ភក្តីស្នេហ៍🌘(✅)

"រៀបការជំនួស"

ភក្តីស្នេហ៍​🌘
ភាគទី៥៣

ទឹកភ្នែកស្រក់កាត់ផែនថ្ពាល់ជារើយៗ ចិត្តនឹក​និងក្តីស្រឡាញ់របស់គេចំពោះជីមីនគឺធំធេងណាស់ តែគេមិនអាចសូម្បីតែនៅ​ក្បែរមនុស្សដែរខ្លួនឯងស្រឡាញ់ ផ្ទុយទៅវិញគេបែរជាត្រូវរៀបការជាមួយអ្នកផ្សេងព្រោះតែអំណាចម្យ៉ាងគត់។ ជីវតកើតមកជាតិនេះ​អភ័ព្វស្រាប់ទៅហើយកាលដែលរស់នៅដោយគ្មានម៉ាក់នៅក្បែរ ត្បិតម៉ាក់ជាមនុស្សស្រី​តែម៉ាក់ជាមនុស្សម្នាក់គត់ដែលយល់ពីអារម្មណ៍របស់គេជាងអ្នកណាទាំងអស់ បើសិនជាម៉ាក់របស់គេ​នៅ ម៉ាក់គេនឹងមិនបណ្តោយឲ្យលោកប៉ាបង្ខំគេបានឡើយ។​

ណាមឆុលដែលលួចចាំស្តាប់ចៅហ្វាយតាមទ្វារបន្ទប់ដែលបានចំហស្រាប់នោះ គេផ្ទាល់ក៏ទប់ទឹកភ្នែកនឹងអារម្មណ៍ដែលទទួលដឹងពីភាពសោកសៅរបស់ចៅហ្វាយពុំបានដូចគ្នា។ ចៅហ្វាយពិតជាស្រឡាញ់ដល់​រាងតូចណាស់ ដល់ថ្នាក់ថាយំឡើងខ្សោះអស់ពីខ្លួនទៅហើយ អារម្មណ៍ធ្វើស្អីផ្សេងក៏គ្មានព្រោះម្ចាស់​បេះដូងបាត់ដំណឹងសូន្យឈឹង ហើយឥឡូវបែរជាត្រូវរៀបការព្រោះត្រូវបំពេញកិច្ចទៀត ជីវិតរបស់ចៅហ្វាយគេលំបាកពេកទេដឹង?​

តុកៗ

«អ្នកប្រុស ពួកយើងដល់ពេលត្រូវទៅហើយ»

«អឹក តោះ» ឮសម្លេងរបស់កូនចៅស្រែកមកហើយក៏ព្យាយាមក្រោកឡើង​ជូតទឹកភ្នែកចេញរួចក៏ដើរចេញពីណាមឆុលទៅមុន​ស្របពេលដែលកូនចៅក៏ដើរតាមពីក្រោយ។​

ភូមិគ្រឹះទាំងមូលពេលនេះគ្មានស្នាមញញឹមទៀតទេ​ព្រោះចៅហ្វាយនាយរបស់ពួកគេ​ពោរពេញទៅដោយក្តីទុក្ខ​ទៅហើយ ក្នុងនាមពួកគេជាកូនចៅដែលមិនអាចជួយអ្វីបាន បានត្រឹមតែ​សោកសៅនិងទទួលយល់​នូវអារម្មណ៍របស់ចៅហ្វាយនាយតែប៉ុណ្ណោះ។

កូនចៅទាំងអស់ជូនដំណើរអ្នកប្រុស​មុនពេលដែលរាងក្រាស់ផ្ទាល់ត្រូវហោះហើរទៅប្រទេស​អេស្ប៉ាញ​ដើម្បី​រៀបការជាមួយនឹងព្រះនាង​ដារ៉ាលីន។ ម្នាក់ៗគ្មានសម្លេងសម្រាប់តវ៉ាជូនអ្នកប្រុសនោះទេ ទើបបានត្រឹមតែ​ស្រងោះស្រងោច​សោកសៅតែប៉ុណ្ណឹង។​

ចូលមកដល់ក្នុងឡានដោយមានណាមឆុលជាអ្នកបញ្ជាចង្កូត បានចេញដំណើរទៅកាន់ប្រលានយន្តហោះដោយមាន​លោក​ប្រធានាធិបតី​បានរងចាំនៅឯប្រលាននោះស្រាប់ដើម្បីហោះហើរទៅប្រទេស​អេស្ប៉ាញ​តែម្តង។​