“Hindi Jenny ang tunay mong pangalan. Annika. Annika ang tunay mong pangalan.” Hawak pa rin ni Brandon ang braso ng dalaga. Natatakot na baka lumayo itong muli oras na pakawalan niya ang babaeng minamahal.
Nakatingin pa rin ang dalaga sa kanya. Pilit nitong inaalala ang mga sinasabi ng binata ngunit nabigo siya.
“Annika, matutulungan kitang alalahin ang lahat. Pakiusap, hayaan mo ako.” He begged again.
Saglit na nag-isip ang dalaga.
Tama ito, wala nga siyang maalala sa nakaraan niya.
Ano nga bang nakaraan meron siya?
Gusto niya ring malaman.
“S-sige.” Sumang-ayon siya.
Dahan-dahang inilapit ni Brandon ang mukha sa dalaga.
Unti-unti’y isinailalim niya ito sa kanyang kapangyarihan. She started to be hypnotized.
Ang totoo’y hindi niya balak ipaalala sa dalaga ang lahat.
Tatanggalin niya ang lahat ng alaala nito tungkol kay Travis at ang mga alaala lamang ng dalaga na kasama siya bilang isang warrior angel ang ititira niya.
Hindi siya makapapayag na mapunta lamang si Annika kay Travis. Mahal niya ang dalaga at gagawin niya ang lahat upang makuha ito. Isakripisyo nya man ang lahat ng meron siya.
Akma nang gagawin ng warrior angel ang binabalak nang biglang…
Tila isang malakas na pwersa ang pumigil sa ginagawa niya. Hindi niya magawang ikilos ang katawan.
Mababakas naman sa mukha ni Jenny ang pagtataka.
“Hindi ka talaga patas lumaban Brandon.” Nagsalita ang kung sinumang pumigil sa kanya.
“Donna?” nagulantang si Brandon nang makilala ito.
“Ang akala ko’y walang kapangyarihan ang mga Guardian Devils na katulad mo.”
Ngumisi siya pagkatapos, “Ano pa nga bang totoo aasahan ko sa mga demonyo na mga hari’t reyna ng panlilinlang?”
Hindi pinansin ni Donna ang sinabi ng anghel. Ayaw niyang saktan ang sariling damdamin ngayon.
“Bakit kailangan mo siyang ilayo kay Travis? Hindi mo ba nakikita? Mahal nila ang isa’t isa.”
“Mahal? Donna, nais kong ipaalala sa’yo na napakalaki ng pagkakaiba nilang dalawa. Ang anghel ay para sa anghel, at ang tao ay para sa tao lamang. Hindi nila kakayaning ipaglaban ang sinasabi mong pagmamahal nila sa isa’t isa.”
“Hindi iyan ang sinabi mo sa akin noon.” Pinipigilan ni Donna ang maiyak ngunit tila may sariling isip ang mga mata na nagpakawala ng luha. Tears of a broken heart.
Tiningnan siya ng masama ni Brandon.
She looked at him desperately.
Saglit na katahimikan…
“Angel Warrior Brandon, nais kong malaman mo na …nagawa na nila. Nagawa na nilang ipaglaban ang pag-ibig nila sa isa’t isa. At tanggalin mo man ang alaala ni Annika, patuloy niyang maalala si Travis..dahil… hindi kailanman makakalimot ang puso,” mayamaya’y sabi niya. Patuloy pa rin ang pag-agos ng kanyang mga luha.
“At sana’y ganun ka rin,” dagdag niya pagkatapos.
Nagulumihanan si Brandon sa huling narinig.
At sana'y ganun ka rin..
“Anong ibig mong sabihin…” naguguluhan niyang tanong.
I'm inlove with My Guardian Angel ? (Brandon and Donna)
Magsimula sa umpisa
