ភក្តីស្នេហ៍🌘(✅)

"ក្តីស្រឡាញ់​ពិត"

ភក្តីស្នេហ៍​🌘
ភាគទី៥៥

«លោកមានសិទ្ធិអីធ្វើបែបនេះមកលើយើង? រឿងរៀបការ មិនមែនជារឿងលេងសើចទេ អ្នកគ្រប់គ្នាដឹងឮហើយ​ថាយើងរៀបការជាមួយជុងហ្គុកមិនមែនឯងទេ!​» ប្រកែកគេមិនចង់​ឈ្នះ ទឹកភ្នែកនាងស្ទើស្រក់​ត្បិតពាក្យរបស់ណាមឆុល​ពិត​ជាចាក់ចំបេះដូងរបស់នាងខ្លាំងណាស់។ មែនហើយ នាងដឹង! ដឹងថាជុងហ្គុកមិនបានស្រឡាញ់នាងនោះទេ តែនាងគ្រាន់តែចង់នៅក្បែរគេ ត្បិតនាងមិនយល់ពីអារម្មណ៍ខ្លួនឯងក៏ដោយចុះ។​

«ខ្ញុំអាចធ្វើបានគ្រប់យ៉ាង ឲ្យតែចៅហ្វាយខ្ញុំអាចជៀសឆ្ងាយពីនាង គាត់មានមនុស្សដែលគាត់ស្រឡាញ់ហើយ ឬនាងចង់ឃុំឃាំងជីវិតគាត់ដោយរៀបការជាមួយគាត់បែបហ្នឹង?»

«បើអញ្ចឹង ហេតុអីគេមិនប្រកែកក្នុងការរៀបការជាមួយនឹងយើង? ហេតុអីមកឲ្យឯងរៀបការជំនួសទៅវិញ?​»

«នាងមិនមែនមិនដឹងទេ​ថាគាត់​គ្មានសិទ្ធិប្រកែកឡើយ ឪពុករបស់នាងគម្រាមដល់​លោក​ប្រធានាធិបតី​រហូត ក៏ព្រោះតែតាមចិត្តរបស់នាងតែម្នាក់ មិនគិតទេឬ? ថានាងអាត្មានិយមកម្រិតណា?»

«ហ្អឹក! បែបណាក៏ដោយ យើងចង់បានគេ ត្រូវតែឲ្យគេមករកយើងវិញ បើមិនអញ្ចឹងទេ​យើងនឹងប្រាប់ទៅកាន់លោកប៉ាឲ្យដឹងរឿងនេះ ហើយឯងប្រាកដជាត្រូវស្លាប់ក្រោមដៃលោកប៉ាជាមិនខានទេ!​» ទឹកភ្នែកនាងស្រក់ដោយក្តីឈឺចាប់ អារម្មណ៍ស្រឡាញ់​របស់នាង​លើសលប់ពេកដល់ថ្នាក់នាងចេះឈឺចាប់ ចេះយំស្រែក។ ថ្វីបើប៉ុន្មានថ្ងៃមកនេះ​នាងត្រូវគិតច្រើន​រឿងឪពុកឈឺផង គិតរឿង​រៀបការផង មិនដែលមាន​គូដណ្តឹងនាងមកអើតមើលនាងឡើយ នាងក៏មិនយកទោសពៃរ៍​ត្បិតនាងស្រឡាញ់គេ​ហើយក៏មិនចង់ប្រកាន់ច្រើន​ព្រោះជិតដល់ថ្ងៃរៀបការទៅហើយ តែគេបែរជាតបស្នងមកនាងបែបនេះ បើមិនចង់រៀបការ​ហោចណាស់ក៏ប្រាប់នាងមុនដែរ​ថាគេមិនចង់រៀបការ នាងក៏អាចមានលេសនិយាយជាមួយលោកប៉ាបានដែរ។​

«គិតថាខ្ញុំខ្វល់ឬ? ម្យ៉ាង​រាល់ផែនការទាំងអស់ជាគំនិតរបស់ខ្ញុំ កុំទៅចោទថាជាអ្នកប្រុស ខ្ញុំជាមនុស្សមានទឹកចិត្ត មិនអាចឈរមើលចៅហ្វាយនាយយំសោកបានទេ នាងក៏ដូចគ្នា បើចង់សុខ គួរតែនៅឲ្យស្ងៀម ហាមទូលពិត ហាមនិយាយអ្វីទាំងអស់!​»