:
مَالِمَحتِـك فِي عُيونـْ العَابِرينْ،
يَكفِي إنّك دَاخِل عْيُـونِي أنَـا.
:
،
فياض طيح جواله من يده وهو يطالع فيه مو مصدق عيونه تحرك خطوة
له و سحبه بقوة لصدره .. دفنه فيه وهو يشم ريحته و يضغط عليه
أكثر له وهو يدري أنه يألمه بقوته بس إحساسه انه فقده في دقايق والحين
طلع عنده خلاه يسوي كذا ..
فراس وهو يتمسك في فياض ويحس برجفته : في...حبيبي ..
فياض بعد عنه شوي وضم وجهه وعيونه تدمع : أنت قدامي فراس .
فراس شاف الدم اللي ينزل : شفيك ؟ يدك ..
فياض ضغط أكثر على وجهه فراس : مو مهم أنا أنت م فيك شي ؟
شفيه وجهك كذا أصفر شنو صار ؟
فراس : أعالج يدك قبل شف كي
فياض لصق فيه وباس شفايفه بقوة مع أن بوسته م كانت عميقه و كان
يخالطها شهقات منه إلا أنها كفيلة توصل اللي بينهم ..
ـ
قبل يومين و فراس ساند راسه على سرير فياض في غرفته و عيونه
تدمع ، كان ماسك بيده قميص فياض أشتاق له م يقدر يعيش ايام وهو
م يشوفه شلون بتمشي السنين الحين .. سمع فتحة باب الغرفة و بسرعه
التفت وخبى القميص وراه ..
زيد تسند ع الباب : شتسوي؟
فراس رفع يده و بدا يمسح دموعه : و..و لا شي .
زيد : اشتقت له ؟
فراس رفع راسه لزيد وهمس : حييل ..
زيد قرب من سرير فياض وجلس فوقه : تبيه ؟
فراس استغرب بس هز راسه : ايه ابيه ..
زيد : مستعد تنسى كل شي هنا أهلك و الكل ع شانه ؟
فراس من دون تردد : ايييه انسى نفسي لو تبي بس ... بس هو م يبيني ..
زيد حرك شعر فراس : هو بيموت ع شانك ..
فراس انتفض ومسك يد زيد : فياض ؟
زيد حكى لفراس عن اللي صار قبل ثلاث سنين و عن حماية فياض له
طول الوقت من أمه و خواته ..
فراس رجعت تدمع عيونه وضم قميص فياض له يدري ان فياض حبه
من قلب و مستحيل يقلب هالحب بالسرعه هذي ..
زيد وقف و أتجه للنافذه : تبي تصير وياه ؟ تكون له ؟
فراس وقف هو الثاني : ايه بسوي أي شي ع شان ارجعه لي ..
زيد ابتسم له : لازم تموت ..
فراس جمد مكانه : ا..اموت ؟
زيد : أي شي ثاني غير موتك راح يخلي الحقيرة أمه و خواته يدمرونك
عن طريق السمعه و هذا إذا م لفقوا كلام و أخذوك للشرطة أعرف هالناس
عّدل أنا رح ينهونك قبل م توصل لولدهم ..
فراس فاهم نيتهم ضده بس مو فاهم ليش يموت : بس إذا مت ..
زيد قاطعه : مو تموت بالمعنى اللي فهمته .. فراس صر ميت عندهم
كلهم و حي عند فياض بس ..
فراس و بدا يستوعب كلام زيد : ب..بس .
زيد : بس كذا م راح يتكلمون عنك إللي هنا وبتصير له هناك ..
فراس مسك يدين زيد : م..مشكور ..مشكور ..
زيد حرك شعر فراس : أنت إللي أشكرك .. باقي عمر بس أقول له
ما أبيه يصدق أنك ميت ويصير فيه شي ..
