Her Untold Story

Chapter 15

Chapter 15// Offers

"Anong ginagawa ng lalaking 'yan dito?!" He asked me habang matalim na nakatitig sa lalaking sarap na sarap sa pagkain.

I just shrugged. Do I need to answer his question? I don't think so. . .

"Tell me Fayre, why is this man in you're house? What the hell-- and he's only wearing his boxer short?!" Tinuro niya si Ris na walang pakialam kahit maputol na ang ugat sa leeg ni Zandrex dahil sa sobrang lakas ng pagsasalita niya.

"Kumakain? Hindi ba halata?" I answered. Aba, wala ba siyang mata para malaman kung anong ginagawa ni Ris sa bahay ko.

"Pero bakit lang siya nakaboxer short?"

"Ewan ko sa trip niya sa buhay. Bakit inggit ka? Oh di, magboxer shorts ka din. Haynaku, laki ng problema mo." Pabalang na sagot ko sa kanya. Kung paulit-ulit niyang itatanong kung bakit narito si Ris sa bahay ng napakaaga at nakaboxer short lang, pwes mas mabuti nalang kumain nalang kami. Bahala siyang mag-isip ng kung ano. Kung maiisip man niyang ginawa namin ang bagay na 'yon kahit andito siya 'di mabuti at nang tumigil na siya sa pagsususyo sa akin kahit 'di naman bukal sa kalooban niya. Tang-inang panakip butas na yan oh!

Dumiretso na ako sa tabi ni Ris at umupo habang si Zandrex nama'y 'di parin makamove-on sa nakikitang lalaking bagong gising lang at kumakain sa kusina ng bahay ko. Aba, parang hindi niya napapansin ang sarili niya a, siya itong tresspassing sa bahay ko. Pasalamat nga siya't at nakitulog pa siya sa sofa. Walang utang na loob ang lalaking 'to. Tungunu!

"Ayaw mong kumain?" Tanong ni Ris kay Zandrex na nakangiti. Good job! Galing namang umarte ng lalaking 'to. Pang-teleserye.

Umigting ang panga ni Zandrex. "Oo nga Drex. Ayaw mo? Sarap pa naman 'tong luto ni Ris.The best." Dagdag ko.

"Saka lang ako kakain kapag ipinaliwanag niyo sakin kung bakit narito 'yang lalaking 'yan at ganyan ang suot." Paulit ulit tayo ganon?

"I also sleep here man. Hindi lang ikaw ang pwedeng matulog sa bahay ni Fay." Ani ni Ris. Seryoso narin siyang nakatingin kay Zandrex. Don't tell me may magaganap ng rambulan sa harap ko ngayon? 

'Haba ng hair ng rejoice kaba girl. 'Ba 'yan. Napapakanta tuloy ako.

"Actually, ako ang nagpapunta sa kanya rito para matulog. So, kung pwede move-on na tayo? Tsaka 'wag ng maraming tanong para makakain na. Ikaw, kung ayaw mong kumain 'di wag."

The truth is, humingi ako ng favor kay Ris kung pu-pwedeng matulog siya rito at pumayag naman siya. Una kong tinawagan si Cyan pero hindi niya sinasagot ang tawag ko kaya naman napilitan akong si Ris nalang ang tawagan. I considered him as my friend so naisip kong safe naman akong kasama siya. Hindi kasi ako mapakali na nasa iisang bubong kami ni Zandrex at walang kasama. I felt like it was so wrong.

Hindi parin maalis ang tingin niya sa inosenteng si Ris habang humakbang narin palapit sa lamesa. He still giving death glare pero itong isa naman dedma lang. As if hindi nag-eexist si Zandrex sa mundo niya.

"Next time, 'wag na 'wag kang magpapapasok sa bahay mo ng mga hindi mo naman lubusang kakilala lalo na ang kapag lalaki ito." Litanya niya habang kumukuha ng pagkain.

Lumingon ako sa kanya pagkatapos ay kay Ris na napatingin din sa'kin at nagkibit balikat. "Kaya Fay, dapat talaga ang mga lalaking nananakit sa mga babae'y 'di na dapat pang pinapapasok sa bahay mo kahit matagal mo na silang kilala. Malay natin. . ." Ngumiti ito. Hindi ko alam kong may alam ba siya sa nakaraan ko or what. Baka nagtanong siya kay Cyan.