A Kristine Series Fanfiction: Elisse, Dearest (Completed)

Chapter Five

Napag-alaman ni Elisse na si Vilma'y isang recruiter ng mga G.R.O. para sa iba't ibang mga night clubs sa Manila. Ayon sa bagong kakilala nitong si Sarah, na taga-Santo Cristo rin pala, ay isa sa mga pinakabago't bigating club ang kinaroroonan nila. Malamang raw na ang matalik niyang kaibigan na si Luisa'y dinala sa mas cheap na club bilang isang waitress lang talaga. Pero, 'di lalaon ay mauuwi rin daw 'yon sa pagiging G.R.O. katulad nila.

Lahat daw ng mga babae sa Unicorn ay naroon ayon sa sarili nilang kagustuhan. Ngunit, iba para sa kaso ni Elisse. Siguro'y dinala nila 'to rito dahil wala naman na 'tong pamilyang kailangan pang pagpaalaman. At nakita raw siguro ni Vilma na malaking pera ang iaakyat ni Elisse sa kanilang club dahil sa kakaibang ganda nito.

Ilang sandali pa'y bumukas muli ang pinto ng kanilang silid. Bumungad sa kanila ang isang baklang naka-shades, Hawaiian shirt at puting walking shorts habang nagpapaypay.

Ito marahil ang manager ng club na siyang tinutukoy ni Sarah, Elisse thought.

"Girls!" tawag nito sa kanila. "Oras na ng practice para sa performance ninyo mamayang gabi. Let's go to the dance studio!"

Nakapila ang mga babae habang lumalabas ng kwarto. Nagpahuli si Elisse. Nasa likod siya ni Sarah. Pero, 'di siya nakaligtas sa mapanuring mga mata ni Rikki.

Nang mapadaan siya sa harap nito'y hinawakan siya nito sa baba't tiningnang mabuti.

"So, ikaw pala ang bagong deliver ni Vilma," pinagpatuloy nito ang pag-inspect sa kaniya na tila siya karneng paninda't sinusuri kung primera klase. "Ano nga ulit ang pangalan mo?"

"Elisse po," she replied through clenched teeth.

"Hmm... Mukhang inosente. Pwedeng-pwede. Bebenta ka, dear!" Pagkatapos ay pinalo siya nito sa puwet. "Sige. Go!"

SA loob ng studio ay 'di muna kaagad na pinasali si Elisse. Pinanood muna sa kaniya ang dance routines na gagawin para sa show mamayang gabi. 'Di makapaniwala si Elisse sa nakikita niya. Masyadong mahalay ang kanilang mga steps. Nakakabastos ng buong pagkatao. Tila mas gusto niya na lamang kainin ng lupa kesa gayahin ang mga ginagawa nila. And when they're done with their demonstration, biglang umahon ang kaba't takot sa dibdib niya.

"Okay, Elisse," tawag ni Rikki sa kaniya. "Sumali ka na rito!"

Walang magawa si Elisse kung 'di ang lapitan sila. Nangangatog nitong sinunod ang utos ni Rikki. Muling tumugtog ang maharot na musika. Pero, hininto rin kaagad ni Rikki 'yon.

"Ano ba, Elisse?!" sigaw nito. "Para ka namang virgin n'yan! G.R.O. ka't 'di madre! Lagyan mo naman ng landi 'yang mga galaw mo!"

Tumango lang si Elisse. She blinked back the tears that's forming in her eyes. Naisip niyang kasalanan niya rin naman kung bakit siya napunta sa ganitong sitwasyon. 'Yon ay dahil sa nagtiwala siya kay Vilma.

Pero, kung 'di siya sumama rito'y ano naman ang magiging kapalaran niya sa Santo Cristo? Wala na siyang mukhang maihaharap pa sa mga taga-roon. Maybe, it's really her fate to be pimped. At wala na siyang ibang magagawa kung 'di tanggapin ang tadhana niyang 'yon ng buong puso't kaluluwa.

Muling sinindihan ni Rikki ang awitin, and with a heavy heart, sinabayan na lamang ni Elisse ang saliw ng musika.

PAGKATAPOS ng practice ay nagtanghalian muna sila sa dining area ng tinutuluyan nilang dormitory. Over the table ay napapansin ni Elisse na kanina pa masama ang tingin sa kaniya ni Vivian.