RomeVsJulie - (PUBLISHED UNDER LIB) 2011

Chapter 39

“Ethan, okay na ako. Ang kulit mo naman eh.” Dinala niya talaga ako sa ospital kahit wala naman akong natamong galos sa katawan. Shock lang ako dahil akala ko masasagasaan na ako kanina. Inilalayan niya ako papasok sa emergency room.

“Hindi ka okay, kailangan mong matignan. What if may bali ka sa buto? May internal bleeding ka sa ulo o sa kata-aaaray!” Binatukan ko siya. Gagets ito! Nag-iisip ng masama sa ibang tao.”Julie naman eh, ‘di ka parin nagbabago hanggang ngayon.”

“Dahil ‘di ka parin naman nagbabago hanggang ngayon.” Sakto namang may lumapit na nurse at pinaupo ako sa wheelchair.

“Ano pong nangyari sa kanya sir?” Tanong ng nurse.

“Muntik ko na siyang masagasaan, but that was an accident.”

“Nurse, I’m okay.”

“Ethan Yu?” Napalinga ako sa paligid. May tumawag ba kay Ethan? “Ethan Yu!”

“Now I’m dead,” ngumiwi si Ethan. “Rome’s going to kill me.”

“Hindi ka nga kasi papatayin nun dahil wala naman siya dito! At saka wala na iyung pakialam sa akin kaya huminahon ka diyan kung ayaw mong ikaw ang ipa-admit ko dito.”

Pagtingin ko naman sa harap ay nandoon si Rome. Whaaaaat?! Si Rome? Napakurap-kurap ako. Anong ginagawa niya sa Ospital at bakit mukha siyang doctor? Humaaygudness!

“Rome,” tinakpan ni Ethan yung kabilang mukha ng kamay niya. “Long time no see.”

“Bakit kayo magkasama ni Julie? And what happened to her?!” Seryosong tanong niya kay Ethan. Bakit mukhang galit ang isang ito. Hindi naman ako tinatapanon ng tingin. Snob!

“Well,” inalis na rin ni Ethan ang kamay sa mukha niya. “Muntik ko na siyang masagasaan.”

“What?!” Now he was looking at me, but please don’t act as if you care dahil kikiligin talaga ako doon promise. Syetes! Bigla ba naman akong binuhat ni Rome at dinala sa isang vacant na higaan sa Emergency room.

Napatitig lang tuloy ako sa kanya peru nang akmang huhubaran na niya ako ay pinag-ekis ko agad ang mga kamay ko. Buti nalang isinara niya ang curtains. Anong gagawin niya sa akin?

“I need to check if there aren’t any wounds in your body Julieta!”

“Tinawag mo akong Julieta?”

“I don’t have time for these, so will you let me check you up para ma-examine na kita kung may natamo ka ngang sugat or internal bleeding.”

“I’m okay,” ngumiti ako sa kanya kasi tinawag niya akong Julieta. Humay! For the pers time after 10 years narinig ko na ulit na tinawag niya akong Julieta. “Hindi pa ako mamamatay,” akmang babangon sana ako nang hawakan niya ang magkabilang braso ko. “Ano?”

“May masakit ba sayo?”

“Bakit magagamot mo ba ang puso ko?”

“Julie,” he sighed. Randam na randam ko yung mainit na hininga niya sa sobrang lapit ng mga mukha namin. “I’m asking about what you feel after Ethan hit you with his car.”

“Okay lang ako,” inalis ko yung mga kamay niya. “Hindi naman niya talaga ako nasagasaan. Muntik lang… na shock lang ako kaya biglang bumigay ang mga tuhod ko.” Matamang nakatitig lang siya sa akin. “I’m okay,” ngumiti ako sa kanya. “No worries.”

“Stay here, I’m going to talk with Ethan.”

I change my mind… hindi ko pala kayang mawala ang lalaking iyun sa buhay ko. Sorry Joy, but if Rome really loves you he would never choose me over you. At kapag ikaw pa rin ang piliin niya sa huli, saka na ako susuko.