My Husband is a Mafia Boss (Season 3)

Chapter 12

"Miss, may small ba kayong ganito?" Wew! Para talagang hindi babae mga tipo nitong tomboy na 'to.

"Para sa inyo po, Ma'am?"

"Hindi, hindi! Para sa 'yo. Gusto mo ba? Ibibili kita."

Pft! Anak ng! Kung makikita niyo lang ang itsura no'ng saleslady, aba'y matinde!

Natawa ako at wengya! Tumingin si Andrea sa gawi ko.

"Andrea! Ano'ng ginagawa mo rito?" Takte! Nauna na akong lumabas at magtanong para hindi ako pagsuspetsahan.

"Paki mo? Ikaw, bakit ka nandito? No pets allowed dito ah."

"Miss, boyfriend mo?" Kinindatan ko 'yong saleslady dahil sa tanong niya.

"Mukha ba akong pumapatol sa unggoy?"

Anak ng! Itong mukhang 'to na nagpauso ng kagwapuhan?

"Hindi ko kilala 'yan," dugtong pa niya.

Wengya!

"Gaano ba kapatay na patay sa 'yo si Mama noon, Papa? Talaga bang natural lang sa babaeng maghabol minsan? Hindi ba nakababawas ng kagandahan 'yon?"

Aba't mukhang may hugot 'tong magandang anak kong si Amber ah na itatanong niyo pa ba kung kanino nagmana? Ehem!

"Sus! Kung usapang habulan lang naman, nangunguna d'yan ang Mama niyo. Siya pa nga mismo ang nanligaw sa 'kin eh."

Niluwagan ko ang necktie na suot ko. Badtrip! Bakit ba ang gwapo ko kahit kailan? Pinagtitinginan tuloy ako ng mga tao rito sa restaurant. Mag-iisang oras na rin akong naghihintay dito. Anak ng! Darating pa kaya 'yon?

"Ano 'yan? Bakit may bulaklak ka pang dala? Sino'ng namatay?"

Pfft. Natawa ako nang makita ko ang suot niyang damit. Naka simpleng t-shirt at pants lang siya. Pero bigla akong pinanlamigan ng kamay nang makita ko ang matatalim na tingin niya sa 'kin at sa dala kong bulaklak at mga regalo.

"Ah—"

Tang*na! Paano ko ba sasabihin 'to. Wengya! Niluwagan ko pa ang suot kong kurbata kasi, shit, bakit parang sumisikip 'tong wengyang necktie na 'to?

"Ano?" pabulyaw na tanong niya.

Nagkunwari akong nauubo para umiwas sa tanong. Tumayo ako at pinaupo muna siya.

"Ha-ha-ha! Ang mabuti pa, kumain muna tayo."

Lintek!

**

"Masarap pala ang pagkain dito."

Kanina pa ako pinagpapawisan nang malamig. Putek! Buong gabi kong sinaulo ang sasabihin ko pero patapos na kami sa pagkain, hindi ko pa rin nasisimulan.

"Hoy, unggoy."

"H-huh? Ano 'yon?"

Tumigil ako sa pagkain no'ng tinawag ako ni Andrea.

"Sabi ko, masarap pala ang pagkain dito. Akala ko, puro saging lang ang alam mong kainin eh."

Tang*na! Masarap ba ang pagkain? Sumubo ulit ako ng isa pa para tikman ang kanina ko pa kinakain. Wengya!

"Ha-ha-ha! Oo naman! Basta gwapo ang pumili, paniguradong pasok sa panlasa ng lahat," sagot ko.

Pucha! 'Di ko naman malasahan eh.