Goodbye Girl (Chat MD Series #2)

Day 1828

(Phone conversation)

TUE AT 08:26 PM

Call started.

Jenessy :
Hello? Kumust —

Helga :
Bestie! Kinakabahan na ko! Kanina pa kausap nina Daddy at Kuya si Ash!

Jenessy :

(Laughs softly) Saan sila nag-usap? Hindi ka kasali?

Helga :
Hindi nga nila ko isinali. (Whiny voice) Man to man talk daw. Tapos, idinikit ko yung tainga ko sa pinto ng study room, di ko naman marinig kung anong pinag-uusapan. Baka hina-harvest na yung internal organs niya!

Jenessy :
Hindi naman siguro. Wala naman silang scalpel at anesthetics dyan sa bahay nyo?

Helga :
(Whiny voice) Bestie naman e!

Jenessy :
(Laughs softly) Alam naman na nila na engaged na kayo, di ba? Nagpaalam naman si Ash sa kanila bago ka bigyan ng singsing e. 

Helga :
E? Nagpaalam siya?

Jenessy :
Hala... (Clears throat) (Laughs softly) Oo. Nagpaalam siya. Sinabi niya sa min ni MM ko. 

Helga :
Tss. Kaya kasama kayo hanggang sa proposal?

Jenessy :
Siyempre. Para raw marami kayong picture. 

Helga :
Sabagay... Di naman yun magpo-propose nang walang paalam. Kaya siguro lagi silang magkausap ni Kuya nun. (Whiny voice) E di ano ngang pinag-uusapan nila sa room? Bakit ang tagal matapos? Kanina pa e! Mag-iisang oras na sila e!

Jenessy :
Hintayin mo lang.

(Silence)

Helga :
E ikaw..? I mean kayo ni Marcus? Okay lang kayo? Hindi talaga siya galit na ibinalik mo yung singsing?

Jenessy :
E... (Long pause) Hindi naman siya galit. Napalungkot ko lang. 

Helga :
(Grunts) Bakit mo kasi binalik? Kasi ikaw...

Jenessy :
Nag-usap naman kami nang maayos regarding that. We have to start again. 

(Silence)

Jenessy :
We kind of lost what we had before. We wanted to be stronger and to make sure that we still want each other... (swallows) uh...

Helga :
Sus... Anong ipo-prove e hindi nga kayo mapaghiwalay dun sa UCLA! Sumasama ka pa sa ospital!

Jenessy :
(Giggles) Oo nga e. 

Helga :
Then why? Hindi ka na sure sa feelings mo?

Jenessy :
Sure ako! Pero di ba kasi... yung relasyon, dalawang tao yun na sumusubok at hindi naggi-give up. We kind of gave up... kasi, miss namin lagi yung isa't isa at madaling magkaroon ng misunderstanding kapag long distance. We wanted to try the distance again. Kasi marami pang years yung natitira na posibleng magkalayo pa rin kami. But we got closer naman nung nagpunta ako sa UCLA. Hindi na ko masyadong insecure.

Helga :
Pansin ko nga. So... hindi ka na nasasaktan at nag-i-emote dyan a? No more hurt?

Jenessy :
Ngayon? (Laughs softly) Wala. Masyado lang kaming clingy pareho kaya nagkakaproblema kami before. Tapos, ang pangit pa ng schedule namin last year. Halos di kami makapag-usap. 

Helga :
Kapag may time kang mag-sneak to UCLA, samahan kita! (Laughs)

Jenessy :
Sige! Yi...

Helga :
May apartment naman na run! Yi...

Jenessy :
Si MM kasi... 

Helga :
Yi... Kelegs!

Jenessy :
(Clears throat) Ikaw? Anong plano nyo ba ni Ash? Magpapakasal na agad kayo?

Helga :
Ewan ko nga sa magiging pag-uusap nila e. 

Jenessy :
Do you want it soon?

Helga :
Okay lang sa kin kahit ano. Hindi naman magbabago yung priorities e. Mag-aaral pa siya bago tuluyang bumalik dito. Ako, may voluntary works pa at researches. Saka, baka may gustong ipagawa sa kin si Daddy. We will see.

Jenessy :
Yi... Seryoso ka na talaga sa pagiging botanist.

Helga :
Dati na kong seryoso a! Hmp.

Jenessy :
(Laughs softly) I'm proud of you, bestie. 

Helga :
I'm proud of you, too. Kaso... wala kang balak talaga lumipat sa UCLA?

Jenessy :
Wala. Kawawa si Yani rito at si Nanay. Tinanggap ko naman yung offer ni MM na pumunta sa UCLA kapag spring break niya. Ia-arrange daw sa ospital nila kung pano ako magkaka-vacant. Pero siyempre, hindi ko pwedeng abusuhin yun. Kung ano lang yung appropriate at legit.

Helga :
I know, right. Ikaw pa ba? Tss. 

Jenessy :
Wag ka nang ma-disappoint. Kapag naman hindi ako sasakto sa spring break niya, sasamahan mo naman ako sa UCLA, di ba? Utang muna yung ticket!

Helga :
Sige! Guguluhin natin sila run! 

(Both laughing)

Helga :
Hala! Parang gumagalaw na sila sa loob! Balitaan uli kita mamaya, bestie!

Jenessy :
(Laughs) Okay. Good luck!

Call ended.