[Seven-Minute Semblance] GODSFORRENT & FIMBULWINTER

Chapter 8 - Lost Four

Futhark.

16. August.
Monday, 6:00 pm.
372A High Street.

JOYEUSE FOUND A LEAD. Kaming apat ay nasa dorm ni Edward ngayon, at natutuwa akong nagtutulungan silang dalawa. Walang asaran, walang pikunan, walang laitan.

Mga sampung minuto na silang hindi nag-uusap.

Si Edward nasa laptop niya. Tinuturo sa kanya ni Joyeuse ang gagawin habang si Joyeuse, may ginagawang mapa sa corkboard ni Edward. Inalis niya kanina ang lahat ng nakapaskil doon dahil hindi naman daw importante.

Muntikan nang magalit si Edward kanina, buti na lang kasama namin si Laevateinn, 'yung matangkad na kasama din pala naming nakakuha ng Tissue Paper of Destiny. Takot si Edward sa kanya, at hindi nakakaporma si Edward, lalo na kapag nakatitig siya.

Si Laevateinn ay nakaupo sa kama ni Edward, habang ako, paikot-ikot sa loob. Wala akong maitulong dahil sinusuyod yata nila ang social media ng mga hinihinala nilang sangkot sa kaso ng nakita naming putol na braso.

Matapos ang ilang minuto ng katahimikan galing kay Joyeuse at Edward ay nag-inat si Edward at nag-anunsyo sa kwarto, "Okay dudes, here's a quick recap on everything happening because I myself got lost in Joyeuse's bullet train of thought."

Ngumiti ako sa kanya at tumango para malaman niyang handa na akong makinig. Lumapit pa ako para makita ang pictures na nakuha niya galing sa paghahanap nilang dalawa ni Joyeuse kanina. Ang nasa screen ni Edward ngayon ay isang picture ni Sir Felipe na nakaupo sa harap ng bahay nila.

Umubo muna si Edward bago siya nagpaliwanag. "The drama queen found a photo of Felipe Bascardo on Facebook, taken last Friday, posted on Bascardo's Facebook account. He's wearing the same uniform as the severed arm we found in the trash bin, and voilà, he's also wearing a fucking bull ring. I mean, what are the chances right?"

Huminga ako nang malalim. "Ibig sabihin... siya nga 'yung nakita nating...?"

"We can't jump to conclusions yet," putol ni Joyeuse. Natapos na siya sa ginagawa niyang mapa at naglakad papalapit sa amin. "Edward Dace, the list of possible victims."

Nagtaas ng kilay si Edward at nagsalita. "Okay dudes, so I "checked" the HR's system and looked up CAS department's faculty and staff. Drama queen said we need to find a professor with the same body built as the owner of the arm and I got four—Bascardo, Andanar, Ducere, and Ortiz. I checked Bascardo, he's missing in action. I checked Andanar, hindi rin siya pumasok kaninang umaga pero nag-online siya sa Facebook kahapon. Imposibleng si Sir Ducere dahil kausap lang natin siya kanina. I checked Ortiz, nag-log in siya kanina sa uni so it's definitely not him. That leaves Bascardo as the one and only victim."

"There are still the questions: where is his watch, if the mark we found on the arm wasn't a watch then what is it, who took that photo—"

Tiningala siya ni Edward at kinunutan ng noo. "I thought it was obvious that whoever took the photo is his murderer?"