راحت مكان ما كانو قاعدين لقت الشباب بس
عرفت ان البنات متجمعه على الترابيزه بتاعتهم على البسين راحت على البسين وفعلا لقتهم هناك
قعدت ونفخت
رولا: مالك
روفيده: سيف هيجننى
مريم: عملك ايه
روفيده: بهزر معاه قلب
ساره: كل الرجاله عايزه الحرق
رنا: ما عدا ميزو حبيب قلبى
ساره: وانتى عايزه الحرق انتى كمان
رولا: احنا لازم نعلمهم الادب
روفيده: ازاى
رولا: هنوريهم الوش التانى
ساره: وضحى يا فوزيه
رولا: يعنى مفيش رومانسيه لو عازو حاجه نقولهم لا وكدا يعنى ودايما نكون مكشرين فى وشهم
روفيده: انا معاكى
ساره: وانا كمان
رولا لرنا: وانتى يا كونتيسه
رنا: لا ياختى انا مالى بيكم انا وميزو زى السمن على عسل اقلب عليه ليه
ساره: لا يختى هتقلبى معانا يا اما بصى كدا بأه
رنا: اوووف هو بالعافيه يعنى
روفيده: ايوه بالعافيه
رنا: نفسى اعرف انا مصحباكو ليه وفترة الانقلاب دى لحد امتى
روفيده بشر: لحد ما يعرفو قيمتنا
روفيده: تعالو نروح بيتى ومش نقولهم ان احنا مشينا
ساره: ايوووووه بأه اللعب هيحلو
وقامو يمشو وابتسامه خبيثه على وجوههم ما عدا رنا اللى مدايقه عشان هتقلب على مازن
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيف: وانت يا شادى اتجوزت سالى
شادى: لا اتجوزت ساره
سيف: بتحبها
شادى: فوق ما تتخيل
سيف: طب يلا نروح عشان مصدع
ادهم: حد يروح ينادى المهابيل اللى هناك على البسين
مازن: انا مش هروح اناديهم انا هروح افتن عليكم
راح مازن طبعا مش لقاهم
مازن رجع تانى: مش لقتهم
سيف: يعنى ايه
مازن: مش لقتهم حوالين البسين
ادهم: امال راحو فين
سيف: دورت عليهم فى المنطقه اللى حوالين البسين
مازن: دورت ومش لقتهم
شادى: هيكونو راحو فين
سيف طلع فونه حاول انه يكلم روفيده فونها مقفول
كل واحد حاول يكلم مراته بس فوناتهم مقفوله
شادى: هيكونو راحو فين
ادهم: احنا كل واحد يروح يدور فى حته واللى يوصل لحاجه يكلم الباقى
وراحو يدورو على البنات اللى طبعا مش هيلاقوهم
------------------------------------------------------------------------------------------------------
عند البنات كانو قاعدين فى اوضه روفيده بياكلو كيك وبيشربو عصير
روفيده: اموت واشوف شكلهم لما مش يلاقونا
ساره ضحكت: احسن خليهم يلفو حوالين نفسهم
رولا حطت ايدها على بطنها: انا اسفه يا اللى فى بطنى جبتلك اب مخبول
ساره: انتى اللى استعجلتى على الجواز يا ختى
رولا: اعمل ايه كنت بحبه
ساره: الحب اعمى بس الجواز بيفتح عنيكى
رولا: الجواز انا اللى حظى متعوس فيه
ساره: ما الجواز ورطه وغلطه وطول العمر ربطه يا تصيب يا تخيب وانت شكلك خيبتى
رولا: يلا اهو اللى حصل
رنا: انتى ليه بتعملى فى شادى كدا يا ساره
ساره: بعمل ايه
رنا: حساكى عايزه تقتليه
ساره: لا ابدا مفيش
روفيده: انا كمان لاحظت كدا
ساره: لا والله يا جماعه تهيؤات انا بس عايزه ادايقه زى ما هو بيدايقنى
مريم: يسلااام ياختى بأماره اللمعه اللى بتلمع فى عيونك لما تيجى سيرته
ساره بسرحان: لمعه
مريم: اه ياختى لمعه زى ما تكونى كدا احم احم
ساره: لالا بيتهيألكو انا مش بحبه
رنا: هى مجابتش سيرة الحب ايه اللى جاب الحب فى السيره
ساره: كلامها معناه كدا
رولا: يا بت انطقى هتولدينى بدرى
ساره: اقول ايه
روفيده: انتى بتحبيه صح
ساره: يووووه ايوه بحبه ارتاحتم بس مش مهم لانه مش بيحبنى ولا عمره ما هيحبنى
رنا باستغراب: ليه
ساره: لانه بيحب واحده تانيه لو سمحتم قفلو على الموضوع ده بأه
هى خلصت من هنا وحصلت حاجه خلتهم كلهم يتنفضو فى مكانهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند الولاد اتجمعو عند بوابة الخروج
سيف: هيكونو راحو فين
مازن: ممكن يكونو روحو
شادى: من غير ما يقولو وليه قافلين تليفوناتهم
ادهم: اكيد حصلهم حاجه
سيف: وحد الله يا ادهم خير ان شاء الله
فى الوقت ده رن فون مازن
مازن: الو يا امى
مامته: الو يا حبيبى بقولك انتم هتتعشو مع البنات ولا البنات هتتعشى لوحديها
مازن بصدمه: هم البنات عندك يا امى
مامته باستغراب: من بدرى انتم متعرفوش ولا ايه
لكن للاسف مجلهاش رد مازن لانه كان قفل خلاص
سيف: روحو
مازن: اه امى بتقولى من بدرى
ادهم اتعصب جدا وراح على عربيته بعصبيه وكان ناوى يقتل رولا لانها خلته يقلق عليها
الشباب راحو وراه بس ملحقهوش
ركبو عربياتهم بسرعه وراحو وراه
وصل ادهم للبيت روفيده وعينه حمرا من العصبيه
خبط الباب جامد والبنات اتنفضو على الخبط بتاعه
روفيده لبست النقاب والبنات لبسو الطرح وخرجو يشوفو مين اللى بيخبط كدا خرجو لقو ادهم واقف مع مامة روفيده والعصبيه باينه عليه
كلهم بصو لرولا وبلعو ريقهم
ادهم بعصبيه لما شاف رولا: انتى ازاى تمشى من غير ما تتنيلى تقوليلى كدا
رولا استجمعت شجاعتها: ما انت مش كنت فاضى وكنت بتتريق عليا انت واصحابك
ادهم: يا بنتى انتى ما بتفهميش انتم خلتونا نموت من القلق عليكم
روفيده: هى ملهاش ذنب انا اللى قولتلهم نعمل كدا
فى الوقت ده سيف والباقى وصل
سيف: يسلااام وليه بأه عملتو كدا
روفيده: والله انا لسه فى بيت بابا واعمل اللى انا عيزاه
سيف اتصدم: اه صح ما انتى فاكره انك مش متجوزه راجل ماشى يا انسه روفيده خليكى بأه فى بيت بابا
ساره لقت شادى بيبصلها بس ما بيتكلمش
ساره ببرود: ايه مش عايز تقول حاجه انت كمان
شادى بلا مبالاه: واقول ايه انتى حره اعملى اللى انتى عيزاه
ساره: اه بحسب اصل بصتك دى بتقول كلام غير اللى انت بتقوله ده خالص
شادى بتوتر: بصة ايه
ساره وهى ماشيه ببرود: ولا حاجه
مازن اخد رنا على جنب
مازن: ليه عملتى كدا يا رنا
رنا: دى فترة انقلاب بسيطه وهتعدى
مازن: انقلاب ايه يا بت انتى انتى هتجنيننى ايه شغل المظاهرات ده
رنا: وانا مالى بأه ده قرار البنات
مازن: وحضرتك مالكيش راى
رنا: احنا بناخد برأى الاغلبيه
مازن بضيق: ماشى يا رنا خليكى مع الاغلبيه
وجه يمشى
رنا: ده بيتك على فكره
مازن: سا يبهولك انتى والاغلبيه
ومشى وهو متعصب
مهند: عملتى كدا ليه يا مريم
مريم: عملت ايه
مهند: ليه مشيتى من غير ما تقوليلى
مريم: ايه ده انا عملت كدا بجد ثانيه افتكر عشان ناسيه
مهند: مريم ماتعصبنيش
مريم: انا حملت حاكه توقتى
مهند: يا مصبر الوحش على الجحش
مريم: انا جحش ها امشى من وشى يا مهند اصلا اللى سماك مهند كان غلطان
وسابته ومشيت وهى متعصبه منه
كل الشباب مشيو
والبنات دخلو اوضة روفيده تانى ولا اكن فى حاجه خااالص
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
عند الشباب راحو فيلا شادى
سيف: دول اتجننو رسمى
شادى: فككم منهم وسيبوهم يتعلمو الادب
ادهم: نفسى فى ربع برودك
شادى ببرود: ما هو اللى خلاهم يعملو كدا دلعكم ليهم لازم تشدو شويه
مازن: والله معاك حق يا شيدو
سيف: عيال تعالو نروح نتفسح
ادهم: بالله عليك دى جمله تتقال فى الموقف ده
سيف: بكلمكو جد تعالو نرجع لايام زمان فاكرنها
مازن: عن نفسى مش فاكرها لانى محضرتهاش اصلا
ادهم: لا ياعم احنا قولنا توبه
سيف: يا عم هنشتغل على خفيف اهو ننسى القرف اللى احنا متجوزينهم دول
شادى: انا معاك
سيف لادهم: ها؟
ادهم بتفكير: اوك
سيف: وانت يا مازن
مازن: بيس انا معاكم
مهند: ياااه هنرجع تانى لايام الشقاوه
سيف: محسسنى انك كنت بتشاركنا فى الشقاوه
مهند: ادينى هجرب اهو
ادهم: تمام احنا هن......................
##################################################################
البنات
روفيده: اوووف ايه اللى خلانا نتنيل ونتجوز
ساره: مواكيس يا حبى وحظنا هباب
رولا حطت ايدها على بطنها: والله انت احلى حاجه حصلتلى من ساعة ما اتنيلت على عينى واتجوزت ابوك
رنا: والله انا عايزه اعذبكم واحده واحده وبعد كدا اقتلكم كلكم يا كلاب خليتم الواد يزعل منى
ساره: يا بنتى لازم تجمدى قلبك يا اما هتاخدى على دماغك
روفيده: والله يا ساره معاكى حق
رنا: اوك هخلينى معاكم لما اشوف اخرتها
روفيده: اخرتها فله ان شاء  هتاكلو بيتزا ولا ايه
البنات: طبعا بيتزا
روفيده: تمام هطلب البيتزا وواحده تتصل بالسوبر ماركت تطلب شيبسى وشيكولا وايس كريم وعصير وبيبسى
رولا: ايووووه بأه هو ده الكلام
وطلبو الحاجه وشغلو فيلم فان بتاع شاروخان يتفرجو عليه
رولا: بقولكو يا بنات ما تيجو نسافر نغير جو
ساره: فكره جامده والله
رنا: فعلا فكره روشه
روفيده: هنسافر فين
رولا: ادهم كاتبلى شاليه فى الساحل بإسمى ومفتاحه معايا تعالو نروح هناك
رنا: الله بحر اشطا انا معاكم
ساره: انا معاكم وش
روفيده: تمام وانا معاكم
مريم: انا قايمه احضر شنطتى اصلا
رولا: اوك هنسافر كمان يومين تمام
البنات: تمااااام
وقضو الليله عند روفيده وتانى يوم كل واحده راحت بيتها لمت شنطتها ورجعو تانى عند روفيده قضو اليوم كله وهم بيضحكو بس بينهم قلب بيبكى
خلص اليوم ونامو بدرى عشان يقدرو يسافرو بكره
صحيت البنات بدرى واخدو شنطهم ونزلو كانو متفقين انهم هيبدلو فى السواقه ما عدا رولا لانها حامل
وبدإت رحلتهم
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
مازن رجع بيته على العصر كدا
لقى البيت هادى ومامته واقفه فى المطبخ استغرب
مازن باستغراب: ماما هى روفيده والبنات مش هنا
مامته: لا
مازن: امال فين
مامته: سافرو
مازن: نعععععععععم عملو ايه
مامته: سافرو ايه ما سمعتش وبعدين يلا اخرج خلينى اخلص الغدا قبل ما ابوك ييجى
مازن: ماما انتى ما تعرفيش سافرو فين
مامته: لا معرفش
مازن: يسلام سايبه بنتك تسافر كدا وانتى ماتعرفيش هى مسافره فين
مامته: مازن امشى من وشى لا ارميك بالسكينه فى وشك
مازن: والله انتم هتجننونى
مامته شاورتله بالسكينه وقالت بعصبيه: ماااااازن
مازن: خلاص خلاص انا خارج اهو
خرج مازن من المطبخ كلم الشباب مكالمه جماعيه
مازن: الحقو الوكسه اللى احنا فيها
سيف: فى ايه يلا
مازن: مراتتكم سافرو
ادهم: معلش يا مازن قول كدا تانى اعتقد انى سمعت غلط
مازن: لا يا روحى انت سمعت صح مراتتكم سافرت
مهند: معلش سؤال كلمة مراتتكم دى تشمل مريم معاهم ولا ايه النظام
مازن: ايوووووه تشمل مريم
شادى: هما مهابيل طب وهما سافرو فين
مازن: ولا اعرف حتى ماما متعرفش
ادهم: اكيد مراتك رنا عارفه
مازن: ماهو مراتى رنا معاهم
سيف: ومالك بارد كدا ليه
مازن: اتعديت من شادى
شادى: وهنعمل ايه ناو
ادهم: هنمشى بخطتنا زى ما هى
الشباب: تمام
سيف: سلاموكا ونتقابل كمان ساعه
الشباب: سلام
وقفلو وبدأو خطتهم
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
عند البنات وصلو الشاليه بعد معاناه
وكانو مهلوكين
اول ما فتحو الشاليه اتصدمو الشاليه كان عايز ترويق وتنفيض عشان ينفع يتقعد فيه
كان شاليه مكون من دورين
الدور اللى فوق اربع اوض نوم وحمام ومطبخ صغير
والدور اللى تحت كان تراث كبير بيطل على البحر
وحمامين واحد كبير وواحد صغير للضيوف ومطبخ كبير
وحوالين الشاليه جنينه فيها انواع زهور مخليه الهوا ريحته حلوه وهو ممزوج مع ريحة البحر
روفيده: ايه الحظ ده
رنا: مش تيأسى يا روفى هنضفه بسرعه وهيبقى زى الفل
مريم: انتى يا رولا خدى كرسى واقعدى على البحر عشان التراب وحملك
رولا: تمام ولو احتجتم اى مساعده قولولى
البنات: تمام
وبدأو التنضيف كانو بيساعدو بعض فخلصو بسرعه
الدنيا ليلت فدخلو ينامو لانهم كمان اتهلكو من التنضيف
وفى نص الليل ساره قامت تشرب وسمعت دوشه تحت فى التراث خافت وراحت صحت البنات براحه
ساره: فى حد معانا فى الشاليه
رولا: فعلا ايه صوت الدوشه دى
رنا: تعالو ننزل نشوف فى ايه
مريم: نشوف دول اللى هما مين
روفيده: اللى هو احنا وانتى معانا
مسكت كل واحده منهم اله حاده ونزلو دخلو التراث براحه
وفتحو النور
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
يا ترى ايه اللى هيحصل للبنات وهما لوحديهم كدا
وياترى ايه هى خطة الشباب
هنعرف البارت الجاى
انا عارفه ان كتير منكم زعلان لانى اتاخرت كتير وانا بتاسفلهم وبقولهم هحاول انتظملكم فى ميعاد محدد ومش هتاخر عليكم وانا اسفه تانى مره