FRI AT 09:09 PM
Marcus : Just got home.
Jenessy : Hmp. Late na. May mga gagawin ka pang homeworks.
Marcus : It's okay. Friday naman.
Jenessy : Hmp.
Jenessy : Kahapon, sabi mo, okay lang kasi Thursday. Nung isang araw, okay lang kasi Wednesday. Hmp.
Jenessy : Pano tayo magiging doktor niyan..?
Marcus : Haha. I just feel the need to be by your side. At least for this week.
Marcus : Hanggang masanay ka nang kasama ako at masanay na rin yung mga tao na nakikita tayo.
Marcus : I know you worry about the posts.
Jenessy : A...
Jenessy : E... Ganun talaga e.
Jenessy : Wala namang magagawa run.
Jenessy : That's their opinion.
Jenessy : Saka marami kasing may gusto sayo.
Marcus : Hm. You're not bothered?
Jenessy : Bothered. ಠ~ಠ
Jenessy : Feeling ko nga, anytime, may sasaksak sa likod ko.
Jenessy : Pero kasi, kahit bothered ako... kailangan kong tapangan, di ba?
Jenessy : Kahit nakakainis sila... ಠ~ಠ
Marcus : Hm. You matured a little.
Jenessy : Alam mo, kung lumaki kang awkward, isa yun sa dapat matutunan. Yung tanggapin na ang opinyon ng mga tao, opinyon nila. So, kanila.
Jenessy : At kahit minsan, nakakasakit ang opinyon nila, kanila yun kaya dapat pabayaan na lang.
Jenessy : I have to believe in myself a little, di ba?
Marcus : Hm. And you've learned that already?
Jenessy : Nasa process of learning pa rin. Hindi kasi madali ang maging target.
Jenessy : Dati, masakit kasi hindi ako napapansin. Ngayon, masakit kasi lagi naman akong pinapansin. To the point na pinapakialaman.
Marcus : Kaya umiiyak ka nung nakaraan?
Jenessy : E kasi...
Jenessy : Nakakaiyak naman talaga e. Kahit hindi nila direktang pangalanan, alam ko naman na ako yung nasa mga posts.
Jenessy : Kahit nga siguro hindi ako o hindi tungkol sa kin ang post, basta hawig sa nangyayari ngayon, mani-nega ako tapos iiyak, tapos, magmumukmok.
Jenessy : Nung isang araw pa, narinig ko sa banyo na pinag-uusapan ako. Simpleng usapan lang nila kung bakit hindi tayo bagay o hindi dapat magkasama.
Marcus : Sila lang may sabi nun.
Jenessy : Oo. Kaya nga, hindi ko na lang pinapansin.
Jenessy : Saka kasi...
Marcus : Hm?
Jenessy : Ayokong mag-aalala ka e.
Jenessy : At ano... Medyo nagpi-prepare na ko sa long distance. (＞＜)
Marcus : Haha. What exactly are you preparing for?
