Hot Nights With An Incubus

CHAPTER 2

He felt her.

Tinawag niya ito sa paos na boses.

Ninya..

Wala siyang nakuhang tugon mula dito.

Ilang daang taon na ang nakakalipas mula ng huli niya itong maramdaman.

Nasa paligid lang ang babae at ngayon ay naligalig siya para makita at makausap ito. Sapat na ang ilang siglong pagkakakulong niya para palayain siya nito. Ilang taon na ba ang ninakaw nito sa buhay niya?

Hindi na niya alam.

Tinamad na siya magbilang.

Noong mga unang taon ng pagkaka kulong niya ay palagian ang pagbisita nito sa kanya sa mga lugar na napupuntahan ng salamin. Sinisiguro na nananatili siyang nakakulong. Pero ilang daang taon mula ng huli silang magkita ay hindi na ulit ito nagpakita at nagparamdam sa kanya.

Ngayon na lang muli.

Anong taon na ba sa kasalukuyan?

Ipinasya niyang tumingin sa labas ng salamin. Sa loob ng salamin ay may dalawang bahagi. Ang bukana nito kung saan makikita niya ang lahat ng pangyayari sa labas at ang kalaliman kung saan nababalutan siya ng dilim. Hindi niya na matandaan kung ilang taon siyang namalagi sa madilim na parte ng salamin dahil nabagot na siyang panuorin ang mga mortal habang sinasayang ang kalayaang mayroon ang mga ito.

Iniwasan niya na ding lumabas at magmasid simula ng mapunta siya sa isang bahay aliwan. Palagian siyang nakakasaksi ng mga bagay na dati niyang tinatamasa ng walang humpay ngunit ngunit ultimo ang maka amoy sa mga mahahalingang katawan ng mga babaeng mortal ay hindi niya magawa. Naiinggit at nagpupuyos siya sa galit sa kaalamang tuluyan na siyang nawalan ng kalayaan at kakayahan kahit pa nananatili siyang buhay sa loob ng mahabang panahon. Walang katiyakan kung hanggang kailan ang buhay at pananatili doon. Nakakabaliw ang mag isa. Sobra sobra ang kinuha ni Ninya na kabayaran sa kanya. Hinding hindi niya ito mapapatawad kailan man.

Marami ng nag may-aring mga birhen sa kanyang salamin na aksidenteng nasugatan ang mga sarili at napatakan ito ng dugo pero ni isa ay walang naging kadugo si Ninya sa mga iyon. Iba ibang lugar na ang napuntahan niya. Halos kabisado niya na ang lahat ng lenggwahe bukod pa sa may kakayahan talaga siyang malaman at bigkasin ang anumang lenggwaheng nainisin at marinig niya. Nasaksihan niya na din ang ibat ibang istorya ng mundo na marahil nakatala sa mga aklat ng panahon ngayon. Pero ni isa ay walang nakapagpalaya sa kanya.

Ang hula niya ay sinadya talaga ni Ninya na wag ng magkaroon ng salin lahi at isinakripisyo ang pagkakaroon ng isang pamilya para lang siguraduhin ang panghabang buhay niyang pagkaka kulong. Hindi naman malaking bagay ang hindi pagkakaroon ng pamilya ng isang nimpa dahil sanay ang mga itong mamuhay mag isa at manatili lamang sa mga lugar na pino protektahan nito pero natatandaan niyang iba si Ninya. Gusto niyang gayahin ang pamumuhay ng mga mortal, magka asawa, magka anak. Pero kung iyon nga ang nangyari at isinakripisyo nito ang sariling pangarap para lang makapaghiganti sa kanya ay sadyang nabaliw na ang babae para gawin iyon sa napakahabang panahon. Wala siyang balak na manatili doon habang buhay may birhen man o wala. Gagawa siya ng paraan. Kung paano ay hindi niya pa alam.

Napasabunot siya sa ulo sa galit. Kung sana ay natawagan man lamang niya ang isa sa kanyang mga kapatid bago siya makulong ni Ninya sa loob ay baka sakaling hindi siya inabot ng ganito katagal sa loob ng salamin. Malakas ang sumpang inilagay nito, ilang beses siyang sumubok ngunit palagian lamang siyang bigo.

Sumilip siya sa labas at nakita ang lugar kung saan maaari na naman siyang manirahan ng ilang taon. Medyo nanibago siya sa nakita. Nahahalintulad naman ang mga kagamitan na nakita niya sa mga kagamitan ng huling panahon simula ng huli siyang lumabas sa dilim ngunit may mga ilang kakaiba at kakatwang bagay lang siyang napansin na maaaring mga makabagong imbento ng makabagong panahon.