Pretending with the Snob (Pyxis #1)

Chapter 6

Para siyang ahas na inaalok ako ng mansanas. What a tempting offer.

But it should be easy right? It's only a pretend, it's not real. And I'll get to drive baby! Kung gagalingan ko ang pag-arte, mapapasakin siya! Kailan pa ba ko makakabili ng sarili kong Cayenne? Baka kapag uugod-ugod na ko.

Humugot ako ng hininga, "Sabihin na nating pumayag ako. Pagkatapos non ano? Magkakadevelop-an tayo? Tapos magkakagustuhan tayo? Tapos magiging tayo? Tapos sasaktan mo ko? Tapos maghihiwalay tayo? Tapos iiwan mo kong sugatan? Gano'n ba, Orange?!" Napanuod ko na sa mga anime ang ganitong eksena, e!

Tumalim na naman ang tingin nya, "What the fuck? Ang drama mo. That'll never happen. You hate me, and that's part of the reason why it should be you. You're not gonna fall for me, you're not the type to easily fall..." his eyes are suspicious. "Or are you?"

"Mukha mo! Hindi ako marupok, 'no."

"Good. I assure you that I'll never fall for you too."

I hear a chuckle from behind me. Si Miles, kasama ang lima pang miyembro ng Pyxis. Kakapasok lang nila sa greenhouse.

"Pumayag na ba si Ali?" tanong pa niya. Kung hindi lang siya cute, kanina ko pa siya nakutusan.

Sinamaan ko sila ng tingin. "Are you all part of this scheme?"

"Nope." sagot ni Aiden, "Nalaman lang namin just a while ago after Aubree left."

Noah nods, "And we don't really disagree with it."

"Kasi kung magpapanggap kang girlfriend ni Tyler, makakasama ka pa rin namin even after the free trial." Hunter says smiling.

"Ayaw n'yo talaga akong malayo sa inyo ano?" sarkastikong sabi ko.

"Of course." says Jacin. "That's how much we like you."

"Tch. Ano, payag ka ba?" balik sungit mode na naman si Orange.

Sinulyapan ko ang kotseng nakaparada ilang metro lang mula sa harap ko.

Baby, I'm doing this all for you.

~ * ~

Nakangiti kong ibinagsak ang sarili ko sa aking malambot na kama. Para akong nasa langit sa sobrang saya. Nakasakay ako kay Baby Cayenne! Hindi ko pa siya na-drive, ayaw pa ni Sungit. Kapag nakapag-umpisa na raw kami sa pagpapanggap namin, at nasiyahan siya sa acting ko, doon ko pa lang daw pwedeng i-drive si Baby. Bwisit siya, bandang huli ako pa ang kailangang sumunod sa kanya.

Si Orange ang naghatid sa'kin dito sa bahay kahit pa labag sa loob niya. Gusto niyang magpanggap kami, edi magtiis siya sa paghatid sa'kin! Kasunod namin ang Pyxis kanina dahil gusto daw nilang malaman kung saan ako nakatira. Sinabi ko sa kanila ang full address ko pero hindi sila kuntento roon, talagang sumama sila.

Ang dami tuloy nakaparada na magagarang sasakyan sa tapat kanina. Hindi ko na sila pinapasok dahil siguradong lalatiguhin ako ni Mama kapag nalaman niyang nagpapasok ako ng pitong lalaki sa bahay habang wala siya.

Tumambay na lang kami sa labas at nagkwentuhan ng mga bagay-bagay. Only then do they realize that they haven't really introduced themselves to me. Nalaman ko lang ang mga pangalan nila through fansite. They're really fun to be with, masaya din silang kausap kahit pa si Noah lang talagang nakakausap ko ng matino.

Pinauwi ko sila kalahating oras bago ang uwi ni Mama, patay kaming lahat kapag naabutan sila ni Mama.

Bumangon ako ng maalala ko 'yung rose sa bag ko. Sari-sari ang kulay ng roses sa greenhouse kanina, bakit Lavender pa ang binigay niya? Alam niya bang may iba't ibang meaning ang kulay ng mga roses? May ideya kaya siya ibig sabihin ng kulay na napili niya? I bet wala.