Hot Nights With An Incubus

CHAPTER 2

Sa hula niya ay babae ang may ari ng kwarto. Bukod sa kulay rosas ang karamihan sa mga gamit na nakita niya, malinis din ang kwarto kahit maraming gamit sa paligid. Lahat iyon ay nakasalansan ng maayos.

Mukhang mahilig sa libro ang bagong nagma may ari ng salamin niya dahil na din sa mga nakasalansang libro sa isang panig ng kwarto.

Ang kabuuan ng silid ay madilim dahilan para hindi niya matanto kung umaga o gabi ang kasalukuyang oras.

Patuloy ang pagmamasid niya sa kabuuan ng lugar ng marinig niya ang pagbukas ng seradura ng pinto at makarinig siya ng boses.

"Oh shoot! Yes, I'm coming over to check the books." narinig niyang saad ng isang babae. "Let's grab a breakfast while we're at it since I haven't had mine yet. I just finish taking a bath." she said and giggled.

Hindi niya matanaw kung ano ang hitsuta ng babae dahil nasa panig ito ng kwarto kung saan hindi abot ng tanaw mula sa salamin. Marahil ay siya ang may ari ng silid. Malakas ang boses ng babae pero hindi iyong tipong masakit sa tenga. Mas tamang sabihin na masigla ang boses nito. Pamilyar sa kanya ang lengguaheng ginamit nito kahit may iilang pagbabago sa tono at salita, sigurado siyang Ingles iyon. Ilang beses na siyang nakarinig ng ganoong lenggwahe.

"Thank you Jackie. See you later."

Mukhang natapos na ang pakikipag usap ng babae sa kung sino man na hindi niya din nakikita ng tumahimik ang lugar. Mula sa pwesto ng babae ngayon ay nakita niyang kumuha ito ng tuwalya at lumabas muli ng kwarto.

Ipinagpatuloy niya ang pagmamasid. Gustong gusto niyang hawiin ang malaking kurtina sa kwarto ng babae para makasilip ng liwanag kung mayroon pang araw o liwanag man lang ng buwan kung gabi na. Noong panahong hindi pa siya nasusumpa ay may paborito siyang lugar kung saan palagi niyang pinanunuod ang pagsikat at paglubog ng araw. Hindi tipikal para sa isang kagaya niya ang gawin ang ganoong bagay, pero nag bibigay iyon ng masarap na pakiramdam sa dibdib niya.

Ilang sandali pa ang lumipas ng makarinig na naman siya ng pagbukas ng pinto. Mukhang nagbalik na ang babae kung saan man ito nagpunta. Napalunok siya ng maglakad ang babae sa harap niya na tanging maliit na tela lang ang nakabalot sa katawan galing sa paliligo. Babalik na sana siya muli sa dilim para hindi na makita ang pagbibihis nito at pahirapan ang sarili dahil wala naman siyang magagawa para mahawakan o madama man lang ito. Imahinasyon man ay parang nalalanghap niya ang mabangong amoy at halimuyak ng babae. Naudlot ang pagbabalik niya sa dilim ng hawiin nito ang basang buhok na tumatabing sa mukha at humarap sa salamin.

Ninya!

Napalapit siya ng husto at inangilan ito. "Ninya! Pakawalan mo na ako dito babae -!"

Naputol ang anumang sasabihin niya ng magsalubong ang mga mata nila at walang rumehistrong pagkakakilala sa mga mata nito. Ilang sandali pa ay napagtanto niya na hindi ito sa kanya direkte nakatingin kundi sa mismong salamin sa tapat ng mukha niya ng kuskusin nito ang bahaging iyon ng marahil may makita itong dumi.

Kumunot ang noo niya ng matignan ang kulay kapeng mga mata nito. Hindi ganoon ang kulay ng mga mata ni Ninya. Bukod pa sa ang mga mata ng babaeng iyon ay animo walang buhay at pakiramdam katulad ng mga mata niya. Tipong hindi mo kailanman mababasa kung ano ang laman ng isipan. Ang babae sa harap niya ay nagtataglay ng mapupungay na mata na parang laging nang aakit. Ang kutis nito ay mala krema at hindi katulad ng kutis ng dating nobya na kulay nyebe sa kaputian. Malaman at makurba din ito. May mapusyaw na kulay tsokolateng buhok na umaabot hanggang sa likod. Tuwid iyon hindi katulad ng kulot na buhok ni Ninya na kakulay ng mata nito.

Hindi ito ang babae.

Pero kung ganoon nga ay sino ito?

Naramdaman niya si Ninya kanina oo pero si Ninya nga ba iyon o ang babaeng ito?